燒魂屋 (已結業)

真係激死我，我同老公去慶祝兩週年，唔知食咩好，咁行到呢到樓下，有個派傳單既男人話，試下啦，送日本生蠔你地食！我地起初都唔去架，但四周無咩好食，就試下！一入去，地方幾舒服，我仲好開心 。但。。剌生黎到後，惡夢開始， 送的一客剌生，有帆立貝，我一食。。。嘩。。元貝嗎？完全無味，又實，難食。三文魚可以。飲品味道好奇怪！最後一定要講個日本生蠔，一見到就唔想食，無殻包住，好似桶蠔，共四隻。我老公試第一口，即刻吐出黎。 埋單每位260左右。。。 大家，揀放題要小心，我不會再黎！

食日本放題,梗係要order 必要既刺身啦! 呢度既刺生頭輪原來會砌到靚一靚,放係碎冰上面上架喎! 夾一舊三文魚入口,唔~~真係好凍,但係D肥膏係口又覺得好好食XD再來一舊吞拿魚,肉質結實,最好就係緩和三文魚既肥膩感!咦?呢度D甜蝦咁大條既?唔係呱!抆左蝦尾,連埋蝦頭一齊啜入口...阿~~蝦肉好啜牙又鮮甜,蝦膏又甘口,一個字鮮! 見到有燒野食,唔洗自己燒梗係好啦! order 左燒一口牛chicken wing, 燒粟米茄子等等...最好食其實竟然係茄子,香料蒜泥下得足,香辛可口!死啦!食食下唔記得影相,好在,仲有呢度我認為都係好食既炸物,炸蝦同甜蝦一樣出色,好奇怪老闆點樣入呢D靚蝦,因為好少2樣生同熟都好食! 值得一提呢度個炸薯餅都好好食ga!不過唔係M記個種,係日式個種,入面滲左少少芝士,更加香口!最後我地用雪糕作結尾,老實講,甜品就冇咩特別啦!但食左成晚油膩野,點都要清清個味蕾

好耐無寫食評了。但今次真的想推介下俾大家。呢間野係三個月前有人介紹我食。話係新開張仲有學生半價$113位。當然好吸引啦。膽粗粗去試下。一食食左3次。估吾到9月都仲有半價。仲要大專學生證都得。先講環境：間野新開。加上吾係大街要開地圖先搵到（係m記對面）。入到去地方好大。主要以卡位的座位。所以吾會好似平時食其他放題甘坐到好逼。傾計談心都自在d 。洗手間好乾淨同企理。不過間野個冷氣都幾凍。所以每次都會帶件外套服務：d 侍應服務好好。有禮貌同埋有效率。特別女侍應超好服務態度。上菜速度：都好快。好少漏單。不過有時寫2串串燒就自然多一兩串食物種類：好多。串燒最好味。問過個女侍應。佢話呢間係同燒魂一同一集團。飲品：野飲係自助。有提子汁。橙汁。熱茶。汽水。仲有一部自動沖牛奶咖啡。朱古力機。今次我飲左3杯美祿。我男友最喜歡提子汁溝雪碧或忌廉食物質數：沙律：個人喜歡蟹子沙律同燒魂刺身沙律。燒魂沙律係用芝麻醬。我覺得好好味。女孩子最愛。仲有味付墨魚大大粒好食刺身：一去到會比一盤剌身你。入面有幾款。當中三文魚。希靈魚同甜蝦最好味。反而帶子有d 乾身同醒左d 。食完呢盤之後我地就只叫3文魚。因為3文魚食過幾次都

有朋友由荃灣放工黎meet我食晚飯,於是今晚我地2個人就諗左好耐,都係決定去食日式放題多過自助餐,點解?因為放題主要要野食款式多,而且魚生可以大量叫! 唔似自助餐敢孤寒... 講番食物質素,我要特別讚既係呢度既魚生質素,我地叫左三輪,雖然頭2輪之後就唔係冰盤上,但三輪既份量都令人滿意(當然你也無可能填99而expect人地比99塊你吧..),而叫得燒魂,都令我想試下佢呢度既串燒,卒之我地叫左牛舌,雞翼,同茄子等等...牛舌真係幾有油香味,配上黑椒2者味道很配合,喜歡既可以點埋佢提供既for串燒既汁,酸酸味味,仲有少少果香tim!雞翼佢燒得最好就係皮燒得脆脆地,而且肉質不乾. 雞翼既size啱啱好,如果可以好似出面咁拆埋骨就好啦! 之後我地仲叫左冷烏冬同拉麵,冷烏冬叫佢多蔥又真係有加喎!個烏冬撈埋生蛋再點汁食,好滑do do呀haha! 呢度最好既就係可以同朋友啤返2杯. 又俾我發現到佢有露台位,一於秋天再同佢黎第二回合\

去農村開日本餐廳等發達，其實真係唔難。只要鋪面裝修靚靚，掛幾塊寫日文嘅布同板，門口放個日本酒擺設，啲茂利就會以為任何上枱嘅都係日本直送美食。尋晚我同男朋友就係咁樣上咗當。喺餐廳樓下見到張剪報，睇落似係報紙訪問，話有多年經驗嘅日籍師傅駐場。睇落好似唔錯喎，於是我哋就摸上去試下。入到餐廳，裝修幾好喎。地方寬敞，每枱之間都有一段距離，咁嘅格局喺放題餐廳嚟講非常難得。客人唔多，得四五枱，主要坐喺門口一帶。餐廳播住up beat澎湃嘅音樂，仲有天空之城同龍貓嘅remix版㖭，加上聲浪之大，我差啲以為自己去咗劈場。坐低嗰吓，即刻有女侍應嚟話會先上一個刺身拼盤，嘢食可以慢慢畫，嘢飲就去自助飲品吧自己拎。佢態度殷勤有禮，令我哋就咁墮入天仙局。叫咗幾樣壽司、軍艦同沙律，我就出去飲品吧打個轉。汽水有好幾種，重有熱水同茉莉花茶㖭，之不過綠茶欠奉。為咗彌補不足，店方另外放咗三桶睇落新奇好玩又刺激嘅飲品任君選擇。我呢啲大鄉里出城，實在少見多怪，忍唔住影低其中一桶公諸同好。埋到位，都仲未知道伏已中，兩個人繼續黐黐呆呆坐埋一台，熱切期待上菜一刻。說時遲那時快，刺身拼盤一個箭步，華麗麗咁登場鳥。諗返真係有少少後悔，我

當我黎到燒魂既時候，感覺同一般既放題無異，心諗:都係平凡不過既一餐放題先講裝修吧! 首先座位同間隔比一般既放題餐廳闊落，其次裝修都有下過一番心機既！唔係隨隨便便純色就算其次是服務，基本上侍應都奉問有答，問當日推介會推介當日既新鮮食材等等！不過可能人多關係，有時會叫你請先等等，都係可諒解的。說回食物，我覺得呢度既主打唔係刺身，唔係串燒，反而我最覺得好食係呢度既小食同天婦羅！我好鍾意呢度個魚生沙律，首先有唔同種類既魚生，配上酸酸甜甜而帶有芝麻香既醬汁，另外仲有燒玉子粒同蟹籽粒。入口好不爽脆，而且夠凍，成為完美既開胃菜另外佢既七味墨魚嘴，個名好似係呢個唔多記得了! 令我意外係佢反而唔係拎墨魚嘴去燒而係做涼盤，入口同出面既日式螺肉大同小異，但因同上墨魚嘴，真係好彈牙好辣!最後要讚既真係天婦羅，我自己食過出面大眾既日本餐廳，呢度既水準算有70分!事關佢肉同炸粉分開得清清楚楚，而且做到新鮮既淺黃色！配上佢其它既吉列食品送飯原來放題都不必計較食幾多魚生先可以回本，食到好食，可以回味既食物已經心足！

我們一行4人在星期五6:38pm無定位就咁走入去碰運氣，點之入到去嚇你一跳，個場好大但只得連埋我地都係得5檯客真係靜得可憐。-魚生  首先送來一盤暗啞兼深色的魚生，除咗鮑魚菇可以食之外，其它的又腥又雮都吾知擺咗幾耐。-串燒  牛肉，牛脷同雞腎韌到咬吾到，的燒雞翼同燒波蘿完全無味，有一種好似帶子嘅物體我以爲咁重本有咁大隻帶子點知咬落去好似食魚旦，只有燒大蝦還可以。-天婦羅  蝦天婦羅亦都可以。-壽司  細得可憐，又吾新鮮，争鮮的 $3 壽司好過佢多多聲，軟殼蟹手巻就比較OK。-炸物  的炸蠔腥到食吾到，炸豆腐炸到好似石頭咁。其它的食物比較正常，正常的意思是如果要求吾高的話都可以放得入口嘅。

來了香港已經差不多8年，由當初一個新鮮人，到現在已經熟悉香港一切(當然包括香港最出名的各國食物)今次有客自遠方來，下班後當然想招呼他到一間可以令他捧著撐撐的肚子離開的餐廳啦! 友人說要一嘗不同的菜式，最好是日本菜剛在尖沙咀工作了半年的我，已經知道要到什麼地方招呼他了來到燒魂，首先當然是叫侍應馬上奉上一盤新鮮的魚生，魚生什麼款式都有，三文魚，金槍魚，牡蠣，扇貝等等，吃到我友人連連讚好，特別是扇貝，肉質爽口彈牙，配上芥辣，爽!食完冷冰冰的海鮮，接著當然要叫一碗熱呼呼的拉面，一冷一熱,好不過癮! 而且這裡的拉面面條雖然不至於是什麼高筋面粉等製成，但廚房煮面條的時間恰到好處!不錯!接著我要作主啦! 我叫了其它串燒呀，熟食什麼的，不過要數最精彩的，就是天婦羅了! 一直很欣賞燒魂的天婦羅，因為上桌的時候顏色每次都是很淺色而且不會有黑黑啡啡的顏色出現，我朋友還說一咬下去不會有油膩的味道! 而我自己就覺得海蝦天婦羅最讚了! 炸漿很薄，蝦肉有質地，配上朋友之間的閒聊，談回以前的往事,滿足矣!!! 

今日約左班腦友喺尖咀食放題~因為大家放工時間有異,所以搵間有無限時段既地方~一邊坐一邊食一邊等~!!呢間之前試過一次,那時係佢新開張,覺得質素唔差,覺得佢出品都好有誠意,所以那次仲申請左佢的VIP朋友一個一個咁到~我地開始點食物~可能因為喺房,所以冇咩服務員刻意經過~房中有個叫人鈴,禁左都要等一段時間先有人到~有少少後悔訂房…食品要自己拎住隻杯出出添,我地問佢可唔可以比個茶壺我地房,佢地say no V__V食物上菜算快~但係賣相好一般,感覺比之前來時退步左少少喺好冇吸引力之下我地只係影左一張相…幸好保持到質素,各款魚生相當新鮮, 但係款式唔算多,擺設亦一般…我地勁中意食甜蝦,所以落單都好落力,點知上黎時份量大減,令我地好失望,好在可以再點, 可惜份量仍然唔啱數~我個人最討厭佢地呢種行為~!炸物炸得太過火, 而且好似炸起AND放左好耐,上枱時已經唔熱了好中意食芝士炸年糕,但係黎到已經唔熱,拉唔出一絲絲的芝士了~好可惜~羊扒我地心中好期待,只可惜細細件又太熟了~其他熟食出品冇咩驚喜,可算係同左個朋友搵個地方見下面~ 

呢間野星期日爆曬，好在一早同朋友ｂｏｏｋ左位！事緣呢間野係雜誌賣左廣告，我地呢Ｄ好食之人就衝左去ｔｒｙ　ｔｒｙ！坐低之後有個姐姐仔同我地講你地咁多人，可以加錢換蟹喎！我地梗係加啦，唔差在個少少錢！之後落曬ｏｒｄｅｒ，個姐姐仔就返黎之後捧左個巨蟹上黎，ＷＯＷ！正呀，不過每個人只可以分多少少，如果可以再加錢再換就好啦！等等下，Ｄ野慢慢開始黎，一開始一大兜魚生一人一件好快清曬，希靈魚好爽，酸酸味味好開胃，三文魚脂肪厚，多食唔怕＂流＂！之後既牛肉串燒都係正野，特別一口牛，好有牛味而且燒到６成熟左右，我最鍾意呢種既熟度！主角上桌啦！雖然係夏天，但一大兜蟹粥幾熱都唔怕呀！一入口幾甜，雖然蟹肉煮過後冇凍食咁爽，不過鮮甜依然！希望佢個優惠期可以無限期延長，下次再戰！

繼happy friday lunch 後又到happy friday dinner。一日內連續食咁多好味的食物，真係飽死都開心。因為成日去燒魂一到食日式燒烤，今次就來轉轉新口味。呢間啲燒物唔係自己燒，而係有人同你燒，你點就得啦。個任食一開始就有一大盆魚生比你，有三文魚吞那魚希靈魚等等，啲魚好鮮，佢地處理得好好，但係就仲有少少雪，味道都ＯＫ。之係要添食就要自己寫紙。因為我地早食，訂咗7:30，結果早咗少少，佢都比你入，但係走果時已經差唔多9:30，雖然人多咗，但係都仲有啲吉枱。我最鍾意係佢地的海膽壽司同天婦羅，啲海膽好新鮮，好有海水的味道及鮮甜味。天婦羅就炸得剛剛好，唔似用咗千年油炸。啲壽司好似出面啲壽司舖正咁，賣相好之如啲味道都唔錯。佢地的飲品都係自助，有美綠又有咖啡，美綠啲甜味道剛剛好，可能因為係機正，好熱。仲有個酒煮蜆，啲蜆好大隻，不過酒味唔夠，如果酒味多啲會仲好食。仲有其他好味的菜式，不能盡錄。佢地仲有dreyer雪糕，可惜我食得太飽啦！！但係正體來講啲野好好味，大滿足！！

外國留學返黎之後基本上都冇同一個好朋友,趁大家都有時間,拿拿臨book左呢間燒魂屋咁到底有咩好食呢?我同朋友先決定打散D野叫,我地先叫左串燒先,估佢唔到竟然唔係肉類最好食,係平平無奇一塊燒菠蘿點解?因為佢真係好甜,而且我好鍾意用菠蘿夾肉類食,例如一口牛啦,中和番D肥膩感,一定要叫呀!之後叫左碟清酒煮蜆,酒味冇乜,不過蜆肉就算肥美,唔知係咪夏天當造呢?而且洗得算乾淨,好味!燒蝦都算唔錯啦,不過燒既時間應該再短D!咁肉質就會多汁爽口D啦!最後我地先反傳統地叫魚生,基本上都過左合格分數,不過呢度D帶子刺身就真係可以一叫再叫啦因為佢真係大粒,唔係cut 1/6比你,所以我地最後決定放棄魚類,主攻貝類刺身了

原本好怕呢D放題大廈,因為成日覺得好野應該要自己有一個位,安安靜靜咁做點知比朋友拉左入黎,冇計啦!朋友話呢度生野同熟野都好OK叫左魚生,果然係喎!但自己真係唔識分放題魚生同高級魚生既分別,只係覺得種類多而夠凍熟野,燒肉同燒茄子就真係算出色啦!因為自己之前專登走左去某一區食燒茄子,但燒唔熟好難食呢度會好熟同好淋,但汁真係會多D,下次同侍應反映下先!至於壽司呢,可有可無啦!反正同出面差別不大!食物方面合格,服務都唔差,上菜速度中等,唔洗追單!都冇後悔黎過呢度啦!

似乎有人將燒魂屋同其他燒魂掉亂了。此燒魂屋只是一般放題，沒有燒肉。食品很一般。三文魚刺身還可以，其他都不太合乎正常水平。最好吃的竟然是串燒菠蘿。種類是夠多了，但似乎都不太好吃。比較好的是環境，非常清靜，全卡位，坐位舒適。長腳蟹六位以上有得送，散叫$99。

星期日一行7人浩浩蕩蕩黎到呢間放題好在book左位但可能人多關係都係等左12分鍾一埋位就叫左海鮮 有螺啦、蜆啦、蝦同魷魚仔,而且螺同蜆估佢唔到幾大粒另外仲有叫左壽司有芝士蟹柳，燒帆立貝同最大路既三文魚。當然啦，最好食都係最貴既帆立貝。至於燒肉方面啦喎，咔咔咔…我地叫左一大堆牛肉；一口牛呀，牛舌呀，牛肉片呀等等，都仲未計有羊架，五花腩等等！我地一路等牛肉既油香滲出，一路就食住D生野同壽司類！到主打既牛肉燒好，先嘗試一口牛粒,唔~~油脂四散，唔至於令人失望!牛舌就好爽口，黎呢度一定要試呢幾樣！