燒味之作

營業中

休息中

<<生在美食天堂，點可以唔識食>> <<I born in Paradise of Food，why not explore deeper?>>燒味飯相信香港人都食過超市，街市，酒樓都有得賣乳豬就通常喜慶，酒樓先有得食今次係大圍依間燒味鋪都有得食正~乳豬拼叉燒飯，質數份量其實係唔錯，乳豬皮脆，味偏淡，不過價錢的確比平時所認知既偏貴不少聽到除左肥瘦叉，仲可以選擇燶邊，目測相當黑....自求多福了各位總結/其他裝修:室內偏暗，座位很少服務:職員態度一般，燒味師傅既應有既態度....       

早前喺佢嗰度叫咗個叉鵝飯同埋燒肉油雞飯外賣，諗住兩個人係附近的公園邊飲啤酒邊嘆燒味飯，發現一打開飯盒啲飯黃黚黚，除咗聞到燒味味道，啲飯我講唔出有啲咩味道，好似有陣糠味，同埋啲飯一啲硬一啲軟,口感好怪, 我除咗爬咗少少飯同埋食曬啲燒味, 我食剩好多飯, 啲飯真係好難食, 燒味都ok, 希望日後有所改善，如果唔係招牌肯定唔見兩個字

翻睇一看原來這間店鋪我已於2015年幫襯過一次, 在這個小小社區幾年間沒有因為租金而令他變遷,屹立不倒可算為香港一個小小奇跡｡｡｡今次再為幫襯全因身邊的《蝦子餅》想再來一試,所以在辦理完自己的私隱事務時， 便找著空檔時間再來一試， 二人入座其實店內的位置十分迫夾所以枱與枱之間距離空間感極細， 在這個時刻其實踏步在前的一刻很想離開,但由於身邊人所以無奈地都要座下~雖在鋪面堂食但由於大家對疫情的防衛心,所以眼見筷子與匙羹當時用上即棄產品~ 乳豬飯約HK$68. 上枱乳豬皮肉均勻，表皮還是脆脆的口感，加上肉質細嫩味道恰好只是剛剛偷了(蝦子餅)一件已覺得非常不錯,米飯仍然保存著早幾年的特有珍珠米本色, 質感上有別於坊間一貫採用的廣東絲苗米,好吃與否口感上就因人而異~以自己就要上一個油雞俾飯配米粉HK$65.個人就覺得味道上比較鹹了些少, 如果你是喜歡「入味」之人士可能會較為喜歡,米粉上亦相對有些少不同,用一些較幼身質感.,自己就覺得米粉上較其他好~整體而言店舖較為麻甩, 躋身我這個小女子在這狹窄的舖面其實坐得不是舒服, 況且在這個疫情時刻, 三扒兩撥放入口(滋味)這兩個字確實要留待下會再享受｡

是晚大圍下車已九點多，突然癮起想食燒味，知道大圍有一小店專做燒味，特意前往。看到門外有人買外賣，還好未關門，坐下堂食。想食燒鴨可惜沒有了，改點燒鵝叉燒飯。跟餐的熱奶茶，老實說此類食店是沒有期望可言，我也不評，只飲兩啖濕濕口就算。望落尚可。燒鵝是胸肉，不鞋有汁，到打烊時間都有此質素已幾好，相信出爐時買更佳。可惜調味不足，鵝也沒有本身味道。叉燒就失敗了。說是味噌叉燒，其實也不見有作用，調味各司各法，有鹹有甜我就不評了，但肉質粗鞋，瘦，起渣，帶豬燥味。也許是收檔之貨，或者說明肥叉較好。燒味豉油帶八角香味，也尚可以。飯用珍珠米，可惜水份太多，再用豉油撈飯，可想而知，還是用絲苖米吧。整體而言，求飽肚，這個價錢不用，求燒味，今次又不足，或者下次早一點來吧。

再次在大圍覓食，發覺好幾間食肆都結業了。又再遊走小街窄巷，找到這家燒臘店，但不是舊式的傳統小店，而是西式裝潢的新穎食店。燒味是香港人的comfort food,筆者每次出遠門前都會吃一次燒味，讓自己勿忘香港。回來時也會吃一次，告訴自己終於回家。粤式的燒味跟其它地方的不一樣，味道香濃豐富，講求皮脆而肉汁有保留。這家的燒鵝，乳豬及燒腩是特別貴的，所以點了燒鵝叉燒飯，跟一杯檸水，雙併飯$65大元，確實不便宜，至於是否值呢？要視乎食物質素。燒鵝給了胸位，肉又柴又老而且肉汁欠奉，調味也入不到肉內，所以味道寡淡。皮下的脂肪不多，所以皮薄又帶韌，没有脆的效果，總括來說是失敗之作。而叉燒呢！瘦的位置不太好吃，但偶然吃到一件略肥帶焦的，實在美味。白飯没有特别，有些帶糊，但不至於太過，没有難食，但也不好食。相較於傳統的燒味，這家的食物並不突出，但索價卻貴一倍，筆者認為不值。

大圍一間貴價燒味，去支持一下。可惜，好難食！飯爛、食到美極醬油味，完全唔掂嘅飯底。燒味飯靈魂，不知如何評價，响林記22蚊燒味飯都好食過佢。$44高價燒味飯，我絕對會抱期望，今回勁失望。

搬咗嚟大圍大半年，一路都搵緊大衛到底有咩好食呢？有一日同老公經過，老公突然間想食燒味飯，於是就去咗燒味之作，果然有驚喜！不知不覺，就成日去這間餐廳食啦，今日終於都寫食評～燒鵝拼燒腩仔飯：燒腩仔新鮮，香脆，係燒鵝嘅肉唔多，不過對於我來講，我覺得剛剛好，否則就太多肉啦，配上粒粒珍珠米，好有飯香，撈埋一齊特別好食叉燒拼乳豬飯：叉燒講到明係半肥，乳豬就要受嘅，因為平時這間店嘅乳豬都比較肥，瘦嘅乳豬就好好多，乳豬非常香脆，叉燒亦好香又帶微甜～撈飯一流係餐廳較細，呢樣係唯一美中不足嘅地方，坐得不大舒服，但都冇辦法啦，大圍好多食店都係細細間，而這間就長期人山人海，希望一路做落去！

一開始睇餐牌，感覺價錢有小許貴，算係比較貴嘅燒味飯。但係食完乳豬就覺非常值得。我今次就叫左乳豬燒鵝飯再加一杯凍檸水。首先佢嘅乳豬好入味，就算連啲骨都非常入味，所以食到想啲骨都想食埋佢。 乳豬一d都唔肥，皮非常之脆口，脂肪比例簡直係黃金嘅組合。燒鵝入口唔會有好大油脂嘅感覺，燒鵝皮配搭埋燒鵝肉，比較硬身但好有趙口，食唔慣太硬嘅朋友，就唔建議了。整盒飯來講餸同埋飯嘅比率係非常好的，凍檸水就冇乜特別，正常演出。

講起燒味舖，就好似7仔咁，總有一間係附近🥢不過要數到好食，就一定非燒味之佢莫屬啦🤤鋪頭內外嘅裝修都比較新式，可以顛覆你對燒味舖嘅刻板印象。鋪頭入面其實都好細，不過入面嘅店員都好好人，會主動幫你安排座位，而且態度都好好，咁我知道呢度出名嘅都係燒肉，奈何本人麻麻哋，所以就叫返油雞叉燒飯。油雞真係好滑好嫩口🤤另外叉燒既肉質就有d實，可能係因為冇乜脂肪嘅關係，d肉唔夠腍（食到一半先知，原來有得要求叉燒半肥瘦既😭，下次真係醒水）跟餐仲有杯奶茶飲，始終唔係茶餐廳，所以飲品方面就冇乜特別，唔太好飲。

住喺附近. 食過一次. 覺得OK. 所以諗住再食, 第二次去到要等, 諗住好食無所謂...一個人, 等等下, 特然有2個人又喺等位, 但服務員竟然被佢哋先. 嬲嬲哋, 走咗唔食. 過咗一排, 都幾個星期, 過咗度氣. 諗住算...又喺一個人, 又喺要等位, 點知又喺比2位嘅遲黎先上岸....永久black.list呢間野...再好食都無用....

途經大圍港鐵站附近，突然很想吃燒味飯，中式的燒味飯除了象徵著＂快丶靚丶正丶方便丶非常方便＂之外，其實內裡的巧手精製，才是吸引男人＂青睞＂之處。行走了幾條街，終於找到了低調的它，沒有稱王丶稱霸，只是平實的展現，專心一意地去＂製作＂一件東西——燒味…來到餐廳的門口，一整塊大玻璃前，掛滿了油雞丶燒鵝丶乳豬丶紅腸等燒味，實在令人垂涎三尺。幸運的我無需等待，便以＂搭枱＂的方式順利入座，看到餐牌清一式的選擇只有燒味類食物，還寫著＂本店出品 不添加味精＂，頓時對她的出品更有信心，我點選了雙拼飯＂乳豬燒鵝飯＂，等了幾分鐘食物便來到桌上。乳豬燒鵝飯＄70，急不可待，先夾起一件乳豬來看看，肥膏及豬肉大小均稱，厚度適中，外皮酥脆，吃一口，可以用皮脆肉嫩來形容，陣陣豬肉香味，齒頰留香，然而不用沾上＂乳豬醬汁＂已經非常可口；再來夾起一件燒鵝，巧合的碰上骨背部位，沒有太多的鵝肉可品嚐，吃一口，鵝皮油脂充足，肥而不膩，夾雜著珍珠飯一起來吃，味道確實令人回味。在吃飯的過程中，聽到不斷有人在買＂外賣自取＂，俗語說得好，有麝自然香，的確如此；很欣賞小店的用心製作，給予食客優質的＂燒味＂，提供了一個＂浪漫＂晚餐的落腳地。

第一次寫食評，實在太嬲。已經黎左呢度食燒味飯一段時間，開店時質素都好，最鍾意食燒腩仔同燻蹄。今次叫左個乳豬三併，話乳豬燒緊，要等15分鍾，無問題，新鮮仲好食。但可惜上到枱，乳豬只有3，4舊，仲要係碎濕濕，頭尾，一件完整都無，凍既，又話咩燒緊??全部連脂肪，肉都無d，因為全部頭尾位。同侍應反映，侍應話三併係咁，個個都係咁。82蚊食個燒味飯得到d咁既質素，食左一半都無心情食落去。一係落order就講明，我真係無expect 82蚊食個燒味飯係會得到燒味碎。每況愈下，垃圾之作。

妈咪发现呢家烧味店，叫我去看看，我见到有很多好评而来的，是我第一次光顾，却要把这家店列入我的黑名单。37元的下午茶烧鹅饭，只有六小块不是皮就是骨头，超过一半都无法吃，没有鹅的鲜美，只有很咸的酱油味，不到5分钟就吃完，离开时一肚子气。我之前吃过的烧鹅饭都有一股很香的鹅肉鲜美，这里却完全吃不到，比快餐店的烧鸭还差劲。参考：新加坡、大马的鸡鸭饭都是去骨的，吃上去全是肉；台湾的烧味店给客人的都是大块的胸肉或腿肉，价钱只有约20港币，好吃多了。至于这店的内部环境，狭窄、用餐地方可以直接看到厨房，感觉有少许邋遢，我宁愿去连锁快餐店吃烧味饭，我永远不会再来。

廣東燒味可以話係香港人之愛美食之一。大圍少見的燒味店「燒味之作」，睇返openrice原來都開左年幾，但今次真係第一次食。一試之下，覺得燒味唔錯，價錢合理，於是一星期食左兩次，而且仲有繼續翻兜的意欲！第一次試燒鴨瀨粉。燒鴨由兩大片切小塊：一片係鴨胸，比較多肉；另一片連骨，比較少肉。但份量依然比某些連鎖店的燒鴨瀨粉多，勝在皮薄、juicy肉嫩，可以點些少酸梅醬更加惹味。第二次食燒鴨叉燒雙併飯。燒鴨係連骨位，肉唔多，皮唔脆又有啲肥較難咬開，唔及第一次好食。但叉燒唔錯，半肥瘦，非常非常稔身香口。加個飯汁，剛好送到一碗飯。

大圍有間幾掂既燒味餐廳味噌叉燒 軟熟幾滑✨蜜味岩岩好 次次叫質素都ok紹香油雞嫩滑🐔豉油味討好 又唔太咸亮點白飯係用珍珠米🍚 聽說師傅仲係日本學過師 加埋燒味豉油 唔太咸 原來店內自設工房 燒味質素都幾穩定 唔怪得晚晚都人山人海啦 絕對係大圍人食堂