燒皇燒烤專門店 (已結業)

前2日班波友約食飯,叫我決定食乜.我搵左呢間近大家既舖頭,見簡介講有小菜、串燒、火鍋,實有樣啱佢地口味啦瓜!位置唔難搵, 我地約7點去到人仲未算好多. 個個叫1樣都叫左城枱野,再加多個煲.唔少得幾支啤酒添.個煲因為人太多,我食得2件就無晒,好彩夾到2件都係雞脾,好滑!個汁又夠味,連塊雞皮都好香辣同creamy,堅!我叫既係爆炸骨,個名好有型.係排骨黎,有d炒過蒜頭加好多1枝枝唔知乜黎!入口先係食到蒜頭,又幾香禾!排骨都幾好食,半肥瘦食落啱啱好,不過乾身左少少,過左火.另外最印象深刻既係個碟砵酒煎魚雲,我簡直食唔停,呢個好好食我好中意!魚雲煎得好香,個汁隻味似炒到乾身士油味,加埋魚頭既油香,味道一流!!!下次我會再幫襯,再食砵酒煎魚雲!正!!

打邊爐係我的至愛, 最好係成班人大食特食,有講有笑.come日, 一行人7大3小黎左哩間燒皇慶祝婆婆生日, 未開爐經已有熱烘烘的感覺.哩度空間夠,好似我地咁成班人黎都無有怕,今次俾左間房我地,依然有靚靚景睇ga.真係要講下既係我地艾左嗰2個招牌雞煲,同送既燒茄子!!茄子好正好多汁,而且d蒜好入味,夾起可以當麵咁食,但口感又唔會覺得好糊,反而仲香口滋味佐,正!我食到停唔到口ar~上雞煲個陣 個'靚仔'伙記教晒我地要點樣食,好細心ar!配料用佐好多原茜同西芹,雞肉跟足佢地講既程序去做果然好好味,肉質好滑,咬到連雞骨都食得出好入味!!我好鍾意.婆婆仲搞笑咁話:想當年我手勢都係咁上下ga ja!!哈哈

朋友話放工要黎呢頭買野,我就順勢搵埋地方食晚餐!一黎到就要求要坐樓上睇靚景!職員服務態度好,笑住話:梗無問題啦!餐牌有好多款揀,最後揀左呢幾樣!招牌一鍋雞,上個陣職員細心同我地講解,個煲要點整致會keep到香濃嫩滑又多汁既雞肉,先讚其細心!再讚雞肉的確好好食又滑,值頭似上一句形容既味道一樣!!再黎招牌燒茄子,相比其他店,呢間茄子更顯獨樹一格!未食先聞其香,灑係面既芝麻令茄子更加香口,仲有蒜同蔥吊味,味道好得！10個正！朋友本身唔食茄子試過都話ok. 呢度出野食都出得快,唔洗等好耐,價錢合理!各方面都有咁既水準,下次實會再黎!!

駕車去渡船街，泊好車先決定去邊度食，見到呢間野唔駛等位便決定同女朋友吃呢間！環境不錯，兩層樓高，我們座樓上，望街景，天氣涼涼地好正，好舒服！野食方面，以串燒為主，我們叫左十多款！！有兩樣必食推介：1．燒菠蘿﹣味道一流，十分香甜，我女友超愛吃！2．迷迭香燒羊肉﹣肉質很林，味道燒得十分香，本人覺得是必食推介！！

一向經常愛周圍搵嘢食, 食到呢一間, 確實令我呢個懶人都要寫寫食評今次來第一目的係要試試個人參醉雞煲, 但可以叫做湯, 仲要好足料, 入面有花膠, 海參, 你話保唔保~~然後再點燒嘢, 因為honey鍾意食嘛牛舌好lum, 好好味再黎個燒皇推介 魔鬼魚, 好脆口呀燒雞亦就變得普通左, 可能其它嘢太出色啦羊架, 好厚身, 但又好lum喎~魚雲, 呢個係我至愛, 個人認為唔夠辣, 可以再辣啲~~後尾再加個燒茄子真係飽到出唔到門口呀~~

有次行過佐敦想搵嘢食, 見到呢間嘢喎, 當日我帶住狗狗諗住唔方便入去食啦~點知老闆佢哋好好人, 話俾個樓下角落我哋坐, 見佢咁有誠意~好啦~試吓啦~見到有雞煲喎, 老闆即刻解說呢種唔係重慶雞煲, 我試吓佢個人參雞啦~老闆話先煲湯飲再落生雞件, 再食雞! 果然!!!超好食呀! d 人參一d 都唔姑寒! 隻雞又滑, 個湯超級好飲, 我哋4個人分我都飲咗4碗呀!!! (唔係平分, 不過人人都有1-2碗架at least)之後試吓佢d 小菜啦~老闆熱烈推介個魔鬼魚兩食, 佢話好好味架~都只係138 啫, 好, 試吓啦~第一次食魔鬼魚, 原來佢骨膠原好豐富, 食落去好有咬口, 肉質少少似班~138可以食到魔鬼魚兩食, 好抵!又嗌咗個話梅骨, 我奶奶話呢d 真係試手藝喇~嘩~好好味~酸酸甜甜咁勁開胃, 即刻嗌咗幾個白飯嚟送! 正!之後到我老公話呢度叫得『燒皇』應該係燒烤最好食架~咁我哋又試喇~嗌咗個咩素食3寶同招牌茄子啦~咦~四季豆喎! 嘩! 好好味喎! 佢燒到好香口仲加咗d 調味, 已經8-9 成飽嘅我都食唔停口呀!!!另外到茄子喇~我老公佢好鐘意食茄子, 不過成日話出面d 燒茄子唔係間間得,

今曰同fd行過佐敦道諗住食燒烤、點知見到間新野、見佢門面裝修咁靚諗住一定好貴！但係d fd話想試下、我地就膽粗粗入去囉！上到去勁正、有酒吧、有樓台、仲放佐好多樂器！以爲仲有拉濶bend、事後問d伙計！原來係裝飾嗻！睇餐牌！都唔係好貴喎！听佢地介紹個燒茄子、好正、好多汁、好味！冇介紹錯！仲有個什麼牛胸、哇！呢個成晚最仲意！上台時見佢好大件成2磅重！諗住實食唔曬！一入口、不得了！面頭燒得好香、一咬入口外面是脆的、入邊充滿肉質，仲好有牛肉味、我地唔洗2分鐘掃曬、眞係好好味、我俾10個正！下次都一定再食！仲有個雞煲、雖然食時好麻煩、又要等佢滾、滾完又要焗！但同d時應講嘅一樣、同去邊d麻辣雞煲完全唔同、又香又滑又有雞味！又係好正！可能因為d海鮮全部都好新鮮、佢地唔洗加好多花孝、只係加少少蒜容就已經帶出曬d鮮味！冇得譚、！d串燒大至上都好好味！下次我都一定再返黎！總之就正啦！由其不可不試燒雞亦！十元8怏有呢d水準！好嘢！