牛品台式火鍋

營業中

休息中

第一次去吃這間店，點了牛肉，未到，再點，也未來， 問店員 ，大約40歲短髮沒戴眼鏡男士， 他說去睇睇， 一去不返。 問另外一位 20多歲染金髮的女待應， 佢話幫我睇睇 ，轉頭攞咗七碟過嚟 ，一句話有沒有说，雪究竟我 點的牛肉到齊了嗎 ？唔知道。 食到差不多 ，飽喇，食甜品， 準備埋單，突然間有七碟牛肉放在面前。 咁點算呢，一係 將佢放曬落個鍋 ，唔畀人見，一係食曬去，我選擇食曬佢 ，感覺冇浪費， 呢個服務， 大家接受嗎？

秋風起，開始踏入食蟹嘅季節🦀 牛品最近推出咗新湯底叫嗨嗨蟹鍋，個名幾盞鬼🤣 主角係蟹同貝類海鮮，充滿鹹鮮味，越煮越濃。✨牛御品 $359/位晚市牛御品套餐會送春陽茶事，台式飲品加邊爐，令人開心嘅配搭! 整體肉類款式選擇多，質素唔錯，仲有地道嘅台式小食，皮蛋豆腐、蘭陽糕渣等。甜品有DIY飄雪綿綿冰，親手製作屬於自己嘅台式甜品。先將糖漿倒入機，得到一碗綿綿冰之後可以自由加Toppings同雪糕😝 最鍾意係仙草同愛玉嘅口感，QQ嫩嫩🥸

火鍋是我的最愛（你的最愛有點多🤪），牛肉火鍋放題更愛一點，我血色素有點低，來吃任吃的牛肉火鍋就最適合不過了。這家想來很久了，牛肉品質是有名的高。這晚終於約好朋友衝了。點了牛御品套餐，並且選了新推出的嗨嗨蟹鍋，套餐可以免費升級至這個鍋底。鍋底奶白色，裏面有好多花甲，大大隻。跟湯底是一隻新鮮藍花蟹，再送了每人一隻鮑魚。重點就是牛肉，狂encore。✴️澳洲M5和牛肩胛：牛肉軟滑得來有咬口✴️加拿大頂級牛板腱：肉質爽滑，有咬口。✴️美國牛小排：最喜歡這款，牛味／口感／油脂都恰到好處。✴️頂級美國牛肩胛：比上面M5更有咬口✴️一口和牛：肉質厚實軟嫩，，不過部分有筋。✴️美國卦門柳：牛味最濃，有質感。還有大量自助區的美食，熟食區，丸類區，炸物，蔬菜類。甜品🍨不得不提餐廳的自助綿綿冰🍧。有得玩有得食，還可以自選超過10款台灣直送的toppings，我選了仙草／爆珠／紅豆，綿綿冰口盛綿密，但入口即溶，好像一陣風，只餘冰涼口感，好特別。我們的牛御品套餐，可以免費獲贈春陽茶事的指定飲品一杯，不過我們根本吃不過來，就沒點了。可能年紀漸長，戰鬥力大減，不過幸好牛肉還是可以吃很多。總結，牛肉質素真心高，由第一盤到最後點的

今晚去左牛品打邊爐 120分鐘有四款唔同嘅套餐揀 我哋揀咗牛御品套餐 揀呢個套餐仲會每人送一隻鮑魚同埋一杯春陽茶事 最近做緊大閘蟹抽獎活動 免費做會員就可以抽一次獎 一定會中獎 最少都可以抽中兩隻大閘蟹湯底方面我哋揀咗季節限定嘅嗨嗨蟹鍋 入面除咗有原隻花蟹之外 仲有啲蜆肉我哋揀咗唔同嘅肉嚟試 呢個價錢嘅套餐一定一定要叫 澳洲M9肩胛肉 雪花好靚 我地encore左幾碟仲有試咗 手工蝦滑 頂級美國肩胛肉 加拿大頂級牛板腱 美國封門柳 等等菜同埋丸類 一啲炸物 飲品就喺出面有得攞嘅 建議主力食牛🙊食完牛之後一定要留肚食佢個甜品吧 有部飄雪綿綿冰嘅機 可以自製雪糕綿綿冰 呢度有四款Häagen-Dazs雪糕任食呀！仲可以喺芋圓吧自由加toppings 好多唔同款topping都好齊 淨係玩整甜品都要預返d時間

朋友知我鐘意食牛肉就帶左我黎呢度打邊爐，聽講好多人排隊，又好好食甘，呢間餐廳打邊爐有多款肉類任食，先揀湯底再安排入座，qr code落單好方便，而家叫左牛品既套餐仲送春陽茶事飲品一杯，呢度仲有綿綿冰自己整，雪糕任食，台灣配料任加落雪糕度好正，小編好鐘意仙草同芋圓既咬口，加埋雪糕岩岩好，自制又好玩，任食仲有台灣丸類多款，牛肉，豚肉唔同套餐都應有盡有，台灣小食仲有炸雞好酥脆，牛肉種類款式多又新鮮，即落單即切。

又黎到打邊爐嘅季節啦🤓10月第一波打邊爐揀咗食牛品😛任食嘅打邊爐，最低限度都要食M9澳洲和牛啦😎所以我就揀咗牛御品呢個set啦😜仲有鮮活鮑魚食Tim😜M9澳洲和牛✨肥瘦適中，肉質夠晒滑溜美國頂級肩胛肉✨肉味香濃，同黃牛相比，相對有咬口美國頂級封門柳✨厚切嘅封門柳，食肉獸最愛加拿大頂級牛板腱✨打邊爐必叫，肉質較爽彈呢度仲有好多台灣直送嘅火鍋配料，必食花枝丸同香菇貢丸😋海鮮類別之中海蝦好爽彈，蜆又夠晒大隻❤️湯底方面，叫咗元氣養生鍋，裏便真係有好多人蔘仔😛飲品除咗有好多款無糖嘅冷泡茶之外牛御品套餐，仲可以叫埋春陽茶事珍珠奶茶、冬瓜茶、烏梅汁等等🥤食到咁上下記得要留肚食甜品😌呢度除咗有四款口味嘅Häagen-Dazs之外！仲可以DIY雪花冰，整完啲飄雪，綿綿冰🍧係旁邊落好多台式嘅配料😍有芋圓、愛玉、仙草、桃膠等等🤓

自從冬天果時嚟牛品食過一次壽喜燒⋯一直念念不忘😛今日再一次嚟到，晚市食第一輪咁啱安排到坐一個自成一角嘅二人枱，幾正喎！今次揀咗元氣養生鍋，湯底內有充滿藥膳味嘅雞件。另外包咗兩隻新鮮活鮑魚，爽口彈牙！牛肉方面，最推薦牛味濃嘅美國封門柳及澳洲M9肩胛肉，滾水落大概10秒就ok。另外套餐內包含加拿大頂級牛板腱、一口和牛、美國牛小排及精選美國牛胸腹等等，選擇眾多。自助bar好乾淨，無論丸類、菜類，甜品及生果都任君選擇。而水蓮菜係限量嘅，要經app order。牛御品送兩杯春陽茶事茶飲，點咗翡翠檸檬綠茶同冬瓜茶。甜品方面，必試柚子味雪糕🍧同飄雪棉棉冰，可以自己DIY加toppings😝🛎️必試指數：9/10🔆

今日同朋友去咗食台灣火鍋，係一間未見過嘅台式火鍋。見到佢有好多牛嘅部位食所以就入去試吓🐮。我哋叫咗海鮮餐🦞，送兩隻鮑魚，都有啲彈牙呀，幾新鮮，唔錯。佢依度食好多嘅牛嘅部位，封門柳係好少見到有火鍋店有得食♨️，不過我就覺得有啲鞋，但係係有牛肉味嘅。但係想重點講吓佢嘅牛舌👅，同埋佢嘅牛小排。牛舌好爽脆👍；牛小排，肥瘦均稱，嫩滑又有牛肉香味，推介大家都點一嚟試吓🥰。另外佢都有好多可以即食嘅小食，特別推介係有麻辣魚皮🐟、鴨血🦆、同埋炸花枝丸🐙。食完之後當然要食返啲甜品，佢好好玩，有得自己整綿綿冰，跟住佢地既步驟就可以，仲有好多嘅topping可以加落去，大家可以發揮自己嘅創意。如果冇乜創意嘅，可以食返佢哋有嘅Häagen-Dazs雪糕🍦，有藍色馬卡龍嘅雪糕，好特別又好少見嘅味道，另外士多啤梨🍓都係我食咗幾次嘅雪糕。食完之後真係好飽好滿足。地址: 尖沙咀樂道32-34號1樓@chillchill_aloye#牛品@牛品#任食火鍋#牛舌

若果你是在尋找具性價比的台式牛肉火鍋放題，尖沙咀的牛品必是你的不二之選。先說說配菜，無論是芋圓仙草自助甜品吧，或是鴨血香腸等台灣小食，均是尋常菜式卻能做出色的味道，叫人倍感驚喜。再來到重中之重的牛肉片，也是在同價位之中，做到冠絕同行的境地，每每都能大快朵頤。最後在火鍋湯底方面，可說是既有齊主流款式，又不缺偏門口味，任君選擇；若然配上駌鴦鍋，層次更豐富，更上一層樓。寒意漸近之時，秋冬交際之間，如若行在尖沙咀的街道上，不妨走進牛品，享受一場味覺盛宴。

平時都好鍾意打邊爐，特別係放題，因為唔洗就住食，想食乜就食乜，而且又有高品質各款牛既部位、羊肉、豬肉、雞肉，仲有海鮮。今次🐷又搵到正既火鍋放題，兩位＄359仲有每人一隻活鮑魚，平時一定打沙嗲湯底，今次反而試左新出既嗨嗨蟹鍋，成隻蟹响湯底再加上店員响我面前即場放成碟多份量既卜卜蜆。湯底勁鮮甜，必推👍👍食材好多都台灣直送，打邊爐仲送台式手調飲品春陽茶事💚平時餐廳甜品不外乎雪糕，但呢度有自製沙冰，🐷未打邊爐就整左個愛玉、芋圓、涼粉黑糖沙冰，甜度可以自己調味，食飽仲有Häagen-Dazs 雪糕。

牛御品（19:00-21:00)@$359冇諗過咁多款式，肉類海鮮類，出邊自助區火鍋料同埋熟食🍲首先每人送上一隻好大隻既新鮮活鮑魚！湯底好好彩，試到只係出咗三日嘅嗨嗨蟹鍋！！真係成隻大蟹喺入邊，仲有好大嘅花甲，湯底用薑蔥糖芹去煮到好香，又清又鮮甜～～澳洲M9肩胛肉,頂級美國肩胛肉,一口和牛,加拿大頂級牛板腱,精選美國牛胸腹,美國封門柳,牛脷心托,美國牛小排熟悉喺出邊有得攞，又有得喺QR code點，叫咗台式火鍋必食嘅麻辣鴨血，真係非常之嫩滑而且佢嘅麻辣係超惹味，辣得過癮！仲有叫咗台灣香腸真係台灣嘅味道仲要一條已經切開四五份好方便食～仲有我最鍾意嘅海鮮，有青口，蝦，蜆，鮮滑黑魚片，啲蝦好鮮甜，魚片就好嫩滑！另外仲有鹽酥雞,皮蛋豆腐,台式滷水豬耳，燉湯等等，真係一個肚試唔晒！除咗出邊除咗汽水任攞之外，而家仲做緊優惠同埋食晚市牛御品套餐會送春陽茶事茶飲，叫左珍珠鮮奶茶及金桔檸檬🍋好解渴清新，非常之抵甜品有Häagen-Dazs雪糕，仲有唔係周圍有嘅DIY飄雪綿綿冰, 有得食有得玩見到好多小朋友鍾意，另外連台式傳統甜品芋圓都有，設有芋圓吧，可自由加toppings /雪糕 🍧真係要嚟多幾次先食

一個人都可以食得豐盛！今日係尖沙咀做完嘢後，好想食打邊爐，見到午市定食套餐75分鐘都係90元多，二話不說就入場。店鋪要上一樓，上到去餐廳非常之大，座位好多，食物種類好多，入座前在前台先選好湯底同埋要邊兩款肉類，我選了加拿大頂級牛板腱同埋西班牙栗飼豬梅肉，配花菇昆布鍋。沿住bar枱全部都是可取的，有：～火鍋配料吃到飽～小食吃到飽（自助台灣夜市熟食區食物）～甜品吃到飽-自助芋圓甜品吧～飲品免費任飲（不包括酒精類飲品）最特別嘅係呢度有一部DIY飄雪綿綿冰，跟住指示做，操作簡易，整好後就可以去芋圓吧自由加toppings或者雪糕，可以自己動手整到台式甜品真係超開心另外係枱面見到，原來晚市點「牛御品套餐」會送春陽茶事既茶飲，正👍🏻。加拿大頂級牛板腱同埋西班牙栗飼豬梅肉新鮮好味，蔬菜丸類多款，有爆汁也有餡既，有一種蔬菜叫「心內美」，同埋黑椒豬肚丸、竹輪卷、金沙魚丸都係好好味，記得預留時間去食甜品同埋雪糕。邊聽住背景音樂邊用膳，好似置身台北一樣，絕對適合家庭客/朋友相聚/打工仔同事開餐。

天氣開始涼，即刻約人打邊爐🍲晚市牛御品套餐會送「春陽茶事」台式手搖飲品。揀左烏梅汁甘甜好飲。食左超多碟M9澳洲M9肩胛肉、頂級美國肩胛肉、美國牛小排，牛肉品質好唔錯，碟碟都差唔多，唔會越食越差果隻。好多台灣特送美食，手工蝦滑、魚肚、巷仔蚵仔酥、炸地瓜條，阿在伯高麗菜豬肉水餃，樣樣都好食。記得留肚食甜品，可以DIY雪糕🍦芋圓🍡飄雪綿綿冰🍧，任加9款toppings，紅豆同紫米軟綿香甜一定要食；哈根大師有雲呢拿、士多啤梨、綠茶、藍莓馬卡龍味，實現甜品自由～

今日嚟到呢間牛品，好有驚喜對得住這個價錢，好似牛大人咁，但係冇佢咁多人，食物同服務我都好滿意，嘢食質素新鮮，同埋食物上得好快，服務都好好，今日星期六佢哋都唔係全滿座，我哋食完佢都冇即時趕我哋走，俾我地傾吓偈先，我覺得呢一點我好滿意，我最鍾意佢就係有台式甜品任食，希望多啲人支持香港小店，唔好淨係幫襯連鎖店，唔好返大陸食嘢好遠架，留港消費，希望多啲人見到我嘅評價，快啲支持下佢哋快啲打電話book啦，呢間嘢我會再去。

黎到尖沙咀唔知食乜好，路過見有間台式火鍋店，有75分鐘午市定食套餐可以揀兩款肉：有豬、牛、雞，幾抵食咁，一於試下你la⭐️精選美國牛胸腹油花好靚，但係肉又唔會好肥⭐️加拿大頂極級牛板腱肉味好濃，好食👍⭐️柴魚昆布湯湯底好清甜，好香昆布味，正呀自助區有好多野食、野飲、調味料，任你揀，仲有台式小食添，正呀最正、最特別嘅係可以自己整綿綿冰，整完之後仲有一大堆toppings，可以自由配搭，li個價錢仲有杯裝雪糕任食，邊度揾到？