燉奶佬

營業中

休息中

趁今日好天入長洲行下， 掃下街行下行下行經燉奶佬見到碟蒸魚幾靚，又見自己倦倦地便走入去試下，選擇唔多但全部都是即叫即蒸，所以要等耐一些 先來一碗足料靚湯，跟著蒸黃花魚夠新鮮 細細條幾鮮味，再來的是炸菜蒸雞一送來便聞到炸菜的咸香，因為真係幾咸 雞肉幾滑最後來了個大菜糕，夠傳統淡淡的檸檬味小小的蛋花有兒時的感覺，還有見有幾位應該是熟客，一聽到老闆娘話冇湯即時走人，可能個湯才是主角。

此店是長洲街坊食堂 , 店內環境真係麻麻, 所以一般遊客會"望門不入" .今日街坊叫了蒸什魚 , 油追. 門鱔, 肉餅蒸雞 套餐 (套餐各$30 , 叫送$20) , 送老火正湯, 一大碗飯, 仲有飲料/糖水.驚喜的老火例湯 :係我既記憶裡,係街上既餐廳從未飲過咁多料咁住家既老火湯 (睇相).蒸什魚方面味道好鮮 , 但因小魚洗得唔干淨關係,所以有d苦味 . 碟油追呢 ....真係無得頂 , 街坊朋友話係燉奶佬招牌菜.

同女朋友入長洲玩，點知女朋友唔舒服，無得吃海鮮，行行下，見到呢間鋪頭都幾多本地人吃，同價錢又咁平，咁就不如去試下啦。入到去，講真，吃環境就唔好打算入來啦。本來想點兩個飯，點知望下對面，d 飯差不多有平時屋企三碗咁多。咁就點了一個蒸雞飯$28share 。先來了一個中湯，應該有平時飲好的三倍咁多，碗裡面有好多蘿蔔同一隻完整的雞腳。雖然睇落都幾好，但想到呢個價錢同平時飲過果d味精中湯，都無乜期望，點知一入口，正野wor，飲得出是先把南瓜打蓉，再加紅蘿蔔同雞腳煲上好幾個小時的湯，雞腳煲到爛曬，還有一點味精也沒有放，我吃飯從來都無乜話慳錢的，但我真係夠膽講，呢個中湯係我出面街飲過最好的中湯，味道天然，卻鮮甜好味。之後望著我碟雞入蒸籠，等了十分鐘到，望著佢出，入口又是一個驚喜。當然雞就唔係甚麼新鮮雞啦，但無雪味且很滑，斬雞果個，真的斬得幾好手勢，舊舊都有皮且大小適中。不過其實本來想要蒸雞+肉餅的(雙併同價)，但佢話颱風無豬肉到，這亦表示了佢的肉餅應該會用新鮮貨。另一方面，我見到多過一半的長洲人都會叫蒸魚，且有雜魚、倉魚、黃花魚……等不同選擇。(同價)所以我下次都會試下。

答不到.因為它的甜品只有燉奶類,涼粉類,大菜糕類...是日點了雜果涼粉--起初很怕,怕它的雜果是罐頭...幸好...不是!!涼粉的糖水偏甜.不過其他的還可以,生果不夠新鮮,但不是罐頭已可以了!

正所謂「靠水食水」，這店光顧的多是本地人食晚飯，老闆因為套餐中的蒸海鮮，都是是日當造魚類，所以需要問有什麼魚類供應，亦有不同煮法．我叫了２個套餐－－－豉汁蒸撻沙和肉餅蒸雞是日餐湯－－大大碗紅蘿蔔雞腳湯，很濃很足料，喝光！主菜－－因為我見是即叫即蒸，所以有點耐，豉汁蒸撻沙先上，３條長過手掌的撻沙，味道好鮮；另肉餅蒸雞有點燒酒味，兩樣都蒸得很嫩．白飯已叫小飯仍吃不完．套餐跟糖水ｏｒ飲品－－叫了大菜糕和凍檸茶都ｏｋ．因為是家庭式經營好家庭ｆｅｅｌ，服務很好！飯後雖然很飽，仍向允升甜品進發

果到ｄ甜品其實並唔係咁好姐．．．服務態度差左少少．．．我今日去到佢咩甜品都無．．．失望！睇佢個名仲以為好正嫁添．．．

燉奶佬竟然有埋午市食飯，我們要了一個套餐$25再加個食送$20，有一大碗老火湯一大碗飯，再加蒸雞同五條小撻沙，好正好滑仲有春的。三個人埋單$45，抵!又好食，招呼仲唔錯。雖然坐出街，但都別有一番風味呀!

nothing special~good quality is just ok~