燒皇燒烤專門店

荃灣一向都多嘢食， 今次朋友介紹食雞煲， 本身仲以為係啲普通嘢， 估唔到雞煲都可以咁健康。點了半隻雞， 椰子雞煲， 功效十足，有消暑，生津，利尿，潤膚，潤肺及清肺燥。 見到餐牌上面咁多功效， 真係啱曬我哋呢啲健康人士。 上枱都好快幾分鐘就到， 最估唔到係，真係半隻雞喺你面前放落去， 未煮熟嘅雞， 見到佢咁做，仲擔心有排等， 店員講解大滾熄火焗5分鐘即可食用。心諗係咪咁快，會唔會唔熟嫁。 冇諗過滔滔講嘅嘢係咁啱，打邊爐最緊要係咩?梗係工具啦。無諗過雞煲傳熱咁快，真係五分鐘就熟曬，最重要雞保持到鮮嫩，味美。還點了芫茜，粟米，娃娃菜，大大碗，性價比極高，菜又洗得夠乾淨。原來店內還有燒物，點了川燒特級茄子，大大條，抵食之選，可惜今次主力食雞煲，下次再黎試。雞煲最佳配搭，罐裝可樂，真係咪氣都出晒，正。下次再黎，望如罐中所說，哈哈。…查看更多

今日相約好友去食荃灣食飯，經朋友介紹下， 我們就去了燒皇燒烤專門店了。 鋪頭裝修簡潔， 氣氛熱鬧，入好座位後，老板介紹了幾度熱門的小菜，我選上了當中幾道……琵琶蝦 98有似龍蝦般的咬口感覺，比龍蝦更多肉，肉質嫩滑，爽口鮮甜，超滿足，老板個然超棒推介！燒茄子45原條茄子燒烤，肥大肉厚，加配的精心調味，熱騰騰入口，足以難以忘記。燒西班牙豬腩細55美味的燒豬腩肉，一D都唔肥膩，燒到剛剛好，脆口肉嫩， 與啤酒作配合品嘗，一流的組合。大肥滑雞煲228 材料非常豐富，雞肉件嫩滑，內還配有又香又滑的豬腸，加上紅蒜頭，大蔥，洋蔥，西芹，芫茜做配料，整個煲都會使你回味無窮。整體而言， 價錢合理，每人都只是百數圓，下次必定再來嘗嘗其他的莱式。 …查看更多

今晚同男友去荃灣燒皇食飯餐。因為我有個住荃灣的朋友推介話好好食，一定要去試下。“為食”的我點會放過這機會，一邊拍拖，一邊食美食。我地叫了個燒茄子，香燒龍躉翅， 肥腸滑雞煲。因為這間餐廳沒有酒牌，但佢間離有間酒吧，客人可以自己買啤酒入店內慢慢食，慢慢飲。燒烤食物配啤酒真的絕配。我地買了兩支野豬啤，一支綠色比較淡麥味，適合女仔飲，另一支是紅色比較濃麥味，適合男仔飲。燒茄子～～好大隻呀，有成隻手臂咁長同粗呀！我鍾意食茄子，一上到桌已聞到陣陣香味，有蒜蓉，蔥粒，燒汁。食落口肉厚，燒到好淋，入口即融，口裡有一陣陣的辣味，食得辣的我完全無問題，但唔見有辣椒粒，都唔知辣從何來？因為太好食，我差不多食曬全條茄子。香燒龍躉翅～～餐牌上推介好食的，我地特別點了，睇下是什麼部位。原來是魚下咢附近的”教“位，有好多骨膠原的軟骨，又有鮮嫩多汁的肉，d肉仲要好滑，燒完後把魚油迫出來，魚香也帶出。是個特別的餸菜，因為一條魚只有一個下咢。肥腸滑雞煲～～好香呀！服務員把雞煲放在枱上，有好多配料紅蒜頭，大蔥，洋蔥，西芹，芫茜。雞肉嫩滑啖啖肉，豬腸是西班牙伊比利亞黑毛豬的腸，燉得好淋好入味，食落煙煙韌韌，有口感，仲要唔肥呀！平時食得雞煲多，今次食大腸雞煲，特別有風味。雞肉同大腸吸收了配料的精華，好入味。食完回味無窮。可以是燒烤的原因，食物的味道比較濃了少少。…查看更多

又同朋友去呢間燒皇食串燒，叫左1隻瀨尿蝦，3隻扇貝，4串牛肉串，1份九菜，半隻燒雞。隻燒雞就真係麻麻地，唔知係咪燒得太耐，所以有d硬，但係扇貝同瀨尿蝦就好好味，瀨尿蝦個size真係有手臂咁大隻，而扇貝就好香，燒得岩岩好。食過幾次，都保持到水準，認真唔錯既，不過價錢有d貴。…查看更多

燒豬手如人手長@燒皇燒烤專門店荃灣鱟地坊87號華成樓B座地下A1舖聚滿一班人出來吃個飯不容易, 不是說要OT 沒時間, 就是定好了日子臨時有人缺席。排除萬難找到人, 圍住吃個團飯。燒皇是住在荃灣的友人介紹, 一落天橋就見到。點了肉類海鮮同蔬菜，每種都嚐嚐看。燒四季豆先掃上了油，沒有燒焦還有點爽身，灑上了濃郁的味粉及芝麻，當成開胃小菜實屬不俗。燒豆腐， 皮脆卜卜好香口，中間肉如腐卜質地，掃上了甜燒汁做提味，難得不油膩。豬手大大份，比一比同前臂一樣長，按份量計很抵食。皮肉起切起成一塊塊。皮很薄而且薄身，如吃薯片香口之餘也不肥膩，皮下充滿膠質，彈牙又富嚼勁。心想否如德豬手般重味，因重視原汁原味，皆以少量調味料醃過便拿去燒製。蒜泥炒蜆， 調味很輕，吃下完全呈現蜆的鮮甜還有淡淡蒜香，蒜泥沒有搶過蜆肉杠身鮮味，天然不失真。生蠔也是以最自然的一面呈現上，落了蒜蓉及蔥花，基本上蒜香沒有蓋去蠔味，只是輕輕點綴去揮腥味，而蠔食入口還保留了絲絲的海水感覺。香口熱氣東西吃多了，點罐涼茶平衡是首選。少有吃燒物不是被味精粉佔據味覺，吃到食材原味，吃畢後也沒有口渴後遺症。店子另有特別食材如龍躉刺魔鬼魚等，有機會再來挑戰一嚐少見的食材吧！…查看更多

是日再與朋友來一起試食, 剛行到店舖附近本以為冇開工, 正奇怪之際原來只是搬左去隔離新舖, 呵, 地方大左又企理左, 好彩冇白行一趟, 今次帶埋朋友黎, 一班朋友吹吹水 hea 一hea, 實在不錯, 發現搬舖後水準仍然 keep到! 今次叫左 8樣嘢食, 睇下食左咩先p.s. 可惜今次忘記左 order 炒米粉, 太好味! 原來重有雞煲、邊爐添架, 下次一定再試! 侍應姐姐其實都幾啱吹...呵呵呵~牛油焗什菌 ~ 蒜茸、牛油勁香燒魔鬼魚 ~ 外皮脆脆, 內裏都幾滑 (但個樣就....呵)燒聖虸皇 ~ 今次再 order, 大大隻好鮮味, 冇沙燒大元貝 ~ 又係啖啖肉, 好好味燒大茄子 ~ 今次走辣, 味道都幾好燒羊架 ~ 特別推薦! 超級好味燒牛小扒 ~ 我 order左 7成熟, 但係就熟左少少, 如果唔係應該仲好味燒豬頸肉 ~ 好爽口, 好味…查看更多

太差, 没有影相團購見到有魔鬼魚餐，心想試一下, 雖然係團購但没想過會這樣差極透！！1條 茄子 - 加了極多辣粉 油太多1條 魔鬼魚 – 只有一塊, 只食到好重異味 + 雪味亦好重 2串 羊肉 – 好辣 吃不出咩肉3串 雞軟骨 – 只有骨, 又咬不入, 雪味好重 無野講2串 雞 – 只有雪味 唔知咩肉2串 牛 - 只有雪味 唔知咩肉本是兩人份量, 食唔飽, 另加白鱔一串, 本來想再叫野食, 算了吧。(團購$117) 當日埋單 $22服務費 + $10白鱔 + $1 服務費 = 應是$33女侍應實收 $36 《《原來服務費都要加一》》重話我們不識計數, 不如減收$1, 太過份了, 真要多謝哂, 再冇下次！！！！總結：勸各位小心。…查看更多

琴晚同朋友補祝生日食飯，本身諗住去路德圍食既，但食環掃街，無得擺街之後變左D食店勁多人，突然諗起有呢間燒皇，反正未試過，於是去試下。其實食呢類型燒烤幾好，人多人小都無問題，事關佢都係一串一串叫，人多人小都無影響，幾好見到MENU又幾多種類揀，餐牌上面既海鮮基本上都係市價，叫既之前可以去舖面果到睇下海鮮實物，同埋後面果個白板睇下今日價位幾多再叫。我地兩個人叫左3串蜜糖廚師腸，因為$20/3串，一串牛肉串，牛油焗什菌，黑椒牛柳粒，琴晚蠔有特價HKD$45/3隻，我地叫左一份，同埋醬爆芝士丸。本身想試果個麻辣羊頸肉，但係佢話無貨，推介我地食羊架，朋友唔係好鐘意食羊，所以只係左一份我自己食。基本上都OK，廚師腸.. 無走雞架啦，佢搽左好多蜜糖所以甜甜又脆皮好似自己去燒烤FEEL，醬爆丸都係丸囉無咩特別既。牛肉串一上枱，好誇張呀，因為好長囉。有D四川FEEL因為佢用左孜然粉黎醃，香香辣辣咁，雖然望落去好似好乾咁，但係入口都出乎意料之外地林，同埋無咩梳打牛FEEL。牛油什菌好好味，同埋都幾多囉。羊架就真係好GOOD啦，鐘意食羊既人一定要試下，佢好有羊味不過唔酥，加埋D露絲瑪莉香香地，燒到剛剛熟，夠哂林滑，而且一D都唔細件架喎，真係正。等左一陣就到我最想食既燒蠔，雖然就細隻左小小，但係剛好熟既蠔好滑口，又夠香，又夠甜，好好味，3隻兩個分，真係有D唔夠喉。坐左一陣見到伙計們都推介D食客食帶子，話今日D帶子好肥喎，有人叫左我地望下，又真係好似幾得喎，20蚊一隻，我地兩個人一人叫一隻食下啦，聖子皇都好似唔弱，雖然飽飽地，不過咁大隻就叫一隻SHARE啦。先黎既係聖子皇，雖然無人地果隻咁大隻，但係都唔弱喎，燒到岩岩好夠哂爽口。之後就到帶子皇，果然係OK，好大隻呀，又係好爽口，20蚊一隻都幾抵食。琴晚涼涼地，雖然坐街邊，但係一D都唔熱，食下串燒飲下野吹吹水咁，幾好FEEL。侍應係一般大排檔FEEL果D囉，好大聲好豪爽，但係手腳快，執野執得快，又會推介下有咩好食，唔會夾硬要你食D貴野，介紹果D都又真係幾好。我地埋緊單果陣，又走黎問下我地意見，味道好唔好，熟到岩唔岩咁，幾好~約左下次再去，到時要再叫多D海鮮 …查看更多

早排發現荃灣區入夜後, 很多食肆都會係露天開幾張檯, 呢兩日秋風起, 天氣轉涼, 一于同位老友試吓。7點鐘到, 選坐橫巷1號檯, 對正大大個餐牌, 放便。全晚order咗7種食物, 燒雞軟骨, 燒雞腎, 燒鱸魚, 燒茄子, 燒生蠔, 燒豬腩肉 及 迷失羊肉卷味道與食材都唔錯仲幾抵食tim呢度有一個好處, 人客可以要求加減調味味道…查看更多

之前响團購見到有魔鬼魚食 同埋間野嘅食評幾好 所以就買張同男朋友一齊去試下 希望搵到好野食 又多個地方拍下拖不過去到間舖都幾細下 啲位好迫 仲要BOOK左位都要搭枱 同一對食雞煲嘅女仔一張枱 咁擺左佢地個爐 再加埋大家啲野食 咁你話迫得幾緊要 仲要我同我男朋友都唔係細粒果啲人雖然係團購姐 唔代表要食得咁屈則嘅 想人返轉頭 第一個印象真係好緊要除左團購包左嘅果個餐 ($117 + $22服務費)~1條 茄子 - 熱辣辣 加啲辣粉都好味嘅 同屋企蒸茄子差不多 唔太特別 (不過個辣粉要解釋點解要另外上 個男人先肯拎俾我地)1條 魔鬼魚(大約6-7吋) - 好味 質感都幾特別同一般嘅魚肉唔同 比較實 魚骨都係軟骨 燒完之後脆卜卜 基本上全條魚都可以食2串 羊肉 - 感覺好似用左好多鬆肉粉 同埋唔熱 所以我覺得麻麻3串 雞軟骨 - 無乜特別 不過唔熱 就減晒分2串 雞 - 無特別 又係唔熱所以都減分2串 牛 - 我NO牛的, 所以唔知我地仲叫左~2隻 元貝 (好似係$28/隻) - 又係唔熱 仲要間野應該加左好多牛油黎燒 因為一夾起舊肉 個殼有好多黃油响上面 同埋落左好多蒜蓉 如果隻元貝係新鮮的話 咁樣燒就真係嘥晒 無晒鮮味 2串 白鱔 ($20/串) - 燒得皮脆肉敕 個燒汁又唔太濃味 GOOD1份 羊卷 (好似係$49) - 完全唔得 成碟野都係凍的 我諗燒烤唔會有冷盤食掛除左茄子, 魔鬼魚同白鱔, 其他野食都係唔熱架........... 最離普係個羊卷 直頭係凍架張枱已經無位 個WAITER送食物過黎果陣 見到枱面有隻吉碟得返殼或者竹枝响度 佢都可以若無其視 見到無位就將手上碟野遞俾你拎住就行左去 幾次都係我地叫佢行返轉頭遞返隻吉碟俾佢 佢先拎走 但佢唔拎走隻碟 根本就放唔到新黎果碟野食燒烤 好唔好味就見人見致 但係TAN到凍晒就真係有點兒那個囉 本來想再叫野食 但係咁嘅情況....... 都係算吧啦埋單$200 加埋團購$117 = $317 唔好食=唔底食…查看更多

想試呢間好耐,咁岩見到團購有個套餐,就買左套餐包:羊肉串x2、魔鬼魚x1、雞軟骨x2、豬肉串x2、牛肉串x2、茄子x1自己order左帶子x2、娃娃菜x1、可樂x1羊肉串‥好味,真係好好味!魔鬼魚‥好少肉,骨多,雖然骨都可以食,但想食肉多d一定要點佢ge汁(似泰式汁)先好味!豬肉串‥冇味,唔講真係唔知食緊乜牛肉串‥普普通通茄子‥好味,但好油雞軟骨‥冇特別帶子‥新鮮娃娃菜‥好味但好咸總括:全部都係好咸好油~咸我就預左,食得呢d燒烤味道一定好重,呢個我ok。油呢,就俾想像中油好多,食完望返個兜全部都係油,怕怕。不過我就覺得收費有d問題,我團購個餐就寫明要加$22,咁娃娃菜$20,帶子x2$40,可樂佢冇標價.最後收我$100,唔通可樂要$18一罐??????我冇追究但我冇下次,(1)收費有d問題(2)太油喇真係…查看更多

對於香口東西特別感興趣，得知荃灣也開了燒烤專門店，上公開飲食網站看過食評，似乎不俗，馬上來試試。晚上約九點鐘，人客不少的，也要等一會才可以入座。在門口瞄瞄餐牌，揀定心目中想食的東西，就差不多有位了。甫坐低，便立即可以叫野食。肚子餓了，燒烤食物製作需時，先要秘製炒米粉作熱身。米粉並不爽口，混入的是腸仔粒、椰菜絲和芝麻等材料，沒什麼特別，未知秘製的地方何在，唯勝在夠熱。之後那些炒和燒的東西陸續登場，有炒蜆，店方放上不少蒜泥和蔥花，配合剛炒起的蜆肉，吃起來是相當的惹味。叫了幾款招牌食物，首先是燒茄子。同樣的，是下了很多蒜泥和蔥粒，還好仍不會蓋過茄子本身的味道，質感不是太稔身的那種，整體效果可以，要彈的只是茄子的皮太硬了。另一味招牌菜就是迷失羊肉，即是把羊肉切片，面頭灑上大量的香草及少許孜然粉，是燒烤店經常會用的做法。這個方法，必定是惹味，加上羊肉本身的一點羶味，總不會太差。同埋，今次的羊肉亦唔怕韌。又是推介食品，西班牙豬腩肉。腩肉帶少少肥，邊位燒至微燶，理應幾好，可惜質感是偏韌，拉底了分數。大概是醬汁比較特別，我也吃了不少。要說到全晚最好的，就要數燒白鱔了。皮是燒得香脆，肉又厚，沒骨的，啖啖肉吃得真過癮。早知咁好食就要半條了，都係$130，更抵食。燒生蠔，蠔肉不會燒得縮晒水，仍有些汁。或許是太多蒜泥鋪面，吃不出蠔的鮮味，而且邊位有點韌，只能說是中規中矩。最後就是燒日本帶子，同樣地，又是加上蒜泥和蔥花去燒，見到都覺得有點兒悶。帶子不很大隻，亦未算厚肉，唯口感都是彈牙，又燒得香口的，吃幾隻絕不成問題。吃完，幾口渴，滿口蒜味揮之不去。http://fabricelau.blogspot.com/2011/03/blog-post_23.html?utm_source=BP_recent…查看更多

之前要食串燒野要到圓坊個頭好鬼遠，與女友在荃灣唔知想食乜，走到大河道睇睇…見到以前係一問遊戲機中心既鋪變做一間串燒店，裏面又放好多紅酒瓶，好奇之下入去試試。店員都好有禮貌介紹餐牌D食物（加分），於是叫幾樣基本野試下，燒雞翼、久菜、秋刀魚、茄子咁…燒雞翼上場好好食，久菜就同其他店差不多，但係秋刀魚就燒得非常好唔係只係得D辣粉味，茄子上蒜泥好香同唔乾身呢個我叫多一碟（100分）我女友見到有蝦，想order ，點知店員講今天D蝦唔靚無入貨，呢種態度好正確，小店也好、高級餐廳也好都要抱住呢種觀念不過要食海鮮要先call定先唔係遅左無得食…整體上是比到95分、減5分係漏左我地兩次單（不過就好有禮貌 say sorry）…查看更多

我住0係荃灣, 行過見到有間新開左一段時間既燒烤, 荃灣應該沒有呢類既店。有室內有室外今次我地坐左室內, 環好好, 睇到另一邊老闆把他全家福放了整道牆, 也可証明老闆是愛家之人。我們先來一個茄子, 本人應該略油了一點, 可待改善,但此茄子味道超好, 完全沒有因為蒜頭而蓋過茄子味道, 值得再3一試還有我們點了帶子....很香口及大隻.....此瀨尿蝦用上調味好香, 亦都 sum 入左蝦肉, 令到蝦肉味道豐富, 而且用上新鮮瀨尿蝦值得一讚 我已經忘了這是什麼魚......超級美味....魚不會過熟,...味道很好, 及魚質很滑燒羊架.......正.... so.....…查看更多

眼訓到爆又約左朋友食宵夜 (明明自己岩岩食完飯), 所以諗住搵間食燒烤既店... 原本諗住去行下路德圍, 不過朋友話開左間新野, 經過好鬼死香, 咁我更係第一時間lur飯應話去啦!未行到門口, 一個英偉既老闆已經行左出黎, 笑笑口咁招呼我地~ 由於唔係好熱又唔係好凍, 街又唔係好多人, 坐下outdoor感受下大排檔式氣氛先~未坐好先搞下佢d海鮮, 嘩... 巧生猛wor, 連蠔都有三種選擇~ 如果有埋甜美花甲 就好啦! 我呢D 海鮮殺手更係唔鬼放過佢啦... 不得不提呀英偉老闆仔係極度窩心, 關心顧客既... 佢會先同顧客溝通, 知顧客口味而介紹既!but 我發現左佢秘密...當人地唔知想叫乜既時候, 佢一定會問人食唔食羊, 同埋介紹佢既超級秘密武器"燒茄子"! o朱~~~~唔好話比人知老闆仔個秘密呀!叫完野食叫飲野, 當呀英偉老闆仔將佢擁有既氣水名稱熟諗出黎之後, 佢發現左我地兩個係完全無反應ga! 然後佢講左重點, "我地有啤酒ga!" ..... e? 原來老闆都同呀保怡哥一樣識得讀心術ga?黎啦黎啦....開飯啦! 首先入場既係雞軟骨同埋雞腎! 車~ 個樣無乜特別唧! 錯啦錯啦, 錯晒啦! 做人真係唔可以睇表面~ 燒到恰到好處, 雞軟骨仲好鬼死爽口添!之後黎既就係牛牛啦...五成熟真係五成熟, 自稱扒王既都要學下野lor~ 照我估計老闆仔入既貨應該唔會係cheap野, 因為食落口一定會知... 肉質超正!再黎既係帶子啦... 佢燒完唔會成隻隊比你, 會幫你切開, d汁有帶子味, 帶子又有帶子汁味...正!跟住就係頭先係個箱入面跳ballet既瀨尿蝦, 又係切件上, 大大隻, 又鮮甜, 超正呀! 呢樣一定要推介啦老闆!老闆推介既茄子真係名符其實係招牌菜... 可惜少spicy對我黎講已經好spicy... 食剩左竟然有罪惡感..羊架熟左少少, 下次可以叫六成熟... 香草帶出既羊味, 同羊味本身既香味配合得幾近完美... 唯一不足係菜上得太快, 凍Q左!我至愛既生蠔黎啦..... maybe食開澳洲蠔, 呢隻無咁鮮, but 都好香! 下次試埋佢隻日本蠔先~仲有一樣係必叫既尤魚, 風水佬呃你十年八年, 老闆仔有無講真, 一試即知... 真係好爽口呀呀呀呀呀~~食完晒野, 個fd問..."你睇落唔似食完晚飯wor" ....keke...都要d野食好味先得架....d相唔靚因為初玩iphone apps....見諒! …查看更多