燒肉LIKE (德福廣場1期)

營業中

休息中

我想去呢間一人燒肉店好耐，今日終於早啲起身，避開午市人群，舒舒服服去食咗一餐。我喺門口等餐廳開門😅所以座位任揀。第一次嚟當然乜嘢都想食。咁我就揀咗LIKE 套餐 150g $102。套餐包括午餐、橫膈膜肉、同埋我最鍾意嘅牛舌。其實我係食肉獸，所以我會覺得肉嘅份量有啲少，不過未嚟過，點都要嚟試吓嘅😜肉嘅質素都ok, 碗白飯好大碗，所以都食得飽。呢間餐廳真係好適合一個人去，因為設有好多一人位，唔會覺得奇怪，好啱我✌🏻

聽聞這間好評不斷， 終於有機會一試12點左右沒什麼人不用排隊， 掃code上網用信用卡直接付款， 呢個令我疾一疾， 信用卡已入晒手機， 銀包只有手機入唔到既銀聯， 但佢又唔收銀聯， 好在我有影低某d卡係網上空間，最後成功傳款， 但都係煩， 無apple pay samsung pay。。。點了以上單中的內容加雪糕大福首先套餐牛舌沒牛味， 比大x喜放題質素更差板鍵肉有牛味但極瘦同鞋隔膜肉你不講我以為是叉燒， 無牛味大半肥， 燒完都似叉燒牛小排是可以， 但素素比凍肉鋪50蚊200G個d美國rab更差， 佢50G要60蚊， 好多肥油花唔均勻和牛是出面正常黑毛和牛水平，4塊50G 98, 我收貨食左一次， 唔會再食，平還平但真係唔得

出名排長龍的燒肉店，最好係下午2:30後去咁就唔使排隊，兼且即刻可以入座。店內裝修簡潔，一人一爐一個座位。枱上有四款不同款醬汁，及黑胡椒鹽及海鹽選擇， 十分之方便。自助手機落單俾錢。套餐價錢都係$80左右，有飯有湯有沙律，仲有200 g的肉。當然，想食好啲的話，亦都有比較貴的套餐選擇及單點。叫咗一個$80的牛五花套餐，牛肉的份量也不少，仲有一個300 g的飯。另外加咗100 g的牛板腱$65。牛板腱的肉燒起上來沒有牛五花的香。這樣嘅價錢，份量，一人一燒肉，算係不錯了，並沒有什麼服務可言，侍應只是幫你將牛肉放上枱。價錢質素也是中上之選，所以也是日日排長龍的原因之一。

呢間名副其實嘅排隊燒肉點😂🤣每次嚟到九龍灣行街每次經過都非常之想食呢間燒肉店😬但係次次見到條人龍攞飛嘅時候最少要排兩小時先可能入到店內食😂🤣所以今次我哋專登一早大概12點嚟到就係想食呢一個燒肉😬😬嚟到沒有失望，直接可以入店內叫餐，叫餐形式非常之方便，網上scan QR code就可以睇到餐牌直接落order直接網上俾錢，非常之方便就算你不懂得網上選餐，店員都可以協助你一個餐裏面，你可以選擇配紫菜飯前菜飲品，非常之全面燒肉沒有令你失望，但係不是高級色店的水準但以佢嘅價錢性價比高，值得食

呢間燒肉店真係要網上攞飛先得，晚餐時間7點去要等百幾張飛係基本，所以要食建議早啲去6點冇咁多人，呢間嘢基本上都係一人一爐，我叫咗個LIKE套餐250g，有牛舌，牛五花，橫膈膜肉，份量雖然唔算多，但肉質確實有水準，自己燒就靠自己控制幾成熟，佢有幾種唔同嘅醬汁，三種醬汁嘅味道都唔差，但我自己偏好燒烤醬加檸檬汁配搭上牛肉真係幾十firm😋

通常食燒肉都會搵好多人一齊或者搵任食小店但呢間燒肉like主打一人燒肉最平嘅套餐50蚊內有交易晚市去排隊嘅人好多但都唔係話要等好耐order一個套餐就包埋白飯、湯、沙律/泡菜就算套餐嘅肉唔夠都可以追加自己需要嘅份量嘅肉❤️味道好正常而且叫壽喜燒牛小排有跟日本雞蛋檯面上都有好多醬料點肉用非常貼心

一人燒肉 毫不尷尬初次黎玩 原來要自己禁制開爐 同 用電話落單好彩仲後生 唔洗問店員 都搵到個制咋個燒烤爐唔大 一個人食 岩岩好佢個爐好猛 基本上燒幾分鐘唔洗 啲肉己經熟唔小心仲會燒燶咗添

自助形式一人前燒肉，連比錢都係手機自己用信用卡比錢，所以唔好期望有咩服務質素，我一行兩個人佢都淨係比一個調味碟我。提供嘅肉都唔算太多選擇，唔好預期有乜靚肉可供選擇，總括而言，唔係差亦唔係好，比較好食係個壽喜燒牛，我中意食嘅牛小排就差DD。比較介意係個燒爐都幾唔亁淨，有一舊舊污積係個爐，雖然會有塊新網，但好薄，D 食物好容易會掂到D 污糟積，另外，食到一半職員就走嚟問我地用唔用D 調味料，唔用就收走，好趕客。

我1/10號帶小朋友去食嘢，我叫其中一個職員（染頭髮，長頭髮，負責叫飛同收錢，又做樓面）拿個盒打包，佢hea住做，兩次比個盒我都整跌在地下，我要比錢，佢完全唔理我，有錢都唔收，一句：唔好意思等一陣都無。最火爆既就是我要走，有盒糖放係台面，唔記得帶走，我離開了一分鐘左右就返來，我問佢，盒糖係邊，佢去垃圾桶度執翻盒糖比我，話扔左！我當時聽了惱到爆，竟然將客人的物品扔左，從來未見過有餐廳係咁樣， 一點人性化都無！一般餐廳做法都是幫客人保管住先，客人一定會返來拿，更何況我用電話order食物，有紀錄，如果餐廳做得好一定會打比客人叫佢返來拿翻物品。基於今日的種種不開心經歷，我決定將整件事講出來，大家可以評論下這件餐廳下服務態度

一人燒肉之景牛份量 對我黎講岩岩好3款牛 未燒望落都唔錯燒完 前邊重有好又醬汁俾你揀燒幾熟 自己控制飯量 可在app內自選燒完牛汁撈飯 會食好多沙律可揀kimchi /日式沙律菜湯 就 fixed 都好夠味通常都會 叫碟生菜 🥬包肉 無咁油碟生菜so far食左幾次都有叫都覺得每次都新鮮 唔”梅”的98%自助式 埋單都係 scan 台上QR code 埋單好似網上買野咁 好方便快捷 唔洗攞單出去排隊 咁隻仔但 溫馨提示係 一定一定要 有等位apps睇住 number 大概重有十個好行返去附近因為佢一次過會突然叫得好快一過左5個又要再重新排過 好鬼異～ 所以等位唔好行太遠因為我試過 要跑返去 好緊張刺激😅價錢方面 大眾化 男仔黎講 可能唔夠肉 都可以單點 但 建議可叫個大碗飯試下先再單點牛因單點 叫 牛 點得太開心 就不如去任食差唔又啦🤣

之前已經聽人講話呢間燒肉店好抵食，咁岩前排約左舊同學食飯，所以就一於試下呢間燒肉啦！😆我地七點左右去到見到門口都幾多人等緊位，大約等左半個鐘就入得去。一入去環境都幾舒服，坐位好闊落，餐廳仲好貼心放咗一個大籃比我哋擺袋👍🏻shopping完過嚟拎住一袋二袋都唔怕好論盡啦！燒肉分咗100g，200g同300g，我就點左牛五花300g，仲有沙律，麵豉湯，一碗白飯，嘢飲，同埋額外加$15要芝士😋醬料方面大推蒜香醬油同原味BBQ，加落啲肉到更加惹味！肉嘅質素都不錯，燒完肉味好出，好滑好多汁👍🏻 芝士方面就正正常常300g份量都好多，飽到上心口都未食得晒，最後仲分咗幾塊肉俾我朋友食😂價錢都係百零蚊咋！而我朋友食100g就話份量啱啱好，$48左右就有一餐👍🏻整體來講，呢間餐廳唔算好貴，食物質素亦唔錯，性價比高👍🏻下次都會再嚟encore！😋

約朋友飯聚問佢想食咩，佢即刻提起呢間燒肉，仲要大讚又抵又好食！甘我梗係要黎試吓咩料子啦！🤣星期日7點黎到見到已經好多人係門口排曬隊，一㩒飛…哇！等成百幾個位！好彩朋友有經驗提前係app個到拎左籌，大家記得預早少少係網上拎定籌就唔使等甘耐啦！原本3個人去食一人燒肉，仲諗緊會唔會好唔方便傾計，入座後發現我諗多左啦。雖然係一人燒肉，但啲座位都好適合聚會，坐得好舒服，見到在場都好多一組組既食客。入座後掃檯角既QR code落單，我叫左個牛五花300g套餐，仲包埋飯、湯同沙律，諗住自己岩岩做完運動要食多啲，點知300g真係唔少，食完飽到上喉嚨！朋友叫左100g已經食飽，仲要好抵食，$48就有交易！啲肉牛味好濃，脂肪分布平均，好香好juicy! 大推原味BBQ醬同蒜香醬油，超級好味，一定要加加加！燒完既肉帶少少油再點埋醬汁配飯真係一絕！

約一年前見店鋪裝修時就打算去食，今天下午坐地鐵車外出找地方食午飯，忽然想到就决定食，下午近4點只有約2成客，坐位尚算寬敞，用手機點完餐要立即付款，好快食物就送到，全程員工態度幾好，亦有教我如何開爐，而且爐火好夠力，食物質素合理，調味汁我只喜歡蒜味燒肉汁，其它不太合囗味，胡麻醬加入沙拉內都好味，准1缺點就是沙拉菜不太新鮮，白飯應該是日本米，湯都好味，全程都滿意，可以再食

成日行過九龍灣知道有間一人燒肉，今日終於黎如願以償來試下。雖然係支付方式有d麻煩要網上付款，不過肉方面質材和賣相都唔錯，有好幾款調味。飯量可以簡，都夠飽。唔錯。

來一客孤獨燒肉 - 牛五花 + 橫隔膜肉。橫隔膜肉，聽上來好似好正。實際上都是不錯的，肉味濃，份量少（可見是貴價部位)。牛五花 - 肥瘦很適中，如果想平平地又燒下燒下的話，單揀這個肉餐會很相宜。其實夏天對住火爐，即使有冷氣都會流汗的💦米飯是珍珠米，粒粒肥嘟嘟。醬料沒有特別。