爭鮮外帶壽司

營業中

休息中

月尾就到了，晚餐也不可以吃得太豐盛，太昂貴的話也撐不住了。我的朋友是這樣告訴我的，他也是有道理的！所以今天晚上我選擇了吃外賣壽司，$3一件，以這個價錢來說質素也是不錯的，始終一分錢一分貨，這裏就是性價比之選。我不建議吃這裏的玉子壽司，但是我推薦吃這裏的三文魚壽司，還有這裏的甜蝦壽司，有時候我也會吃這裏的黃金魷魚壽司。我記得在這裏吃過他的腐皮壽司，感覺不太好，可能不是我喜歡的味道，但是他的三文魚壽司有時候也會很高質素，所以我每次吃這裏的壽司也會選擇吃三文魚壽司！

今日去到地鐵站見到有間爭鮮，在想晚餐吃什麼，見到壽司價錢不貴而且選擇都不少，有平有貴，有款六十多元，最後決定買了一盒什錦壽司盛，價錢三十元有十件不同壽司，有蝦，三文魚，八爪魚….之類，付款後就給了豉油和芥苿，回到家一打開見到蓋上到有個位可放豉油不錯，但太淺放一包豉油已滿，壽司的飯都可以有點散但可接受，沒有醋味，刺身的味淡都新鮮可接受，芥未味都幾重，夾豉油都不錯，以這個價錢過下口痕都不錯，同新鮮程度比心目中好。

今日做外賣仔，順便買幾粒醫肚餓，我試咗個三文魚腩壽司（大塊無燒過嗰隻），結果其他壽司畀細佬一個人食哂🙃 隻魚食落口感一般，切得唔夠厚無計（平嘛），但魚脂滲入成個口，包住舊硬飯，都算係一點點安慰。

今日做嘢做到好晏，一直未食晚飯，然後有好多食肆都差唔多要關門，唔知食咩好，好彩咁啱行過爭鮮，見到佢未關門，於是就入去買咗幾件壽司，帶返屋企食。買咗七件壽司，本來係$3 一件一共$21，但唔知係咪因為太晏嘅原因，佢有八折，折後一共$17，真係好抵食。七件壽司，三件蟹柳壽司，兩件蒲燒鰻魚壽司，同埋兩件粟米沙律壽司，各有千秋。蟹柳壽司點豉油幾好食，粟米沙律壽司啲粟米幾甜，當然你唔可以拎佢同貴價壽司店比較，始終價錢差比較遠，但就呢個價錢來講真係唔錯。

👭爭鮮外帶壽司 (將軍澳)👭扇貝茶碗蒸 $16/2個呢款茶碗蒸簡直係懶人之選，只需買返屋企隔水蒸幾分鐘，就可以係屋企嘆一碗日式茶碗蒸🤪唔好睇佢細細碗，內裡都裝左好多材料！有帆立貝、香菇、魚板，絕對唔hea你🤗雞蛋口感滑溜，好似布丁咁動L🤣雞蛋混合左高湯，所以食落係鹹甜鹹甜嘅味道❤性價比都幾高呀~~推薦度：7.5/10🏠將軍澳坑口培成路15號連理街102號舖🕐10:30am-10:30pm

今日10:30見佢開左門就入去買，可能剛開門，壽司好整全。今次買左12件自己夾壽司，1盒腐皮壽司，1盒三文魚壽司，1件三文魚手卷，1件軟殻蟹手卷。直得一讚！軟殻蟹手卷好香又有沙律醬....................又平$9其他都好好食因為趕時間，見無人先入去買，但埋單時個收銀員慢吞吞，比平時其他間的慢一望倍，唔知係咪剛開鋪未精神..........................激死！！！！！

平平地想食壽司,咁去爭鮮啦款式都幾唔算少,但本人比較鍾意食三文魚壽司今日出既三文魚都唔算差,都幾肥美下見仲有關東煮,買左D黎食下,好少外賣有埋關東煮賣3蚊1件,都唔算貴,可以買多幾款黎食

爭鮮真係一間外賣非常方便嘅壽司店，每次肚餓都會走入去買返10件黎食，最鍾意就係鰻魚壽司估唔到＄3嘅價錢都可以有呢一個享受我真係好希望爭鮮，可以開多啲分店我係住將軍澳嘅就要去到調景嶺或者坑口先可以食到，希望可以喺將軍澳站增設店鋪。

今日午餐個飯盒分量比較少，所以放學去 同學生補習時覺得有啲肚餓， 四周搵一啲比較健康嘅下午茶， 一個人食唔想食成個大家樂或者大快活嗰啲下午茶餐， 呢個時候咁啱經過爭鮮💕 第一次見到有小蕃薯買😱$12 雖然比起街市貴唔知幾多倍，但佢可愛嘅樣已經擄掠了我嘅心😻見到佢鮮艷嘅紫色令我口水流個不停， 細細粒圓碌碌脹卜卜好可愛呀😍😍😍一打開個盒蓋已經聞到好香嘅番薯味， 係自然嘅香氣呀🌱🍠， 好過食燒賣魚蛋腸仔嗰啲人工食品。一咬落去甜味湧出嚟， 唔知佢有冇用糖水煮過， 但我諗大部份甜味來自番薯本身， 明顯食得出唔係砂糖嘅甜。 仲有質感好棉 好軟熟， 有一刻我真係覺得自己喺度食緊番薯蓉， 放入口即溶， 唔駛點樣咬， 睇嚟水溶性纖維都幾高添， 簡直就係下午茶健康之選😎😎😎原來爭鮮依家出咗好多其他嘢食， 連椰子批 芝士藍莓蛋糕 栗子 椰青水都有， 價錢唔係最平，但勝在地點方便又選擇多， 質素都算唔令人滿意， 下次再試下其他嘢食。

我平時我都好鍾意食嗰啲三文魚小卷，因為貪佢價錢夠平，而且都有十幾舊。依家佢出咗長條三文魚卷，玉子卷同吞拿魚卷，上次叫佢做特價買一條，就可以半價購買呑拿魚卷，所以兩條加埋都唔使＄15，非常抵，已經夠一個午餐。

因為今晚無人煮飯所以就食樓下嘅爭先外賣壽司發覺原來有幾多質素都好好而且大家都知道價錢絕對平嘅所以特意想來打篇食評推薦下首先我買咗蟹柳小卷我諗係手卷來講蟹柳同三文魚絕對係深受大眾嘅歡迎小卷一啲都唔凍完全唔似雪藏左好耐嘅壽司反而鮮味十足點左豉油中容易入口爭先另外一個好處就係自己決定拎幾多豉油同芥末覺得少見來講唔需要點太多豉油如果唔係會掩蓋左紫菜同飯嘅味道跟住我拎多咗個三文魚手卷好多人會覺得小卷又或者就咁叫壽司會唔飽 所以我自己都建議買返個手卷當然係買自己最鍾意嘅材料做配搭就保證又飽又滿足啦跟住我額外買多左爭鮮嘅果汁 發現佢既然有自家牌子嘅飲品當然買開就順便支持下味道方面有冇好大嘅特別之處不過都推薦大家試吓嘅

1️⃣鐵板花枝佢呢個可能煮得有少少耐所以就好淋，不過佢就勝在夠大塊，而且都可以食得出湯底嘅味道。價格：HKD $82️⃣小貢丸小貢丸雖然好入味，但就因為可能煮得太耐既關係，所以就冇乜口感可言。而且小編亦都食唔出本身小貢丸嘅味道。價格：HKD $83️⃣魚卵棒雖然佢呢個就冇小貢丸咁入味，不過佢裏面就有好多魚子同埋都仲有少少彈牙嘅口感。價格：HKD $84️⃣大黑輪小編覺得佢裏面有好香嘅香料味，所以基本上就唔係煮得好入味，因為香料味都幾重下。不過入口都幾彈牙。價格：HKD $85️⃣關東煮湯底飲落有好清甜嘅蘿蔔味，而且亦夠味。價格：HKD $0（FREE）

三文魚刺身$32海苔明太子玉子燒$16芝士蟹子蝦刺身$38全部加埋九十大洋左右，睇黎放題唔岩我😂我食呢d份量已經好滿足👻甜蝦好爽口好大隻😍比一般玻璃蝦的size仲要大。芝士味唔太食得到，甜蝦配上醬油已經好滿足，一盒有5隻，計番係8蚊一隻左右，價錢都算OK，不過下次若再係自己一個食就未必再買了，除非與人分享玉子燒甜甜地，上面嘅海苔粉好香，係個玉子燒嘅精髓，凍食另一番滋味，一定會再回購吧食三文魚刺身真系好想加七味粉😭可惜屋企先有。講真食過咁多間唔同嘅刺身，我覺得爭鮮雖然平，但如果好彩買到新鮮嘅刺身，我係覺得好好食，可能佢個豉油我特別鍾意！

很久沒吃爭鮮了，在仔細看過各食家的評價後，感覺上海鮮丼的性價比挺高，所以今天午餐就決定外帶海鮮丼回家吃。海鮮丼($48)，如圖一樣很新鮮！重點要說的是希靈魚比坊間的美味，鳴門卷有點硬，乾巴巴的，帶子質素中下，其他都合格。眼見滿是海鮮真的非常吸引，吃的時候擔心飯不太夠，最後卻吃得飽飽的！明太子玉子燒卷($16)，在店裡一看到就二話不說結帳！當然不需期望會有很多明太子，但是這個價錢，這個份量已是非常超值！而味道也很不錯，推薦各食家們一試！

係新都城嘅爭鮮竟然汁左，好吾開心，所以係坑口先買到嚟食，要打返篇食評支持下佢先得。我覺得其實爭鮮係又好食又平，不論外帶或堂食我都好喜歡，堂食可以飲住杯熱茶即拎即食幾正，不過外帶又再平d拎返屋企慢慢食都好好，今日我就買左海鮮大丼飯嚟食，先38蚊，平到笑。先係睇外貌，已經幾吸引，有我喜歡嘅魚生同帶子，開嚟食，飯酸度適中，但有少少太凍嘅飯，所以我放一陣室溫先食，魚生都幾厚切，幾肥美，其實38蚊我都冇要求咁多，飯幾大碗，都幾喜歡食。