影片
爆辣冷麵今次要介紹元朗一直食開嘅小店依家終於衝出元朗，第一間加盟店喺長沙灣美居中心，味道辣度同份量一樣無變，同總店元朗一樣，依家開喺長沙灣簡直超方便我，佢哋果日開張我都有嚟撐場，加盟店嘅老闆都好玩得，又好靚仔，大家經過長沙灣就要搵下佢哋啦！1.爆撈特選海鮮$88（10/10）呢盒爆撈特選海鮮入面真係勁多海鮮，我叫咗小辣，海鮮包括有魷魚、鮑魚、帶子、帶子裙邊、螺肉、蜆肉、蝦仁、泡菜同中華沙律等，小辣唔會食到流鼻水，都幾啱我食，夠哂惹味，大家除咗叫招牌菜爆多蟹籽冷麵之外，記得要叫呢個爆撈特選海鮮啦！2人總共價錢$88個人口味總評分：10/10@very_spicy_cold_noodles2.0地址：總店：元朗西菁街9號富盛大廈地下89號舖加盟店：長沙灣元州街213號美居中心地下39A號舖Please follow me🙆♂️ @wheelchaireatinhongkong如果鍾意我嘅分享，麻煩請follow我，仲有記得Like同Share！🙏🏻🙇🏻♂️#爆辣冷麵 #元朗美食 #長沙灣美食 #長沙灣 #長沙灣好去處 #元朗 #元朗好去處 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
最鍾意食生冷嘢 細個成日都去食一包包嘅冷麵 嗰時睇啲YouTuber去元朗食呢個冷麵都好想試前排喺社交平台見到長沙灣都有分店 終於可以試叫咗一盒包多蟹籽冷麵 真係爆多一夾就會跌晒啲蟹籽出嚟 麵同蟹籽都超級滿🤤佢係同出面一包包嗰啲唔同味 個辣味冇咁單一呢間係惹味啲嘅同埋🧄蒜香味再重啲爆撈特選海鮮 有時未必係想食嗰啲好高級嘅海鮮想食立雜野因為已經買咗個麵 又見有淨餸賣就買左盒😆上面都幾足料 有鮑魚又有墨魚嘴好特別最新奇得意嘅就係佢有一盒西蘭花賣西蘭花係我估用咗鮑魚嗰啲鮑汁佢係凍食嘅上面又有蟹籽好新奇😆
繼續閱讀
最近真係熱到無胃口，有日經過見到呢間新開「爆辣冷麵」幾吸引，試完真係有驚喜！原來長沙灣係第一間加盟店，總店喺元朗已經開咗8年。今次外賣咗三款人氣菜式：爆多蟹籽冷面、蟹籽沙律同懷舊袋裝冷面，全部都好清爽，好啱夏天食！爆多蟹籽冷麵一打開就見到滿滿蟹籽鋪面，夠曬吸睛！蟹籽份量十足，每啖都食到蟹籽係口中爆開，口感勁豐富，冷面爽滑唔會過硬，醬汁酸酸甜甜，開胃又解暑，好啱夏天食！招牌蟹籽沙律沙律配料豐富，有滿滿青瓜絲、蟹柳、粟米、醃薑，袋子裙邊，配埋沙律醬，清新唔膩，口感層次豐富！懷舊袋裝冷麵袋裝冷麵係童年回憶啊！揀左蟹柳、螺肉、青瓜，粟米配料，冷麵吸曬醬汁，撈埋配料一齊食，好滿足。而且袋裝夠方便，邊行邊食都得。
繼續閱讀
講真，最近成日聽朋友講「爆辣冷麵」長沙灣分店，終於忍唔住要試下！原來長沙灣呢間係第一間加盟店，總店喺元朗已經開咗8年，人氣真係有返咁上下。今次外賣咗三款人氣菜式：爆多蟹籽冷面、蟹籽沙律同懷舊袋裝冷面，全部都係打卡必備！爆多蟹籽冷面一打開蓋就見到成層橙色蟹籽鋪滿面，真係超吸睛！每啖都食到啲蟹籽爆開，口感勁豐富，冷面爽滑又唔會過硬，配埋少少紫菜，層次感即刻提升。醬汁酸酸甜甜，開胃又解暑，夏天食一流！😋蟹籽沙律蟹籽沙律都好有驚喜，沙律底有青瓜絲、蟹柳、粟米、醃薑，配埋沙律醬，清新又唔膩。蟹籽份量毫不手軟，每啖都食到啲啵啵聲，口感好玩又有層次。🥗懷舊袋裝冷面呢個真係童年回憶返晒嚟！用膠袋裝住冷面，拌勻後食，啲醬汁好入味，辣度啱啱好，唔會太激但又夠刺激。方便攜帶，邊行邊食都得，啱晒返工返學嘅朋友。👜外賣體驗外賣包裝都幾貼心，唔會漏汁，份量足夠，價錢親民。無論係自己食定同朋友share都好方便，唔洗等位，外賣返屋企慢慢歎都得。總括嚟講，「爆辣冷麵」長沙灣分店真係冇令我失望，無論係味道、賣相定外賣體驗都好有誠意。下次一定會再encore！👍
繼續閱讀
之前元朗店喺網上已經好多人介紹呢間爆辣冷麵，個個都講到好好食，自己本身都好鍾意食冷麵，見長沙灣開咗分店諗住近近地去試下。舖頭環境衛生程度一般般，一路排隊都見有啲烏蠅喺處理食物附近飛黎飛去，而且處理食物、包裝食物同收錢都係同一個人，個袋拎上手完全係黐立立，咁可能人手不足都算。點知最失望係，食第一啖已經覺得勁鹹，個味道又唔係好味，食食吓仲覺得好似怪怪地又陣酸餿味，呢個價錢呢個質素，完全唔明點解兩間舖都咁多好評？？？
繼續閱讀