燒魂 (已結業)

2022年9月16日(星期五) 與朋友到尖沙咀韓燒, 之前從未光顧過, 聽閘燒肉好新鮮又有魚生......, Book 左18:00 - 20:00 呢個時段, 入面大把吉檯亦有好幾張靠邊卡位, 但職員拒絕我們入坐卡位, 只安排我地坐最後排抽風系統比較差的單邊梳化位, 都算, 沒有自助, 只有寫紙, 不能自己去拎飲品, 全部靠職員, 都算, 隨後有兩檯客人, 職員全部安排坐我地隔離, 好近, 其他位置依然空, 防疫期間唔係要坐疏D咩 ? 都算, 之後落左魚生, D吞拿魚明顯霉, 都算, 以為燒肉好多選擇, 原來唔係, 只有少量款式, Order 左牛肩, 我完全食唔到有牛味, 都算, 最後原來連甜品咁基本都無, OMG 兩小時已經到, 每位成為$372, 如果呢個價錢, 有其他大把有心餐廳選擇, 無謂光顧呢間唔願做又嘜都無既餐廳. 所以不會再有下次. 100% SURE 

本身book左8點，限時兩個鐘我早左半個鐘上去想話擺低蛋糕個店員同我講佢地無得提供碟仔叉仔俾我地食蛋糕叫我可以去定附近買定過嚟😦我心諗咁搞笑？是但啦用本身食放題啲餐具食算啦，所以都無理佢然後我地早左到齊人，都搞好耐先俾入座然後話只可以食到9點半入座嘅時候全場吉檯得我地一檯去到唔夠8:50pm已經話last order要埋定單心諗咁早？！拿臨寫多少少野食但其實佢野食種類極少又嚟唔齊野飲更加係得4款選擇第一次見任食得咁少野飲揀啲肉類唔同味嘅又擺晒一碟唔知點分不過野食麻麻種類少都唔係重點重點係佢明知我有擺低蛋糕佢事先無話提早啲叫我地上定蛋糕加上我見佢個場當時都仲好多吉位無論大檯卡位都根本無人坐去到9點半左右我話可以上蛋糕佢係straight到話我地已經夠鐘唔可以上蛋糕喺度食只可以俾返個蛋糕我拎返走🤯我呆那左⋯真係理解唔到點解明明有勁多位都唔俾個客食埋蛋糕先喂大佬你俾我上個蛋糕唔食住齋影張相都好丫佢地係勁rude要我地走😑And then仲要再嬲嘅係我地明明有出席去食完餐放題埋單2千幾蚊佢竟然喺OpenRice取消左我個booking!仲mark左係食客要求🙄搞到我無左Asia miles儲分

第一次來食 見老公唔好燒肉但我好 剛好呢間有燒肉+日式放題 一於係佢啦🤭🤭🤭去到沒咩人 因為比較早 樓面兩個哥哥超細心又好人 小妹妹食得好開心食物方面係有驚喜 好耐沒食過一盆又一盆的刺身 花之戀好好食 牛肉方面都好食 有牛味 係薄左少少影響口感 但想不到豚肉有驚喜 蠔仔粥必食 好快不知不覺就到last order 😳😳😳最後沖刺先 呢一餐生日飯好滿足呢 🤭🤭🤭🤭最後樓面哥哥炒左碟好正架通菜做總結 有 下 次 ！！ 下次一定會再來 勁推介

《必撐燒肉小店🏮》———————————————-#燒魂 🔥-呢間喺尖沙咀嘅放題小店夠哂經典，非常抵食，各類菜式都好多元，十分豐富😍 -一坐底先嚟前菜，有泰式生蝦同蟹子沙律，開胃完就有大大盤刺身，包括三文魚、吞拿魚、馬刀貝、甜蝦同玉子燒等等，都幾新鮮，特別中意厚切三文魚🍣壽司方面都有唔少選擇，例如七味燒三文魚壽司、火炙三文魚壽司同花之戀壽司等等❤️-中間嗌咗啲揚物做小食，有牛乳松葉蟹薯餅、蟹棒天婦羅、海老天婦羅同埋人氣No.1嘅榴槤炸彈⭐ 正～-嚟到主菜就係燒肉啦🔥 牛肉都唔錯，有好多唔同嘅款式，好似香蔥薄牛舌、黑霧飛霜空降和牛、騷騷牛裡肌、西柚汁霜降和牛、鮮蕃茄霜降和牛同壺漬牛粒都好值得叫嚟食，肥瘦均勻，牛味濃郁🐮 豚肉就有奧斯卡豚后肉、蜜運豚后肉、香芋豚后肉同血池赤豚小排等等，油脂感爆發🐽-除咗肉類之外，亦可以燒下日本迷你一口甜薯，解膩一流💜 另外我哋仲嗌咗啲熟食，有熱辣辣嘅卜卜煮大蜆、石鍋香茜蠔仔粥同蒜爆通菜，非常滿足☺️-⭐價錢參考：（另收加一）放題：$308🍌抵deal 指數：8/10

服務差食物差態度差，唔使錢都唔去食呀，工作人員太差⋯ Menu改咗冇更新客人資料，要乜冇乜！管理極差⋯垃圾街檔，職員講嘢不負責任，入座更改所有資料不通知客人！！！差差差刺身種類少只得6款，唔太新鮮壽司種類少只有5款訂位時任飲任食…入座後只得4款冇酒精飲品，OpenRice寫明包任飲任食任飲清酒，入座後問職員已經改左唔包…要另外加錢叫，但入場餐牌仍然寫上包，只有四款冇酒精…可樂，C+，解茶，荔枝紅茶燒烤只有牛肉…豬肉…魚都冇一款😢1.5小時就要客人結帳！問佢有冇甜品佢話冇…我哋問點解佢話啱啱賣晒未訂貨，沒有其他代替品給我哋😫訂五位…到場改四位取消咗我OpenRice嘅訂位紀錄！成個6點至8點時段只有10人包括我哋4人😰

舊同事知我一向鐘意食刺身🍣，推介我去尖沙咀金馬倫中心2樓嘅燒魂，星期一至四晚市$308刺身＋日式燒肉2小時放題， 特大卡位闊落舒適，menu分哂類，落單清晰簡潔！店員有禮，讚👍 🍣兩小時放題刺身燒肉放題🔥 $308 🍣刺身拼盤🐚：有厚切三文魚、吞拿魚、甜蝦、馬刀貝、深海八爪魚同鮑片，三文魚油脂甘香，甜蝦勁鮮甜，馬刀貝口感清爽，樣樣都好新鮮，微冰狀態食完好fresh！🍣壽司：七味燒三文魚壽司、鰻魚、黑松露熟蝦、三文魚壽司等，樣樣都好有水準冇得彈！🥗估唔到沙律都咁多款，泰式生蝦最出色，蟹籽沙律同冷豆腐沙律都好好味！食完好開胃！🥩騷肌牛皇：有騷騷牛裡肌、黑毛飛霜空降和牛、汁燒安格斯骰仔粒、香蔥薄牛舌、壺漬牛粒等，唔同部位嘅牛，味道油脂同韌度都各有不同，一次過可以試到咁多種唔同口味的牛肉確係好豐富！💛比較特別💛黑毛飛霜空降和牛、脂香同肉質感比例平均、肉味香濃，肉質帶點咬勁，相當不錯！🍖惹火豚后：有奥斯卡豚后肉同蜜運豚后，食落肥瘦均勻肉質勁juicy而不肥膩，燒完更有微微焦香！太好味！ 🍗穀飼鳥雞：有單骨孜然雞中翼同黑椒雞腿肉，雞腿肉燒完都仲好嫩滑！兩種香料都唔錯，我自己比較鐘意黑椒多DD！🍲一

前一排陪朋友黎到尖沙咀呢間日式燒肉放題「燒魂」特別推薦鐘意食肉嘅朋友仔黎，絕對要你一次過食到好滿足😋餐廳空間好寬闊，環境都好高級舒適，佢哋餐牌都好特別，放題同燒肉都歸類好，有刺身，壽司，炸物，牛肉，豚肉，雞肉等～ 特登黎到呢間主打食燒肉既放題當然要食燒肉🍖🥩🥓我同朋友都好鍾意食牛🐂🥩牛嘅選擇都好多，當然要每樣都要試試😋佢哋標榜用果酸醃肉，牛肉油花豊富香嫩肉質好軟滑，每款仲可配生菜🥬一起食，口感豐富👍🥩燒肉仲有牛有豬有雞,蜜汁豚肉/蔥豚肉/血池辣豚小排/大腸/牛舌等～絕對滿足食慾！刺身,三文/ 鮑片/吞拿/希靈/玉子燒/深海八爪魚/馬刀貝/大隻甜蝦🦐刺身都好新鮮👍炸物即點即炸 蟹棒天婦羅,蟹肉薯餅,芝士丸,蝦天婦羅,我最鐘意食榴蓮球！熱辣辣又香脆可口！！忍唔住食左幾碟🤣🤣

次次食放題都要諗好耐食日式（刺身壽司個啲）、定係燒肉放題🤔 男朋友就例牌想食燒肉嫁啦🍖 但我有時又唔想咁熱氣😌🔥 今日一見到佢就話佢搵到間正嘢😂😂尖沙咀地鐵站行過去都好方便，原來係❤️❤️❤️日式放題+燒肉放題❤️❤️❤️ 天氣咁熱坐低緊係嗌左冷盤先❄️ 有泰式生蝦😋😋 一下啪左6隻🤣 青瓜沙律都唔錯，好新鮮清爽😙刺身🤩🤩基本款式都會有：三文魚、吞拿魚、甜蝦、馬刀具、八爪魚、鮑片✨ 三文魚重點推介💕 比一般放題質素好👍🏻😋 甜蝦都新鮮😉 男朋友食左好多🤣嗌多少少壽司先🍣 放題有樣好真係每樣都可以食少少😍 都係一樣推介三文魚腩壽司同埋花之戀🤩 係放題少有嘅encore📢 刺身壽司就住嗌就係為左食燒肉！！ 原本都唔特別想食燒肉，但睇到隔籬枱啲肉好吸引，忍唔住每樣嗌左啲黎試下😋🐖豬⭐️⭐️⭐️⭐️⭐️呢兩款豬都好正～ 《蜜運豚后肉》蜜糖配豬肉好夾好juicy🍯另外 《血池赤豚小排》好似切到好厚嘅豬頸肉咁🤩 大推介！！🐓雞⭐️⭐️⭐️《辛辣黑椒雞腿肉》用黑胡椒吊味，雖然無蜜糖汁咁吸引，但都新鮮無雪味👍🏻👍🏻 《孜然雞中翼》雞翼已開邊，🤩孜然味用黎燒肉一流，勁香口😙🐮牛⭐️⭐️⭐️⭐️款式好多～ 有牛舌、和牛粒，油脂感適中，唔會

公司一大班人放工食燒肉放題一入到去座位係爆滿，環境都唔錯，座位都坐得好舒服同寬躺😊豬腩肉🥓切到超薄，燒出嚟效果好出色，脆卜卜～🤭而且醃既味道啱啱好，好入味！刺身方面新鮮~~~🍣🍤份量亦都足夠！尤其是大家都好鍾意食甜蝦，不停食好滿足！燒菠蘿🍍同埋牛油粟米不停encore😆佢哋order咗好多唔同款式，總括嚟講，放題質素都有8分👍🏻係會再去食嘅！

［#kwfoodie日本菜］🍽燒魂已經在尖沙嘴開業多年的燒魂，主打日本🇯🇵燒肉放題，除了燒肉以外，亦有提供不少日式放題必備的餐點，例如刺身、天婦羅🍤等，務求令客人以一個價錢，可以享用燒肉和放題兩種餐點❣️#放題 $308/1小編在平日最早的時段前往，所以價錢只需$308一位💛而假期時段收費則由$298-$368不等～放題包括刺身、熟食、一品料理、各款豬牛雞燒肉、炸物和壽司🍣牛肉方面：必試黑毛飛霜空降和牛🐮雖然牛肉的油脂分布不算太重，但牛味香濃而且肉質不韌🫣另外壺漬牛粒味道亦十分不錯，牛粒大小剛好，可以達至外香內軟的效果～豬肉方面🐷：必點蜜運豚后肉‼️豚肉不會像五花肉般油膩，反而油脂分布合適，吃了也不會整口也是豬油，而調味添加了蜜糖，令肉質較軟亦容易烤至香口💓餐廳竟然也有提供石鍋湯，小編點了冬陰功魚腐粉絲煲，味道頗為正宗，而且石鍋把湯陰功燒至完全沸騰，熱力十足，而且粉絲吸收了冬陰功湯的味道， 十分濃郁💖刺身方面則屬於不過不失，款式不算特別太多，但可以滿足希望同時吃到刺身和燒肉的朋友👫🏻味道小評分：😋😋😋😋/5🌟喜歡可以Like&Follow, 有你的支持是小編的動力🌟整體味道指數：👍🏻👍🏻👍

呀～～～很久沒吃放題了！還要是寫紙仔下單的傳統放題！今次我們兩個女生相約到尖沙咀金馬倫中心2樓的一間日式放題·燒肉餐廳《燒魂》！餐廳環境尚算寬闊，每張桌子都有一個燒肉爐位，乾淨整潔。最得一讚是店員態度分友善，而且上菜速度很快！基本上遞交紙仔後，待一會兒就已經有食物傳過來了，很有效率！印象最深刻是他們家的王牌牛皇系列！特別要分享推薦「鮮蕃茄牛裡肌」、「薄切牛舌」、「西柚汁霜降和牛」。整體燒肉水平都很高質，油脂均勻分布、肉質細緻多汁。.不過大家記得燒薄切片的肉塊時，記得留心燒肉時間喔！不然燒焦了就太浪費了～除了燒肉外，我們也點了一試刺身和壽司，像是鰻魚、玉子以及蟹柳壽司等等。其實我平日很少吃食三文魚，不過眼見朋友點了一轉，就試一試。結果，最後有一大半都被我自己一人吃掉了！哈哈！真不好意思！肥厚的三文魚特別鮮甜可口，忍不住破戒了！沒有點太多其他熟食，主要吃了一些餃子和炸物類，味道中規中矩，不過不失。.由於我們兩個女生食量不算大胃王級別，沒有狂點，僅僅就著兩人份量點了適量的份量，過一過燒肉放題的口癮，吃到飽就夠了，所以沒有試太多的菜式。不過餐廳還有很多不同種類的料理，如果下次再來，可以繼續試更

尖沙咀日式燒烤刺身放題店 — 燒魂今次去咗呢間尖沙咀嘅日式燒烤刺身放題黃店試吓～見到Menu款式種類繁多，包括：野菜、壽司🍣刺身、炸物、丸類、熟食、豬牛雞肉都有，種類選擇都多～🐮牛肉方面，除咗有騷騷牛裡肌、黑毛飛霜空降和牛、薄切牛舌之外，和牛嘅口味都仲有蕃茄及柚子口味可以選擇～其中最鍾意牛舌，夠曬薄身爽口！🦐泰式生蝦：配上枱的酸辣醬汁，入口微辣 🍣刺身方面：叫咗馬刀貝、三文魚、吞拿魚、甜蝦、希靈魚整體都夠新鮮！🐚卜卜煮大蜆：湯底入口頗辣，蜆食落無沙石鍋香茜蠔仔粥：係以石頭鍋奉上，一上枱見到出晒煙起晒泡！新鮮滾熱辣😍入口好綿滑，仲食到粒粒蠔仔，而且調味啱啱好，唔會淡，更加上鮮冬菇🍄蘿蔔🥕芫荽🥬等配料，食落唔會好單調！

#放題總滙去食放題 盡情吃喝係指定動作 咁先值回票價🤑 今晚呢個放題 令我哋極度選擇困難 食物列項好多😱 冚棒唥都想食呀-⭐️兩小時任食放題 每位$308⭐️週一至週四 黃昏六點至八點-🥗前菜+刺身🥠+火炙壽司🍣三文魚/油甘魚/甜蝦/吞拿魚 樣樣叫啲 然後係豆腐胡麻醬沙律 再嚟一round炙壽司-🔥燒雞肉🐔開邊雞翼 食得方便 孜然/香茅/柚子蜜薑 三種醃料我都like 加埋啖啖雞腿肉 好快K.O.咗一碟-🔥燒豬肉🐷五花腩肉脂肪相間 入口有肉鮮又有油脂豐腴 燒豬頸肉細細嚿但有嚼勁 醃醬濃香惹味 -🔥牛拼盤🐂+雜錦時蔬🍄自選拼盤有牛舌/牛小排/牛里脊/安格斯牛柳粒 肉質鮮紅 燒到七成熟 無論係淨食 蘸三色醬汁 或者用新鮮生菜🥬包住食 都咁👍-🥘熟食料理食到興起 唔好俾佢停‼️ 蒜爆通菜夠鑊氣 雜錦天婦羅係人氣之選 冇理由錯過 唔經唔覺 個肚腩胃腩 已經好充實啦🤣🤣-📍燒魂尖沙咀漆咸道南57-59號金馬倫中心2樓

餐廳：燒魂 (尖沙咀)地址：尖沙咀漆咸道南57-59號金馬倫中心2樓尖沙咀呢間開咗十三年嘅日式燒肉放題店——燒魂 @gutssoul_hk 咁多年都喺深受香港人歡迎🎉，星期一至四晚市6-8pm做緊$308加一，有多款燒肉、沙律🥗、壽司卷物🍣、刺身、唐揚揚物🍤、一品料理、食事比你選擇，仲可以任飲汽水、罐裝飲品同清酒🍶，Like埋社交平台 Page仲有Mövenpick雪糕送添🍨行入餐廳見到有一幅裝滿唔同Figures、清酒、日式飲品嘅裝飾牆，餐廳都幾寬躺，有唔少舒適嘅卡位同大枱，兩個人嚟密密斟，或者一大班人嚟圍威喂都咁啱😌，值得留意店員嘅制服仲好有香港特色🇭🇰，喺到就賣個關子等你自己去發掘吓🤪✝️沙律順住點紙叫咗唔同嘢食，先嚟咗幾份沙律🥗，細細兜啱晒可以試到唔同款式，一定要試嘅緊喺泰式生蝦🦐，佢哋嘅泰式辣醬真喺夠晒酸辣惹味🌶，喺食得辣先好試啊😎✝️壽司壽司叫咗七味燒三文壽司、忌廉芝士鰻魚壽司、火炙醬燒蟹棒壽司、松露醬大蝦壽司、花之戀壽司同鯛魚壽司🍣，雖然舊飯就有啲暖而且食落有啲黏黏嘅感覺，不過佢哋嘅火炙壽司確實幾出色。特別鍾意七味燒三文壽司，將三文魚輕輕炙燒過加上七味粉同香蔥，炙燒香加上微辣

同朋友平時食燒肉就食開牛角，想試下新野就揀左呢間黃店既燒肉放題，有埋刺身、壽司、一品料理等等任食，滿足晒我地2個為食鬼😝。平日6-8pm $308/位(另加一)，幾抵食🉐。🔅牛🐮任食既肉通常都一般，但呢間食落有驚喜😳。首先肉會解凍左先到，唔會拎黎成舊冰咁。和牛同牛裡肌都好正😋，牛舌夠晒好爽口，唔太油膩，同埋薄薄地好易燒，一片接一片食唔停🤤。壺潰牛粒都唔錯，平時食某日式燒肉店既一口牛會痴牙，呢間反而唔太會，牛味亦更濃💛。🔅豬🐷推薦血池辣豚小排！肉好嫩，燒到邊位脆脆地，加埋香甜既油脂，正😳 🤤。🔅雞🐤雞翼解晒凍又斬左半好易燒😎，好快有得食(心急人上🎵)。食落都好滑👍🏻，醃料咪唔算太重口味唔錯。🔅蕃茄薯仔和牛烏冬平時我太熱愛蕃茄湯🍅，忍唔住叫左個😂。蕃茄湯偏甜，啱晒唔鐘意食酸野既我🤣。烏冬好入味，用石鍋上就更香更滋味😍。🔅牛油炒粟米份量好多！牛油撈得好勻，香而不膩，粟米🌽都幾甜，難怪係大好評之一💛。🔅菠蘿唔知有冇人都鐘意燒菠蘿😌🍍，呢個好推薦！菠蘿好香甜👍🏻，比較少見燒菠蘿會無皮，但咁樣仲方便食🥺。💬Overall好滿意🥺，鐘意燒肉又貪心想食埋刺身壽司放題既話真係唔可以錯過🤩！