爭鮮外帶壽司 (美孚新邨)

營業中

休息中

一向都好少食爭鮮 因為好似唔太乾淨🤣對上一次都應該係幾年前 不過佢最近出咗個全新柚子系列嘅壽司 成功吸引到我去食😌.📌柚子墨魚甜蝦盛 $28除咗帶子之外 我都好鍾意食刺身蝦🦐面頭係三隻細甜蝦 再加一片花枝同一塊紫蘇葉🤤蝦比我預期中鮮甜😎第一次食花枝 好爽口煙韌 帶點滑潺潺嘅口感 通啲蝦又幾夾💓最唔鍾意就係塊紫蘇葉 雖然加咗之後賣相係高級啲 不過佢個味太搶😢佢寫住有柚子 但係食落完全唔覺🤣壽司飯就麻麻啦 同想像嘅一樣唔好食😳佢整到好實淨又大舊 個醋味都一般🤥唔講啲飯嘅話 其實係好食嘅😎.📌柚子燒炙比目魚 $28第一次食比目魚 個味同質感又唔錯喎🤩好大片又夠厚肉😎不過其實食落都似普通嘅魚片 冇乜炙燒味🤣今次飯同魚嘅比例就好啲喇😚雖然舊飯都係唔好食嘅😟呢款面頭加咗pat柚子醬 終於符合番個名🧐但係個味太甜 唔夠清新 好搶個魚嘅鮮甜味😩所以我冇加埋一齊食🙈

通常屋企無人煮飯，得我自己食個陣就會懶得煮，直接落街買外賣。咁啱突然好耐無食壽司，所以就買爭鮮啲刺身飯，加上佢好平，份量又唔會太多，啱哂我自己一個人食👍🏻😆佢呢款飯有好多三文魚，好好食！

今日補完習有啲肚餓，行過見到有間爭先就入去買啲壽司充飢啦。發現有新便當，仲要捐多一蚊比跟腱協會做善事，我就梗係支持下啦！咁佢個便當就有兩款嘅一個係烏冬加玉子壽司，但係我就比較鍾意食冷麵，所以揀咗個冷麵跟燒魷魚壽司。拎個便當返屋企路程大概半小時，但係返到去打開依然係非常之新鮮。佢個冷麵係附送一包冷麵汁嘅，咁我就到晒落去啦，但係發現有啲鹹，所以提醒大家最好留返起啲面先至食，或者唔好到晒啲冷麵汁。第一次食燒魷魚壽司，我自己覺得有啲比較難咬不過都OK。下次有機會試吓個烏冬同埋玉子壽司嘅版本先！

時不時買個外賣都幾好爭鮮的價錢好實惠，味道質素系還可以，好岩外賣返屋企邊睇電視邊食 芝麻八爪魚15蚊，其實同其他回轉台質素差不多抵！滋味三文魚卷24蚊，一盒總共八粒，好扺食，味道普通，平均3蚊一粒，總想點帶子壽司：一盒總共6粒，平均4蚊一粒，不過帶子是薄切，冇辦法了，真的系平嘛什錦壽司：一共10件，平均3蚊一件，ok啦三文魚鬆卷：一盒總共8粒，平均2.5一粒，飽到你笑帝王蟹柳22蚊5件，蟹柳夠厚，好味！

今天去美孚逛街，見海報的火炙五貫盛吸引，打算買外賣吃，可惜已售完⋯ 而平時必買的花之戀拼盤也售完⋯ 常買的三文魚Sushi拼盤的三文魚白線很幼，不夠肥美唯有放棄⋯最後決定買$3件壽司，目測只有一件肥美的三文魚照殺；中華沙津酸味適中醒胃；櫻花蝦略帶甘甜味；螺肉蒜香味濃郁且彈牙。飯軟硬度適中，同其他分店一樣不會雪得太硬。這間比其他分店細及略遜色，原本想食的Sushi售完，$3 Sushi 又少refill，選擇不多，不過價錢大眾化，一分錢一分貨，整體味道合格，評OK 吧～

爭鮮分店愈開愈多，以低價吸引顧客，我也被吸引一試。海鮮大丼飯$38，價錢低，海鮮顏色亦吸引。 飯味較淡，略硬。  海鮮刺身種類亦多，包括三文魚、吞拿魚、北寄貝、帆立貝、甘海老等，雖然談不上新鮮、肥美，但這價錢還想要求甚麼呢？

記得約兩年前驚訝排長龍嘅壽司連鎖店,相繼响某一些地鐵落腳, 自去年起聖誕大食會超佳印象後,已經相當快速增長嘅壽司連鎖店就响舊屋村美孚引來長龍: 是夜就輕便買晒自家喜愛的款式每項細味: 最佳出位的莫過於希靈魚 (Japan Herring) 彈牙新鮮多少海水鹹香味, 竟然一改以往sunflowerting唔鍾意佢嘅似膠樣子 其他例如三文魚, 蟹柳小卷, 海苔, 鰻魚壽司都幾好, 但係北寄貝, 螺肉, 就唔算突出, 反而今次最差係小帶子, 十分腥而無味 一般嘅機製壽司: 都要接受佢係"散散地", 但仍待改善嘅係太多醋,飯粒太酸啊 而且軍艦嘅紫菜亦唔會脆 !