燒魂屋 (已結業)

經過一天星期六都要開工既辛勞,最好都係開放自己肚皮既quota大擦一餐今日黎左呢間放題,裝修:不過不失啦,好就好在座位長,唔怕迫等位時間:唔算耐,但好多人,環境比較焗服務:算係反應快,而且會講明魚生order得多會冰上,因為怕可惜我地唔太好,所以改用碟上,但唔係問題食物就先講魚生啦! 魚類比較大件而且厚身,叫得過,其它就好似冇魚類咁大件,但話明放題,當然唔好因此卻步啦!燒烤肉類: 牛:有一口牛同牛小排比較好味,但點解好似韓燒咁既?haha!一口牛好快熟,想快D回本既朋友一定要叫 羊:最鍾意羊架!Encore左起碼5次,因為佢一D都冇羊有既so味,而且鍾意用手拿野食既人黎講係恩物! 海產類:可以主攻蝦,唔鍾意蝦既主攻貝殼類都唔錯!其實食到最後我都唔知可唔可以訂位,如果可以既下次會訂定先去!因為真係好怕星期五,六要等位

之前慶祝朋友生日,所以book左呢間放題由於一早book位,所以時間唔洗等太耐,一去到等5min已經有位,仲有經理安排左間room比我地,幾好安排經理仲話有蟹送,yeah!!i之後都係點野食啦,呢度D串燒需要推介,串串都係熱辣辣上,而且牛舌真係幾好食,因為有黑椒呢,haha最最最令我朋友滿意既係,當叫經理送上生日旦糕個陣,全場熄曬燈,之後播生日歌,攪到我朋友喊曬口,好有heart講番食物,串燒之外呢度既sushi都唔錯,推介海膽sushi

由於小妹就黎要結婚,所以臨嫁著婚紗既節食生活前要好好大擦一餐,今晚個餐就由一個姐妹同佢男友book左呢間放題佢問我意見,我話D食評唔太好喎,有幾個怒火樣...點知佢就話去啦去啦,依家去仲有蟹送,係佢落足嘴頭下,我都冇謂掃佢興去到時候都幾多人,我地同reception姐姐講可唔可以要D闊D既位,佢話比卡位你啦!但只係闊少少,都唔緊要,有得換都好D,而且態度都幾nice呀!坐低叫好曬野食,之後就有個侍應捧住舊蟹黎我地面前,當然最開心梗係我位姐妹啦!(笑),好在間野都唔係呃人,如果唔係就真係白黎一趟啦!野食終於黎啦!等得最心急當然係D魚生啦!OK喎,擺得幾有心思而且份量都幾足呀!2百零蚊,夠足秤!之後既燒大蝦一支支上,唔係立立亂一碟上,再次地覺得幾有心機,味道都算唔錯!肉質實,冇腥臭味!證明唔係過期野!粥都煲得軟綿綿,拆埋蟹肉撈埋食,一絕!!今晚都食得幾盡興!婚前既最後大餐我真係覺得好完美,好好食!

呢間野簡直係一絕我有一種《未去食，先憤怒》既感覺book台已經唔想去食打左去3日都係留言，留左訂座時間及日期及電話冇人回覆，找到人聽電話~結果佢話要真人聽電話先可以留位...send信去YAXXX 團購又唔比退錢去到d位好窄，完全唔好坐我都第一次係d坐得咁辛苦既地方食野去到食第一時間拎左兩隻松葉蟹出黎我地黎講下佢d野食先飲品 - d特飲好難飲松葉蟹 - d蟹肉係冇咩味，係d膏都幾香香刺身 - 冇味，除左三文魚，其他都唔得壽司 - 舊飯勁大炸物 - 呢樣先勁~南瓜都可以炸到冇味清酒煮蜆 - 有人問...你叫左個清水煮蜆?我仲以為自己叫錯野= =糖心蛋 - 呢個係另一經典，個心熟晒既糖心蛋串燒 - 其中一樣係牛舌~有骨既牛舌真係第一次食完全同平時唔同 - 非常難食 最好食就係d燒蕃薯仔law

尋晚同朋友去左呢間尖咀既放題,雖然地點唔太好搵,不過質素都算中上等位時間: 一D都唔耐,可能係閒日,等左5分鍾已經有位,仲要係4人卡位(我地2個人)服務: 不過不失,會自動fill茶,得閒會同你清理下碟呀個D,催單都會馬上攪掂環境: 尚算企理,好在地下冇咩垃圾同食物碎,我最怕食食下踩到D污糟野,呢一點要讚食物: 魚生大片,如果叫得多仲要用冰盤上,最抵食都係三文魚同甜蝦 串燒就叫得熟左D,不過我自己唔鍾意太生,所以覺得OK,最鍾意係牛舌 熟食可以試下佢地個清酒煮蠔,雖然份量唔會話好大但好香蠔味而且酒味唔勁,頂唔順酒精都可以試下

先講入座, 一出lift, 已經有4-5個人係度排隊入座, 都唔係第一日做放題啦, 都係咁混亂咁.................入到去, 安排左一個冇燈既卡位, 同佢講, 就撥左盞射燈過黎, 唔想射住, 惟有掉位, 點知係一張一人大細既方枱, 但懶係卡位咁既2人座, 冇得揀惟有硬食..................入座後要自已去攞飲品...............跟住隻長腳蟹就到.......................都幾大隻, 但有兩隻腳甩左.................不過都OK既...........唔霉囉放題選擇都係個D, 但就同之前D人所講, 真係有漏單................個D咩鮑魚粥, 點左都未見過..................食物亦都麻麻地: 刺身OK啦, 但係天婦羅就真係冇個D沾汁囉, 係問左回覆話冇, 都幾"特別"囉......................團購加埋咩服務費, 每人$240..............如果5:30至唔知幾點walk-in入去食, 加埋一都係$23X, 唔係平好多至喎.......... 最衰係唔多好

時常都是看食評，今次自己第一次寫，為甚麼呢？在近排的劣評如潮下，前天晚上與友人昨晚9:30入場進食，一坐底立即選東西吃，由坐底至第一次食物來時，不用10分鐘時間，整晚我們分了三次order 食物，沒有漏過甚麼單，剌生都新鮮、串燒都野味，天婦羅的南瓜很甜，又有蜜桃都幾特別，飲品方面又真的弱了點，只有汽水、深顏色特飲，雪糕都好味；眼見多位waiter & waitress 都十分忙碌及勤奮，他們行動行快，但我們遞單給他們，他們也有接，全程沒有人當看不到我們，到最後，食客們已走得七七八八時，待應們開始食飯了，只剩了一位女待應（Ms Angel）收拾清理各桌子時，我們多口寮她傾計，她很有耐性解答了我們很多問題，還推介了她公司一些優惠，她對工作熱誠令我們留下深深印象；有時一間餐廳劣評，正如我友人說，真的要自己親身體驗過才知真相的。

到的時候因為購買團購的人很多，所以等了15分鐘沒想到經過漫長等待後...迎接我們的竟然是非常糟糕的用餐狀況『火炙壽司』系列-竟然一個都沒有!!『爐端燒』系列-僅剩3-4種『手卷』-來到我們都傻眼竟然只看得到飯，完全無法辨識是哪幾種...而且海苔都濕濕軟軟的『生魚片』-色澤不新鮮又小片..『雪糕』-很遺憾，不是DREYER'S...是牛奶公司味增蜆肉湯-滿滿的湯水.只見到零星的蜆...炸物外身的炸衣都軟軟爛爛.而且都是冷的，不知道擺了多久...金菇牛肉捲很細小...想必應該也非現做的啦......服務態度也是愛理不理我們已經沒有任何心情再吃下去了...點了一輪，來了北海道松葉蟹(唯一OK的)就想早早買單走人最可惡的是我們跟櫃檯人員反應餐單出入太大，竟板著臉孔說:「你們要這樣捉字蝨，我們都可以說我們上面有寫『餐牌內容會有所調整恕不另行通知』我們有這權利!」拜託!!是稍做調整，你們也調整太大了吧團購二人$316+服務費$104真的覺得非常昂貴呀!!

搬左出黎尖咀 , 價錢貴左都遇左架啦 ~一入門口感覺上服務仲好似好左添 ~一坐低冇耐 , 就有人"隊"左隻蟹過黎 , 我都知佢送架啦 , 不過都係問左係唔係先 ~我對呢隻蟹講真冇乜興趣 , 我黎嘅主要目的係刺身同串燒 ~第一轉串燒 , 又犯左之前舊舖嘅同樣錯 , 完全唔熱 ~我叫經理過黎 , 佢就攞走左 , 叫我再畫過紙 ~好彩都黎左刺身同中華沙律我食住先 , 冇咁悶 ~刺身比之前紅磡店出色 , 三文魚食得出有魚味 ~而且搬左黎仲有甜蝦刺身食 (舊舖冇架) ~後補嘅串燒黎啦 ~ 呢次好熱 , 而且好明顯係岩岩燒嘅 ~ 而唔係燒定番熱 ~鹽都落得適中 , 係囉 , 話哂你係做串燒嚮朵 , 唔應該咁低水準架嗎 ~更何況我係你地忠實FANS , 食都超過十次啦 ~(寫就只寫左2次 , 都係舊舖 , 呢次算係第3次啦)食物水準算唔錯 , 一定好過你出MK 個D場 , 而嘈又亂又唔好食 ~講真真係唔明點解會有人話漏單 , 我食左前後4-5轉 , 完全冇漏單 , 反而仲畀多左次三文魚刺身我地 ~都係個句啦 , 放題黎講呢個價佢對得住你有餘 , 而家仲要送蟹 , 你仲想點 ?!佢串燒雖然有時會失下水

同左個女仔frd黎食,太肚餓關係好快已經點曬食物等左5-10分鍾已經黎度,但見到刺身唔係好似人地咁一盤冰鎮上既?叫左個經理哥哥黎問,原來佢check左話我地張單分開左比佢地,明白曬!估唔到佢地都會肯耐心搵原因解釋比我地聽,算係咁啦 講番食物先, 刺身好厚切,雖然冇冰鎮上,但都唔係室溫,所以好好食,我地2個唔洗5分鍾已經清左碟要encore! 而encore得最多就係甜蝦,因為我地2個女仔真係好鍾意甜蝦,而且呢度係連埋蝦頭原條上,我就建議大家唔好點wasabi,費事搶走蝦既鮮味! 其餘我地仲有叫壽司同串燒,串燒上得好快而且好熱,好新鮮最後要推介就係芥辣八爪魚壽司,其實我我由細到大都好鍾意食ga啦!不過呢度既辛辣程度好勁好正,鍾意芥辣既一定要試!

我第一次寫食評，因為從未食過咁不知所謂。以前食過金倫中心間燒魂，係有個爐自己燒任食個種。諗住呢間都ok，結果衰到無人有！ 首先呢間並非自己燒，而係點order。都唔緊要。點燒雞翼同雞軟骨可以前後四張order，其間又催又叫都無回應，等左兩個鐘先來第一碟。燒三文魚一坐低已點，等到兩個鐘後先宣布話反應熱烈賣曬喎！其實根本由頭到尾全場都無人有食過。 服務人員太少。一行有十幾張枱，平均都係得一個人招呼。仲未計個服務員本身已捧住成盤野，想交order紙或者叫佢都好難。 仲有其中一個類似經理或部長嘅態度都非常敷衍。隔離枱有食客叫左天婦羅，想問佢比天婦羅汁，答案竟然係“我地呢度唔會有” 。我當堂笑左。因為我正正先前就問另一個服務員攞左碟！ 講下食物，壽司刺身麻麻。壽司啲飯超難食。天婦羅蝦裡面軟淋淋,一啲都唔爽口. 爭在未至於變壞！清酒煮蜆可以完全無味。最犀利係燒雞翼，係先烚熟或者燘熟9成，然後再係咁而燒下個表面。燒牛脷可以唔熟，仲係生咬唔到。仲有話dreyers雪糕任食，其實只係不知名牌子雪糕放係dreyers雪櫃裡面啫，仲難食過雀巢。而且仲要雪到超硬,出盡力先到幾塊雪糕片. 可能擺左

食物質素麻麻，嚴重漏單叫左幾轉都冇野食嚟，等野食來又係超慢d 侍應生好似唔會走過來接單，侍應經過都唔清枱，又扮見唔到！！！！！！又扮見唔到行過係我食過最差的放題，一定唔再來怒！

經過左1日放假,第日又要返工之後,梗係想再好好食餐好既去渡過呢個週末啦!咁啱男友即興食放題,我地2丁友就白白撞撞去左呢間試下一去到,嘩多人到...都起碼等左15分鍾,不過星期五晚,算係咁啦,何況出面都有位比你坐下等下坐低時候無啦啦捧碟松葉蟹黎我地面前,我地眼望望話都未叫野食點知之後經理走過黎話係優惠,2人幫親就有,心諗唔係呱,有冇呃我地架,點知經理話一定唔洗錢,仲推介用粥底煮咁冇咩主意既我地唯有聽佢講囉,點知真係ok喎,雖然唔係咩高級蟹,但拆開D腳都啖啖肉,而且撈粥食特別鮮甜,平時唔食粥既我都清左2碗講返主菜(因為其實我地黎係主要想大食刺身同壽司)甜蝦一定係要推介,大條夾有膏,而且reorder左幾次都一樣size,抵讚魚生都算厚,唔呃街坊,不過有時會黎埋其他種類既魚....壽司就推介魷魚同扇貝壽司,我地食刺身已經食曬魚,所以壽司就冇點到魷魚幾啜牙,而且會有應有既海水味,唔會好似食膠咁,喜出望外!總括: 估唔到白撞會有禮送,2人食左蟹粥基本上都感覺回本,而且其它菜式都唔差,值得推介既

放工同姐妹血拼完之後拎住一袋二袋戰利品,都費事周圍搵野食就決定搵就腳既呢間放題,得悉原來佢仲有宵夜時段,可惜我地係正常時間入,走寶tim...坐低時問侍應哥哥呢度有咩好食,佢話串燒,我聽到心中暗笑,因為小女子最鍾意熱氣野,侍應哥哥仲話2人送蟹粥,不過我地2個都唔太鍾意,所以唔想浪費食物冇試lu,哈哈!既然串燒咁得,就叫大量啦!我地總共叫左羊架,豬頸肉,燒茄子,一口牛,脆肉瓜,雞翼等等羊架同牛肉質幾嫩,而且燒得唔會好dry,值得推介呢串豬頸肉真係不得了,串串都燒到脆口,而且係熱辣辣,跟脆肉瓜食仲可以中和油膩感,唔錯!其實呢塊係茄子,不過小女子影相手勢mama...自己就覺得好多汁,而且蒜頭同蔥都落得算重手,有少少辣,夾埋茄子清新既味道,好正手卷方面就相對冇串燒咁正啦!不過炸物手卷都算幾好食,特別係軟殼蟹,好彩既仲可能食到有膏tim其餘我地仲有叫魚生同煮物等等,但我可能個人關係都係覺得冇特別,都係串燒出色,配埋汽水,真係好滿足!

很多食物缺貨！待應態度惡劣！無左隻松葉蟹！提早兩個鐘迫人走！唔會再去，好失望！Book左9點，去到門口仲要等9：30先入得。我地有6張團購$158 一位（另收加一）8個人去，其餘兩位要收正價$248加一但其實佢地正價9：30都係$178加一都算啦！三文魚同串燒海蝦係幾好食，ASAHI $120/ 6罐都算合理！其他就唔好提啦！松葉蟹原來無既，呃人！！！𣎴過乜都話無貨，軟殼蟹手卷，海膽壽司，燒三文魚頭，燒茄子，雪糕，全部最想食都無！過份！差到連天婦羅汁都話用曬!我個人認為佢地係想cut 成本，無可能開門做生意乜都無！我地9：30入到去，11點話last call無端端比張單我地！只食左一個半鐘，等食物都等左半個鐘才開始慢慢有，仲要話cut曬我地d單唔會再有野食來，離曬大譜！我地係3.5小時任食，應該最遲1點走。（餐廳收2：30）同待應講完，之後來左幾隻串燒海蝦，不過係燒唔熟既！我地就走左啦，仲有朋友未食飽！ 真係一個字........差！相反以前食過佢地集團，尖沙咀金馬倫中心膈一集團間日式綱燒放題都算ok！其實我之前未寫過openrice評語，但今次真係需要同其他人分享一下。