爆丼丼 (已結業)

早前聽友人講佢屋企附近有一間平價丼飯，好多人幫襯，難得今次入荃灣接佢收工，就試下佢講個間高CP值既爆丼丼啦～爆丼丼位於爆丼丼荃灣河背街74號地舖，雖然唔算大街，但都真係幾多人幫襯，我地都等左陣，仲要係坐吧檯位置先快少少。既然講到呢度嘅丼飯咁好食，就梗係一人點一個丼飯啦！友人點了一個粒粒魚生丼($78)，實物雖然無好似menu咁有個魚生山，不過都有唔少野：蟹子、三文魚、希靈魚、玉子、青瓜，配以白飯，真係每口白飯都有魚生既鮮味。我就叫咗一個原條蒲燒鰻魚丼($98)，又係同menu唔一樣，今次係原條鰻魚直上！蒲燒汁香濃再加上鰻魚肉厚，而且仲要大大碗，再配上仲留有蛋汁既嫩滑蛋！將所有野混合一齊，細食既我都解決到成個丼！跟丼套餐仲有附送餐湯另外我地仲叫咗個蟹棒玉子燒($58)蟹棒粒混係玉子嘅中間，增加左口感。再加上沙律醬提味，今原本甜玉子燒加上酸度，酸酸甜甜的。另外仲叫咗個唐揚炸雞($38)，炸雞並唔油膩，配以芝麻醬，而且炸皮亦都唔厚實，大大粒雞肉，絕無呃秤！我地叫咗咁多嘢先差不多三百蚊！比起其他日式丼，呢度果然名不虛傳，真係平價丼之選！

探完老友便到荃灣醫肚。天氣驟變，下車才來下大雨，寸步難行。反正要吃飯就在小巴站附近一邊吃飯一邊等停雨。才六時這間食店已六成滿，二話不說就開餐。店舖裝潢雅緻，因差不多滿座就被安排坐在門口旁，可一路欣賞雨景一路進食也不差。叫得爆丼丼，丼的選擇多得很丼以外的選擇其實也不少，有刺身丶燒物丶拉麵⋯⋯，樣樣都很吸引，我們也花了好一陣子才可作出選擇！最後我們叫了北海丼及安格斯牛肉鵝肝丼每個餐附有湯,但我們另加＄5轉了汽水。北海丼上枱時就如餐牌上照片一樣各樣食材份量大丶厚切丶新鮮無雪味！而安格斯牛肉鵝肝丼上枱時香氣四溢，乾身不油膩，入口肝軟肉嫩，師傅功夫了得！小吃點了唐揚日本魷魚，另外想點的汁燒牛舌因售罄而未能品嚐，正好給下次再訪的借口！荃灣果然是食家勝地，一間服務街坊的小店的水準不差於很多集團式的高消費食肆。

今日趁朋友放工有時間一齊食dinner 咁岩就係荃灣 而且我地都好想食日本料理 所以就試下呢間《爆丼丼》專門食魚生飯的餐廳😍光看門面同招牌 已經知道 呢間餐廳的飯好似座山咁放滿魚生同材料 未入去已經好興奮😎餐廳入邊嘅廚房係開放式嘅 可以比客人好清楚咁見到廚師製作魚生飯同拉麵等日本料理嘅情形😉😉 食得放心❤️佢嘅餐牌亦都有好多唔同壽司 刺身 魚生飯 拉麵 炸物 小食 飲品 甜品等等嘅選擇😚😚😚琳琅滿目～ 有好幾個刺身飯我同朋友都好想試 但最終我哋都決定咗😍😍😍我哋每人叫咗一個魚生飯～前面嗰個係爆火山丼（$168）材料都相當豐富：鋪喺飯上面嘅係魚子 仲有切細粒咗嘅三文魚同吞拿魚刺身～ 另外鋪係中間嘅有大大粒嘅帶子刺身！係碗嘅中上面就係吞拿魚碎🤤🤤🤤旁邊仲放咗一大舊Wasabi～個人覺得用魚子粒同埋吞拿魚碎用嚟撈左個飯先～ 做飯底😚😚😚 再加埋其他刺身一齊食🤩🤩🤩味道相當之豐富有層次💗💗💗💗💗另外一碗刺身飯就係-極上生魚丼（$158）我同朋友都不約而同地覺得呢一碗魚生飯嘅CP值比較高💓💓💓呢碗刺身飯上～ 首先飯係用壽司醋撈過～ 又有超厚超肥美嘅三文魚刺身 勁厚切不得止 仲要係超級鮮甜 令到成

妹妹最喜歡行街購物，今日有時間陪妹妹行荃灣，行完荃新天地，再行千色。行完商場出來附近再行嚇，都已經是晚飯時間了，見到爆丼丼，妹妹被那碗爆丼丼吸引到駐足不前了。餐廳沿牆邊整齊的2排座位，牆上張貼著的招牌推介，真是令人見到垂涎欲滴安格斯牛肉鵝肝丼$108。期待的安格斯牛肉鵝肝丼，面上酒了少少芝麻及蔥花，大大碗鋪於碗面，比碗面高出2寸有多，厚薄均勻的肥牛，調得非常好味及入味。鵝肝煎得入口外脆內嫩，帶著油香充滿口腔，十分推薦。M02 迷你三文魚親子丼$78。迷你三文魚親子丼，三文魚厚切非常肥美，顔色鮮艷的橙色間白色條紋，見到令人食指大動，三文魚入口軟滑油香，三文魚子帶著㸃橙色，晶瑩剔透，入口感覺到咬爆的一刻的吸引，真是一食難忘。雖然細細碗，但感覺非常滿足。十分推薦哦。跟餐要了一個餐湯，裡面都有很多料，很清甜。另一餐湯轉可樂$5。今餐2個餐都感覺非常好味，食完感覺非常滿足。

上星期和媽媽到荃灣街市買餸時,見到有間食爆丼飯啲小店,決定今日走來食個晚飯。店鋪不是太大,但都坐得很舒服。一坐低,就見到牆上貼滿了食物的海報,令我和友人都胃口大開。我地揀了一會,決定叫兩個丼,一個火山爆丼,一個安格斯牛肉鵝肝丼。等了一陣,先嚟個麵豉湯,麵豉湯不會太咸,味道適中,仲有啲海帶,豆卜,都算多料。,之後,火山爆丼好快就嚟到啦,這個魚生飯有拖羅蓉，帆立貝,吞拿魚,三文魚，三文魚籽 5款魚生,鋪滿了個飯面,三文魚籽更是精瑩通透,圍滿飯碗邊,帆立貝和吞拿魚都切了細粒,每種魚生都好新鮮,將wasabi 魚生同飯撈埋一齊食,感覺刺激又好味。安格斯牛肉鵝肝丼 1很多安格斯牛肉鋪在飯面，仲有兩件煎到金黃色的鵝肝,加上青綠的葱花和椰菜夠晒份量,好想食晒落肚。鵝肝煎得很好,不會一咬落去成口油,好甘香,撈埋飯食好好味。安格斯牛肉,有好多件,肉味十足,廚師加了芝麻 ,所以,食落好香口,這個飯是熱的,一路食就覺得有種好幸福的感覺。這間小店雖然地方不大,但店員的服務態度唔錯,友善。可以再來嘗試其他丼。

之前將呢間誤以為系旺角果間爆丼屋既分店，一場歡喜一場空。不過，既然放工順路經過，就試下佢咩料子啦(=ﾟωﾟ)ﾉ！環境都幾大，寬敞舒服。不過晚飯時間有時都會幾多人，成日放工經過都見有條小長龍排緊。粒粒魚生丼(hkd$78) 用多種魚生切粒組成既魚生飯。食落魚生吾系太新鮮，勝在份量多，吾大食少少都食吾曬呀！隨飯仲送個麵豉湯，飽曬(´･_･`)！原條蒲燒鰻魚丼(hkd$98) 睇落就幾正，食落就真系吾掂！主角鰻魚雖然大塊，但韌口、焦邊、味道差。至於飯同滑蛋都十分平庸，完全接受吾到( ･᷄ὢ･᷅ )！Btw, 價錢系比市價平少少; 味道就真系麻麻; 水準有啲參差，失望呀！

晚上一個人，見到這間人氣店又是排長龍，但人不是太多，便把心一橫一試。排了約5分鐘便有位，可能因為一個人，坐係吧枱。見隔離枱個個吃丼飯，但我不想吃飯，便叫了拉麵吃。叫了人氣之選黑豹墨汁拉麵，再加個鹽燒三文魚頭。拉麵來了，有叉燒及溫泉蛋，又有帶子，湯是黑色的，真係墨汁。湯頭超濃郁，拉麵好好味但份量較少，對女士來說OK，男士應不夠。鹽燒三文魚頭等候較久，但燒得剛好，充分燒出魚油脂肪，下酒一流。下次可再來試丼飯。

在香港世界各國美食都不難找到，真是當之無愧。最近發現在東京大熱的潮食「 爆丼 」已被帶來香港。「 爆丼 」意謂每碗丼的材料滿到瀉，幾乎不見白飯，誇張之極的意思。今晚應K君邀約往荃灣河背街試她力薦的爆丼丼，說食材新鮮得來仲好高性價比。叫左個$158有5款魚生的極上魚生丼。五重材料有赤蝦、油甘魚、帆立貝、三文魚腩、還有海膽，非常豐富。實物比相片看來更大，無論賣相和份量都無得輸。我至愛的赤蝦二大隻，每隻足有7吋長，蝦頭充沖滿蝦膏，鮮甜非常且很爽口。海膽(直覺是北海道馬糞海膽)因很是鮮甜又無腥味。三文魚同油甘都是厚角切，三文魚肥美非常，一看便知是腩位，而油甘肉鮮至泛光澤。帆立貝新鮮又無出水。朋友想食熱嘢ㄡ唔想錯過咁優質魚生，便叫了ㄧ個$88元的迷你三色丼有甜蝦、三文魚同油甘魚。魚雖非厚角切，但同樣新鮮、美味。甜蝦有足食指咁長。唯ㄧ是丼整體的size絕不迷你，同我的丼只細一圈，飯量十足，令我們失預算，變了眼濶肚窄。D飯渾團脹身，飯香噴鼻，海膽拌飯同吃，口感軟入心，好食。就算齋飯也倍覺甜，我倆食都不舍棄之不食。博多叉燒拉麵湯清濃味，麵身韌度揸拿得好，有𡁻頭。叉燒入味，肉嫩，吸引我們勇往直前，食到肚

最近呢間小店都幾多朋友推薦作為荃葵人既我咁近好西又點可以唔食返個好西呢？位於河背街既爆丼丼都唔算難搵就係寶石大廈同楊屋道街市附近晚市6點先開，我地早左到都見到有唔少人慕名而黎係門口等開門令我更加期待==============================味增湯普普通通，有少少酒精味，證明唔太靚安格斯牛肉鵝肝丼($108)極力推薦牛肉入口即溶，啖啖油脂香鵝肝唔會有騷味，但有鵝肝本身獨有既香氣個汁夠惹味又唔會太咸美中不足既係Ｄ飯略硬同用料稍為參差博多叉燒拉麵($58)湯底既醬油味道唔錯但油脂略為不足叉燒大大件，仲要有三塊滿足感UP！麵身都太淋煮耐左有改進空間小知識：正宗既博多拉麵湯底係用豬骨長時間熬成，咁就可以溶左骨頭入面既明膠，口感會好似飲牛奶咁，而且每一啖都會好感受到佢既油脂、豬肉同醬油既味道。另外麵身都會較幼，而且可以比客人選擇硬度。（但呢間店就冇得揀）芝麻雞翼($38)炸得都幾香脆但係入面唔夠嫩另外推薦大家落七味粉增加風味蟹棒玉子燒($58)呢個最有驚喜原本以為只會平平無奇但係佢所用既蛋比我想像中靚，唔會有蛋腥味而且醬汁都夠惹味最重要係上面鋪住滿滿既蟹子令人未食已經流晒口水==

之前都黎過呢頭附近食好西 仲好記得係食菠菜湯帶子拉麵 綠綠的湯加帶子刺身 好新穎又惹味💁🏻‍♀️ 所以想黎食返 但途中無意發現左呢間以丼做主打既日本餐廳 所以被吸引入黎餐廳有午休 18:00重開 然而仲有兩三個字就喺出面等下 加加埋埋都有6人一齊排 食無耐仲已經滿座 Foodpigss🐷🐷首先就食左安格斯牛肉鵝肝丼（$108）牛肉同鵝肝呢個組合簡直係為自己而設咁🤤 牛肉有好多片 質素不錯 唔會有好多根同肥膏而最估唔到係有兩舊鵝肝😍😍 仲要size都唔細 而且入口即溶 外脆內軟🤤 無得輸另外仲食左極上生魚丼（$158）海鮮包括三文魚腩、油鉗魚、帆立貝、赤蝦、海膽 全部都合曬口味😍 當中赤蝦真係超大隻， 帆立貝有四大粒好鮮甜，海膽都唔會腥，三文魚腩更是肥美 然而油鉗魚相對地顯得像配角🤫不得不說每個丼都會跟一碗麵豉湯，加$5仲可轉可樂最後仲因爲見到店內既裝修發現原來本身打算去食既名屋拉麵係爆丼丼既前身🙈 無得再食果款拉麵既可惜 好彩有返咁高質既丼彌補😊 下次試埋爆丼丼既拉麵係咪都係性價比咁高先

之前黎食過一次，喺門口排隊排好耐，好彩今次早到，霸番個靚位先。好肚餓，今次一定食得晒。碗碗飯都咁吸引，揀邊款好呢⋯⋯坐左10分鐘已經爆場，下次都係book定枱穩陣啲。我又黎啦，次次都要食芝士年糕，熱辣辣吹卜卜，裏面軟綿綿又唔油，正！鰻魚飯黎左啦，有冇搞錯，條鰻魚仲長過隻碗，條鰻魚好juicy，仲有滑滑嘅滑蛋。朋友仔個極上生魚丼都好浮誇，有五款刺身，片片都係厚切，顏色紅潤，咬落好有鮮味，新鮮度高。本身個飯有一個面豉湯，加5蚊可以轉汽水。

一向好鍾意食刺身丼，近來發現荃灣呢間「爆丼丼：店如其名，人氣爆登即刻拉埋荃灣區的朋友一齊去試～我地７點左右去到已經滿差唔多滿座，但為左美食排一陣隊都唔緊要啦～睇MENU覺得全部都好吸引～刺身勁足料咁，真係圖文相符架火山爆丼$168是日最愛！！！說是火山爆丼，刺身份量真的大到爆炸，不但以一片片刺身鋪了滿滿一碗，還以拖羅碎堆左座山出來還有帆立貝，吞拿魚，三文魚和三文魚籽，好睇又好味而且份量真的不是說笑，自問是很能吃的女生，但吃完仍然超級飽的，大胃王挑戰一下吧，不會失望～迷你三文魚親子丼$78說是迷你，我覺得仍然是正常份量，這個價錢其實真的很抵食～厚切三文魚夠哂肥美，三文魚子夠鮮味，冇得彈！加州卷$58要是我說因為怕不夠飽才點會很笨嗎？原本以為加州卷很普通，沒什麼期望的，但上枱時看到醬汁即刻覺得好想食蟹籽、青瓜、蛋、飯加上白汁實在是絕配，有時候簡單的經典食物還是很吸引的隨飯附上餐湯，加$5也可以轉飲汽水。整體來講食物質素是真的好，價錢又唔貴，怪唔得時間尚早已經人山人海，荃灣區的朋友快Ｄ去食啦

今日收工跟埋朋友過來呢間日本料理，佢想食一段時間喇，因為見過唔少人介紹，影得幾吸引咁。落到鬼咁大雨，我地冒雨過來的，好在因為平日，餐廳都仲有少量位置，都坐到唔少人嘅，始乎都有好多係街坊。呢度嘅餐牌以小店而言，都算幾有選擇呢。名叫爆丼丼，本以為淨係得魚生丼呢，魚生丼有海膽，三文魚，油甘魚，帆立貝、吞拿魚，三文魚籽等等嘅配搭，款式固定左。有正常size，亦都有迷你丼，價錢係72至188蚊，都算好抵食另外仲有唔少熟食丼，例如鰻魚飯，牛肉丼，炸雞，豬軟骨等等，價錢係58至108蚊，更加抵食。仲有拉麵，咖喱飯。由於係日本料理，佢地仲有壽司，刺身，小食，一品料理，都有好多選擇。鐘意食魚生又得，好似我朋友唔係太鐘意食魚生，又有熟食。北海丼 138：丼飯裡面有三文魚，油甘魚，劍魚，帆立貝，拖羅碎，三文魚籽，都幾豐富。可以跟面豉湯/汽水加5蚊。麵豉湯係正常野，冇乜特別。一上枱，個飯份量都幾多，其實唔係話超大碗果種，但真係夠哂飽。魚生整體都算新鮮，以油甘魚同劍魚最出眾，好厚切，又夠新鮮！三文魚就正常水準啦，帆立貝都好大粒，拖羅蓉細滑，加少少芝麻，好香。壽司飯量多，加左少少醋，酸度適中，又有少少黏性，正正常

自多年前去菲律賓，在船上捕捉到及即場吃過海膽後，已深深愛上它。  加上最近香港亦興起海膽丼，看了一段時間，經最近辛苦了一排，即找籍口慰勞自己，在多番了解，決定來這裡試下。餐廳不是太大，不過評價正面而且近屋企，一於同先生試下。四重爆丼𥚃面包括我最愛的海膽， 拖羅碎，帆立貝及三文魚籽，海膽新鮮甘甜，入口即溶，帆立貝好鮮甜，配上大粒三之魚籽及拖羅碎，實在大滿足，如果飯可以硬身一點，真係無得輸，吃了幾口，嘗試加少許醬油及wasabi, 鹹鹹地加通鼻又是另一番風味。雖然睇落不太大碗，但我一個人吃了一半已經好飽，本來先生不太愛食生野，佢試了幾口竟然話ok, 而且吃埋餘下的半碗，yeah yeah!  有了強勁的後盾，下次可以再食😍😍😍😍吉列豬扒拉麵，豬扒鬆脆，豬骨湯底濃，係老公的 favour。

一路都想試下呢d爆丼，咁岩今日出左荃灣就去呢間試下喇！見到個四重爆丼咁多海膽梗係要試一個啦！唔好睇佢個碗細細咁，其實飯量十足！海膽一d都唔失禮，新鮮鮮甜！拖羅碎撈飯食認真一流！而帆立貝都好新鮮，大大粒好好食！仲有好多三文魚子撈飯，正！朋友就叫左個極上魚生丼。帶子依舊好味，三文魚腩油甘魚都好新鮮好味，海膽好鮮，重點就係隻蝦頭好似拳頭咁大既赤蝦，好好食好彈牙！鐘意食蝦既一定要叫呢個！最後值得一提，雖然平日夜晚去，但都爆哂場。雖然樓面唔係好夠人，但兩位靚女侍應都好好禮貌，呢點真係要讚！