燉 (福至工業大廈) (已結業)

我到朋友的新居探訪之後，與朋友到「燉」吃過早飯，11:00開市，我們作第一枱客人。豉汁蒸白鱔配白飯、菜心套餐~我們吃得不多，所以分享一個午市套餐，我喜歡吃蒸白鱔，在食肆嘗最好，因為份量剛好，豉汁蒸白鱔味鮮肉質爽滑，下飯一流，冇油灼菜心很腍甜，蠔油放在菜心一傍，可以選擇清淡也可蘸點蠔油增加鹹香味道。陳皮紅豆沙&清熱綠豆沙是我們的甜湯。我的綠豆沙甜度剛好，熱呼呼的暖心又暖胃，美中不足似乎是沒有臭草啦！

附近拎完團購又有d肚餓；就試左呢間，因為想食中餐又唔想太附味精甘重味，鋪頭係要落攞地庫的，都算好大同埋有梳化位，本身想食蒸飯但好好附都賣晒，好失望，得番咖哩飯個d未賣晒，所以就叫左咖哩飯同兩個湯，仲叫左個菜同埋蒸蛋 ，都差唔多等左成30 分鐘先有野食，咖哩飯都係普通個d茶餐廳款，無咩特別，湯就咖錯的，叫左一個雪梨湯同一個螺頭湯，雪梨湯幾滋潤，好arm秋天飲，個螺頭湯都唔錯，幾滋補，整體黎講呢度湯好過主食，少少貴

蜜瓜螺頭燉瘦肉湯$59/盅因為我要去荔枝角做facial，本身約左3:00pm, 咁見仲有20分鐘先夠鐘，咁就入去呢間燉試下。唔想食咁飽，所以我只叫左一個燉湯，蜜瓜螺頭湯之前朋友煲過比我飲，我覺得好潤， 所以今次就簡呢個啦！燉呢度啲湯好夠熱，我覺得夠晒味，飲得出無味精嘅。因為我飲完去做facial時都唔會覺得好口渴。唔錯唔錯。2點幾無咩人，坐得好舒服。啲位都算闊落，我估lunch hour都應該唔會太密集。

今年農曆新年，友人跟同事共訂了數盆盆菜各自回家做節。雖然盆菜是送到他們的辦公室，但當看見友人拿回家時也感到相當大盆。打開盒子，裏頭除了盆菜之外，尚有一包花膠、一盒芋絲、一包淮山麵以及一支南乳汁，怪不得那麼重！盆菜當然是以層層疊的方法堆起食材，我們翻熱時把花膠和南乳汁一併倒下去；芋絲和淮山麵都已經沒有放了，結果按指示熱了20分鐘之後，大量的汁液溢瀉出來，狼藉不堪！回說盆菜，精髓在於那支南乳汁，鹹度合適，惹味之極！而各款食材應有盡有，按入味度及軟硬度分為：一級棒：芋頭扣肉、冬菇、白切雞、髮菜、墨丸、魚蛋二級棒：龍蝦、蝦、元蹄、花膠、鮑魚、淮山麵三級棒：蘿蔔、鵝掌、蠔豉、芋絲撇除備菜時的不便，我們都一致給讚！

一直想食豉汁蒸鱔， 坊間餐廳亦好小供應蒸鱔一人套餐，一個人自煮工序也太多太麻煩，一家人食，價錢亦偏貴，不如食其他海鮮類或石斑魚.竟然發現"燉"有供應，仲要包一碟菜，正合我意菜乾豬肺湯亦是我的喜好 ，但洗豬肺工序同樣非常麻煩，今次真係一次過滿足我兩個"食望"装修環境寬敞蒸飯用貴價食材~蟲草花/魚肚/姬松茸只需$30~35涼茶系列略貴。蒸飯款外的飯款選擇也不小，價錢合理燉湯選擇很多，一定有一款啱心水堂食點心下午茶 $15~42,抵食，下次一定要試豉汁蒸白鱔套餐$108,雲腿菜乾燉豬肺湯$60豉汁蒸鱔 非常入味 ，而且大大件蠔油菜心鮮嫩脆綠豬肺菜乾湯份量充足 ~忍唔住，飲咗幾啖先影 豬肺, 瘦肉,蜜棗,雞腳 ,入口清鮮

搬了新舖後，第一次去幫襯。地點唔難找，跟住地圖在Circle K 轉彎直行一條街再轉彎向HSBC方向行前2間就是。新店要落幾級樓梯才到。坐位比以前多。用透明膠板做分隔。菜名比以為多了很多款。可惜去到蒸飯多款已售罄。店員有禮，仲告知豆漿可以坐暖。👍👍👍今次食煎蛋燉牛肉飯，梅菜扣肉飯，紅菜頭腰果湯。煎蛋燉牛肉飯-煎蛋有蛋汁拌飯，燉牛肉好好味，原以為分開上的牛肉應該食唔哂，但是放下一匙羹又要再加一匙羹，拌飯食一流。梅菜扣肉-夠味多汁（唔太肥）。紅菜頭眼果湯-沒有味精的湯可以連湯料都食哂，好飲。材料仲有栗米的希望下次來可以試到蒸飯。。。。

啲湯凍的職員服務勁西完全唔好飲入到去冷氣凍過雪房喂唔好玩啦出面仲落住雨喎大佬啱啱入到舖頭就比職員關照，話唔好整濕地方叫我將遮擺出去。 大佬成個人都濕晒啦仲想點？好差 永不再食

2020年8月27日第一次幫襯荔枝角分店，新舖位於福至工業大廈地牢，環境乾淨企理，都幾大。而且店員非常有禮貌丶服務態度很好。今次叫左魚肚滑雞蒸飯丶蘿蔔燜牛腩飯丶蜜瓜螺頭燉瘦肉丶再追加乾貝蒸＄9 。首先講下蜜瓜螺頭燉瘦肉，好清甜丶材料足丶無味精。魚肚滑雞蒸飯好好味，雞肉鮮而嫩滑。蘿蔔燜牛腩飯，好入味，牛腩燜得好淋，而且仲有牛筯，含豐富的膠原蛋白質。乾貝蒸即係瑤柱蒸水蛋，水蛋蒸得好香好滑，時間掌握得恰到好處。而加做緊優惠，惠顧任何一款客飯或蒸飯，配任何一款燉湯可以減＄8。＂燉＂屬於自助形式，所以記得食完之後自己放返去回收餐車，做個有手尾的人，減輕店員負擔。自己食完自己執。攞野食都係自己捧，更何況係食完之後。

食物味道: 好多KOL推介過呢間店子，我好想幫襯好耐，今日專誠搭車去試，確實無令我失望，如呢間店嘅承諾: 真材實料，味道賣相都十分好，似屋企煮一樣，足料好味。食物份量: 蒸飯份量稍嫌較少，不過只收$30 ，我覺得呢個份量和價錢都合理，至於燉湯嘅份量足夠👍🏻價錢: 收費合理，物有所值👍🏻環境: 呢間店新開冇幾耐，地方企理，裝修簡單又舒服，燈光柔和，星期日下午人流唔算多，寧靜悠閒。服務: 服務一流，收銀以至店員都超好禮貌，值得一讚👍🏻，因為我為食叫多個茶餐加杯奶茶，廚師竟然出嚟問我杯奶茶味道如何？我話加多些少奶更佳，佢解釋話因為有啲客人唔鍾意太多奶，所以特意加少啲奶，廚師隨即另外比一啲奶我，感覺窩心，超讚👍🏻回頭指數(10分滿分): 食物，服務和價錢都相當滿意，「燉」仲有好多食品我都有興趣試，所以我比10分。

星期五晚，放工約咗朋友去荔枝角新開嘅『燉』食飯，入去時需要先量體溫，然後我哋坐低後，各自出去俾錢，我就揀咗個豉汁燜煮釀涼瓜飯$39及蘋果雪梨百合燉瘦肉湯$49，等咗十分鐘就有得食啦，個湯真係好足料，湯渣都食得，絕無味精，好啱咁熱嘅天氣飲，可以潤下個肺，而涼瓜亦煮到好入味，啲豉汁可以撈飯，好好味。餐廳內環境舒適，當時未夠6點半，所以我哋去到嘅時候都仲有好多位，大約7點就開始好多食客啦。總結: 無論食物水準及職員服務態度，都做得好好，價錢仲好合理，總括可以用3個字嚟形容，就係「平，靚，正」！

一行4人本身諗住去荔枝角嘅燉， 點知去到舊址見到附近開咗一間新店👉 所以就諗住行去個邊試下😆😆 點知坐低不久就見到靚仔老闆😍😍😍新鋪地方大好多👍座位大約有 80 個左右， 可能我去到嘅時間已經八點鐘，好多嘢食都 售罄😅😅 只可以試到 海底椰麥冬百合燉瘦肉湯＋ 花膠燉雞湯， 之後臨走再買番支＜菊花蜜＞返屋企飲，揾日真係要早啲再去試埋其他美食至得🤭 如果你係大胃口既人，一個餐應該吾夠飽👌😉總括美食指數8分，抵食指數7分，員工指數7分