燈籠滷味 (登龍街) (已結業)

今次黎左登龍街食燈籠滷味原來台式滷味同港式滷味都差不多，係好似無咁咸，然後佢撈嘅麵都係港式麵，我揀左油麵，不過佢係可以揀新竹米粉。D餸嘅份量少得驚人，我記得好似都成五十幾蚊一碗，唔係平，餸又少，又唔係特別好食，應該都唔會再食。跟餐叫左杯珍奶，好重黑糖味好甜，茶味一般唔夠濃。整體都似食緊港式車仔麵走湯，無甚驚喜不過不失，臨尾再叫左佢嘅芋圓黎食，都係正正常常，唔差，但芋圓味好淡，麻麻地，唔係好食到尖叫果種。

對於此店滿心歡喜終於排隊好快食到，點知換來失望結局。賣相還可以， 未食落口已經聞到啲油麵好大浸好重鹼水味。 心裏面諗中伏。點知一食落口 ，鹹到飛起， 得個"鹹"字， 完全冇滷水味道，個汁完全同台灣滷肉啲味道係格格不入，完全兩回事。啲餸係完全冇味嘅， 總之一個字 ……鹹！！！唯一值得讚嘅係服務員態度，個個有禮貌就算係小店 ，装修好有台式懷舊feel。

冇得去台灣旅行～又掛住台灣小食喎～就嚟咗呢間台灣好出名嘅燈籠滷味試吓我哋叫咗兩碗面同兩個小食～其中一碗嗌咗王子麵，鴨血，豬腸及豬耳另一碗嗌咗油麵，雞腎，魚片頭及豬展肉，王子麵有少少好似香港嘅福麵咁樣，吸收晒啲滷水汁，但係我自己就覺得啲餸唔係咁吸收到滷水汁味，同台灣差好遠，只係似香港普通車仔麵咁樣另外小食我哋嗌左台灣腸同埋炸貢丸及花枝丸，$28得四粒丸，超級唔抵食，只係普通貨色，台灣腸好少少，叫咗一杯黑糖珍珠奶茶，啲珍珠超級硬，一啲都唔煙韌，我諗呢間燈籠滷味我唔再encore 㗎啦

9點幾到門口 問女店員拎外賣紙填 填完諗住交比女店員 突然門口裝飾熄左燈 心知不妙 快快手遞比女店員 好彩女店員同個男店員解釋緊門口兩個客未截單前填緊架啦 點知個男店員聽完轉頭黑哂面好惡咁強調我地截左單😨 我地無發脾氣無鬧失望咁啫 望下錶9點26分 呢個截單時間好特別😑

難得到銅鑼灣覓食，試試燈籠滷味，閒日的四點不用排隊。餐廳冷氣超凍，裝潢營造出台灣風味，牆上的霓虹燈牌及圓形字體餐牌，令人懷念起在台灣旅行的日子。餐牌內已定有三個餐，不喜歡的還可選擇D餐，自由是個好東西$10起，可以自己選擇餸菜，普通麵底$10。餐廳內設有最低消費每位$30。百頁豆腐($11)、大豆皮($10)都是吸湯味的食材，其中大豆皮更勝一籌，大豆皮類似腐皮，有兩大塊，有少少煙韌，冬粉麵底($10)有濃濃的滷水味。不過食完覺得都幾口渴。😅

普通人家都懂的燒嘢食 裡面解凍唔完整 有陣味完全沒有調味 ，ikea 好食過佢 為什麼呢？？？價錢= 高級百貨公司的美食廣場 但是少少嘢都令人失望啊其他食品不敢試了 我寧願食759 或hktv d 即食食品

我好不容易，終於在「銅鑼灣」「謝斐道」一帶的餐廳食店裡面，食完包括「白飯」跟「牛腩」在內的「晚餐」部分，只剩下「雞肉」還未享用而已，迫使我需要晚餐去到第三間餐廳，才能食到「雞肉」。而且我無意中忽然發現，發現原來自己剛才在「謝斐道」兩間食店裡面，還未享用過一杯飲品。所以在「謝斐道」食完「咖喱牛肉飯」和「原汁牛腩河」之後，忽然感覺自己有點口渴，想儘快喝飲品。於是我在結賬，取回找續和收據之後，儘快離開「謝斐道」，再徒步橫越「軒尼詩道」，前往「銅鑼灣」著名食街「登龍街」，光顧全晚晚餐最後一站目標食店「燈籠滷味」。「燈籠滷味」可是「登龍街」近年才開張營業的新食店，「燈籠滷味」的上手食店是日本菜食店，風格跟「燈籠滷味」基本上是完全不一樣。不過有一點可以肯定的是「燈籠滷味」裡面沒有「白飯」，也沒有「牛腩」和「雞扒」可以享用，所以「燈籠滷味」本來不適合我在正餐時間裡面上門幫襯，但是接近「宵夜」的晚餐時間，就完全不一樣了。所以我慶幸能夠很快就成功在「燈籠滷味」裡面找到檯櫈之後，立刻開始研究「燈籠滷味」的自助點餐紙，看看「燈籠滷味」有什麼食品和飲品可以一試。「燈籠滷味」主打台灣夜市文化裡面的「滷味」小食食

好耐之前已經聽到依間台灣麵店喺香港開咗分店，但係一直冇機會試。依日咁啱過咗嚟銅鑼灣，行過就決定試吓，一嚟到都好多人要等一陣但唔係好耐所以都okay佢嘅味道同之前係台灣食一模一樣，對於好耐無去台灣嘅我，趁機會品嚐返台灣嘅味道

由台灣師大夜市開到嚟香港，呢間係佢地首家海外分店，就咁聽個來頭都已經好期待，特別係已經成年無得飛去台灣旅行。燈籠滷味嚟到香港選址登龍街，令人更加印象深刻，但估唔到已經開業超過半年，但門口仍然係長期都有人排隊😦一入門口就係見到有廚師處理緊滷味食材，見到一份份切好嘅滷味，感覺真係有少少似係台灣咁。餐廳採用台灣直送的滷味材料，保持台灣原有風味。餐廳有兩層，位置都夠大，下層盡頭見到大大個燈籠滷味霓虹燈招牌，仲擺放台灣特有飲品，增添台灣味😆餐單有30幾款滷味配料可以揀，仲有台灣地道飲品同小食，選擇夠多👍🏻🥢蘋果鹽酥雞 $38本來以為咁特別係蘋果味鹽酥雞，點知原來係蘋果片配鹽酥雞，但呢個配搭都幾有趣，重口味鹽酥雞配蘋果片令成個感覺唔會過膩。蘋果好甜，鹽酥雞都炸得香脆🤓🥢百頁豆腐白蘿蔔雞翼冬粉 $38整體滷味配料都滷得唔夠入味，雞翼更加係無咩味。反而係冬粉吸哂滷湯精華，係好濃郁嘅中藥味。🥢雞腎杏鮑菇豬耳冬粉 $39豬耳同雞腎味道好淡，杏鮑菇就切得比較薄好吸汁，同冬粉一樣好食。可能對佢本身期望好高，所以整體都有啲失望🙁雖然價錢唔貴，但如果要排隊，就未必會再食🤣

在港島想吃台式滷味的話，燈籠滷味絕對是我最喜愛到訪的台式滷味店之一，這裡不論是小食，滷味和飲品一直都能維持到優質台灣風味，不用飛往台灣也吃到。咬一口蘋果鹽酥雞，酥脆的外皮先發出脆脆的聲音，鮮嫩又飽滿的雞肉立刻在嘴巴彈開，雞汁充盈，鹽酥雞調味又剛好的鹹度加上清香的蘋果片，絕對是我每日都想體驗的罪惡滋味。台式香蒜腸可謂超棒的台灣平民美食，現烤的香蒜腸又香又多汁，腸皮焦度恰到好處，肉質扎實，味帶蒜香，肥瘦比例我亦相當滿意，吃來不油膩，這台式香蒜腸真棒。朋友說燈籠滷味的冬瓜茶屬於她小時候記憶中的美味，冬瓜茶十分樸素簡約，入口不會過於死甜，甘醇冰涼的冬瓜茶絕對清爽耐喝。桂圓紅棗蜜加入了近四份之一杯的桂圓紅棗肉，讓整杯桂圓紅棗蜜風味突出，蜜糖甜而不膩，使乾燥的我滋潤起來，秋天果然要喝杯桂圓紅棗蜜。冬粉配花枝丸，絲瓜和百頁豆腐，簡直是無敵組合，冬粉吸飽深褐色的滷汁，香氣撲鼻，冬粉不會軟爛富彈性，嫩綠的絲瓜脆甜清新，使朋友欲罷不能。百頁豆腐豆軟軟彈彈，滷得入味，花枝丸彈牙得很，會讓人一口接一口吃過不停。我的王子麵上的配料極彭湃，浮誇地躺在麵上，幾乎把整碗麵的表面積佔滿，王子麵都變配角了，哈哈。王子麵麵

到訪銅鑼灣人氣台式滷味今晚食滷味車仔麵嘆珍珠奶茶，很享受既生活呀。介紹返係openrice個app 度睇到有兩人餐，名叫做 ： 我不願讓你一人食幾有詩情畫意，如果唔係情侶食麥好尷尬？ 不過黎得9成都係情侶就真。呢個餐包兩碗4餸 車係都，兩份1人小食同兩杯飲品，以地區同質素黎講真係唔食走寶。第一碗 配料有 ：花枝丸，麵底王子麵，甜不辣，蘿白，椰菜推介甜不辣，蘿白同椰菜餐飲黑糖珍珠奶茶＋$6，值得加錢，珍珠好林，奶茶唔會太漏香蒜腸，必食，一般般腸仔既我都覺得超好食呀第二碗配料有：百頁豆腐,大腸,雞翼,唐生菜王子麵。 覺得個大腸最出色，好入味，第二度食唔到小食要了花枝丸，份量係兩粒黑糖珍珠奶綠 ＋$6最後加$32 魯肉飯，覺得d豬肉同冬菇超級正。

呢排見到燈籠滷味越黎越多分店，又咁多人排隊，就去感受下呢個熱潮，睇下佢有咩咁特別。呢日去左銅鑼灣行街，見到呢間分店就排隊試下。香脆地瓜條 （$32）地瓜條咬落去見到入面成條都係地瓜，好足料，而且炸得幾脆，又有地瓜甜甜地嘅味，中意食鹹嘅仲有鹽可以點，個人覺得點左鹽好食啲。王子麵 豬耳 雞腎 百頁豆腐 金針菇 高麗菜 鴨血 （$73）王子麵 豬肉片 雞腎 白蘿蔔 甜不辣 鵪鶉蛋 鴨血 （$73）我地都豪食6個餸！一黎到見到個碗都有啲嚇親，個碗好大，份量好多，不過好彩最尾都食得完。值得讚嘅係每樣餸嘅份量都好多，而且都幾夾，成個麵都好夠味！黑糖珍珠奶綠 （$24）茱香奶綠 （+仙草）（$20+4 =$24）飲品同多數台式飲品咁有得揀甜度同冰量幾貼心。杯凍黑糖珍珠奶綠超大杯，睇到都覺得飽。揀左正常甜同正常冰，都唔會勁甜，岩岩好。而茱香奶綠就好香茱莉味，岩曬減「利」。總括而言，完全理解點解咁多人排隊～分量大，價錢又唔貴！

開業到而家人潮未減退！早放工6點去都要排15分鐘先有得入～餐牌好似車仔麵咁嘅形式，不過我今次費事諗就叫咗二人餐🤣其實係第一次食冬粉🙈有啲似粉絲！都幾吸味😋配料最推介係豬耳 雞腎 夠爽口😍甜不辣好似消失咗😂細滷肉飯多汁 係肥膏 唔會乾爭爭🤣小食係蘋果鹽酥雞，鹽酥雞炸得香脆😋唔會厚粉，加埋旁邊嘅蘋果片能夠解油膩跟餐仲有兩杯嘢飲送，揀咗冬瓜茶，抹香奶綠😚當時中秋節前夕仲有一個猜謎語活動，可以有優惠券下次用!

好想好想去台灣呀！即使是只有2日1夜，我都好想去！唯有吃一下地道台灣滷味一解思念！無論幾時去燈籠滷味，門口都站滿人！強烈要求燈籠滷味開多幾家分店！入到去真是彷彿置身台北一樣！排了一陣，入到去立即揀下吃什麼好！如果不吃麵類，可以選滷肉飯！麵可以少麵或者加底！然後就揀一下招牌滷味！我選了豬耳朵、百頁豆腐、大豆皮和素雞加油麵！朋友選了豬耳朵、百頁豆腐、高麗菜、玉米筍、甜不辣和花枝勺，配搭烏冬。滷好甜甜的，很入味，特別喜歡豆類的製品，大頭皮帶點煙韌口感，最重滷水味！豬耳朵也很爽脆！小食點了蘋果鹽酥雞，這個是人氣小食！鹽酥雞外層口感好香脆，雞肉多汁，配搭一片片的蘋果吃可以解膩！飲品點了紅茶豆漿和無糖豆漿，好重豆味！第一次飲紅茶豆漿，想不到茶和豆漿也很配！

次次放工經過都大排長龍，今次特登5:00去到，雖然唔洗排隊但店內都有過半客人用餐中！真係犀利😁😁之前聽903節目‘咪芝巨星’有一集訪問過‘燈籠滷味’，知道多左呢間鋪頭開辦嘅理念，對台灣嘅尊重同熱誠， 明白得來不易，另我多左重感動🤗🤗A.帥大超人氣組合配冬粉（粉絲）$59內有6種配料配埋特製滷味汁好好味又甜甜地😍😍！可惜係蘿蔔雖然夠軟身但同冬粉都係未夠入味😌😌D.自由是個好東西豬肉片+雞翼翅膀+白蘿蔔+金針菇+王子麵 $51豬肉片好有彈性唔韌，雞翼、金針菇就正常，重點係佢個王子麵非常入味又夠彈性，唔係周圍都食到，所以一定要試💪🏻💪🏻滷肉飯$28秉承左台灣滷肉飯細細碗嘅特質，食落有黏口嘅感覺，呢d先係台灣🇹🇼🇹🇼，不過$28咁細碗就貴左d😂😂冷泡桂花烏龍$13燈籠滷味自家品牌，味唔係好濃但幾解渴🙂🙂聽消息會係旺角開分店，真係希望會繼續做到同一樣嘅味道🥰🥰