爭鮮迴轉壽司 (鯉魚門廣場)

油塘的爭鮮迴轉壽司員工好好👍食物質素也很高，迴轉壽司帶上沒有的話，可以叫店員同廚房師傅講，即刻整出來😉今次食左蟹膏蝦壽司同埋芝士蝦壽司🤗店員拎上檯時還有燒過的香味…查看更多

去啲高級日本料理，食件🍣都可能要幾舊水，但其實而家有好多平靚正既平民🍣店，唔計食材質素，其實味道唔會輸好遠。始終☝🏻件高級頂你幾餐平民，識計CP都會試過，爭鮮👍🏻其實以前我唔鍾意食爭鮮，覺得佢啲🍣唔新鮮，唔好味⋯ 但最近食返，改寫左我對佢既睇法。佢地不斷創新研究，有好多新款既口味搭配都好出色👍🏻坦白講，爭鮮係食材方便確實係有進步空間，但佢地創新同味道搭配方面的確出色，好有誠意👍🏻。如果大家一個人食飯，想食🍣又諗唔到去邊間，不妨平平地試下🤗！…查看更多

疫情底下夜晚冇咗堂食，好彩有開門做外賣，因為依種即叫即整嘅芝士飛魚子軍艦係最好食🤤。去到唔算多人，有四五個人喺度寫外賣紙，不過我有目標咁去買，所以我就可以打咗四五個人尖🤣，因為我已經揀完佢哋都仲喺度揀緊😆。等咗大概15分鐘就有。一番到去梗係即刻開餐啦🤤。嗌咗芝士飛魚子軍艦之外，嗌多個花之戀，腐皮壽司再加個甜品。芝士飛魚子軍艦，一件擺落口，芝士味爆滿，咬落去飛魚子撲撲聲咁響，正👍🏻。花之戀壽司，擺落口滿口沙律醬，好滿足😆。忌廉泡芙，薄薄嘅忌廉皮包住滿滿既忌廉，好full啊。食完呢餐好滿足即刻飽晒😆…查看更多

壽司店有好多間，有時知名既，但未必啱食，但係平價既，又會搵到佢既優勝之處，所以真係各適其適。我自己都幾ok爭鮮，因為我通常專攻幾款壽司。芝士飛魚子壽司。呢樣係唔太多地方有既一款軍艦，‼️夠凍，係好緊要:)。芝士本身已經同飛魚子混為一體，雪凍之後飛魚子食落口係卜卜聲咁爆，而芝士味依然保持香濃。真係無敵炸蝦天婦羅壽司。炸粉唔厚，如果你好彩遇到新鮮整起嘅話，嗰隻蝦係微暖，唔會係凍哂嘅，本身蝦天婦羅已經有味，再加上個一小點沙律醬，味道係幾夾。火炙蝦壽司。基本上所有嘢都係熟嘅，然後再加工。熟蝦本身冇乜味道，不過好彩有芝士同沙律醬搭救，成個效果又唔同晒。‼️‼️如果喺壽司帶見唔到自己想食嘅壽司，可以同職員講想要咩壽司，然後師傅就會出落壽司帶，其實都唔錯㗎。…查看更多

琴晚同屋企人去食晚飯，諗唔到食乜，就決定咗去食爭鮮。咁其實爭鮮嘅食物我哋都好熟悉啦， 不外乎都係嗰啲嘅壽司🍣。我覺得幾好食嘅就係呢個熟三文魚壽司（第一張圖），三文魚上面嗰啲應該係七味粉。平時係外帶店係食唔到嘅，個熟三文魚又幾滑喎。除咗呢個壽司我覺得最好食嘅就係佢嘅甜蝦！！！不過最奇怪嘅就真係佢最新個餐牌，韓式嘅壽司，真係好難食，我食咗佢嗰個咖喱甜蝦，其實兩樣野嘅味真係好唔夾。跟住佢仲有一個係韓式醬加三文魚，難食到一個點，真係唔想再食。避免中伏大家都係唔好去試呢個韓式嘅新壽司啦。…查看更多

#油塘港鐵站 上蓋最近開咗間 #爭鮮 壽司店🍣 每次行過去睇 #中醫，路過 #壽司店 都會見到一條長長嘅人龍，所以我都冇諗過要去試。呢日返到公司諗住claim醫療保險，點知原來 #醫師 唔記得幫我喺單上面蓋印，我唯有又走多轉😅呢日我好準時收工，去到 #油塘 未夠18:00，可能時間尚早個關係，只有兩個人喺門口等緊🤪 咁啱我呢日咁啱又未食 #午餐，乘機搵藉口比自己試吓新野。壽司店裏面幾乎都坐滿人客，迴轉帶源源不絕送上 #壽司🍣 不過款式選擇唔多😚 所以淨係 #北寄貝 我都食咗兩碟😆 #刺身 係幾鮮甜嘅，而且食物用具比較新，唔似得舊店有一個個 #壽司飯印 喺碟上面，令 #小秘書 聯想起啲碟似未洗又不斷循環再用😅 不過都係果句啦，收你$8一碟壽司... 想點啫😆…查看更多