燈籠滷味 (登龍街) (已結業)

第二次食 ，因為飽飽所以只叫了一些小食，兩份米血糕 一份冬菇 一份蘿蔔 和一杯奶茶 上菜時只見到幾片薄薄的冬菇 全部撿曬出來原來都有半隻冬菇 半隻冬菇原來要9蚊😱，點解隔離碗大碗咁多？最後埋單68蚊 至於味道就很一般，無下次了

最近既然無法回"家鄉"台灣跑一趟，用食物來慰藉一下對台灣的愛也許是個不錯的解鄉愁方式吧。店家裝修風格也算是頗有台灣的樣子，聲稱來自台灣夜市的店家，或許是要遷就香港人的口味，調整過後反而拎不到台灣口味的神韻。王子麵口感偏軟，滷味的味道沒有香味卻只有偏鹹的味道。加辣倒是讓我最訝異用的是潮州辣椒油。配料選擇不算太多吧，份量當然也比台灣少很多，感覺一半左右吧? 鴨血太薄吃不出什麼味道，貢丸倒是很對味。至於黑糖珍奶，珍珠是正常，但茶味跟黑糖不算很搭軋。反倒是那台或香腸還挺不錯的，濃濃的蒜香，吃得很過癮。

讚1. 加熱滷味既風味係香港係少見既，呢間算係台灣風味做得幾足，雖然係鹹，但啲味的確係對辦既，豬連肉有肉香，真心推薦，王子麵就正常啦，坦香講如果唔係台灣情懷，可以唔點既，叫番米粉仲好2. 環境相當有台灣風味彈1. 滷水蘿蔔係苦入心既，揀貨唔得，鹽酥雞配既蘋果片係咪少左啲？同埋鹽酥雞係唔夠香有得有唔得，咁既水準配咁既收費，其實都還好，但係排成粒鐘又唔太值啦

登龍街新開一間燈籠滷味，長時間都有人龍，今日三點來到，仍見人龍，幸好等候時間不長。在疫情下仍然吸引到那麼多食客是因為餐廳是台灣過江龍，總店在台北師大夜市十分出名，香港是海外第一分店。餐廳地方不算大，裝潢設計好心思，充滿台灣地道風味。門口放滿多款配料，餐牌就好似港式車仔麵，選個麵底，再選滷水配料，另有小食及飲品選擇，每款餸大約$9-$10. 食材大多由台灣直送。點了兩碗撈麵，一碗有百頁豆腐，杏鮑菇，高麗菜，米血糕及鴨血五款餸，配上稻庭烏龍麵。另一碗有豬肉片，粟米芯，香菇，貢丸，花枝丸及大豆皮六款餸配王子麵。所有滷味即叫即滷，熱騰騰食又香又惹味。滷水汁是台灣總店直送，有十多種中藥熬成，滷水汁蠻香。王子麵質感似福麵，稻庭烏龍麵就似烏冬，兩者都很吸湯的，所以食到尾會有點咸。配料方面，暫時有30款配料可選，當中米血糕令我最深刻，雖然外貌不討好，但軟而不爛，食落卻有點Q 彈感覺。鴨血無腥味，不會一夾就散。最吸湯的百頁豆腐及大豆皮，必點。每款餸份量不會太多，所以可以點多幾款來試。飲品方面有黑糖珍珠奶茶、冬瓜茶、冷泡四季春茶、冷泡桂花烏龍等台式特調選擇。

鹵味係台灣味道嘅代表之一，而家周圍無得去，唯有係香港尋找去旅行嘅味道！同老公就過嚟買返碗鹵味返去屋企做宵夜🤤🤤夜晚十點仲有人龍，不過好在外賣果條人龍短啲，一邊等一邊望住個厨窗...睇住佢整真係越望越餓...不過值得一讚嘅係佢嘅裝修同擺設同台灣嘅一模一樣，雖然香港空間有限舖仔細細，都還原到當地嘅裝修同風味。我地剔左大腸，雞腎，白蘿蔔，芋絲，鴨血。返到屋企一打開就香噴噴！大腸同雞腎都唔錯幾入味，大腸唔大多肥膏，整得幾乾淨。白蘿蔔同芋絲，就吸晒啲鹵水汁，正！鴨血算係薄片，入味得嚟又唔會溶爛，爽滑整得岩啱啱好。

今次來試開業至今大排長龍嘅燈籠滷味🤩每次經過都超級多人排隊，超期待入去試吓！我哋一點幾去到，等左15分鐘左右就入得啦。入到去發現有幾張空枱，可能係人手唔夠先安排唔到客入座，令到鋪頭外面長期有人龍。我點咗《吃你滷味套餐》$56 自選麵揀咗冬粉（粉絲）仲可以根據自己喜好另外加配料及麵底👍🏻一上枱見到啲餸非常多，滿滿的，粉絲索晒佢地嘅祖傳滷湯好好味。不過略嫌配料滷水味唔太重，所以叫店員拎左辣椒醬，點了辣椒醬後的滷味非常滋味👍🏻飲品點了黑糖珍珠奶茶 $18珍珠彈牙有黑糖味，但是點了小冰，出來的飲品卻是䁔的。可能真係太忙嘅關係，調製飲品時比例出錯，都係可以原諒嘅。未試過朋友都可以去試下～但對我來講，唔使排隊嘅話都可以再來食嘅😆

朋友仔帶咗我嚟試新嘢😚平時見到好多人排隊，好在我有個配目豬揀咗個冇咁多人嘅時候👍🏻未入座時，喺櫥窗望入去見到啲師傅忙不停手執完一單又一單嘅配料，排緊隊望住呢個畫面真係好有衝動全部都要🤤我叫左冬粉，貪佢夠索味😚幾款餸入面最喜愛佢嘅蘿蔔，超入味丫 又夠腍又冇渣😋朋友仔叫咗王子麵，好似我哋食開嘅福麵，但就再比較香啲😋貢丸都出色👍🏻係爽口得嚟會有汁嘅整體來講都好滿意☺️仲好飽好滿足添下次要試吓佢嘅芋丸先🥰

突燈抽時間放工去試下新店，點知等出火黎！原先見到門口一大班人排隊等位入去食，咁咪打算買外賣返去食，當時只有一位外賣客，心諗應該好快有得拎，誰知陸續有幾位外賣客黎買，佢地d外賣神咁早就出晒黎，我就等足半個鐘有多，原先排隊入去既食客都食完買單都未有得拎！明明呢d鹵味卓一卓就搞掂，但竟然等左半個鐘，仲要今日落緊雨，系出面淋雨呆企，返到屋企打開仲要少左一個料囉！伏到一個點，永不幫襯！！簡直整臭左台灣本店個名呀！P.s. 六個餸變到得番五個，仲要浪費我寶貴既時間

🔎 銅鑼灣登龍街39號地下*📍 燈籠滷味.師大超人氣組合($59)揀咗師大夜市人氣組合.超級多料,有我最鍾意嘅甜不辣,豬肉片,仲有高麗菜,杏鮑菇.仲有花枝魚,而白蘿蔔亦好入味,非常唔錯啊.而且好大碗,仲可以自選麵底,幾唔錯.自選組合($38)絲瓜,貢丸,甜不辣,超級豐富,而且都係可以揀麵底.自己揀就可以決定想食咩.甜不辣唔係到到都可以食到,加上無得台灣,所以見到就即刻要點.百葉豆腐都幾夾.仲有台式飲品可飲,大家千萬唔好錯過.#entrycausewaybay

受到肺炎疫情影響，相信大家都抱住一個想去旅行但去唔到嘅心❤️～小妹都一樣，深同感受，由年頭到而家，取消左三個旅行嘅安排。😭香港人仲可以去邊？留返係香港等疫情好轉再去旅行血拼啦！而家就當草住彈藥先～去唔成台灣，就去銅鑼灣登龍街食住「燈籠滷味」先！😂去親台灣夜市食滷味，一定要配王子麵先覺得夠地道！😏王子麵其實同公仔麵差唔多，不過麵條更幼更爽～但呢到嘅麵煮得有啲腍，如果有得揀麵嘅軟腍度，或煮硬身啲會更好！甜不辣口感煙韌，豬耳朵外軟內脆，口感有層次，必試！❤️豬腱肉雖然滷得入味，不過口感有啲嚡。鵪鶉蛋有四、五粒，份量毫不吝嗇，最後再加個大陸妹（唐生菜），好有台式嘅風味。雖然台灣嘅滷味多數浸完滷湯之後，會附上少量滷湯，感覺好似食撈麵咁，不過少左湯之後會比較快凍，所以要盡快食用呀！同埋，如果有特色醬汁或辣醬會更好，因為味道有啲寡，但整體來說，配料係唔差嘅！

這間餐廳是近排大熱的台灣過江龍，每天放工時間，不論堂食或外賣也有不少人等候。今天一放工便和朋友來到，好好彩，不用排隊便可入內。餐廳的裝修好有老台灣的風味，而且還有一個在台灣時常會見到的大字掛牆餐牌，別具特色!餐牌有點像車仔麵的餐牌，有麵底和配料可以選擇，而且也有寫明價錢。餐牌上也有小食和飲品可以選擇。王子麵配豬腱肉、雞翼、杏鮑菇、花枝丸、鴨血，王子麵是台灣的品牌，口感和麵的質地也跟福字麵差不多。配料方面豬腱肉沒有脂肪，是整舊豬肉，口感有點像燒肉但沒有皮。花枝丸爽口彈牙，雞翼滷得好淋好入味，而鴨血口感幾Q彈，而整體滷水味道都剛剛好，不會太咸也不會太淡!粉絲配豬耳、豬肉片、大腸、白蘿蔔、高麗菜、貢丸，粉絲吸收了滷水汁的味道，非常惹味!豬耳入味又爽口，豬肉片帶有肥豬肉，但又不會覺得很肥膩。大腸也很夠滷水味，白蘿蔔炆得夠冧又入味，而貢丸好香香菇味和彈牙。冬瓜茶、冷泡桂花烏龍，冬瓜茶不會太甜，有一種好潤的感覺。冷泡桂花烏龍，用上膠樽盛著，有淡淡的烏龍茶味，沒有落糖，非常適合不飲甜茶的朋友!這間台灣過江龍令我想起台灣的味道，現在不能去台灣，也可來這裡感受一下台灣的風味!

✿╮❤╭✿ ✿雜感女生   好味日記✿ ˚*•✰。燈籠滷味．師大滋味。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 好久沒有上街吃飯 經過台灣滷味專門店「燈籠滷味」 於是又挑起了台灣的癮即時外賣回家品嘗「燈籠滷味」主打台灣夜市美食 總店位於台北師大夜市 人龍一向長長的，如今來到香港也不例外無論是堂食or 外賣 都見到人頭湧湧  本小姐以外賣解饞， 點了豬耳、甜不辣、米血糕、大腸、雞腎、豬腱肉 這些相當好吃的滷味，香氣來自長時間滷汁燉煮 濃郁下飯，非常有料到推介：大腸,豬腱肉-乾淨香味濃豬耳-爽脆，甜不辣-軟糯  蘋果鹽酥雞 好有台灣的口感 脆而不油，一口一粒，好正！台式香蒜腸 有甜香有蒜香，配麵食又得 就咁食都得！香炸花枝丸拼貢丸貢丸滋味多汁，花枝丸夠脆身食得台灣美食，自然不能少一杯台灣飲品！ 這裡都有好選擇！芒果綠茶 口感清爽帶果香，可以清清香濃滋味黑糖珍珠奶茶 黑糖珍珠很足料，夠晒台灣風味  店員也像台灣人一樣親切友善 令我又懷念起台灣

登龍街國際美食雲集，見到有間台式小店燈籠滷味，門口門庭若市，好多人排隊，心諗應該好吸引，所以照排。排左10分鐘左右，入得，內裡裝修甚有台灣風味，有懷舊兒時玩具作擺設，也有玩味的霓虹光管招牌，餐廳有兩層，都多坐位。餐牌可用水筆自己圈，好似食港式車仔麵，自己圈出麵底、餸、小食和飲品。小食叫了蘋果鹽酥雞$38，真係未見過用蘋果配搭，原來係咁好食，鹽酥雞炸得香脆，雞肉夠淋，另一小食係起司玉米蛋餅$30，蛋餅向來是我至愛，中間芝士擁出來，煙韌有口感，蛋餅唔會太硬。麵方面，叫了稻庭烏冬麵$13作麵底，餸叫了豬腱肉$10，肉質好淋，滷水入味；滷雞翼$10，有兩隻，肉質好滑。朋友叫了冬粉$10，即我地食開的粉絲，熟度剛好，有彈牙口感。最欣賞係滷雞腎，好入味；豬耳朵，好爽脆；還有杏鮑菇，大大塊。飲品叫了招牌的珍珠奶茶$24，仲可以選擇半糖，半冰，真好，珍珠夠煙韌，有黑糖味道。

而家無得去台灣，好彩佢地帶咗燈籠滷味黎香港，等我地可以解解渴。人去到已經見到門口條人龍啦，好彩唔係等好耐 😁滷味 📍每樣餸 $9, $10由台灣直送嘅滷湯，有桂皮，花椒，甘草，同好多其他中藥材，夠哂濃郁。王子麵又好，冬粉又好，2款麵都吸收哂啲滷水汁香炸花枝丸 📍$26熱辣辣嘅花枝丸，燒到金黃色，好香口香脆地瓜條 📍 $32本身諗住叫蘋果鹽酥雞架，不過2點已經賣哂 😭 好彩呢個地瓜條都唔差，好熱好香地瓜味🍠

究竟幾時先可以再去旅行，疫情幾時先完，心情真係好鬱悶，決定同老公外出走走大吃一番先。銅鑼灣新開人龍店，疫情下無減少各人排隊的決心，一於吃吃台灣食物當自己已經出走台灣旅行。等了差不多45分鐘終於有位坐下，店舖裝修玩味十足，牆上面貼滿台灣風味的海報，餐牌字樣跟足台灣風格，恍如置身台灣食店一樣。餐牌主打台式滷水，師大夜市最有名的老牌滷水店，將各式各樣食物放入滷水淖一淖，吸收滷水香濃味，非常期待，而且仲有滷肉飯，鹽酥雞，台式香腸等等選擇，真的超爆開心。台式香蒜腸一向非常喜愛台式香腸，外皮脆脆，一咬即噴肉汁，肉味香濃而且有濃厚蒜香味，激讚。黑糖珍珠奶茶可以自選甜度，今次挑選了半糖，入口甜度剛剛好，茶味香濃，黑糖珍珠煮得不夠軟淋，比較有咬口。滷肉飯用上濃濃的醬油膏，肉碎燉煮而成，味道香甜濃郁，拌勻白飯油香滲透飯內，每一口都更添滋味。蘋果鹽酥雞外層脆漿香口酥脆，雞肉保持鮮嫩多汁，跟台灣吃到的一模一樣喔！招牌滷水各式各樣台灣直送配料、滷汁，超多選擇，今次揀了冬粉，冬粉吸收了滷汁，入口濃濃滷水香味，甜不辣軟滑魚味濃，鴨血切得比較薄身，但鮮嫩多汁，高麗菜用滷水滷過之後，增加了蔬菜鮮甜味，大腸滷得非常入味