燒肉 帝 (已結業)

非常失望的晚餐，今晚一家三口去慶祝食飯，等左45分鐘入座，叫左極上美國牛肉放題，除入座已有的2碟牛肉后，食物紙入左3張，等左30分鐘仍未上任何一款食物，汽水都沒有。催左沒有汽水，過一會才上汽水，再催牛肉未上，之後才上牛肉，再催牛舌，才上牛舌，催一樣上一樣，每個侍應、部長或經理都說幫我跟張單，但食物也是催一樣來一樣的，最后order的雞軟骨，雞串，八爪魚，生菜（叫左3次）一份都沒有到，反而沒有叫的烏冬，溫泉蛋飯，面豉湯就來左。只此一次，以後都不會再光顧的。

燒肉 帝 - Yakiniku King - 高質日式放題今日介紹一間位於康城商場嘅燒肉專門店，是一間主打日式燒肉放題嘅形式，餐廳以日式居酒屋的設計風格，佈滿木元素、木條子，配以沙發座位，高級豪華的日式放題。總共有四款不同級別的燒肉放題，有美國牛肉系列、澳洲和牛系列和日本A4和牛系列，每款也可以享有100分鐘任食任飲。嚴選澳洲和牛放題 $488/位四款級別中，我們選了第三級別，可以任食澳洲和牛。這款級別總共有36款不同種類、部位的肉類；牛肉方面當然推介澳洲和牛，油脂豐盈的牛板腱、牛肩甲和爽彈的牛舌。而家光顧仲會送價值$68嘅黑魚子帆立貝添。除咗牛肉之外，還有提供豚肉、雞肉，推介豚梅肉，還有雞腿肉和雞皮串，仲有羊架添。海鮮類有扇貝、帶子、虎蝦、多春魚、廣島蠔，推介牛油帶子同埋彈牙嘅虎蝦！如果仲未滿足，仲有小食同埋炸物提供㗎，甜甜嘅玉子燒同埋豐富嘅關東煮；芝士年糕同埋芝麻雞翼都好正架！

日式燒肉放題朋友很愛吃， 這店子燒肉放題有別於平常～和牛的味道，高質～。店子有不同的燒肉放題套餐，分別任吃和牛，澳洲和牛放題，無限追加多款牛肉！有牛不同的部位放題、牛肩胛也少有的，也有日本直送之雞和魚可以點，厚切豚肉也是一定要吃的。每款放題也可以無限追加醬料、日式野菜、冷盤、小吃、湯，炸物，前菜，亦是很棒。甜品客人也有雪條及無酒精飲品放題。鱈魚乾新鮮選擇，新鮮鱈魚風乾，再烘烤，棒！佐酒一流！燒肉肉品品質絲毫不馬乎，新鮮食材佐上鮮甜蔬菜，這店子最為推薦的是店家招牌燒肉，吃得健康美味。燒肉，店家新鮮包肉生菜無限續加，調味放置於桌，讓顧客創意調味，牛仔骨厚實、油花豐富，吃起來大塊滿足。搭配檸檬汁微酸滋味，好吃不膩。韓國泡菜很吸引喔！和牛店家嚴選和牛入口即化滿滿油脂香氣牛舌厚而爽脆，讓人允指回味！半殼生蠔半殼生蠔有豐富的鋅元素及鐵、磷、鈣、優質蛋白質、糖類等多種維生素，朋友最愛吃， 新鮮生蠔～鮮甜好吃，半殼生蠔肥美和風涼伴番茄這店和風涼伴蕃茄～味道棒，居酒屋風味喔!炸物炸物中的紫心香芋和芝士亦要試～朋友一向喜歡吃和牛，這店用日式烤炙各款昂貴和牛部位，嚴格的感覺吃到來，由日本原隻高品質到港，感覺

好友新居入伙, 特意走入康城賀一賀佢, 還好客地請我食咗餐和牛燒烤放題, 密密食, 超滿足。門面跟內在環境氣氛有別一般放題餐廳, 感覺走高檔路線, 設大量卡位, 坐得舒服, 當時入座率全爆, 但沒有半點油煙焗促感。晚市分別有四款限時100分鐘套餐價錢選擇, 我地揀咗最多人揀嘅嚴選澳洲和牛放題套餐。套餐送每位限定一客黑魚子帆立貝, 表面有微微金黃, 凍食嘅刺身口感, 配上珍貴黑魚子, 賣相耹貴。飲品方面任飲罐裝汽水、涼茶, 至於酒類就要另加$68/位任飲。 先送上一盤精選澳洲牛肉, 包含了肉眼頂、三角肉、肩肉一口牛, 三款肉都可以再無限encore。三款肉嘅牛脂同樣分佈平均, 肉味重, 口感亦無大分別。所有食物click order紙落單, 上檯都幾快手, 放心可以密密燒, 密密食。前菜小食order咗芝麻八爪魚、芥末八爪魚、蕃茄凍食原隻芝麻八爪魚入口超滿足口感, 芥末八爪魚切得太細粒, 不過連汁食幾爽滑鱈魚乾: 稍為烤幾下食得, 微微脆又暖, 好似食緊魷魚絲咁, 甜甜地蟹籽沙律: 蟹柳絲、蟹籽、青瓜絲, 清爽有層次。芝麻雞翼: 炸皮香口酥脆, 肉質嫩滑有肉汁。紫芯香芋丸: 外層鬆脆不油

好耐冇去過食燒肉，又咁啱去咗日出康城，所以決定同幾個朋友去燒肉帝試吓。喺未入去之前我哋就決定咗C套餐嚴選澳洲和牛放題。喺門口同職員講完之後佢已經話俾我嚟聽一開始會有一盒牛肉俾我哋，既然係咁我哋喺第一輪就叫咗一啲前菜同炸物黎食。唔使一陣，蟹籽沙律，八爪魚同埋關東煮就上嚟，蟹籽沙律同八爪魚同平時日式放題差唔多，而關東煮簡直用一流嚟，大根同日本食既一樣，甜，無渣，蛋有濃郁嘅雞蛋味，去到最後我哋叫到三碗關東煮食食完前菜，炸雞同埋炸芝麻雞就送到上嚟一放入口香脆可口，好明顯係落單之後即刻炸，非常好食。喺食前菜嘅時候，我哋當然唔會浪費時間同時梗係開始燒肉啦，佢地既牛板健一就一定無必食之選，又香又軟，超級好食。而不得不提嘅係只有澳洲黃牛放題以上先可以食嘅黑糖番薯、廣島蠔、半殼扇貝都非常之好食，黑糖番薯建議直接燒，外皮香脆內裏軟糯，而廣島蠔同半殼扇貝我哋放埋一齊煮，慳返位置，鮮味有可以加埋一齊，超級好食。 差啲唔記得咗，仲有其他燒肉店未見過嘅雞皮，燒完嘅雞皮香脆可口，而雞皮嘅油脂又可以令到個爐冇咁易燶，可以開始就燒，當前菜食。最後仲有甜品送，非常之解膩。

燒肉分四個等級分別係豚、雞放題 $248美國牛肉放題 $358澳洲和牛放題 $488日本和牛放題 $728（另加一收費，假日需另加$）包無酒精類飲品我揀咗澳洲和牛，落單時就會先上一碟牛肉同每人一位黑松露帆立貝。帆立貝都幾大粒，味道鮮甜。而黑松露嘅味道唔算突出。牛肉肥瘦均勻，色澤都幾靚。一上枱已經急不及待放上爐燒。澳洲和牛偏向牛肉味濃，入口雖然唔會係日本嘅入口即溶，不過都幾冧。推介大家食肉眼頂，無論肉味同口感都幾好。餐牌上都有幾多其他嘅食物，特別推介海鮮。廣島蠔每隻都好肥美，咬落蠔味十足。而虎蝦都幾大隻，肉質爽口。半殼扇貝配埋牛油燒熟都好香。

The perfect way to fulfill your meat cravings, treat yourself with this all-you-can-eat Yakiniku.  For 100 minutes, you can order as much as you desired, with unlimited meats, appetizers, snacks, fried food, veggies, and non-alcoholic beverages.  There are 4 Yakiniku sets for you to choose from: A) 豚雞放題 $248/adult;  B) 極上美國牛肉放題 $358/Adult;  C) 嚴選澳洲和牛放題 $488/Adult;  D) 豪華日本和牛放題 $728/adult, with prices varying slightly on Saturday/Sunday and Public Holiday.嚴選澳洲和牛放題（$488/Adult)The Supreme All-you-c

上次去過康城商場之後,發覺泊車好方便，又有好多食肆可供選擇，今次嘗試燒肉店，位置係喺3樓，aeon旁邊。今次選擇左食$488澳洲和牛放題，除咗澳洲和牛外，點餐紙仲有一啲海鮮可以選擇。好似有虎蝦、扇貝、廣島蠔….呢隻蝦真係好大隻，肉質鮮甜，扇貝加上牛油燒，更加惹味。食完海鮮之後，餐廳一早預設一盤精選澳洲牛肉俾我哋品嚐，內裏包括有肉眼頂、三角肉、肩肉一口牛，由於三款都係細細塊，好容易就燒到，一個人都食成三盤回晒本🤪原諒我分唔到肉眼頂同三角肉，一食落去就知道係靚牛，鮮味充滿肉汁，牛味濃，如果夾住生菜食，感覺上冇咁邪惡。喺燒嘅等候期，都仲可以叫到沙律/炸物食，我仲飲咗個麵豉湯添。我比較鍾意食帝沙律，即係菜沙律加上芝麻醬。炸物方面即叫即炸，今晚指點嘅芝麻雞翼非常脆口，熱辣辣脆卜卜，正到不得了。另外一口芝士同埋芝士年糕一如以往嘅出色。值得一題，唔好諗住100分鐘食得好趕，我哋食咗一個鐘頭已經飽到食唔落，大家千祈唔好眼闊肚窄。後尾原來仲有甜品送，今次食咗海鹽荔枝雪條，10分滿足嘅一晚。

過黎康城探朋友，見到呢間燒肉帝，友人話未試過一於試試佢！燒肉放題原來係9 月1開始，總共有四個set，A/B/C/D，我地決定試下中間果款，set C 嚴選澳洲和牛＄488，一共有36款肉肉、33款沙律、前菜、小食、炸物、野菜同汽水吧！依家仲有帆立貝送啊澳洲和牛非常之正，牛板鍵同三角肉好肥美，又有肉味，食多幾塊都唔濟，呢個就係澳洲牛既特色！一口牛唔會鞋，食咗幾轉牛舌都唔錯，夠爽口海鮮有扉貝、虎蝦，蝦勁大隻又唔晦！肉類仲有羊架啊燒肉一定要配飯，加埋溫泉玉子omg小食有玉子燒，幾正叫左炸芝麻雞翼好邪惡啊！！！最後仲有Meiji雪條總結而言，呢個set真係好好好多野食，又高汁，有機會一定要試埋A4 和牛set😋😋😋

之前食晏，燒燒下個服務員冇啦啦幫手燒，雖然appreciate ,但一下佢就放滿成個盤黎燒，我一路講電話佢就不停夾分菜，我講完電話就見到成碟吹乾晒既肉，成餐飯似去左快餐店總共食左7個字都冇, 唔過份啦..點解勁趕燒清d肉同清枱，服務員其實見到我地都食唔切，就唔好再燒，乾左好難食，唔知佢太好心太得閒定冇人brief過佢做野.. 燒肉水準都一般，個蒸蛋唔滑。Highly not recommend..希望改善下Thanks

夏天果然还是要吃烧烤 和朋友离开香港前的告别宴 点餐的时候 服务人员说之前OpenRice 上推荐的菜都是推荐的600元的套餐上的 我们想在200-400人均之内就没有点那个套餐 除了推荐的套餐 菜单上的 和牛拼盘 牛舌 和pork belly 都不错 和牛拼盘的霜降牛肉入口即化 第一次吃 真的和普通牛肉不一样 点了生菜裹肉 还有韩式石锅拌饭 两个女生吃正好 想到了之前在尖沙咀吃日式烧烤放题 还吃了生的牛肉寿司 还有以前在国外吃深夜韩式烧烤自助 回忆满满

2022.06.22 lunch又放半日假😁 揀咗碌入康城食。 本身揀咗另一間日本野，但女友又想試燒肉店 (上次嚟見到) 望多一下餐牌，決定食呢間。裝修好靚，環境舒服！似乎午膳唔多人，睇得到得三枱左手⋯⋯對我倆嚟講緊係好啦，小人啲，舒服啲，感覺又安全啲😝 研究完一輪，決定叫兩個午餐- 牛豚雞、日本豚三品。首先要講係⋯⋯大家會覺得牛豚雞嘅牛會俾咩牛你呢？ 而餐牌嘅英文寫住 “beef”，呢個字點查字典都唔會解”牛舌”卦 🙄 有點失望係俾牛舌！我哋覺得，起碼係餐牌要列明囉，食牛嘅人唔等於會食牛舌！由其是外國人，我女友亦係其中一個！唔知點解，即時覺得有少少被騙嘅感覺😕 定係出面都係咁？定我倆唔好彩😑第二樣就係竟然收位位$10嘅茶錢！酒樓咩？係埋單先發覺！ 講真，餐牌嘅價錢已經唔算平，仲要收茶錢⋯⋯有少少那過！後尾再睇其他食評，竟然話手抱BB都計，望落咁華麗嘅一間燒肉店，真係有點⋯⋯至於食物，賣相係靚嘅，份量就覺得少咗啲啲，感覺真係貴左少少，$158，加埋茶錢，即係$168⋯⋯味道正常，冇話勁正，出面咁多選擇，應該唔會再嚟lu. 牛豚雞 (牛舌，豚肉，雞⋯⋯係雞翼嚟) 其實都好少係俾雞翼？定我

尋晚同老公去慶祝生日睇完戲就去醫肚，喺open rice見倒好似唔錯，即管去試吓環境好 服務態度好 員工非常有禮貌食物品質都好好，和牛入口即溶，海膽新鮮我地兩個人，叫左一個榊，一個帝份量剛剛好

$880/1 日式燒肉omakase，好高質，環境好、店員有禮、食物新鮮味道一流，can encore!!一開始有前菜，之後有牛胸腹、特上肩肉、肉眼上蓋，呢3款油脂都係比較豐富，好有牛味之餘，店員燒得岩岩好，唔會成口油咁好漏，但又享受到油花既正～～之後就輪到三筋同大三角，坦白講真係唔知係咩部位，但店員都超有耐性解釋，三筋好嫩滑，我個人就好中意，而大三角就相對肉既比例多d～黎到上腿肩胛肉同湯，呢隻肉係燒完浸湯咁食，真係未試過，原來咁食又幾好味再黎就係海膽牛柳飯付蒜味豉油，因為最近小妹食少左飯，店員勁好就幫我走左飯😛海膽勁好食啊又新鮮！omg 配埋牛柳真係世界級享受！最後仲有野原燒+日本蛋😍😍😍 同埋有蕨餅做甜品！大滿足！！

燒肉帝係康城商場入面嘅一間燒肉店，佢有得比你揀海鮮或者燒肉，價錢都係一樣。我見平時食燒肉都比較多，所以就同朋友揀咗海鮮😋。海鮮係要係四款海鮮入面揀三樣，分別有：有頭海蝦、帶子、白鱔、魷魚，我同朋友就揀咗頭三樣，每樣海鮮都係平均有兩件。首先嚟嘅係新鮮沙律菜，有一大碗，味道酸酸甜甜，好開胃😋之後嚟嘅就係和牛肉眼、海鮮、蒸蛋、一碗白飯、野菜煮物同麵豉湯🤩🤩餐廳有提供圍裙俾我哋，等我地燒海鮮同埋牛肉嘅時候唔會咁易整污糟件衫😆👍🏻店員建議我哋先燒和牛，因為牛有油脂可以令個鐵板無咁易痴底，燒完嘅牛肉仲可以因應自己需要落唔同嘅醬汁🤤燒完牛肉之後就輪到燒海鮮~ 首先燒嘅係白鱔，佢嘅肉質厚實，而且塊皮燒到好香脆，口感一流！🤤😍 之後輪到燒帶子，帶子大大粒、啖啖肉，唔需要加任何汁都已經好有鮮味👍🏻😋然後就到燒有頭海蝦😋蝦嘅肉質厚實，而且蝦頭都有好多蝦膏😍😍❤️食完啲肉同埋海鮮之後就可以食個蒸蛋😙佢嘅蒸蛋好滑，入面仲有啲菇同埋蟹柳😋另外，有碗野菜煮物，入面有菜、豆腐、菇同蘿蔔，啱哂我食完牛肉同海鮮可以清下腸胃👍🏻 同埋令到個口無咁油膩～碗麵豉湯亦都唔會話好鹹😋好好飲！最後就係甜品，有兩粒日式蕨餅，分別係加左抹