爭鮮迴轉壽司 (已結業)

好少寫劣評但我覺得作一間sushi chain store 又誇國。應該處理好少少衛生因爲我驚食死人。D蓋返用，全部都有積！話哂都係生野，小心D好！個廁所極可怕，M巾廁紙一地都係。吾怪得門市要關禁多間，做外帶都起碼make sure 乾淨D. 吾會再黎

平時都有食爭鮮外帶店，因為覺得便宜又方便，有些食物還可以當小食，買番屋企懶懶食。所以當知道爭鮮開堂食店，心思思想去試，但一直都無機會，直到有日靈光一閃，唔太餓又想食些少野，就諗起可以一試爭鮮迴轉壽司。上到去，等左陣就入坐了，發現其實同外帶店既壽司無咩太大分別，迴轉帶上壽司種類不是太多，比較特別就發覺有海膽軍艦，不過有一半係青瓜，味道一般般青瓜的清甜味比海膽更特出，還有一些青口甜蝦等。差不多食完既時候先知道可以直接問店員有無某一種壽司，但坐位上無壽司菜單，所以係要憑自己經驗去問，可能我去既時候已經有點夜，好多種類都沒有，有點可惜，令我諗起好耐之前既明將壽司。最後得出一個答案，都係食番爭鮮外帶店，兩個人食左唔係太多野，都要百幾蚊，所以都係買番屋企食好。

唔知大家有冇試過，食完一啲野之後，好似食咗陣風咁，唔記得自己食咗乜，又無乜飽腹感。呢次我真係明喇，好奇心驅使下，我步入咗樓上鋪嘅爭鮮店，並且得到一次寶貴嘅教訓。首先講下，爭鮮店的確係偉大嘅壽司鋪，對於比較貧瘠嘅人，好似我呢種無乜錢又要食日本野，最好就係夾夾夾，3蚊件番屋企食。而店鋪版本嘅爭鮮，提供任沖嘅茶包，但個人覺得係無乜味。而壽司款式的確又係店外3蚊件個種，無太大分別（事關我呢個天真嘅人真係太大暇想，以為上咗樓上變成8蚊碟後，或者會大份咗或者精美啲）但事實係你諗多咗喇！唯一有啲唔同嘅係，間唔中都會有小型丼飯、海膽軍艦之類出泥嘅，可能極少數，但其實係可以柯打入去幫你整。呢點係對貧窮線下嘅我算係一種莫大嘅安慰，但除咗呢啲，我望住個迴轉真係諗唔到食乜好。最後都係個句，其實8蚊碟食咗百幾蚊，真係好似食左陣風，無滿足嘅感覺，好奇怪啊。所以味道無唔同之下，我覺得迴轉試一次就夠，下次會去番鋪面夾3蚊件壽司番屋企食會開心啲！純粹個人意見。

得閒冇野做，見到有個大大既爭鮮牌就入左去。真係碟碟8蚊，好鬼正( ̀⌄ ́)我食左8、9碟到，食到勁飽，但又好滿足呵呵呵我之前係其他分店食，吾夠新鮮，香港仔呢間真係環境又正，食物又新鮮。魚生新鮮、帶子新鮮、生蝦都十分鮮甜，好鬼好味食物質素冇得頂！！！Staff服務好，好nice又專業雖然人就吾多，但比到我舒服既感覺⁄(⁄ ⁄ ⁄ω⁄ ⁄ ⁄)⁄環境闊落，吾迫，好乾淨企理。食到好飽果陣，又有自助熱茶斟，飲番杯熱茶可以消消滯，食完舒舒服走人～～我會再黎幫襯

🍣🍣🍣爭鮮而家每逢星期二都只係$6碟，試埋最新的關東煮味道又唔錯喎!咁抵食多幾碟都都唔怕啦！「$6碟🍣🍣🍣」又到星期二啦，梗係去爭鮮啦！不嬲都好鐘意食爭鮮cheesecake 🍰夠平又好食！最近試左新出品既🍎蘋果批同chocolate mousse cake，CHEESE味香滑濃郁, 朱古力味香濃,味道又唔錯喎！

同肥髀嘅晚餐，通常都係壽司，今晚亦唔例外！我習慣搵下有無新店！見到爭鮮新開，當然帶肥髀試下！我之前已經在其他分店試過，肥髀就第一次食！新開張，裝修光鮮，不過要等位，其實仲有空位，不過未執乾淨，全場只有兩個店員，招待唔切終於到我哋，坐低全自助，喜歡呢度嘅茶，用茶包唔係茶粉，比較甘香，又唔會攪唔勻，因限時40分鐘，即刻攞壽司！ 茶碗蒸：賣相得意，真空密封，熱到辣咀！蒸蛋滑就滑，但無乜蛋味，餸菜只有蟹柳同荀，比較貧乏！ 魷魚壽司:魷魚滑身少許韌！唔腥，一碟三件太多！芝麻八爪魚:八爪魚彈牙，味道正常！三文魚刺身：味道正常唔腥赤貝壽司：一碟只有一件！赤貝厚肉，爽口彈牙，唔腥！玻璃蝦壽司：蝦肉爽口！無腥味！甜蝦壽司：蝦幾甜！但唔爽口！花之戀：一碟只有一件！味道正常！魚子幾多！沙律醬多咗啲！以上呢幾款在迴轉帶上自取！ 黃金魷魚：魷魚彈牙！魚子同紫菜卜卜脆！ 蟹子軍艦：魚籽紫菜卜卜脆！ 海膽軍艦：海膽無乜味！紫菜青瓜脆！ 三文魚子軍艦：三文魚子及青瓜卜卜脆，三件太多！三文魚壽司：味道正常！唔夠肥！全橙色！都無乜油脂！芥辣八爪魚軍艦：八爪魚彈牙！芥辣唔攻鼻！紫菜已經唔脆！子薑：爽脆以上呢幾款係想食迴轉帶