爆丼屋 (已搬遷) 新店位置

呢日同幾個朋友行旺角，有人提議食呢間，話IG見過人食，睇相好澎湃，好似好正咁。等左一陣就有位，不過Ｄ位好迫，排得好密，夾響其他人中間，郁下隻手都會撞倒人，唔係咁自在。叫左4個丼Share食，分別係三文魚火山盛丼$128，燒鰻魚盛丼 $148，爆盛慢燒牛肉丼Mega版$188，帆立貝三文魚籽盛丼$178，老實講，旺角泥講味道算唔錯，因為旺角無乜高質日本餐廳。但呢個價位泥講，完全無驚喜，刺身新鮮度OK；個碗好細，Ｄ飯好多，咁Ｄ食材就可以砌得好爆滿好靚，有呃like照騙既感覺，實則d料並唔係想象中咁多。鰻魚唔係話特別肥美，帶子亦唔係JUMBO SIZE，甚至連厚切都唔係，三文魚籽就多既。至於牛果個就食得好論盡，好難handle，但味道唔錯。其實我比到呢個價錢，係expect可以享受美食，味道要好食之餘，環境服務起碼要正常，但當快餐店都比佢闊落比佢舒服，可能需要檢討下，係咪需要為左賺錢將d座位排成咁樣而忽略顧客感受。

約埋鐘意食魚生刺身既朋友一齊去平日既夜晚大約8點到等左3-4張枱就入得由於繁忙時間入去之前已落定單 入去就等上菜🔺火炙左口魚裙邊黑松露醬沙律.蔬果新鮮（沙律菜、車厘茄、牛油果粒）同埋火炙左口魚裙邊入口滿滿油脂香，整碟計都有6-7塊左口魚裙邊. 沙律的醬汁酸酸甜甜唔會搶味清爽又開胃！🔺九州燒芝士魚餅上碟芝士魚餅熱辣辣香噴噴，魚餅口感彈牙有一點點芝士系入面 鐘意芝士既我覺得無咩特別 可以留番肚黎食其他野🔺三色海膽盛丼海膽鮮甜 份量又夠多 確保啖啖都系海膽唔會食到剩底白飯！仲附上2包紫菜俾你，令膩既感覺無咁快出黎.不過最好同朋友share食，自己一個食呢個海膽盛丼未免會覺得膩🔺三文魚火山盛丼三文魚質素普通可接受，有芥末魷魚三文魚粒、三文魚粒、吞拿魚蓉、三文魚籽. 整體上都新鮮，鐘情於三文魚既朋友可以食呢個，見到佢咁多三文魚就知你一定會食得滿足！整體而言食物質素系唔錯，性價比中等.而且始終多人黎食，服務人員都忙到唔得閒有額外服務. 喜歡刺身和食到有滿足感既話不防黎試一下.

此餐廳侍應服務態度惡劣，非常過分。我地係2人用午餐，已經用機攞左飛等左好耐先到。到我地嘅時候，咁啱1人行開左去廁所，但係侍應話冇問題可以入去坐低點餐先，坐低左俾埋茶我地。點知睇緊餐牌嘅時候後突然另外一個侍應行過來，態度特別差咁話人未齊唔可以入座，將我地趕左出去。但係呢個時候明明出面冇人等緊位，點解要趕我地出去，唔可以坐低點左餐先。重點係明明係佢地叫我地入去坐，轉頭又趕返出黎，用餐體驗非常不愉快！就算食物味道再好，咁嘅態度對客人都係唔啱，真係好過份

難食到爆。d海膽完全唔新鮮。仲要328蚊。真係唔該哂。d服務員又掛住傾計。睇到食評話好食咪黎試下囉。點知。中左伏。真係以後都唔會再黎。第一次食野可以食到咁興。咁嬲。

小編最近去咗呢間一直想試嘅網紅日本店食丼~想講係好多人排隊，尤其是內地人😂可能呢間爆丼屋都係佢地嘅網紅店啦🤷🏻‍♀-🔸三文魚火山丼🐟 $128比想像細碗😅 有三文魚粒，呑拿魚蓉同八爪魚🐙粒~魚生都ok新鮮嘅，可能餐廳名叫爆丼屋，會expect份量會爆多同足料啲😂黎到先知原來份量唔多。但一個女仔食都ok嘅~但後尾發覺魚生份量唔太多，最後仲有好多飯。🔸火焰盛丼🔥 $148個人認為呢個比三文魚火山丼好食😊可能係經燒過所以會香口啲同口感豐富啲😆加上有啲沙律醬喺面，成件事惹味啲😛有燒過嘅三文魚 左口魚 蟹肉棒同一隻蛋 撈埋一齊食整體口感好滑！🔸總結: 餐廳環境整體都幾逼，因為成日有多人等位所謂都唔坐得耐🤦🏻‍♀整體體驗麻麻地，試過就算了，如想食魚生飯會有其他更好嘅選擇~

這家常常爆滿人的餐廳，下午四時的時候終於不用排隊，但仍是有很多人在內進食。餐廳裝修有少許工業風的味道，有bar位和桌子，適合一個至多人的進餐。餐廳最低消費是一碗飯或$130 ，我與朋友一人叫咗一個飯，一個是海膽蓋飯，一個是碎蔥吞拿魚和三文魚魚生蓋飯。海膽蓋飯的海膽不腥，份量很多，朋友食到最後嘅時候仍有很多可以拌飯，但海膽的味道不算濃烈，普普通通。魚生飯也是份量很足，但並沒有什麼特別。餐廳的優勢地方是不會吝嗇材料，但味道和款式並沒有太特別。

見好耐好耐冇食過刺身飯，今日同友人大家都早放工所以就去左食我地好耐冇食既爆丼屋!我地6點半左右已經去到，未有等位既人，不過我地坐低左一陣之後出面就開始有人等啦!仲記得第一次黎食既時候好興奮，因為真係好滿好大碗，但今次....我地兩個人每人叫左一個飯，北海豐盛丼同埋原隻龍蝦盛丼!北海豐盛丼，睇落好似好多，會好飽，但食完我都仲係覺得有D餓....因為佢個碗其實唔係好高，所以D飯都唔係好多...食完絕對冇餐牌上大滿足既感覺!不過材料都算新鮮~原隻龍蝦盛丼，好大碗好滿咁，飯既份量係多過北海豐盛丼既，至於材料味道唔錯，龍蝦頭同蝦尾只係裝飾，如果有得再揀就應該唔會再叫呢個食啦!唔係唔好食，係唔太吸引...我諗我地短期內都唔會再黎食住啦...因為已經唔係好似食緊「爆丼」了...

晚上9點幾既時間黎到旺角食爆丼屋都仲要等位，不過都好快叫左一個蟹子沙律一個火炙三文魚腩他他最後點少得叫個丼飯！蟹子沙律係冇得輸，蟹子多到瀉出咁濟蟹子好新鮮好食燒三文魚腩他他，個汁酸酸甜甜好開胃，三文魚燒左好香洋蔥配撘去左三文魚既油感最後係呑拿魚丼飯呑拿魚肥美到一擺入口就溶左！魚油多到一夾起就滴，唯一就係收這個價錢就真係貴左d..

天氣熱，只想吃涼涼的食物壽司刺身飯就最好不過了！ (男友按：你明明是一年四季都吃壽司的港女)日日在港島獵食，難得到旺角便去了之前大排長龍的爆丼屋。還好今天兩點半到，排10分鐘就可以進去。入座之前，店員遞給我餐牌，要我先下單方可入座。但選擇困難重度患者如我，要在2分鐘內決定吃甚麼實在太難了🤦🤦🤦最後很隨便地選了兩個丼飯…店家不算大，大家都得要坐得很親密，燈光用上射燈所以有點點熱。點餐後等了大概5分鐘先來了男友的北海豪勢丼，但我的拖羅還要多等5分鐘，餓死了😤(港女等太久會發脾氣)北海爆勢丼這個丼飯有2隻蝦、海膽、幾片帶子、炙燒左口魚還有我最愛的三文魚子。海膽不腥不臭不甜，算不上新鮮但總算不臭。其餘刺身不過不失啦，最令人驚喜是三文魚子。三文魚子十分有彈性，需花點力咬破，不然就在口中滾來滾去。三文魚子算新鮮，不太鹹而且吃得出鮮甜味，很後悔沒點成碗都是三文魚子的三文魚子盛丼。(對，我的拖羅還未到所以我很完整地「試食」男友的飯）終於我的飯來了！！！一看到這碗飯，我以為叫錯了火鍋肥牛片飯。拖羅油脂很充足，放一會兒再加上頭上的射燈，拖羅就開始溶了……一口吃下去滿口香，配飯吃很不錯。但敗筆的是拖羅切太薄

每次經過門口都大排長龍， 一直聽到傳聞中講到好正，今日放假專程中午出去試下有幾正， 可能一直抱住好大期望，點知期望越大失望越大，完全冇傳聞中驚喜及同好食，實物同相片出入相差都幾大。

聽聞這家許久啦，終於在今天吃到～從等位到上餐時間大約半小時，還算可以接受吧主要很期待內容點了兩份餐，首先，鰻魚飯好評！醬汁不算很甜，米飯的柔軟度剛剛好，中間還有流心蛋～可惜，要是米飯再熱一點點就好了⋯（可能我不懂，也許就是這樣的配搭？）哈哈哈，不要緊啦，整體還是很好吃的另外一個是火焰盛丼，就是魚生海鮮做成半生半熟的那種效果，海鮮是新鮮的，可以吃出一絲甜味，中間還有個流心蛋，配著剛剛好總的來說是不錯的體驗，但是相比其他日料店來說，相同價錢下，份量真的不算多啦，大家不要被名字還有圖片的視覺效果欺騙喔這次作為一次嘗鮮還是很棒的！

講起丼飯，成日都有朋友會問有冇食過旺角的爆丼屋，由於長期去都有人排隊，但始終都冇去過食。呢日貪食專員去開旺角拎野，就會一會這間排隊排到癲，位於洗衣街的爆丼屋，晚上七點半去到達，已經見到勁多人圍住舖頭等位，先拎張飛，原來要等25個號碼，之後我就去拎野，大約25分鐘後返到黎，都仲有5個號碼要等。餐廳轉流算幾快，大約30分鐘就到我的號碼。北海豐盛丼（$198），成個飯有較多不同刺身，包括帆立貝、細細粒的馬糞海膽、大粒的魚籽、左口魚邊和兩隻長長肥美的牡丹蝦，除左牡丹蝦的頭有少少黑頭外，真的要扣分，其他刺身質素都ok，尤其馬糞海膽好鮮甜，值得一讚～不過所謂爆丼屋，同我預期有一點點兒落差，還以為刺身裝會勁爆勁滿，與相片有少少不符，有點失望。味噌湯算是幾足料，牛肉味幾重、還有白蘿蔔和紅蘿蔔。另外，餐廳環境勁擠迫，客人櫈與櫈之間坐到貼住，因為餐廳的轉流算是幾快，食緊同時，不停要企起身讓客人出出入入，食到有少少冇隱～總體而言，食物質素算是ok,未食過可以試下，不過回望率就唔算好高～

朋友係澳洲黎香港玩 帶佢食馳名的爆丼屋。黎到11:30 未到晏宙時間，原全唔使排。一上到黎 wow ,好多料 果然係爆丼。啖啖海膽，好鮮。其他魚子大大粒，勁值得試。遺憾係佢價錢偏貴。 正午後好多人排隊，八成都係強國人。 我諗呢間野只會越黎越貴。生意不愁做。

其實係未去食呢間之前都有少少期待既，畢竟每次經過都見到咁多人排隊，同埋開左一段時間，斷估都唔會覺得D人係貪新鮮去食。排隊時候，在門口睇餐盤都有少少猶豫，畢竟價錢真係唔算平，望入去餐廳內部睇下D人食緊既嘢，一碗嘢上邊好似堆得好滿咁，感覺應該都食得飽既（本人正常男仔食量）好啦，排左20分鐘左右，終於有得入去，香港地，地少人多，尤其係呢種餐廳比店員安排座位+搭檯其實可以話係理所當然既事，呢樣其實都無乜問題，預左搭檯，結果安排既位真係令我打左個突，明明係兩個人既位夾硬要坐三個人（兩張單人檯泊埋一齊，三個人逼一邊），我真係由心入邊X左出來，坐得極度窄，跟住到野食上埋來，嗰碗仔既飯，幾乎都放唔落張檯，我係不滿到講左句粗口。算啦，咁窄咁唔舒服，唸住快快脆脆食完走，碗嘢真係食唔飽...除左表面嗰層係d肉之外，入邊就係一碗好小份量既壽司飯，其實距收得咁既價錢，仲要加一，真係唔該比個位人地坐得舒舒服服食啦，我真係唔明，咁既環境，咁既食物，仲憑咩收我加一服務費咯！其實咁既價錢，我去食壽司可能仲飽仲舒服咯！起碼唔會兩個位逼三個人先啦。未去食既人，我建議真係唔洗去試啦，真係環境差食物差。去食下拉麵食下壽司好過食

燒き牛丼 (Mega版 400g 牛肉 $188)評分：6/10.我認我俾呢個丼飯個樣徹底吸引咗 😙 香港好少人有啲咁有睇頭嘅丼飯。但好遺憾嘅係對於呢個飯我最欣賞嘅地方係配角中嘅配角—「自家製蒜香醬汁 山葵醬」唔系一般沙律醬貨色，有啲 honey mustard 嘅影子但又冇甜得咁明顯～不過汁其實都唔系好多，好在有生蛋撈飯如果唔系幹哽肯定更差 但真係要老實評價的話其實佢嘅牛肉質素好一般。講緊嘅唔系話肉質唔好，其實因為慢燒嘅關係的確唔乾，亦都算好軟熟。😐 但牛肉味淡得過份。😪 食咗幾塊之後已經唔知自己食緊嘅係咩。😓 我覺得慢燒有心機處理啲牛肉係真嘅，因為比起其他魚生丼真係要你等特別耐。😅差唔多半粒鐘 😑 不過牛肉本身完全冇醃過一啲味都冇實在好輸蝕。係真係完! 全! 冇! 味 ! 😫 咁樣就算係靚嘅牛肉都俾你糟蹋晒啦 ？ 講門面功夫佢哋好成功咁抄到日本/韓國啲牛丼壯觀嘅樣，不過講到烹調技巧根本無得比