燒肉LIKE (德福廣場1期)

營業中

休息中

一人日式燒肉店🤩 想食燒肉過口癮，唔洗怕約唔到fd，自己一個都可以食燒肉喇🤣 源自日本東京的「燒肉LIKE」主打正宗嘅日式「一人前」燒肉體驗！價錢實惠，性價比高👍🏻ஐ —-ஐ —-ஐ —-ஐ —-ஐ —-ஐ —-ஐ —-ஐ✿ 牛小排&牛板腱套餐100g $105套餐包左：泡菜/沙律、白飯(自選size，細中大，不需要加錢)、麵豉湯同肉類。 兩款牛嘅口感都好嫩，油香味都足夠，而牛小排嘅牛味會更加重d🤩加上店內嘅唔同烤肉醬，十分惹味👍🏻個人鍾意原本BBQ醬，味道唔會太搶牛味🤣✿ 牛五花＆豬五花腩套餐100g $48嗌左個貴少少嘅牛小排套餐，所以就嗌返個平d嘅做下對比，牛五花無牛味，口感同豬肉差唔多，十分煙韌😂豬五花腩發揮正常🤣 仲加左個雞腿肉，雞腿肉夠滑，$15蚊可以試一試！ 整體黎講，我覺得$48蚊咁嘅質素都算好好啦，都唔好要求肉會太好😂 至少分量係足👍🏻

燒肉Like的分店愈來愈多每間分店也總是大排長龍全店採用自助形式由Qr code點餐、電子付款至燒肉全都是自助每枱餐具和各款醬料十分齊全一人一爐既衛生又方便但唯一缺點是無煙火爐火力較弱剛開始可能要花較長時間燒肉最便宜由$48起，牛五花套餐已包括一碟牛肉、沙律/泡菜及一碗珍珠米飯可加配温泉蛋/紫菜飯等另外更可加配不同肉品如豬頸肉/牛舌等（有全份或半份供選擇）牛肉切成薄片加上蒜香醬油非常惹味想簡單快捷燒肉確是不錯的選擇

唔係好餓食唔到任食燒肉 行過見到呢間一人燒肉好似好得意❣️ LIKE All Star套餐(牛五花、横膈膜肉、牛板腱、牛小排、和牛扒、牛舌、豬五花腩肉、豬頸肉、雞腿肉) $129香港分店一周年限定套餐 最啱心思思一次可以試晒咁多款肉品❤️‍🔥分得太仔細都未必肯定邊夠喺邊個位置最鍾意食牛小排同牛舌 牛舌都幾大份 肉片燒到啱啱變色 幾乎塊塊都入口即溶 完全冇雪藏味 好正❣️ 牛五花300g + 另加 牛五花50g $108+18牛五花即係牛嘅胸腹 牛味濃 油花分部得好平均 愈近肚仔脂肪比例越多 但今次我哋收到呢啲唔算好肥淥一淥即食 男朋友仲驚唔夠飽嗌多咗一份 食過仲話好好味唔夠喉想嗌多兩份本身套餐都包埋前菜可以揀泡菜或者沙律 仲跟埋麵豉湯同白飯 最平嗰個套餐4 50蚊就食到輕食嘅話係一個超好嘅選擇

1. 地點得！環境得！坐得舒服！2. 香港未開之前，我已經在東京新橋食過很多次，主打(孤獨燒肉)，吸引很多日本上班族，所以中午及放工時段都係一樣咁多人排隊。3. 講番香港，由裝修，餐牌和食物擺放都同日本一模一樣，只是落單和付款，香港用電子手機方式。套餐為主，以這個價格，肉類質素正常，例牌和風湯，不過飯香好味！4. 讚賞的是服務員，有禮貌，而且位位都衣服整潔，而且你會感覺到他們的努力，整間舖頭十分清潔，物件安放整齊。5. 失敗的是，日本餐廳，除了日式胡麻醬外，其他醬汁都不是日式的，這個有點奇怪？還有，Blackpink 是韓國女團。

想食肉唔洗再book位同約fd子了，一個人lunch time 都可以快趣烤個肉雖然門口人多多甘 但等位其實唔耐 特別係間店極近地鐵出口 省返好多時間肉無投訴位 平+新鮮 性價比好高但當然都稱不上係好靚既肉

約左同事放工食飯🤗，大家都倦倦地，但入左去餐廳就有種去左旅行感覺❤️本人好鐘意食壽喜燒，所以二話不說就點左個壽喜燒牛小排 200 g🐮, 有得揀生蛋同温泉蛋。佢旁邊有好多 醬汁，不過我覺得本身已經好夠味，肉質岩岩好，唔會太韌，CP 值好高。今次雖然係第一次食，相信之後應該會有五，六，七，八次🤤🤤🤤

放工一個人喺德福，想食咗晚餐先返屋企，行過見到間一人燒肉，諗都唔諗就攞張飛排隊等，等咗5分鐘就可以入去食食食。首先講下環境方面，極微油煙味，餐廳抽氣系統幾好，餐廳格局好似一蘭咁，一人一路自私食，當晚星期一7pm成間店都坐滿95%，餐廳內清潔滿意。我order咗$102個招牌Like套餐150g，前菜有泡菜或者沙律，主菜有牛舌，牛五花和橫膈膜肉，另外有熱湯和白飯任選150g, 200g 或300g。醬汁方面有八款選擇，啱晒我呢啲鍾意試新嘢，試完最Like蒜香醬油。以下係非專業，個人口味評級：白飯好似係日本米，好味。牛舌，薄切，有咬口，牛味偏淡。有厚切牛舌可以單點。牛五花，薄切，有去日本食燒肉的味道，牛味適中。橫膈膜肉，厚切，燒煮後都偏軟身，牛味偏濃。麵豉湯正常，泡菜正常。結論：餐廳環境整潔，食物質素正常，最平價錢嘅牛五花竟然有驚喜，格局一個一爐，四個人以上比較難安排坐位。一口燒肉（如果飲埋啤酒就perfect）彷彿有三秒置身日本燒肉店感覺，一人自私食，又有好選擇。

限時1hr食到好有壓力$148四部合奏套餐「厚切牛舌」極需要烹飪技巧，唔識控制火候，牛舌超韌咬唔入。「薄牛舌」輕輕燒兩燒好快熟。「牛小排」成個餐最有安慰就係佢。「牛五花腩」肥到呢！一定符合商品說明條例！

之前開張冇幾耐食過，覺得唔錯。趁開返晚市，上星期三晚諗住約埋朋友一家，一行七人再食。拎咗飛後大約一小時，門口有位略胖嘅帶位員就叫我哋嘅號碼話有位，但係要分開坐！我哋心諗，一齊嚟食飯當然希望一齊坐，如果唔可以都起碼喺附近。嗰位小姐就話，如果要一齊坐，起碼要再等半小時以上，咁我哋唯有分開坐，同嗰位帶位員講希望唔好太遠。佢當時話唔會太遠，但係唔係喺隔離！跟住我朋友就再問佢，請問而家係咪要分開坐？個位小姐就語氣好重咁答：先生，咪講咗安排唔到一齊坐，如果要一齊坐要等半個鐘頭以上囉！於是我哋話OK，問佢係咪可以入得？佢話未要再等等，再等就已經過咗10分鐘，終於叫我哋入坐，但係又話要係門口再等執枱！擾擾攘攘最後安排嘅係近門口坐四位，入邊去到店舖最入另一張枱坐三位。心諗，難得一齊約出嚟食飯，同分開自己食冇分別！坐低之後竟然發現我哋隔籬枱同後邊張枱都冇客人，侍應執緊枱！但嗰位於帶位員話俾我聽，起碼要等半個鐘頭以上？？？？？？食呢餐飯真係火都嚟，嗱嗱聲食完埋單走人，衰過快餐店

我真係好鍾意食呢間燒肉，不過佢限時一個鐘，雖然唔算坐得10分舒服，但係性價比非常之高，每次都真係好開心，次次食親都忍唔住食一大碗飯，就算最平嗰個牛五花其實味道都好好食，真係未食過咁抵食嘅燒肉喺香港，牛橫膈膜嗰個位都好好味好淋，佢仲可以加蛋，就算另外嗰啲食物一份份都好平^^每次都覺得好邪惡，但係每次都去返食，好似食咗上癮咁，之前都試過食和牛嗰塊扒，價錢都唔貴，不過我自己比較鍾意食牛橫膈膜嗰個位，食落去好淋好濃味正

放假同屋企人黎食餐下午飯。一人一爐好岩疫情環境，叫做安心啲，坐既位置都隔一段距離。先講講食材1.澳洲和牛扒180g ($198) 黎到見到塊肉係暗灰色 唔係鮮紅 感覺好似放左好耐無人叫，肉質好厚，唔軟唔林，難燒難吃，評分一星，好難食👎👎👎伏中之伏2.牛小排牛板鍵200g ($128)肉質薄，燒起上黎好易熟，幾好口感，味道不錯👍值得再叫。3. 壽喜燒牛五花連溫泉玉子($38)有油脂出，幾搶火，唔使燒太耐，燒好後點玉子，好味😋

九龍灣開咗間燒肉like, 可惜六點後冇堂食只能外賣，堂食就係自助燒肉，外賣就係燒埋俾你，我叫咗個豬五花腩便當，由於外賣有折就平少少60幾蚊就有個餐豬五花腩便當：五花籃燒得幾香，肥瘦均勻，食落有豬油香，配埋泡菜都幾夾，肉嘅份量都唔錯有大約六塊，不過飯量就好少，即使叫咗多飯都係咁少；昆布湯味道比較淡

源自日本東京的「燒肉LIKE」主打「美味、快捷、超值」的一人燒肉體驗！更設置無煙烤爐 疫情之下，一人獨食的風氣大行其道，日本過江而來的人氣一人燒肉專門店「燒肉Like」響德福廣場開既分店，一到Lunch門口擠滿人，好彩我地等左10分鐘就有位。 60分鐘的用餐時間，打工仔午飯時間夠晒用，因為食物上得很快，最經濟套餐$48起，有湯、有沙律菜(泡菜) 、有飯、又有肉。 分量方面可按g數自己選擇，有三種牛肉類的套餐，50g~200g! 吾夠可以單點再追加。飲品都係單點$5-$18。想乜都食就叫最多人既Like 套餐 (有齊牛五花、牛舌、橫膈膜三款) 第一次入去食，問左店員正常胃口😂😂叫邊個g數先夠，佢話150g。手機點餐，我地揀左： 牛五花套餐 200g - $78Like 套餐150g - $95 自助燒烤一人一爐，自己燒自己攪掂，座位前面燒肉醬汁和調味品十分齊全。整體上牛五花點少少BBQ醬都好好味，燒到出曬油滋滋聲，成20片肉，沙律菜新鮮加埋麻醬一流，湯亦夠味。飯可以選擇大中細份量。人均消費係78蚊， 吾使加一，電子貨幣付款不收現金，價錢合理，豐儉由人~感覺都算抵。 Set menu s

果日經過德福商場見到有食店大排長龍,  原來系燒肉Like岩岩開左分店.燒肉Like黎自東京,賣點系一人一爐燒肉, 已經進駐台灣、新加坡等, 2021 年終於黎到香港, 第一間香港分店向沙田新城市廣場.宜家德福開左分店, 當然搵機會試下今日黎食午餐, 睇到餐單, 燒肉套餐最平$48就有, 有牛、豬、雞，同埋日本和牛、牛舌、橫膈膜、豬腩肉, 仲有壽喜燒，坐底後用QR 落單, 可以叫自己想要既部位同份量，由50g至300g都有, 套餐仲有湯同飯, 飯都有得揀, 有100g/200g/300g,  想要咩就慢慢揀😎我叫牛小排同牛板腱, 肉質好唔鞋有牛味, 加埋日本米 , 平時唔系食好多飯既我都食晒200g 飯🍚, 仲有幾款醬汁揀, 覺得幾好味同埋坐得幾舒服又無限時🏆想食可以Gulu  app 早D 攞定非, 希望下次再黎水準可以保持🎉

星期六下午三點幾，見門口冇乜人就排隊試下，等十分鐘已可以入座。地方都幾整潔，坐位傍有個籃比客人放手袋什物都幾細心。叫咗“小牛排＋牛板鍵 200g” 兩份套餐@＄128，之後再加 120g 和牛扒 ＄150。所有肉都已預先醃製醃料，味係比較重，但啱我口味，牛肉質素一般，和牛扒就麻麻比較韌，應該叫多一個套餐比較抵食，白飯分大中細三個份量可以選擇，我揀咗大碗，口感唔錯，溝啲枱面供應調味料，可以好快食晒一碗。一人一爐都幾好玩，油煙吸落底層所以冇油煙味，呢方面令我最欣賞。唔食牛嘅話，可以選擇雞肉或者豬腩肉片，價錢亦比較經濟。掃描 QR code 自己落單，埋單只收電子貨幣不收現金相信係大趨勢。提提大家，店內沒有免費茶水供應。