訓唔著..又係時候發表下了..
是日...又去左粉嶺開工...
行過工業村...發覺燕京大廈開左間小食店...於是就買左以下既野做左我心愛既午餐...
[b]$5蚊腸粉
$5蚊有5條..同四眼隻一樣..一蚊一條...賣相唔夠四眼仔一條條圓碌碌咁..
心諗.."死喇..出左事.."...點知原來有驚喜...腸粉好有米香...就係因為米既份量多..
變左果個型狀冇咁圓身...幾好幾好...甜醬出奇地好...唔會得個甜字..到我最愛既麻醬...
哈..比十萬個勁字阿姐..用既竟然唔係花生醬..係已經失傳左好多舖頭既麻芝麻醬(因為成本問題..好多都已經唔用佢...1左勁平既花生醬加豬油開了)...香到不得了...因為本人唔食辣既豬腸粉..所以冇要到...至於個豉油....還可以啦..甜鹹適中...
$4蚊魚蛋
$4蚊有8粒..都ok啦...因為見佢大粒過四眼仔果d...粉嶺算平了...
賣相唔多似旺角果d戰鬥格魚蛋檔..一咬..唔洗講野....十個叻...因為佢唔係用果d粉蛋..
咬落彈牙...唔會有陣死魚味...應該係用大路陳記..至於個汁就差少少..冇辣汁.因為阿姐話呢區d人唔食辣...所以有d失望...
$5大大支五花茶
重點黎喇...
哈.....可以叫隱世涼茶...成個聯和墟都好似冇五花茶賣...
我點解會買佢..因為我買野既時候聞到陣涼茶味..原來阿姐自己煲架..
開頭阿姐話佢每日賣過百支wowow.....
佢仲sale我話佢d五花茶落足料...好!!!...整返支冰凍五花茶先....
wow....食..我仲學緊好何叫抵死..但講到飲涼茶..我都算有d研究...因為我長期戶外工作..成日燥底...好多人都唔知五花茶係邊唔花...但其實五花可以係由好多種花類再挑選出黎既..
一般我地去飲果d都冇咩香味..係因為靚既菊花貴...好多唔落...而又好多都有d酸味..因為佢其中有一種叫"綿因層"(同音架..唔知係唔係咁寫)..落得太多...好多人都以為係變左..其實就唔係...只係份量既配搭唔岩...但阿姐果支野....又唔係太甜..一飲就知係加左片糖..因為比較清甜...而飲左一淡有回甘既感覺....$5...實在係叫真材實料...物有所值..阿姐仲叫我每日飲一支..飲三日..包有去到..哈..可惜我唔係成日去果頭....大家行過真係可以試下..因為我見有人一次買返六支
=.=
總結...
小食店.....原來重點未必係小食...哈哈哈哈....
影片
