影片
爆辣冷麵今次要介紹元朗一直食開嘅小店依家終於衝出元朗，第一間加盟店喺長沙灣美居中心，味道辣度同份量一樣無變，同總店元朗一樣，依家開喺長沙灣簡直超方便我，佢哋果日開張我都有嚟撐場，加盟店嘅老闆都好玩得，又好靚仔，大家經過長沙灣就要搵下佢哋啦！1.爆撈特選海鮮$88（10/10）呢盒爆撈特選海鮮入面真係勁多海鮮，我叫咗小辣，海鮮包括有魷魚、鮑魚、帶子、帶子裙邊、螺肉、蜆肉、蝦仁、泡菜同中華沙律等，小辣唔會食到流鼻水，都幾啱我食，夠哂惹味，大家除咗叫招牌菜爆多蟹籽冷麵之外，記得要叫呢個爆撈特選海鮮啦！2人總共價錢$88個人口味總評分：10/10@very_spicy_cold_noodles2.0地址：總店：元朗西菁街9號富盛大廈地下89號舖加盟店：長沙灣元州街213號美居中心地下39A號舖Please follow me🙆♂️ @wheelchaireatinhongkong如果鍾意我嘅分享，麻煩請follow我，仲有記得Like同Share！🙏🏻🙇🏻♂️#爆辣冷麵 #元朗美食 #長沙灣美食 #長沙灣 #長沙灣好去處 #元朗 #元朗好去處 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
講真，最近成日聽朋友講「爆辣冷麵」長沙灣分店，終於忍唔住要試下！原來長沙灣呢間係第一間加盟店，總店喺元朗已經開咗8年，人氣真係有返咁上下。今次外賣咗三款人氣菜式：爆多蟹籽冷面、蟹籽沙律同懷舊袋裝冷面，全部都係打卡必備！爆多蟹籽冷面一打開蓋就見到成層橙色蟹籽鋪滿面，真係超吸睛！每啖都食到啲蟹籽爆開，口感勁豐富，冷面爽滑又唔會過硬，配埋少少紫菜，層次感即刻提升。醬汁酸酸甜甜，開胃又解暑，夏天食一流！😋蟹籽沙律蟹籽沙律都好有驚喜，沙律底有青瓜絲、蟹柳、粟米、醃薑，配埋沙律醬，清新又唔膩。蟹籽份量毫不手軟，每啖都食到啲啵啵聲，口感好玩又有層次。🥗懷舊袋裝冷面呢個真係童年回憶返晒嚟！用膠袋裝住冷面，拌勻後食，啲醬汁好入味，辣度啱啱好，唔會太激但又夠刺激。方便攜帶，邊行邊食都得，啱晒返工返學嘅朋友。👜外賣體驗外賣包裝都幾貼心，唔會漏汁，份量足夠，價錢親民。無論係自己食定同朋友share都好方便，唔洗等位，外賣返屋企慢慢歎都得。總括嚟講，「爆辣冷麵」長沙灣分店真係冇令我失望，無論係味道、賣相定外賣體驗都好有誠意。下次一定會再encore！👍
繼續閱讀
之前元朗店喺網上已經好多人介紹呢間爆辣冷麵，個個都講到好好食，自己本身都好鍾意食冷麵，見長沙灣開咗分店諗住近近地去試下。舖頭環境衛生程度一般般，一路排隊都見有啲烏蠅喺處理食物附近飛黎飛去，而且處理食物、包裝食物同收錢都係同一個人，個袋拎上手完全係黐立立，咁可能人手不足都算。點知最失望係，食第一啖已經覺得勁鹹，個味道又唔係好味，食食吓仲覺得好似怪怪地又陣酸餿味，呢個價錢呢個質素，完全唔明點解兩間舖都咁多好評？？？
繼續閱讀
冷麵就食得多但就從來未食過咁難食嘅冷麵！🤨之前係網上見到有人post呢個蟹籽冷麵，仲特登走過一次去，點知冇開門今次又特登過去就點咗呢個蟹籽冷麵所以未試過，真係唔洗試全盒真係得冷麵同埋蟹籽唔夠汁，無蒜蓉或者係小到見唔到勁乾！勁硬！勁淡口！你冇汁唔夠味都算🤷🏻♀️有半盒係「一餅野」咁既麵「一餅野」點食？間野完全無心搞第一次食，唔知係平時水準都係咁定係今次失手？未試過食食下嬲到要打差評已經掉左落垃圾桶希望店主見到改良一下，唔好浪費食材
繼續閱讀
話說有日好想食冷麵，咁諗住問下frd有邊間正啦咁咁岩有人講話之前食過呢間幾正，口痕食一流於是就聽左佢支笛去左試下買左兩盒同屋企人share食，外加一包即場隊～💜爆多蟹籽冷麵 - 中辣 $45🌟：⭐⭐⭐⭐⭐呢個建議大家真係真係真係真係要小心嗌辣，本來我比屋企人訓練食辣都訓練得幾好，但我呢個都要邊食邊飲啤酒先頂得住😂但想講呢個辣係食完好爽，好過到口癮，仲要啖啖都充滿蟹籽完全勁正，話明冷麵咁個冷麵底一定要返咁上下，呢隻麵煮得岩岩好，麵質爽口同埋好夠凍，夏天食簡直係冰火二重奏，件事即刻勁有conflict，不過真心食唔停口，屋企人都好鍾意，讚我買得好！💜爆茜蟹籽冷麵 - 中辣 $50🌟：⭐⭐⭐⭐一睇相就知個座芫茜山係幾咁強勁，一黎到個陣個座山已經忍唔住話正呀，陣味離遠都聞到，都係入口每啖都有爆蟹籽加爆茜，完住成兜啖啖咁食都無問題，加埋芫茜呢單野仲fresh左勁多，鍾意既話係盲買呢盒就可以架啦！！！💜即撈冷麵 - BB辣 $15/3包🌟：⭐⭐⭐⭐因為口痕既我忍唔住，我揀左蟹籽、蟹柳同埋麵底，實行蟹宴咁蟹住食，BB辣對我講黎太小兒科，不過更加試到蟹籽個陣味～我係超喜歡食蟹籽的，完全見到佢落料落到唔手軟，見住佢落都賞心悅哂目！！最後，呢個價錢真心食到飽一飽有突，而家又準備夏天，呢個冷麵真係好適合～Let’s go!
繼續閱讀