燒滷至尊 榮哥

營業中

休息中

一路行搵緊食咩，行行吓見到呢間燒味舖，啲嘢食個樣好似ok,有燒鵝，雙併48蚊唔算好貴，入面唔迫又光猛，所以入咗去食。坐低無幾耐就送咗碗熱辣辣的例湯。好耐無食燒腩仔，所以最後揀咗燒腩油雞飯，落單時，個侍應有問今日有乳豬，要唔要試，但因為第一次，想先試簡單的。好快就上咗碗飯，暖的，個樣望落幾靚，仲另上咗包黃芥辣，包芥辣見到無香港製造。不過略嫌燒腩肥咗少少。一路食，都聽到唔少人斬料外賣，侍應啲服務都唔錯，下次會再食！

經過呢間燒味舖裝修係傳統嘅燒味店裝修，見掛住d燒鵝幾吸引就走左入去幫襯。叫左半隻燒鵝同埋半斤叉燒外賣返屋企食，返到屋企盒鵝同叉燒都仲暖暖地就即刻食。🐦燒鵝估唔到又幾好食，味道剛剛好又入味又好多汁! 半肥瘦叉燒味道都係出奇地幾好味🐷，個人鐘意半肥瘦咬落剛剛好！但叫左半盒燒鵝唔多夠食因為屋企太多男人，下次要買一隻份量先夠全家食，因為真係幾好味! 無諗過隨意經過買黎試有呢個驚喜! 味道真係幾唔錯，價錢合理唔貴算幾平幾抵食!