爆丼屋 (已搬遷) 新店位置

唔知有冇人同我一樣日日食日本🇯🇵野都唔會覺得厭個隻😂琴晚食完居酒屋🏮今日行完傢俬鋪就同個海膽控去聞名已久嘅 #爆丼屋食返個魚生丼🍽呢間Bookmark左好耐既 #爆丼屋🤗當店員送到埋黎望到未食都令我地流哂口水🤤嘩嘩嘩🤩🤩🤩真係大碗到痴線架😂重點係呢間佢唔只係飯多...連啲魚生都佈滿成個碗就瀉出黎咁制😍三色海膽丼 💰 288對於海膽控既朋友二話不說就點左呢客三色海膽丼😍海量滿碗既都係海膽🥰3味海膽都各有特色而且非常新鮮🙆‍♀️特別喜愛馬糞海膽軟滑清甜🤩中間仲有粒鵪鶉蛋黃撈埋啲飯一齊食好濕潤美味😋三重大極上丼 💰398呢個三重丼真係不得了🤩大碗到真係唔知點樣開始食😜首先有我最愛既拖蘿圍住成個碗😍入口即化既口感😇油脂分布得好均勻必須跟啖飯一齊食先掂🤪食完仲有滿口拖蘿味道停留係口腔😬面層中間既海膽及滿邊長腳蟹肉😍非常鮮甜美味👍我同朋友食到好飽都二口同聲要搵日再黎Encore🙌呢度食丼真係有搵返當日一齊係築地食丼飯既感覺🥰除咗丼仲有啲小食及壽司食架😜超級正👍

【刺身多到滿瀉😱觀塘大滿足鋪到見唔到飯丼飯】對於中意食丼飯嘅朋友就可以bookmark定依間餐廳，因為佢呢度嘅刺身完完全全可以滿足到你嘅慾望😍雖然價錢都有返咁上下，但就真係超級足料，務求令你哇一聲😆—《 #制霸！鵝肝海鮮盛丼》$248 ⭐⭐⭐💥鵝肝比想像中大片，個口感有鵝肝嘅粉感，味道頗有油香😆帆立貝嘅份量多到可以摺疊住包圍整個碗，而且帆立貝火炙過後，同煎香左既鵝肝更加相輔相成，味道好夾😍再加鮮甜嘅海膽、生蛋黃、三文魚籽，食晒啲飯都仲有好多餸淨，超滿足☺️—《 #四重火山盛丼》$298 ⭐⭐⭐💥個丼一上枱，完全明白點解叫做火山盛😛疊到好高嘅拖羅蓉，兩邊鋪滿三文魚籽、鮮蟹肉、海膽，睇見就滿足🥳拖羅蓉食落口感豐富，原來係用赤身、甜蝦、帆立貝、劍魚腩、紋甲魷魚同三文魚籽打成嘅😳加左魷魚食落會感到顆粒感，而撈埋三文魚籽更突出鮮甜😎唯一敗筆可能就係配咗加拿大海膽，味道同口感都唔岩小編口味🤨

一直都想試爆丼屋好耐‼️旺角店長期排晒長龍，呢日就黎到九龍灣試試佢。一直冇得去旅行，好耐冇食魚生飯了😭☑️六重相撲爆盛丼 ($225)真係有齊6款材料架😆大量既三文魚子，幾鮮味亦唔腥。7-8塊既左口魚片，油脂豐富，入口即溶‼️牛油果同海膽一樣都好creamy，蟹肉鮮甜，份量多啲就更好啦😛~ 面頭既黑魚子就較咸香! ☑️三重大極上丼 ($398)呢個丼既組合真係好拿極上，全部都係男朋友至愛😍一坐低見到呢個丼就即刻拍板，唔洗選擇困難😂有齊海膽、拖羅、蟹肉，試問點會唔好食🤓海膽同蟹肉鮮甜，拖羅肥美(某幾塊有少少筋，屬可接受範圍😳) 唔好睇個碗直徑唔大，飯既份量都唔少，加埋拖羅既油脂都好飽，再多少少飯都食唔落了。食完我地先發現呢個丼係季節限定👅早排先前咋，so lucky~跟餐仲有味噌湯，幾足料，味道偏濃~

嗰日去開mega box想食日本嘢 見到呢間爆丼屋就入去試吓睇吓有幾爆😛 個丼飯尼到真係堆到滿一滿 個碗唔算好大 但係就疊得好高 都唔知邊度開始食起好🤣而當飯都配埋個麵豉湯 麵豉湯比到驚喜我 唔同平時出面啲hea湯 入面有紅白蘿蔔 芋頭 飲落都香好多👍🏼超份量！三重大極上丼（$398）呢個丼飯係新出㗎😍 三重分別係海膽 拖羅 蟹肉🤤 份量都唔少 拖羅都有大約12片 鋪滿晒成個飯❤️ 海膽係用日本海膽架 食落好鮮甜又軟滑 口感豐富🥰 而拖羅都好新鮮 油脂分布平均 食落有入口即溶嘅感覺😋 蟹肉都超級鮮甜 我個人真係超鍾意食蟹 丼飯配埋啖啖蟹肉碎真係好滿足🥰制霸！鵝肝海鮮盛丼（$248）呢個真係好豐富嘅丼飯 仲有埋蛋黃俾你撈飯食😍有帶子 鵝肝 三文魚子 魚子醬 海膽❤️ 帶子都有成12片 而且輕輕用火燒過 半生熟嘅口感好正🤗 而鵝肝都幾大舊 有入口即融嘅感覺 我鵝肝嘅味仲會停留喺口到😋 三文魚子數量雖然唔算多 但係個樣晶瑩剔透 咬爆佢嘅時候啲味滲入口好正😍

爆丼的著迷，一定係相機先食。一碗飯堆滿喜愛吃滿滿的魚生，多角度滿足感。嘟QR code 點餐，丼飯選擇達到10款，生熟丼都有。點餐後，先上面豉湯，不是太咸，內有小量蘿蔔，我不太喜歡面豉湯味道也一口氣飲完。 四重火山盛丼堆得又高又滿嘅材料，光是海膽也值回價錢。材料有海膽，份量多，雖然個色好似麻麻地，望落好似啞色啲啲卻好味之選，睇落層次分明食落質感佳，係鮮甜味道，魚籽真係多到滿瀉，粒粒都juice。魚蓉，一個尖塔咁高，打成魚蓉亦不失口感，每一啖都吃得滿足。蟹柳嘅自成一角，拆成一絲絲蟹肉，甜味充足。老實講材料份量與質素比到足，飯都唔少㗎，總算食丼唔係食飯飽唔夠餸。六重相樸爆盛丼呢碗排場矮小小，對比上一碗之下朋友都擔心唔夠飽。大概材料略同，呢碗我覺得重點喺魚度，魚的質地厚，油脂滿滿，經過火炙油脂口感爆燈，肉質感覺嫩滑，好想再來多兩件，大讚。點餐時按個人喜好選擇唔火炙都ok。牛油果配搭帶來清新感，不過朋友稱唔識欣賞，圍邊一周嘅魚籽配襯得好靚，仲有小量海膽同蟹柳絲。最後講一講，加埋枱上飯素口感更佳。飲品方便，有波子氣水或果汁或酒類， 不過食到濟濟地嚟罐氣水gur吓氣，直頭爽曬。

每個飯都會跟一碗麵豉湯，麵豉湯幾好飲，唔會太咸。湯裡配料都好足，除左蘿蔔豆腐之外，仲有一舊肉。三色海膽勝丼$288黎自北海道海膽，加拿大海膽海膽份量都幾多，鋪滿哂成個碗。每啖飯都食到好多海膽，令到成件事好CREAMY。中間有粒鵪鶉蛋，而我認為加拿大海膽比較好食，新鮮，反而日本海膽有少少苦澀味。鍾意食海膽嘅都可以試下。三重大極上丼$398有日本海膽，拖羅同埋蟹肉，拖羅超肥美，冇筋，脂肪比例啱啱好，仲有好重魚油香味。蟹肉絲十分鮮甜。

The pics online are very attractive! However, Salmon is not very fresh, the taste is just so so. The bowls are totally not as fantastic as pics! The size is really smaller The atmosphere of this restaurant is more like fast food. But the price is higher than fast food.

爆丼屋之前係旺角試過好正😝，今日發現原來megabox都開左新分店😆，而且呢度座位寬躺好多添，就決定同朋友再嘆多次呢度嘅丼飯啦🥳。.極上拖羅丼 $245拖羅我一向都好鍾意❤️，而拖羅嘅丼飯我都係第一次食😜，淨係睇個樣已經見到肥美到不得了😍，油脂分佈都好平均，而且仲夠曬多片😎，真係超級滿足🤤。。三色海膽盛丼 $288海膽丼飯真係好期待😝，而黎到見到海膽嘅份量真係好多😋，完全佈滿曬個飯。而海膽都好新鮮😌，三種海膽亦都各有風味🔥，鍾意食海膽嘅一定要食呀🤪。。飲品：可樂 $18 + 雪碧 $18

今日去左九龍灣做野，放工同同事黎到Megabox，見到呢間爆丼屋好多人排隊，原來就係想試好耐既重量級人氣丼飯專門店~餐牌圖文並荗勁吸引，丼飯有多種款式選擇，另有刺身、燒肉、揚物等。最後揀左兩個丼飯，仲附送香濃鮮味麵鼓湯。樣樣都想試下就揀左四重火山盛丼，有海膽、三文魚籽、鮮松葉蟹肉、拖羅蓉，拖羅蓉更包含赤身、甜蝦、劍魚腩、帆立貝等，一上枱見到大大碗，真係好足料!海膽鮮美細膩，幾乎入口即溶；三文魚籽鮮豔剔透好香甜；鮮松葉蟹肉纖細甘甜，啖啖肥美；拖羅蓉油脂豐富，幼細香滑口感軟嫩。三色海膽盛丼同事係海膽迷，呢款三色海膽丼就岩哂佢~包括北海道海膽、加拿大海膽同灸燒加拿大海膽，三款海膽均金黃飽滿，真係好吸引!推薦鮮甜幼滑既灸燒加拿大海膽，鮮中帶甜好creamy~

丼飯黎講都算多選擇，有新鮮刺身有灸燒。無令人失望嘅爆丼屋，返鄉下遙遙無期，係一個止下渴嘅好選擇。.四點火山盛丼鮮松葉蟹肉同海膽係最鮮甜，而且份量係多。三文魚籽同拖羅蓉（赤身，甜蝦，劍魚腩，帆立貝，紋甲魷魚）可能因為有太多種類係入面，反而食唔出個味道，分返開可能更佳。.制霸！鵝肝海鮮盛丼被好多既帆立貝所吸引，雖然後悔流心蛋轉左玉子蛋，但帆立貝真心多又新鮮，可以鋪滿成個碗，其餘配料海膽呀三文魚籽都好好味。

我認為定價過高，叫左六重相樸爆盛丼，表面上好似好大，好豐盛，但實物真係非常普通，牛油果太熟，已經有一絲絲黑線。老實講，佢個擺盤我覺得唔太靚，有種亂將食材舖哂上面......而且食材用料都好一般，左口魚的確燒都幾香，與其要加少量魚子醬同海膽令成個丼飯賣到$228，不如唔好加。講真，只覺得呢個丼飯值$158另外叫左呢個北海豐盛丼，要$198！啲帶子好細隻又薄片得六小塊，蝦唔腥，但無味。海膽正常味。個人認為呢個丼飯真心唔值198，收138我會ok。重點係唔同丼飯用唔同size 碗，隔梗去營造爆丼效果，令我覺得更加唔值。試過一次就夠！

見到開張左一排，終於有機會來試排左15分鐘左右就入得味噌湯不錯👍🏻叫左一個toro + 一個細的富士山牛肉飯Toro 好有心思，好靚甘一片片鋪係飯面，由正常排到比較肥壽司飯味道好出一解日本之思念牛肉飯相比就好一般

Lunch time冇lunch menu，要捱正價menu都算，你比返啲對得住價錢嘅料我先得㗎........唔好睇佢個丼好大份以為好抵食呀，其實佢係用大量白飯墊到勁高，個面舖4片三文魚，3片好細嘅左口魚，3片好細嘅帶子，壓軸係3條蟹柳！盛惠$165加一，多謝哂！成餐飯個感覺係用咗2舊水食白飯，可取之處係間舖都算大，坐得舒服，但係點都彌補唔到性價比問題。奉勸大家唔好相信網絡上一面倒嘅好評，包你中伏！

係香港想尋回一下日本嘅味道，食魚生飯都係一個好選擇！今日就去左出晒名食魚生飯嘅「爆丼屋」，呢間係MEGABOX嘅分店環境比較簡約風，光線充足，感覺乾淨又舒適！CACA今次食乜野？-火焰盛丼：面頭舖滿火炙三文魚腩﹑蟹棒﹑鮮甜帶子 & 帶子群邊-制霸！鵝肝海鮮盛丼：面頭舖左JUICY鵝肝﹑鮮美海膽﹑魚子醬﹑鮮甜帶子唔好睇佢碗子細細，其實非常足料，食晒面頭嘅刺身都好滿足了，不過配壽司飯一齊食都係必須嘅，無咁膩，真心大滿足！

想試<爆丼屋>好耐，今次黎開九龍灣終於可以黎試下個丼有幾咁爆! 用手機scan QR code落單，睇Menu個圖好吸引，既大碗又足料，立刻Order左兩個丼。當滿心期待之際，食物一上檯眼都突埋😳個丼咁mini嘅？！ 六重相樸爆盛丼 $225 張相d餸明明爆到滿架？！ 圖片真係只供參考！?黑魚籽同海膽少得可憐，比呢個價都係為左食呢兩樣野啫。完全唔值$225！ 帆立貝 三文魚籽盛丼 $178賣相與圖相近，但個碗size超細！帆立貝-新鮮，鮮甜，厚身有口感。三文魚籽-唔新鮮，淡味。🤯食完兩個唔飽嘅丼🤯🛒埋單$443性價比低，真心唔值呢個價！