爭鮮外帶壽司

營業中

休息中

今日10:30見佢開左門就入去買，可能剛開門，壽司好整全。今次買左12件自己夾壽司，1盒腐皮壽司，1盒三文魚壽司，1件三文魚手卷，1件軟殻蟹手卷。直得一讚！軟殻蟹手卷好香又有沙律醬....................又平$9其他都好好食因為趕時間，見無人先入去買，但埋單時個收銀員慢吞吞，比平時其他間的慢一望倍，唔知係咪剛開鋪未精神..........................激死！！！！！

平平地想食壽司,咁去爭鮮啦款式都幾唔算少,但本人比較鍾意食三文魚壽司今日出既三文魚都唔算差,都幾肥美下見仲有關東煮,買左D黎食下,好少外賣有埋關東煮賣3蚊1件,都唔算貴,可以買多幾款黎食

爭鮮真係一間外賣非常方便嘅壽司店，每次肚餓都會走入去買返10件黎食，最鍾意就係鰻魚壽司估唔到＄3嘅價錢都可以有呢一個享受我真係好希望爭鮮，可以開多啲分店我係住將軍澳嘅就要去到調景嶺或者坑口先可以食到，希望可以喺將軍澳站增設店鋪。

今日午餐個飯盒分量比較少，所以放學去 同學生補習時覺得有啲肚餓， 四周搵一啲比較健康嘅下午茶， 一個人食唔想食成個大家樂或者大快活嗰啲下午茶餐， 呢個時候咁啱經過爭鮮💕 第一次見到有小蕃薯買😱$12 雖然比起街市貴唔知幾多倍，但佢可愛嘅樣已經擄掠了我嘅心😻見到佢鮮艷嘅紫色令我口水流個不停， 細細粒圓碌碌脹卜卜好可愛呀😍😍😍一打開個盒蓋已經聞到好香嘅番薯味， 係自然嘅香氣呀🌱🍠， 好過食燒賣魚蛋腸仔嗰啲人工食品。一咬落去甜味湧出嚟， 唔知佢有冇用糖水煮過， 但我諗大部份甜味來自番薯本身， 明顯食得出唔係砂糖嘅甜。 仲有質感好棉 好軟熟， 有一刻我真係覺得自己喺度食緊番薯蓉， 放入口即溶， 唔駛點樣咬， 睇嚟水溶性纖維都幾高添， 簡直就係下午茶健康之選😎😎😎原來爭鮮依家出咗好多其他嘢食， 連椰子批 芝士藍莓蛋糕 栗子 椰青水都有， 價錢唔係最平，但勝在地點方便又選擇多， 質素都算唔令人滿意， 下次再試下其他嘢食。

我平時我都好鍾意食嗰啲三文魚小卷，因為貪佢價錢夠平，而且都有十幾舊。依家佢出咗長條三文魚卷，玉子卷同吞拿魚卷，上次叫佢做特價買一條，就可以半價購買呑拿魚卷，所以兩條加埋都唔使＄15，非常抵，已經夠一個午餐。

因為今晚無人煮飯所以就食樓下嘅爭先外賣壽司發覺原來有幾多質素都好好而且大家都知道價錢絕對平嘅所以特意想來打篇食評推薦下首先我買咗蟹柳小卷我諗係手卷來講蟹柳同三文魚絕對係深受大眾嘅歡迎小卷一啲都唔凍完全唔似雪藏左好耐嘅壽司反而鮮味十足點左豉油中容易入口爭先另外一個好處就係自己決定拎幾多豉油同芥末覺得少見來講唔需要點太多豉油如果唔係會掩蓋左紫菜同飯嘅味道跟住我拎多咗個三文魚手卷好多人會覺得小卷又或者就咁叫壽司會唔飽 所以我自己都建議買返個手卷當然係買自己最鍾意嘅材料做配搭就保證又飽又滿足啦跟住我額外買多左爭鮮嘅果汁 發現佢既然有自家牌子嘅飲品當然買開就順便支持下味道方面有冇好大嘅特別之處不過都推薦大家試吓嘅

1️⃣鐵板花枝佢呢個可能煮得有少少耐所以就好淋，不過佢就勝在夠大塊，而且都可以食得出湯底嘅味道。價格：HKD $82️⃣小貢丸小貢丸雖然好入味，但就因為可能煮得太耐既關係，所以就冇乜口感可言。而且小編亦都食唔出本身小貢丸嘅味道。價格：HKD $83️⃣魚卵棒雖然佢呢個就冇小貢丸咁入味，不過佢裏面就有好多魚子同埋都仲有少少彈牙嘅口感。價格：HKD $84️⃣大黑輪小編覺得佢裏面有好香嘅香料味，所以基本上就唔係煮得好入味，因為香料味都幾重下。不過入口都幾彈牙。價格：HKD $85️⃣關東煮湯底飲落有好清甜嘅蘿蔔味，而且亦夠味。價格：HKD $0（FREE）

三文魚刺身$32海苔明太子玉子燒$16芝士蟹子蝦刺身$38全部加埋九十大洋左右，睇黎放題唔岩我😂我食呢d份量已經好滿足👻甜蝦好爽口好大隻😍比一般玻璃蝦的size仲要大。芝士味唔太食得到，甜蝦配上醬油已經好滿足，一盒有5隻，計番係8蚊一隻左右，價錢都算OK，不過下次若再係自己一個食就未必再買了，除非與人分享玉子燒甜甜地，上面嘅海苔粉好香，係個玉子燒嘅精髓，凍食另一番滋味，一定會再回購吧食三文魚刺身真系好想加七味粉😭可惜屋企先有。講真食過咁多間唔同嘅刺身，我覺得爭鮮雖然平，但如果好彩買到新鮮嘅刺身，我係覺得好好食，可能佢個豉油我特別鍾意！

很久沒吃爭鮮了，在仔細看過各食家的評價後，感覺上海鮮丼的性價比挺高，所以今天午餐就決定外帶海鮮丼回家吃。海鮮丼($48)，如圖一樣很新鮮！重點要說的是希靈魚比坊間的美味，鳴門卷有點硬，乾巴巴的，帶子質素中下，其他都合格。眼見滿是海鮮真的非常吸引，吃的時候擔心飯不太夠，最後卻吃得飽飽的！明太子玉子燒卷($16)，在店裡一看到就二話不說結帳！當然不需期望會有很多明太子，但是這個價錢，這個份量已是非常超值！而味道也很不錯，推薦各食家們一試！

係新都城嘅爭鮮竟然汁左，好吾開心，所以係坑口先買到嚟食，要打返篇食評支持下佢先得。我覺得其實爭鮮係又好食又平，不論外帶或堂食我都好喜歡，堂食可以飲住杯熱茶即拎即食幾正，不過外帶又再平d拎返屋企慢慢食都好好，今日我就買左海鮮大丼飯嚟食，先38蚊，平到笑。先係睇外貌，已經幾吸引，有我喜歡嘅魚生同帶子，開嚟食，飯酸度適中，但有少少太凍嘅飯，所以我放一陣室溫先食，魚生都幾厚切，幾肥美，其實38蚊我都冇要求咁多，飯幾大碗，都幾喜歡食。

探朋友時買壽司上佢屋企食係一個好選擇，而呢間爭鮮嘅地點確實係幾好嘅。今晚就買左一個壽司拼盤 ，68蚊， 入面有三文魚壽司，魷魚壽司，蟹籽壽司，吞拿魚壽司 ，火炙蝦壽司 ，帶子壽司。其中最好食嘅會係帶子壽司， 帶子雖然唔講得上係好大隻 ，但係都尚算厚身 ，而且都幾鮮味幾新鮮 。然後就係蝦壽司 ，幾有咬口幾鮮味。但係佢嗰啲飯就真係不敢恭維啦，林啤啤一啲都唔煙韌 。但係呢個價錢，都算係性價比高，可以一試。

小店不大，只有三個雪櫃放置刺身，壽司和刺身飯。壽司款式亦有不少，３元一件，價錢吸引，自己喜歡的就放入膠盒！今次買了二十多件壽司和刺身飯說真的，壽司味道不是差，但一定質素的確麻麻至於個刺身飯，有帶子有三文魚，份量算多，加上只是三十多元，抵！不過始終一分錢一分貨，將貨就價，想食好鮮又或要高級杭身，就不要到爭鮮了！

Got this seafood cup because it looked fun but it ended up being really messy because the rice was super compressed into the cup that it was really hard to eat. It would be better to use a spoon, but they only had chopsticks.There is not much taste so it relied heavily on wasabi and soy sauce.Feeling queasy after eating it. OOPs

屋企人未番，未煮飯，肚仔餓就落左去買壽司，窮窮地食住爭鮮先啦！$3蚊粒～ 買左6粒！我係三文魚愛好者，如果一田果d，我一定叫曬三文魚⋯但爭鮮呢，老老實實，就有d保留，如果唔係過下口瘾我未必簡佢。買左呢件伏野！佢叫海膽沙律，一咬落去，除左薑味就係薑味～完全食唔到咩沙律咩海膽，最後仲吐番塊薑片出黎！可能係我耐冇食，未見過，就當佢係新口味啦！青醬吞拿魚壽司，青醬好香，香草味豐富，青醬唔單止煮意粉，原來用黎整壽司係甘好食架！口感煙un嘅魷魚好鮮美

其實一直都唔太鍾意買依d外帶壽司,因此好驚唔夠新鮮食完會肚屙 不過今日同朋友一齊買左一盒,又唔係咁差喎 三文魚幾新鮮,望落好有光澤,而且唔算太薄 花之戀好好食,唔太多沙津醬帶子就麻麻,始終無出面既咁好鮮蝦都唔錯,食落鮮味幾夠30件都係60蚊,好抵呀