爆丼屋 (山東街)

營業中

休息中

一路都想食呢間主打刺身丼飯既餐廳，今日喺旺角買完野經過就同朋友入去試一試。🍚點餐時侍應已給我們每人送上一碗麵豉湯暖胃，入面有蜆肉同埋大大小小的配料，好足料呢！💕✨三重大極上丼海膽同埋拖羅疊到成座小山丘咁，份量好足料。海膽非常新鮮，入口即溶仲食到淡淡的海水鮮味，完全唔腥！🐟🐟拖羅既油花分佈均勻，每片都食到濃郁的魚油香，質素真的不錯。👍👍旁邊的蟹肉絲也是相當鮮味，入口甘甜，很適合用來撈飯吃呢！✨夢之丼魚生飯既賣相精緻，紅紅綠綠的顏色好吸引，真喺有種好似發緊夢食緊一碗超豐富既丼飯的感覺。💭💭呢個丼飯有幾種唔同既刺身，有蝦、帶子、油甘魚、拖羅同埋赤貝等等，岩哂我呢啲貪心樣樣都想試下既人。💕刺身全部都好新鮮，一啲雪藏味都無。刺身蝦食落鮮甜啖啖肉，赤貝既肉質亦都爽脆結實。🦐🦐🐚✨荔枝青檸梳打估唔到荔枝加青檸呢個配搭都幾match，既有荔枝的香甜又有青檸的清爽，飲品入面仲有原粒荔枝果肉。🍹✨葡萄柚梳打飲品味道酸酸甜甜的，落左大量葡萄柚果肉，令到口感更加豐富。🍊這裡的刺身質素高有水準，下次會再來試試其他款式的丼飯！👍👍

幾年前已經試過旺角嘅爆丼屋，記得真係好多魚生好吸引，原來最近佢搬咗新舖，所以又嚟幫襯吓。依家係用QR code落單，非常方便，我就睇中咗呢幾款丼飯。落單後，店員先奉上味噌湯。味噌湯入面有海帶、蘿蔔片、油揚、最正係有脹卜卜嘅蜆肉，非常豐富。之後就到勁爆嘅丼飯出場，首先係三重大極上丼。上面有滿滿嘅海膽、拖羅同蟹肉，全部都係較為上價嘅食材。值得一提嘅係店員會將Wasabi放喺碟邊，對於唔食Wasabi嘅我覺得服務尤其貼心。呢個丼飯唔算平，但當你見到拖羅嘅數量，而且用料新鮮，拖羅高質夠肥美，淨係呢幾點都已經值回票價。除咗刺身飯，佢仲有燒牛肉丼，今次就一於試吓未試過嘅重量級燒牛排盛丼。我相信呢度有2-3塊牛扒切成，所以真係非常大堆頭，混合佢哋秘製嘅黑椒汁，送飯一流，非常惹味。 呢杯特飲叫泡泡浴沙冰，個名夠哂gimmick，原來佢係波子汽水味嘅沙冰，上面仲加咗爆谷同忌廉，玩味十足，相當過癮。另外就叫咗杯平實啲嘅荔枝青檸梳打，味道清新唔太甜。食滿$634仲會送一個扣針，食飯有贈品係有驚喜嘅，不過我都唔太清楚係咪有咩collection😅

刺身丼黎講我都幾鐘意食爆丼屋足料大份！今日食山東街分店呢度比起九龍灣分店多出左爆丼牛嘅款式而且飲品仲多好多選擇添！我地都係為刺身丼而來嘅～叫左一個制霸！鵝肝海鮮盛丼另一個海膽親子丼而家變左QR code落單方便簡單而且好貼心鵝肝海鮮盛丼仲可以揀《煎香啲》呢個要求正！啱晒我～刺身丼非常足料堆成小山一樣而且非常新鮮醋飯調味剛好唔夠嘅話仲可以加飯素調味！我嘅鵝肝香煎過後香氣撲鼻加上炙燒帶子嘅香味非常誘人我唔客氣喇～男朋友個海膽親子丼穩陣之選三文魚籽滿滿海洋鹹香不添醬油已經美味非常！飲品方面都有巨大化選擇！我地揀左兩杯制霸魚缸沙冰打卡一流！但有姿勢有實際沙冰細滑～芒果味香甜朱古力味香濃好味！

今日下午放假🐽🐽話好想食刺身飯，我話不如去旺角食爆丼屋，之前食過好正。平日去搵食真係好啲唔洗等位😆一去到已經有位啦！店員print 張單比我哋，自助式落單方便又快捷！我同🐽🐽都諗咗好耐食邊款好，因為好多款式既丼選擇。最後我哋兩個都叫咗「三重大極上丼」三重大係有三款刺身：海膽、大拖羅同松葉蟹肉。真係三重滿足！海膽有兩種日本同加拿大食落兩種海膽都好新鮮同creamy 😋😋😋大拖羅入口即溶啲油脂感好正大滿足！原來配埋個松葉蟹肉一齊食又有另外一種感覺🤤🤤🤤個湯鮮甜又足料！啲蜆肉仲好大粒！制霸魚缸沙冰（朱古力）呢個朱古力沙冰真係好有霸氣。飲到夠哂喉😆日本三得利啤酒-金裝 700ML啤酒抵飲咁大杯生啤都係$48

今日慶祝朋友生日，同佢去左佢想去好耐嘅爆丼屋食晚餐，平時好多朋友食過都成日比d相我睇，個丼飯有幾豐富同令人覺得震撼。哈哈。果然名不虛傳，我地各自叫左個丼，之後決定share 試下。我哋叫左個六重相撲爆盛丼，有滿滿嘅海膽，左口魚裙邊，勁多三文魚籽，蟹肉仲加埋牛油果同黑魚籽，海膽鮮味，左口魚裙邊d油脂夾返牛油果又唔會好膩，不過我建議食呢個丼都唔洗落太多豉油，因為三文魚籽一咬開已經十分濃味，直接配飯就岩岩好了。另外叫左個一番海老蟹盛丼，有鋪滿左成個飯嘅蟹腳刺身之外，仲有好多蟹膏醬同黑魚籽，同2隻你一啖唔會食得哂的牡丹蝦刺身，。成個組合都係刺身類，加小小豉油就岩岩好，仲有青檸點綴一下。。而我咁鍾意食刺身的人，係會原汁原味咁嘆左個刺身先嘅，因為真係好重味同好新鮮。食日本刺身又點會少得清酒呢。。。講真自己都唔係好識飲清酒，但丼飯配酒又點會有違和感呀。。仲要有咁靚嘅清酒杯，飲下食下，傾下計又一晚。。。

聽過呢間爆丼屋好耐，最近終於有機會去到！餐廳的各個丼飯賣相精緻之餘，食物質素都幾好。餐廳都多人去，更加都幾多人去買外賣🍱六重相撲爆盛丼感覺好premium😍，而且性價比非常高，只需$225就有黑魚籽、海膽、鮮蟹肉、牛油果、左口魚群邊、滿瀉的三文魚籽！丼飯上的細細粒海膽非常鮮甜，配上份量頗多且火炙過，入口即溶的肥美左口魚和軟香牛油果，好滿足。🍱四重火山盛丼真係一座山咁高，吞拿魚蓉食落去好滑香，還有新鮮鮮甜松葉蟹肉、大大塊厚實海膽。用醬油味好香且口感飽滿的大魚籽撈飯，啖啖飯都好滿足🥰魚缸沙冰（芒果）真係超超大杯，可以兩個人share，是比較香和creamy的texture，甜度適中。有機會再來食下其他大滿足丼飯🥰

在旺角剛搬了新店的【爆丼屋】，與舊店比較，有更光亮的環境，有更高的樓底，有更寬敞的餐桌及座位，用餐的體驗感大大提升了。中午進場，起初人不多，吃到中段，差不多坐滿，甚多捧場客。爆丼屋賣的是日式丼飯，有海鮮、有海膽、有鰻魚、有燒肉，重點清晰。【三重大極上丼】是非常有滿足感的丼飯，分成三層。頂層是海膽，中間是拖羅(吞拿魚腩)，肥厚卻入口即化的，片數多，能圍著壽司飯鋪成一個山。最低層用蟹肉沿碗邊圍成一圈，蟹肉鮮甜。整個賣相已經是一個震撼彈。另一個【夢之丼】，以豐富剌身種類取勝、帶子、甜蝦、拖羅(吞拿魚腩)、油甘魚、蟹肉、和赤貝。每樣都是鮮味和價高的食材，一次滿足多個願望。爆丼屋提供多款特飲，【泡泡浴沙冰】，大粉藍色，上面一層奶油，再一層牛油味甜爆谷，最適合用來打卡。【芒果沙冰】則是又香又滑，每口都是芒果肉，很實在的一杯。

喺旺角行街經過見到舖面有一張海報吸引住，係一碗堆到似一座山既刺生丼，同朋友決定入去試一試，食完帶住滿足2個字離開。睇menu既時候令人有選擇困難症，因為每一款刺生丼都非常之吸引。三重大極上丼 $398 – 有蟹肉、吞拿魚腩同海膽，實物同圖片一樣，刺生堆到好高，見到都即時嘩一聲。蟹肉好鮮甜， 吞拿魚腩肥美、入口即溶，海膽亦非常甘甜。夢之丼 $278 – 呢一款丼刺生款式多，有甜蝦、帶子、吞拿魚腩、蟹肉、油甘魚腩同赤貝，甜蝦又大隻又鮮甜，帶子好厚肉，油甘魚腩肥美彈牙，赤貝爽口。總括來講，刺生用料高級，絕對足料。再叫多2杯特色飲品，簡直係滿足+滿足!泡泡浴沙冰 $58芒果沙冰 $48

今次再訪爆丼屋 新鋪位光猛咗野食同服務質素都keep倒水準落單後每人會有一碗麵豉湯麵豉湯勁足料 有牛肉 蘿蔔 蜆肉 海帶四重火山盛丼 ($298)丼飯有海膽 拖羅蓉 松葉蟹肉 三文魚子四種矜貴食材份量足 堆到成座山咁高為咗避免山泥傾瀉 要將佢地夾哂上碟海膽都算creamy 松葉蟹肉都幾鮮甜三重大極上丼 ($398)丼飯鋪滿肥美拖羅 上面加咗日本海膽外圍仲有大量松葉蟹肉 賣相都幾唔錯拖羅有油脂香 食落無筋 但切得太薄 唔夠口感日本海膽雖然細啲 但就比另一款飯嘅更鮮甜朱古力魚缸沙冰 ($68)呢杯野食份量大到兩個人都飲唔哂朱古力味濃郁 亦唔會好甜 飲落有層次

餐廳佈置簡潔明亮， 樓底極高，感覺舒適 ，主打日式豪華版海鮮丼飯，引來不少街坊粉絲支持。制霸!鵝肝海鮮丼飯$258客人一坐下，店員先奉上熱燙燙滋味的麵豉湯， 仲好足料添。鵝肝海鮮丼飯，賣相超級 豐富和精美， 有鵝肝、 帶子、 金黃色的流心蛋以及玉子，全部都是我的至愛，鵝肝煎得火候剛好， 外層煎至微脆， 輕輕咬下去，外脆內軟，質感嫩滑，入口即溶的口感， 米飯吸塑鵝肝的油香，格外滋味。 帶子雪白圓潤，帶微微火炙的香氣，鮮甜軟嫩 。表面還鋪上金黃色的海膽， 賣相變得矜貴，鮮甜細膩， 入口棉花，鮮味衝擊味蕾。 脆卜卜的蟹子，鮮味十足 ，一次過滿足咁多款的鮮味刺身， 啖啖是幸福的滋味。三重大極上丼$398泛著橘光的海膽， 柔光亮澤，十分肥美， 濃郁而味道甘甜。 碗邊鋪滿一絲絲的松葉蟹蟹肉， 誘人的鮮甜。 拖羅魚肉， 顏色粉嫩，肥美潤澤， 油脂分佈豐盛腴， 口感柔軟 melty， 沾上醬油，正好突出刺身的鮮味， 鮮味在口中迴盪，深深被它俘虜了!泡泡浴沙冰$58泡泡浴沙冰， 粉嫩的藍色， 十分夢幻，賣相吸睛，清爽香甜，慢慢在口中滲出迷人的奶香，充滿口腔，冰爽吸引。制霸魚缸沙冰(芒果)$68制霸魚

每個丼飯都跟一碗味噌湯材料好豐富 除咗海帶同豆腐仲有蜆肉😋 鮮甜無比四重火山盛丼（$298）什麼都有既丼：加拿大海膽、大大粒脆卜卜三文魚籽、松葉蟹肉，還有拌入清新細膩清拖羅蓉 ，成座小山丘☺️，啖啖都值回票價。三色海膽盛丼（$358）北海道馬糞海膽入口即溶加拿大海膽 厚身有質感韓國海膽鮮甜味美最緊要係好新鮮！滿滿咁鋪晒係飯面，真係嘆為觀止對中海膽毒既朋友嚟講，must try item ⭐️冇諗過連wasabi 好綿同豉油好鮮壽司飯粒粒分明就係配料都咁出色 整體上非常滿足旺角限定制霸魚缸沙冰（朱古力）$68真係大碗到嚇死人 兩個人都勉強飲得晒朱古力味超級濃 🤤 泡泡浴沙冰$58上面係焦糖爆谷 海鹽味既沙冰 好似去左沙灘🏖️

曾經紅極一時嘅爆丼屋，當時社交媒體幾乎日日見到佢嘅蹤影，估唔到咁多年後依然存在，證明有返咁上下實力，今次受朋友引誘嚟咗幫襯!! 😆😆四重火山盛丼 $298海膽絕對係呢個丼飯嘅主角，首先海膽份量好多好開心，然後食落冇腥味冇苦味，入口鮮甜，好耐冇食過咁有質素嘅海膽，撈飯一齊食入口即溶，好正呀!! 😋😋第二最愛就係拖羅蓉，喺中間形成一座小山，食落鮮味十足!! 三文魚籽同松葉蟹肉都好食架，呢個丼絕對係刺身多過啲飯，食完大滿足!! 三重大極上丼 $398有日本產海膽、大拖羅同埋松葉蟹肉，蟹肉鋪滿碗邊，我諗有十片以上嘅大拖羅，大拖羅充滿魚油香，肥美而又油脂豐富，朋友話都食到有幾片有少少筋，但都可以接受!! 老實講大拖羅唔係我杯茶，我鍾意中拖羅同拖羅蓉多啲，所以朋友order我可以食幾片呢個安排非常好!! 🥰🥰制霸魚缸沙冰(芒果) $68呢個size唔係普通大係超級大，芒果粒亦都有雪過，夏天飲佢應該好開心，朋友好努力好努力都係飲左一半多啲，早知share飲都可以!! 青瓜柚子梳打 $38浸住幾片青瓜，所以飲到柚子味之餘亦有淡淡青瓜味，唔太甜幾好!!

旺角搬咗新鋪，裝修夠新。餐廳唔算太大，座位都比較接近。而家用QR code手機落單，相當方便，有圖有詳細資料。丼飯好多選擇，樣樣都好似好豐富！▶️四重火山盛丼吞拿魚蓉、海膽、魚子、蟹肉魚生好多，個碗望落去以為細細地，但其實好多飯，非常豐富非常飽。海膽味道唔錯，鍾意啲魚籽夠鮮，蟹肉及吞拿魚蓉撈飯唔錯。▶️鵝肝海鮮盛丼鵝肝煎得好香好邪惡😋 帶子超級多，又厚又大隻，仲有生蛋撈更加滑。海膽、魚籽每樣都有啲。另外叫咁杯朱古力沙冰超大杯，朱古力味香濃，兩個人飲都非常夠😂

搬左新舖都未食過，今日經過見到就一於去食。四重火山盛丼 $298聽到個名都知個份量多，有海膽、鮮松葉蟹肉、三文魚籽、拖羅蓉，啲配料多到完全見唔到啲飯，海膽新鮮鮮甜，一啲都唔腥，三文魚籽大粒飽滿份量多，配料多過飯真係少見，性價比好高。三重大極上丼 $398海膽、拖羅就咁食都係好好食既材料，加埋一齊簡直無敵，仲有成碗飯都舖漏哂，唔係得一兩件，食得過癮，油脂感豐富，加上醋飯同蟹肉食非常配合。麵豉湯值得一題麵豉湯都非常好飲，上枱時熱辣辣，配料十足，裏面仲有蜆肉，令成碗湯更鮮甜。荔枝青檸梳打 $38 & 萄葡柚梳打 $38兩杯梳打都好好飲，甜度適中，食完大大碗刺身飯再飲返杯梳打就唔會覺得飽滯。

成日都聽朋友話呢間好抵食，性價比高，終於搵到機會試試佢😻！呢間都有啲期待，入到去好新淨，樓底高，感覺都好舒服，唔會覺得好逼！.一黎到有湯飲，呢個湯一啲都唔hea，唔會淡茂茂，仲有唔少餸的～.Menu好多都好吸引，期待左咁耐，豪豪佢🤪呢個三段重大極上丼，圖文相符😻碗邊圍滿蟹肉，驚佢跌哂出黎，所以一定要試左先！好鮮甜，好重蟹味！大家都見到拖羅既份量，真係唔係講笑，油脂分布均勻，頂頂仲有一堆海膽，味道唔腥，絕對冇令人失望！無論係貌相定味道都好高質呀😆.第二碗嗌左鵝肝海鮮盛丼，本身都有啲擔心鵝肝會難食，但呢個果然都係高水準，煎到外脆內軟，仲夠哂厚。帶子係我最愛，大粒又鮮甜🥰份量又多，粒蛋撈埋落啲飯到，一流呀～呢碗都有海膽架！仲有魚子，咩都試到，性價比極高👍🏼！.介紹埋兩杯野飲先！呢到有好多特色飲品，見到隔離檯嗌沙冰，大杯到嚇親！自問飲唔哂果個巨大既沙冰，所以揀左呢款泡泡浴沙冰，好靚又好飲😻最欣賞佢唔會太甜！荔枝青檸梳打就好fresh。強烈建議大家行街行到身水身汗既時候一定要嗌呢啲野飲，飲完爽哂😆！！