燈籠滷味 (新都會廣場)

營業中

休息中

在中環食過燈籠滷味, 最近在葵芳新都會廣場都開了分店, 面積沒有中環分店那麼大, 勝在商場舖, 交通又方便。餐廳主打滷味和台式餐飲美食, 食客都幾多。麻辣鴨血野菜冬粉麻辣度適中, 鴨血都幾香滑, 冬粉吸收麻辣汁黃鴨血精華, 透明得嚟又彈牙, 食落都幾醒胃。眷村懷舊排骨滷肉飯排骨其實是豬扒, 炸得幾香脆, 滷肉嘅鹵水汁調配得唔錯, 滷得幾入味, 飯嘅份量都唔少, 吃到正宗台式滷肉飯嘅風味。甘梅香脆地瓜條地瓜條炸修真係好香脆, 地瓜夠曬香甜, 外面有些甘梅粉, 惹味又開胃, 吃多點都不會覺得油膩。燈籠黑糖珍珠奶茶正宗台式珍珠奶茶, 珍珠軟熟夠彈牙, 甜度啱啱好, 冰凍解渴。九份經典芋圓伴QQ蕨餅呢個甜品幾好味, 軟滑芋圓和蕨餅煙韌又彈牙, 夠曬滿足。#燈籠滷味 #台灣菜 #葵芳區 #鴨血冬粉 #排骨鹵肉飯 #香脆地瓜條 #芋圓蕨餅 #珍珠奶茶 #hkfoodie #foodporn #hkfoodblog #foodies #foodiehk #instafood #hkfoodporn #foodblogger

幾年冇去過台灣,唯有食下台灣嘢解下瘾。今晚就去咗葵芳新都會廣場食呢間台灣過江龍燈籠滷味餐廳裝修有啲似台灣街邊感覺,五光十色好吸引人嘅眼球這個是出名招牌菜,當然要試一下。醬汁是偏甜的和香港的滷水有些不同💯真台灣的味道,我同友人每人叫咗一碗麵和飲品再另加多碟小食牛筋肉+白蘿蔔+百頁豆腐+米線友人話呢碗牛筋肉重牛味又夠淋;白蘿蔔好入味,清甜冇苦味同無渣;百頁豆腐質地較實淨,Q彈爽口,不易散,配埋爽彈米線,好美味豬肚+豬耳朵+炸豆腐+台灣王子麵我呢碗豬肚食落有咬口;豬耳幼身爽口;炸豆腐唔會炸到好乾,外脆內軟;配埋王子麵索埋滷汁非常入味芋泥肉鬆起司蛋餅嗰蔥抓蛋餅脆卜卜,煎得香口,入面塞爆咗香甜芋容,仲有鹹鹹地嘅肉鬆,簡直係perfect match黑糖珍珠奶茶-滿滿嘅黑糖加上濃厚好滑嘅珍珠又唔係太甜,珍珠煙煙韌韌有咬口

台式飲食在香港都頗受歡迎, 燈籠滷味最近也進駐葵芳新都會廣場, 自然有相當嘅捧場客。食店嘅地方不算很大, 所以ㄧ般都需要等候時間。台灣紅燒牛筋肉滷肉飯紅燒牛筋相當惹味, 口感好像薄切牛展, 鹵水汁滷得很入味, 腍身又帶點爽脆, 滷肉飯軟熟油滋味, 很正宗嘅台式口味, 分量也很足夠。燈籠芋見你味道雖然幾甜, 但是芋頭實在很滑溜, 香甜幼滑, 份量都唔少, 作為甜品都幾啱食。奶油芋泥肉鬆起司“蛋餅“這道小食味道相當特別, 香脆蛋餅包著鹹味肉鬆和甜甜芋泥, 鹹鹹甜甜配搭又幾和諧, 味道幾有層次, 美味得嚟又有新鮮感。甘梅香脆地瓜條喜愛嘅台式地道小食, 地瓜條清甜香脆, 配合酸酸地嘅甘梅粉, 好食到唔停得口。黑糖珍珠奶綠香香甜甜台式飲品, 黑糖珍珠又軟熟又煙韌, 冰凍怡神嘅飲品。

見咁多好評，又太耐冇去台灣本來想尋找下台灣的味道，就黎試下佢係手機qr code落單，如果見到有落單困難既客人，店員會自動幫忙落單，覺得呢下好貼心但係講到食物，係失望既鹽酥雞新鮮炸起，夠熱夠脆，但有啲乾，而且味道冇特別，係港式鹽酥雞味。麻辣鴨胗呢個係朋友點錯😂，但錯有錯著，味道幾好百頁豆腐豬腸甜不辣冬粉不過不失，冇驚喜，唔特別好食，亦冇台灣滷味嘅味道。不過豬腸好淋好入味芋泥蛋餅好聽啲係味道特別，咸咸甜甜；唔好聽就係味道好怪芋泥唔香，得個甜，有啲蛋餅醬汁係面，酸酸甜甜，總之成件事就係怪，唔建議點呢款食。飲品係 超 級 失 望一杯烏龍奶茶$31（佢冇得揀少甜，只有半糖半冰揀），我揀左半糖半冰，黎到杯野先唔覺有有半冰，其次係奶水味，勁淡，有少少茶味，冇奶味。朋友叫珍珠奶茶，都話好難飲，好彩珍珠本身有啲甜味搭夠。兩人埋單$295

一直都好想試燈籠滷味，今日經過見無人排隊就入去試下。點了幾款滷味，牛筋肉,蹄膀,香菇,甜不辣，味道正常，牛筋肉係厚切，蹄膀嘅豬皮亦好淋好正。同時點左排骨滷肉飯，排骨邊有d乾，沾滷水食就無咁熱氣，整碗飯好大碗，滷肉汁好味，整體唔錯。但某些員工真的需要再培訓，就如當某男員工拎滷肉飯黎嘅時候，我們想兩個人share就順便問佢可唔可以攞兩個碗仔，他攞到過黎就同我地講: 下次你地要碗仔麻煩早d講，因為我地依加好忙。真心想問幾時係早d? 一坐低就問你攞？定落完單問你攞？我地野都未開始食仲唔夠早？真心傻眼。你拎野食黎我地見到你先問你攞係好正常，明白餐廳人多會好忙，但唔使咁樣同客人講野，大多可以叫客人等等，唔使俾說話客人聽，仲要係聽完都唔明果下死，唔知真係以為電子落單係可以落埋”碗仔”。到俾錢果陣，因為係行出門口埋單，老實講果個位走左數都無人知，門口埋單安排好混亂，首先有一大堆在排壽司郎的人，然後又有等食滷味攞左飛嘅人，又有等緊叫滷味外賣嘅人，同食完要俾錢嘅人。員工見到張枱有人走應該要安排客人排邊條隊俾錢，同向cashier示意有人走等佢唔好俾個客走左，但完全無人理，然後外賣一條隊，堂食完俾錢又另外自

我本身唔係一個挑食既人但 我都食唔曬唔係因為佢好大碗（份量小）男士一定唔夠飽因為面 勁咸 咸到苦滷水 都唔係敢既咸我叫左個蛋餅 唔係熱都算喇 一夾起散到放唔到入口 之後叫咗杯飲品我食完成餐飯都冇嚟過價錢好貴 性價比低服務態度 正正常常

喺葵芳新都會行完街大有所獲，買衫買鞋勁開心，要盡快坐低搵嘢食，真係唔明嗰間壽司舖長期都係有咁多人喺門口等位，真係冇佢咁好氣！竟然發現對面開咗間新嘅台灣嘢，5:30鐘入去即刻有位！手機落單真係好方便，又唔使驚會落錯單，商量好食乜嘢落完單之後發現全場滿座，真係好誇張！燈籠古早滷肉飯（小），咁耐冇去台灣一定要叫返一碗滷肉飯，半肥瘦滷肉加埋飯粒在口中溶化，混為一體，妙極金黃流心滷鴨蛋，陣陣滷水香味Shake shake鹽酥雞, 好特別啊！俾個紙袋你加埋海苔粉鍾意點shake就點shake招牌燈籠滷味，大腸，白蘿蔔，百葉豆腐，香菇貢丸，油面多蔥好開心食到呢個滷味大雜燴，完全感覺當年喺夜市每樣叫一些的宵夜，尤其百業豆腐香菇貢丸完全係我嘅Style燈籠黑糖珍珠凍奶茶台味奶茶加仙草

一路都想試正宗嘅台灣滷味，好幸福地燈籠滷味竟然開咗喺新都會，放工返屋企順路就可以去食🥹🥹燈籠開咗喺以前三文治店嘅位，好易揾，7點去到等嘅時間唔算長我同朋友一人一碗，分別試左佢地嘅招牌菜，蜂巢牛肚，鴨胗，豬耳仔，大腸，牛筋同台灣獨有嘅水蓮我地分別配左冬粉同烏龍麵，每樣食物都好入味，店員特別同我地講麵嘅湯會比較少，因為想有撈麵嘅感覺，如果想加多d湯嘅話，請店員提供就可以，仲叫咗個海苔shake shake雞粒，雞肉保持到肉汁，唔會好鞋我地仲叫咗佢地招牌甜品燈籠芋見你，我係芋頭芋圓控，所以成餐飯都覺得好滿足

朋友介紹葵芳新都會廣場一間地道台式食店「燈籠滷味」，今晚特來嚐嚐台式美味。餐廳半開放式，有道具燈箱招牌作為裝飾，加上食客川流不息，彷如置身台北街頭夜市。這裏用QR CODE 點菜，組合配搭選擇多，可按自己喜好而增減，非常方便。“招牌燈籠海滷味推介”，可以自選多種餸料和麵底，我選了豬肚、雞翼、台灣王子麵。豬肚爽口入味，雞翼肥美肉嫩，配菜有蔥花、梅菜，滷水汁味道香濃。“人氣蔥抓蛋餅”，我選了“奶油芋泥、肉鬆、起司”的一款。餅皮煙韌帶脆，裏面包裹著奶油芋泥，肉鬆、蛋皮、芝士互相輝影，口感特別豐富。“台灣紅燒牛筋肉滷肉飯”，紅燒牛筋肉（牛𦟌）十分有牛味，兼且香料滲透其中，爽而不韌，配菜有椰菜、粟米粒、蔥花、梅菜和滷水蛋。滷肉濃味，最適合喜愛重口味的人。“九份經典芋圓伴QQ蕨餅”，是一款美味的甜品，聽說蕨餅源自日本宮庭，是貴族食品。材料有芋圓、地瓜圓、紅豆、珍珠、黑糖、花奶等。甜絲絲，滑溜溜的口感，帶給人一種幸福感。慶幸我早來到，才得以輕鬆入座，離開的時候，門口站滿了等位的顧客呢！

第一次見到餐牌好少選擇，就走了。第二次因朋友想吃，才一試。先點一杯店舖推介的黑糖珍珠奶茶，味道超淡（我選少甜，少冰），它的淡不是因為少甜，而是太淡的奶茶味，沒茶味，沒奶味，黑糖味也不夠，味道不好，喝一口就不想再喝了。其他食物都正常，份量較細。芋泥肉鬆蛋餅不錯，肉鬆味道很濃，非常夾。另一個店舖推介的紅燒牛筋肉鹵肉飯，牛筋肉很軟，但不特別，只有幾片，其他地方都吃到的味道。平日的晚餐不用排隊直接入座。

🏮自選燈籠滷味：豬蹄+米血糕+蘿蔔晚上不太餓所以只嘗了三種配料～ 豬蹄肥瘦適中，米血糕沒怪味且煙靭，蘿蔔炆得入味整體感覺有點像台式車仔麵呢🤣🤣🏮芋泥蛋餅一上枱便看到芋泥超級多！但吃下去的感覺像甜品🙈 芋泥太甜，掩蓋了芋頭的香味，幸好中間有肉鬆中和一下甜味蛋餅皮偏硬脆的感覺，個人不太喜歡🙈真的試一次就夠，$56的蛋餅是我吃過最貴的呢🤑 加上感覺是中了伏…👉🏻店舖採用自助落單，但亦要收取加一服務費呢🤔

燈籠滷味🏮喺葵芳新都會開咗分店喇！咁我可以成日都去食啦yeah✌🏻，冇得飛去食返啲台式滷味😋，就當呃下自己返咗鄉下✈啦。香港地少人多空間有限，所以店鋪空間感會有啲迫，但同其他分店一樣都有好大幅🔮霓虹燈牌打卡牆，都幾吸睛。·🍲招牌台式滷味（自選配料 + 麵）樣樣都想食🤤，好貪心，最終選擇困難下揀咗🐮蜂巢牛肚($22)、🐖大腸($14)、👂🏻豬耳朵($14)、🐷蹄膀($14)、🍢花干(炸豆腐)($12) 拼 🥢手工烏龍麵($16)，滷味汁好濃郁🤩，烏龍麵好掛汁，又軟又彈好好食👍🏻！每樣配料都滷得好入味，一睇啲顏色咁深就知🤗!個人最鐘意🐮蜂巢牛肚同🐖豬耳朵，口感軟腍，煙煙韌韌，仲有估唔到🤩花干都咁好食，吸收哂滷汁精華，咬開係啖啖嘅滷水汁呀😋！·🥠奶油芋泥、肉鬆、起司蔥抓蛋餅 HKD$56芋泥份量好多🤩，直情係爆漿咁! 口感smooth且綿密，推薦大家揀芋泥哩款💜。夾埋咸香肉鬆🐖同埋拉絲芝士🧀，成個組合好豐富，味道好夾好邪惡😈！·🍛台灣紅燒牛筋肉滷肉飯 HKD$78哩款會顯得相對失色咗🤔，整體不過不失。牛筋肉半肥瘦，滷肉飯係充滿😌台灣嘅古早味，好掛住台灣呀！·📍燈籠滷味葵芳新都會廣場1樓1

最近葵芳開左一間滷味店，是台灣過江龍-燈籠滷味。餐廳裝修充滿特色，門外有很多燈牌裝飾佈置，絕對是打卡位！中午2點嚟到，仍然十分多人，攞飛後大約10分鐘就有位！這裡是掃二維碼QR code落單，我同朋友都喜歡食滷味，所以必點了二碗滷味share。呢度同港式車仔麵大致相似，可以自選配料和麵底，麵底揀了王子麵和冬粉，2者都索晒滷味汁令麵條非常入味，加底都只係多$5。配料方面我選擇了甜不辣、鴨珍、雞翼、牛筋肉。每樣都好入味，個人推薦牛筋肉和甜不辣！奶油芋泥、肉鬆、起司蛋餅，芋泥香氣撲鼻，加上肉鬆的口感和超司的加持，令呢份蛋餅層次分明，推介！黑糖珍珠奶茶，揀了少甜口味，淡淡黑糖香味，珍珠Q彈！

苦等多時，政府終於在近日宣布放寬回港隔離方案，令身邊旅伴個個都蠢蠢欲動，於是今天便和其中一個旅伴相約旅遊大計，而相聚的地點就選在了新都會廣場新開的台灣菜。燈籠滷味位於新都會廣場地下，由葵芳地鐵站走過來不到5分鐘的路程。由於燈籠滷味是起源於台灣師大夜市，所以葵芳店的裝修都仿照夜市格局，務求讓食客從環境上感受台灣風味。餐廳用QR code 自助下單，菜單上有餐廳主打的滷味、不同配料的飯食及各種台灣小吃及飲料。雖然用餐時間只有60分鐘，但餐廳上菜效率非常高，我們下單後6-7分鐘所有餐點已經到齊。台式香蒜腸(⭐⭐⭐⭐⭐)首先登場的是我每次去台灣都會食的台灣香腸，餐廳配上切片生蒜，伴著香腸一起食，是濃濃的台灣風味。招牌燈籠滷味(⭐⭐⭐⭐⭐)滷味點菜方式其實和港式車仔麵一樣，可以自行配搭自己喜歡的配料和麵底。我選了滷水豬大腸、空心菜、金針菇配上米線，而友人則選了滷水牛筋肉、白蘿蔔、大豆皮配上油麵。餐廳以燈籠滷味為名，所以滷水特別好食，豬大腸和牛筋肉滷得非常入味，而且帶有陣陣香氣，果然為必食之選。現場所見大部分食客都選了王子麵，不過我覺得米線煙韌彈牙，也是很好的選擇。人氣蔥抓蛋餅(⭐⭐⭐💢💢)在三款

話說有日星期六,我哋六個人喺葵芳搵食~經過見到燈籠滷味新開....其實之前已經喺旺角同中環食過感覺都唔錯,某啲嘢我都好鐘意食既~朋友未食過,所以我就話不如食呢間啦~我原本推介朋友食豬大腸,豬耳朵,王子麵...不過餸放晒係側邊....感覺好小...擺位有待改善今次我就揀咗冬粉,無王子麵咁咸,但都無乜特別....大腸,豬耳都好夠味~花枝丸有啲腥腥哋....除咗賣相,其他都OK既而朋友個食評係....同車仔麵無乜分別....係特別貴啫,無台灣風味佢話唔會再去食比佢咁講一講,又係喎.....不過又真係比中環旺角兩間分店差啲....呢間真係味道賣相都有啲差仲有啊...我叫咗杯苿香奶綠,無揀小甜小冰嗰啲,亦都無得揀但佢嚟杯嘢....淡到冰茶咁....完全唔想飲落去.....