燒夜食堂 (已結業)

住附近 見新開就試下兩個人食 蟹蟹蟹蟹四重沙律(冇影到相><) 唔錯嘅！多蟹籽同蟹枊 亦有蟹肉 至於淨底嘅一個”蟹” 我哋就估係蟹膏 個沙律汁都正常 份量唔細 之後就上左胡麻泠拉麵 又係好足料 多汁多蟹籽蟹柳 $42黎講 算唔錯$60/半打嘅串串 個味都正常合理 唔差嘅！ (不過雞腿好食過雞胸 因為滑好多)串燒必點嘅: 川燒原條茄子比起平時就咁囇粉上去 喱間嘅燒茄子 面頭嘅葱蒜就比較有心思仲有韮菜 正常！宜家試業中 有九折 埋單$176老闆都好有心 問我哋啲野食ok嗎 睇得出佢重視客人嘅feedback 從而去改進 整體黎講 我哋都好滿意喱餐飯 絕對會再幫襯我諗以後我哋都會幫襯喱間串燒 而唔幫襯其他 因為長沙灣宜家啲串燒店 有啲喺街上 衛生差 有啲價錢唔相宜但質素又麻麻 有啲就賣燒海鮮價錢貴格啲 而喱間質素價錢衛生全部都合理 所以喱間小店要加油 希望生意興隆 我就繼續有口福！

同朋友行完電腦節，周圍行見到呢間試業中既日式小食店，都近巴士站架，又方便。雖然裝修簡單，但都有日式感覺，地方唔大但都有種可以大大聲聊天既開心，老闆又親切，感覺唔錯，食物上最好食係赤魚濃湯烏冬，魚湯湯底聽老闆講係開鋪前兩個鐘去煲，仲有好多串燒例如係川燒韮菜、川燒原條茄子、60元半打串燒任揀、仲有最足料既蟹蟹蟹蟹四重沙律，味道夠濃，醬汁夠多、好味道，呢間良心日式小店真係好用心，值得一讚。如果有埋甜品就仲好啦