燒肉一番 (已結業)

在葵芳發現一間燒肉，裝修成可愛日本風，所以入去試試😂這間不是任吃的，有套餐有散叫，價錢也相當便宜抵吃，肉質比相像中好，性價比甚高👍🏻🔸牛小排套餐：選了200克那種，有紫菜飯，麵豉湯，泡菜；來到是2盤啊，份量好足夠！牛小排色澤鮮明新鮮，燒完後肉質不錯，不會硬也易嘴饞！點他們的燒肉汁或是辛口BBQ汁好好味🤤🔸牛五花套餐：也是選了200克，牛五花肉質較滑，油脂分布多點，所以吃落口好滑好軟！🔸一番特盛併盤：有3款，分別牛舌芯，牛小排，牛板腱；另外有海鮮，分別是扇貝，虎蝦，多春魚；牛舌芯真係好靚好味，海鮮也不錯都幾新鮮的👍🏻🔸樣樣都想食，所以還追加了豚五花，雞腿肉，只是50克🤭還好，豚五花燒完後口應爽脆好味，雞腿肉好滑！🔹總結：我們吃了六百多，因為好味所以我們追加了很多，可以吃到很飽很飽，但價錢也不貴。

今日五點半就收得工，同事話佢上次同男友係附近食過間燒肉好正，見今日難得早收，問我有無興趣😌有得食，點會無興趣😜位置超方便，係地鐵站/巴士總站隔離既好爵中心，食完搭車歸家都好方便👍又無葵廣新都會咁多人👍餐廳好光猛，門口好多打咭位🤤地方好乾淨好新，坐位闊落，兩個人並肩而坐都唔逼。餐牌有套餐/定食，亦有散點燒肉及炸物、雪糕汽水都有；套餐價錢由幾十蚊到百幾蚊都有，選擇彈性豐儉由人👍餐廳除左可以提早用THE GULU提早拎位外，亦有QR code自助落單，方便快捷；枱面又有齊多款醬汁，唔洗行出行入，用餐廳過程愉快🥳我就非常推介$172既特選牛三食，有三款牛包括牛胸腹、牛小排同牛舌，每款100g，夾埋300g，有齊下圖三大碟👇試齊三款之餘又分量十足，點兩個餐一齊share絕對大滿足🤤除左分量足之餘，牛肉質素都好靚，牛小排油脂分佈均勻，肉質嫩滑，味道濃郁；回味無窮😋另一款都強烈推介既係牛舌心😍$108，足足有六大條，非常厚身，口感好爽彈，內裏肉汁爆燈💡，非常有驚喜👍炸物款式唔算多，但每款都好新鮮即炸，上枱重好熱，好脆忌廉蟹肉萬餅，外脆內綿滑，勁正兩個餐已經包飯包湯同泡菜，＋$8可以轉紫菜飯，另外再散

在葵芳有間食燒肉不錯既地方。朋友相約去下慢慢食嘆下，室內抽風系統都唔錯，比較少油煙。一場來到不可不試其燒肉，每款牛肉套餐都各有特色，經香燒後香氣撲鼻，真的很美味，必讓你大飽口腹之欲!菜單可以用QR code 點餐，又方便快捷，套餐款式很多，一番特盛拼盆（四層）特意點了餐廳的招牌菜，提供各種牛肉，充滿驚喜，來自不同部位的牛肉都有不同的着眼點，每配搭他們自家製的燒肉汁入口肉味香甜濃郁，裏面有牛頸肉、牛小排、牛舌芯，每一部分能夠吃到牛肉本身的原味和油香，然後最下層還有扇貝，蝦和青魚。牛頸肉：胸小排的油花比肉眼還要多，所以入口同油脂香味更突出。牛小排：油脂花紋分布均勻。肉質滑嫩，燒香味十足，加少許燒汁就令肉質帶點甜度。牛舌芯：肉質帶點軟腍爽口，又有濃郁的牛味，味道更有層次。扇貝：味道有層次，加上燒至剛好熟，簡單調味突顯鮮甜味道，厚身肥美，質感無比！一番燒肉(牛胸腹.豚五花.雞腿肉）生卵紫菜珍珠飯(碗）麵豉湯(碗）是日前菜(份）汽水無糖可樂牛胸腹：油香味重，牛味濃香，一試難忘，肉質滑嫩。豚五花：油花豐富，肉質軟嫩又有口感，而且肥瘦適中，薄切口感不會太膩，加上柚子汁，味道帶點清新。雞腿肉：肉汁豐富

今日丫媽話去呢間嘢食，之前中午嚟過食，覺得唔錯，今日帶埋小朋友一齊入去食，丫媽六點幾已經到咗諗住拎定位等我一家，點知佢去到收銀有個丫姐話未人齊拎定飛先，之後又話我丫媽好拎定飛，我一家到就入去，我哋一行5人俾門口果張枱我哋，咁我哋問可唔可以坐入少少，當時成間錯有好多位，搞咗一輪有位應該係高級少少既女仕話俾張卡枱俾我哋坐，今晚d牛，豬都唔得，燒咗一陣一轉色就夾起，食落口好似食橡筋感，小朋友都好難食，上次食過佢哋啲蝦，今次又叫，點知今次d蝦個樣勁唔新鮮，勁失望，可憐無影相，因本身無諗住打呢篇嘢，係到走，去俾錢，丫媽去埋單，用支付寶俾錢既時候，收銀個丫姐咇完丫媽個支付寶個部機唔知點解收唔到錢，之後不停用一個勁差既語氣同態度，唔肯嘗試再咇多一次丫媽支付寶，又話會鎖機各樣那樣嘅藉口，不停話阿媽個支付寶有問題，仲不停鬧我阿媽

近排好興一人燒肉，同朋友行開葵芳又聽講呢間野好抵食，於是決定去試下呢間野！一入到去店員好有禮貌咁招呼我地坐低，亦都有教我地個爐嘅爐溫要keep好，最好唔好轉！睇到個menu啲野食全部都好似好平咁，同朋友開始瘋狂咁叫野食！一番特選套餐$102:呢個套餐本身包特選牛板腱、豚五花、雞腿肉150g，仲好好咁包埋飯，有白飯、紫菜飯同埋玉子飯，但玉子要加15蚊，所以我就揀咗要紫菜飯，另外仲有麵豉湯、是日前菜，最後呢個套餐仲包埋可以追加一份肉50g，以套餐嚟講真係好抵食，肉質食落普普通通，唔會因為平而比好差質素，大推！🔥🔥🔥安格斯肉眼套餐$169:呢個套餐同埋會包曬咁多樣野，追加就叫左牛五花50g，我自己就唔太鐘意食肉眼，好大塊要燒好耐，相對嚟講嘅話牛五花好食好多！沖繩風豚肉腸2本$20:呢個好似平時食開嘅台灣腸，好好食！推薦芝士年糕二本$20:年糕入面一咬落去有好多芝士，好濃芝士味，但要10蚊一舊有啲啲貴忌廉蟹肉薯餅二本$20:薯餅入面有滿滿的蟹肉，蟹肉味濃，鍾意食蟹的朋友不妨一試！推薦日式餃子二本$20:餃子同出面的質素差唔多，好食，抵食嘅！

#開餐好去處 ❣️葵芳燒肉一番高質燒肉店❣️今次同朋友嚟到葵芳地鐵站附近極高質嘅燒肉店😋我地用FOOD GULU 攞定位📲去到好快就可以入坐😍呢度裝修非常精緻💓有多打卡位📸💟 四層一番特盛拼盆有牛舌芯、牛小排、牛頭肉、秘伝之蛋、扇貝、虎蝦、多春魚😍💟一番特選套餐有牛板腱，豚五花，雞腿肉，麵豉湯，前菜我哋揀咗泡菜🧡仲有燒烤必食嘅日式年糕💖同加左$8轉紫菜飯😋豚五花油脂分布均勻，雞腿肉嫩滑juicy😍💟蟹籽沙律 大量蟹籽💖而且沙律份量偏大大！生菜非常爽脆！💟小食三點盛蟹肉薯餅、芝麻雞翼、芝士年糕💟和風雪糕朱古力、3.6牛乳、芝麻、綠茶一次過試齊四款口味😛雪糕香口幼滑仲有棉花糖伴碟，非常滿足🥰

最近想食燒肉，就搵到呢間位於葵芳地鐵站附近嘅日式燒肉店，呢間店新開，裝修環境日式設計，有好多日本卡通人物小朋友影相一流。🥳入到去座位都好寬敞😊，而且性價比10分高，一個套餐都係百幾蚊，我哋就帶咗個牛舌套餐，牛舌份量10分多，而且肉質都好新鮮，質素幾好，燒起上嚟牛舌爽口。另外嗌咗個一番特盛拼盤，裏面包括有🤤牛舌芯、牛小排、牛頸肉、秘伝之蛋、扇貝、虎蝦、多春魚。呢個真係好抵食，我就最鍾意牛小排同埋牛舌心，牛小排好有牛肉味，虎蝦爽口新鮮。最後我哋嗌埋雪糕大滿足

好友極力推介，說葵涌的燒肉一番很不錯，特地到此一飽口福！環璄企理，布局頗有日本風，價錢又夠經濟實惠，的確是開餐好地方。隨意點了一些，先來前菜蟹籽沙律 $29，味道清新醒胃套餐篇牛肉三食套餐 $172，有牛肉三食300g，分別是 牛五花，牛板腱及牛頸肉。牛肉份量夠，全部唔韌有肉味，不論燒汁或鹽燒，味道口感都十分理想，勁抵食！追加豚五花腩50g，腩肉夠肥，燒過後特別香，不錯！隨餐附有麵豉湯及泡菜近期都很喜歡吃泡菜，今晚也不例外，encore 了好幾回 😂😂一番玉子飯 $15，有調味的米飯，飯面鋪滿了日式飯素及雞蛋，緃是沒有其他餸菜，都能吃個夠飽 😋😋蔬菜篇冬菇（4本） $20牛油金菇 $20，在爐中慢煮，放點牛油及岩鹽，已經非常好味！翠肉瓜（4本） $20蔬菜尚算新鮮，都是耐火的，燒多一會也不會有問題，有點蔬菜，可以解一下膩！小食篇原條鯖魚（1本） $28，平靚正之選，青魚營養價值甚高，鹽燒味道甚佳。日式餃子（二本）$20吉列蠔(二本）$20，炸漿香脆，蠔隻肥美！芝士年糕（二本）$20飲品篇青檸梳打水 $15大紅袍烏龍 $15，檸檬紅茶 $15，正常的瓶裝飲品，沒有不好味的理由，只有喜不喜

最近朋友介紹左一間位於葵芳既一人燒肉店🔥因為本身我同老公食量唔多 所以鍾意一人份既燒肉😆今晚就決定去試下這家 燒肉一番📍-這家環境乾淨闊落，日式輕鬆之選💛🤍一人燒肉餐為主，可以加配唔同肉🥩而且套餐內的份量都有選擇 唔怕太多✅老公揀左牛板腱100g 套餐🥩仲加點左牛五花50g同 一番玉子飯🥚套餐有埋麵豉湯同泡菜 抵食🥣牛肉方面份量足夠，而且色澤均勻❣️-我就點了牛小排100g 套餐🥩加配了豚五花50g配紫菜飯🍚豚五花油脂都幾多 每款牛肉都食得出有分別😋-而且都有唔少小食之選我地點左芝士年糕、蟹籽沙律🥗日式餃子🥟小食方面份量唔多的，味道相對簡單❗️飲品就以紅茶、梳打等唔同選擇🧃-這家好岩食量唔大既朋友或者女仔✔️

近年多左好多呢類小型日式燒肉餐廳，價錢相對相宜，今晚就去左葵芳呢間食晚餐🤭牛小排套餐牛小排100g都有成10片，肉脂分佈均勻，厚薄適中，好易燒😁 枱面亦有唔同調味料可以自己做大廚，建議落少少鹽同黑椒，更加帶出鮮味！咬落口好軟滑，一啲都唔靭，好味👍紫菜飯嗌套餐會有埋飯，勁多紫菜配上珍珠米，match❤️一番特選套餐特選（牛板腱，豚五花,雞腿肉）50g朋友就點左一款有齊豬牛雞既set, 好豐富☺️而且份量都幾多，雞腿肉好滑😛而豚五花建議燒耐啲，會有脆口既口感～一番玉子飯喜歡溫泉蛋既一定要叫呢個，撈飯好好食😌和風雪糕套餐仲有埋雪糕，好滿足好飽😂😂

Bff說她家附近有一間燒肉店，食物不但高質，而且價錢非常親民貼地，早前就由隨她來到「燒肉一番」開餐。燒肉店位於好爵中心，離地鐵站不用1分鐘路程，超級方便就腳。店內佔地大，開揚潔淨，而且有多個打卡位。以QR code落單，可以看到肉類選擇極多，牛小排、牛舌、牛板腱、封門柳等等，應有盡有。蟹籽沙律沙律菜非常新鮮，羅馬生菜肥厚大塊，青瓜爽脆，車厘茄香甜。忌廉蟹肉薯餅薯餅是剛炸起的，外層金黃香脆，一口咬下去，內層軟心的牛奶忌廉蟹肉餡料流出，綿滑潤澤，不油不膩，值得一試。牛小排套餐套餐已包白飯、麵豉湯、泡菜或日式前菜，更可以選擇肉類重量，我點的牛小排套餐就是200g，再跟加豚五花，而白飯就改為紫菜飯。請相信我！這個牛小排真的巨好吃，肉面上有大理石紋紋理，油脂含量非常豐富，肉質嫩滑鮮美，我愛將牛小排燒至7成熟，入口時外酥微酥脆，內層嫩滑多汁，充滿牛肉肉香，十萬個推介！飲品時要另外點的，不過店內有清水供應，可自行拿取，而飲品方面，除了有汽水、梳打外，還有啤酒選擇。牛頸肉套餐Bff點的是牛頸肉，與牛小排相比，這個牛頸肉確實有點失色，但bff就是看它脂肪較少，肉質較瘦有咬口，吃不來不會有太多油花，這樣細

星期日的晚上，等了兩個鐘壽司郎仍未有位，轉去食燒肉。新都會果間爆滿，最近就係這間。開業後都未試過，取票唔夠廿分鐘便可入座，用餐時間60分鐘，夠啦！坐下看看餐牌，原來八點後優惠啊！價錢好似大減，叫三併都是一百多。我叫了牛小排、牛舌同牛腱。上菜速度很快，一來，份量還可以，先燒牛舌，很有咬感，不過我唔鍾意，而且生時看着不像用來燒的牛舌部位。這店燒出來的，我家都覺得一般。牛小排和牛腱都尚可。但家人揀了牛五花，送來時，賣相也麻麻。一燒，縮得小。整體肉類質素一般，完全沒有肉味。連個爐也一般，燒不出香氣。對比新都會果間差得遠。最後，我哋都再戰🍣才感完滿。燒肉，如果沒有「燒」的香氣和火力，就不是一回事了。

「燒肉一番」在新葵芳花園的好爵中心，離地鐵出口只需兩三分鐘步程，十分方便。餐廳門前有招財貓，裏面光潔亮麗，日本風情的裝飾。餐牌以燒肉套餐為主，掃碼下單，方便快捷。燒肉套餐包括燒肉、白飯、麵豉湯、前菜，還附送指定肉類或甜品，價錢由$49至$172不等，認真超值。「牛肉三食套餐」（牛板腱、牛頸肉、牛舌）五選三，牛板腱有質感，有牛肉味；牛頸肉嫩滑多汁；牛舌甘香爽口。點上燒肉汁來吃，更能突顯牛肉的鮮甜。白飯，一大碗珍珠米飯，上面還有黑芝麻，有飯香。麵豉湯、泡菜，都是醒胃的前菜。綠茶雪糕，吃完燒烤之後，吃一口雪糕，份外滋味。「牛小排套餐」（200g)色澤紅潤，肉質鮮嫩，肥瘦適中，口感不錯。200g原來有兩大碟，真豐富。芝麻雪糕，芝麻味道非常香口。小食「芝麻雞翼」，新鮮即炸，外皮酥脆，雞肉鮮嫩可口。「吉列蠔」，外脆內軟，蠔的鮮味十足。「忌廉蟹肉薯餅」，蟹肉鮮味突出。「蟹籽沙律」，上面蓋上卜卜脆的蟹籽，配上日式沙律醬，非常惹味。追加海鮮「虎蝦」，連殼燒特別香，別有一番滋味。「原條鯖魚」，魚肉鮮嫩，烤香之後，特別美味。整體而言，這裏食物質素不錯，環境整潔，價錢經濟，實在不容錯過。

見食詳都唔差就入嚟試吓⋯⋯點知櫈都未坐暖，突然身上出現不速之客曱甴嚮朋友身上面🤧KO咗隻曱甴就叫侍應清潔翻，個侍應拎張紙巾執起條屍就算。其實係咪應該遞張濕紙巾畀客呢？如果唔係點咗餐我真係走人食物上枱後嘩…點解啲肉完全無血色嘅🙄未溶雪同黑黑地嘅…燒嚿肉一食真係唔知自己食緊乜！我驚食壞肚直接埋單當買個教訓呼籲大家真係唔好擔平光顧依間餐廳。

今日去了葵芳做嘢，同同事去港鐵站附近燒肉一番食晚飯，呢間餐廳又幾抵食，仲有宵夜餐特別平添。安格斯肉眼套餐，有安格斯肉眼150g，白飯、麵豉湯、泡菜，加配了多春魚2條、兩隻虎蝦、牛五花。四層番特盛拼盆，分別是牛頸肉、牛小排、牛舌蕊、帶子，原來裏面又有虎蝦同多春魚非常豐富，不過鍾意食嘅重複都唔緊要。食咗好多牛，都要追加雞腿肉平衡一下，個雞好嫩滑，芝麻雞翼夠晒香脆又入味，芝麻好香。朋友好鍾意食蠔，就叫了吉列蠔，佢話好好食。最後都忍唔住叫了芝士年糕，外脆內軟，煙煙韌韌，好多芝士。甜品有驚喜，和風雪糕，芝麻及綠茶味濃郁，好好味😋飲品都好多選擇，就叫啲特別啲嘅飲下，荔枝乳酸汽水、柚子海鹽汽水都不錯。