燈籠滷味 (朗豪坊)

營業中

休息中

今日工作關係要到朗豪坊，離開時差唔多2點，就諗住食埋午餐先走，於Food court嗰層睇咗一陣，最後決定試下燈籠滷味。叫咗個排骨滷肉飯，排骨都算大件，肉質唔算淋，咬落有口感，但唔太入味，飯的份量對我來講略嫌唔夠。免費飲品凍綠茶OK。午餐的餐牌來講都算唔少的選擇。職員的服務方面，我就認為唔錯，由落餐至收銀都算有禮。店舖的環境方面，裝修設計方面都幾特別，唯一係無座位之間空間較迫，無論我坐入埋邊或者起身都要好小心。

跟女朋友到蘭桂坊行街，食晏醫肚，選了這間台式店，原本我很喜歡食台灣嘢，但食呢間真係一肚氣。唔講食嘢住，先講服務，原本啲老員工冇乜嘢，但係個後生仔非常趕客。嚟咗餸問佢攞兩隻碗，佢居然係掉碗掉到蹦蹦聲，當刻四目交投，佢完全唔覺得唔好意思，及後有另一台客，客人問要Menu，佢差半步行到嗰張枱，但佢唔係俾係飛，真係未見過人會飛Menu，嗰個客人都錯愕咗一下，周圍望，望到我有注視到，大家苦笑了一下，繼續食飯。1:懷舊排骨滷肉飯 2/5豬扒無味，衰過茶餐廳，幾乎見唔到滷肉2:海苔鹽酥雞2.5/5正常啦，唔難食，亦都唔算得上好食，但份量也偏小。3:奶油芋泥蛋餅4/5全日最正常，但比起以前嘅品質，差了不少4:燈籠黑糖珍珠奶茶1/5未飲過咁難飲嘅珍珠奶茶，有黑糖味有奶味，但冇茶味，品質跟外邊專賣茶嘅差好遠好遠。整體而言：茶木好食過佢N倍，服務差，食物水準未達標準。感覺太差了，影咗一張相之後唔想再影。

好耐冇去朗豪坊，行行下見到想試好耐嘅燈籠滷味，即刻衝入去一解喺台灣夜市夾到一袋袋嘅單思之苦。星期四下晏5點幾，唔多人，隨意揾個位坐下，打開餐牌咩都想試，幾經掙扎一於將蛋餅同芋圓留返下次先試系列。海苔鹽酥雞：一睇顏色就知唔對路，地瓜粉包裹唔夠，令到味道只係一般炸雞，海苔跟一個紙袋俾大家shake shake, 不過我淨係點都夠味滷味王子麵：滷湯色濃，但味道只係咸而冇層次，回憶中夜市嘅滷汁係咸甜甘之外兼有餘𩐳，味道係立體嘅，但依家係2D平面的。餸菜不過不失，比起個滷湯，零願食晒d餸算啦香焙炭香烏龍茶：淨係得個甜，差唔多係一杯奶留返下次先試系列都係取消咗佢啦

🍽️🇹🇼疫情幾年無去旅行，好掛住台灣既味道🥹係旺角朗豪坊呢間台灣版車條麵～ 燈籠鹵味 顧名思義 係食鹵水湯底既台式車仔麵有去過台北 應該都有去師大夜市，總店位於台北師大夜市 香港係第一個設立分店既地方啊❣️麵底我選左烏龍麵（烏冬），餸要左大腸。份量嚟算多，女仔都足夠 男仔就未必夠啦😝 味道都幾濃 偏鹽但可以接受～ 食台灣野，都不能不點鹽酥雞同玉鬆蛋餅🤭🤭 兩樣都好好食😋 另外要單點一支冷泡茶 咪睇咁深色 茶味唔算好濃，ok la🥤總體，味道同台灣食得出伯有分別，係香港 會選擇返食香港車仔麵🤭🤭

宜家嘅湯底係鹹到無辦法接受 以前唔係咁㗎 根本食唔到 (利申已經係重口味嘅人)冬粉比返曬佢咁濟不過烏龍奶茶好銀 服務都好 真心希望改善返員工話係湯底改左 點解會越改越衰架好想知 😂

由開業開始已經係好出名嘅排隊店趁熱潮稍微過左，今次紅日晏就過去，等左5分鐘左右就有位喇三個人叫左個朗豪坊限定嘅「豪豪」吃二人套餐，包左招牌滷味，兩款台式小食同兩杯野飲✨仲額外叫多個滷鴨蛋💛招牌滷味非常大兜，而且有好多配料，自選麵揀左冬粉，好入味，整體味道稍鹹💛爆漿芋泥肉鬆蔥抓蛋餅，鹹味同甜味加埋非常過癮，而且蛋餅仲有微脆口感，本身唔鍾意食芋泥同肉鬆都覺得好好食💛古早滷肉飯同滷鴨蛋都係記憶中嘅台灣味，不過滷肉飯稍嫌淡口，整體不過不失

由佢係銅鑼灣開業已經大排長龍，估唔到就算喺旺角朗豪坊開分店，啲人都係絡繹不絕！見咁多人食一於就試下～排隊拎飛都等左45分鐘入到去叫咗2款餸（百頁豆腐、白蘿蔔）加油麵。食落就好似港版車仔麵咁，唔同嘅係個湯底係滷水汁，雖然少但係啲汁好掛麵，真係會令人食唔停啊！之後再叫左個人氣爆漿蔥抓蛋餅 （口味：芋泥肉鬆）$48，但係個配搭食落都幾膩，建議同朋友share，自己叫會食唔晒！雖然旺角呢間有加一服務費，但係喺呢區來講價錢好合理，lunch time / 放工平平地食一餐都ok!!

平時見親都大排長龍，今次特登早d去食店首本名物係個滷湯，飲得出陳皮味，價錢唔貴杯大甲濃厚香芋鮮奶都好好飲蛋餅就略嫌個皮硬左d總括而言係good value for money另一個亮點係鋪頭會播2000年嘅台灣流行曲e.g. 陳芳語嘅愛你。如果你都係聽住哩d歌大嘅應該會好nostalgic

依間特色係自己配搭不同餸同麵，個人最鍾意甜不辣和麻吉燒（2樣都煙煙韌韌😍）麻吉燒中間係麻薯，出面係魚蛋🍢每樣餸都好入味另外，甘梅地瓜條都好食！地瓜條炸得好脆，配上梅粉，好開胃！芋泥肉鬆蛋餅🍳餡料爆滿，芋泥甜甜的，好吃😋餐廳裝修成台灣一樣，有不同字樣水牌，背景音樂播放台灣歌曲🎼 十分推介💗

聽好多人講想試下呢間🥹就去試試🥹滷肉飯都幾好食😋但撈麵就咸左小小🥹最好食係梅味甜瓜😜係要排一陣隊 行下街都就到 所以都快 服務態度幾好 會介紹下啲有咩好食試吾試下👍

今日出街行經旺角，同朋友覺得肚餓就去左商場一間台式餐廳食晚餐，但佢地食物質素真喺令人失望。😭😭😭餐廳主打食滷味，有為數唔少既大路配菜比大家揀。我地揀左鴨血，牛腱肉，百頁豆腐同埋高麗菜，再配上冬粉。一碗粉連四餸加加埋埋都要70幾蚊，價錢唔喺走經濟實惠路線，所以對佢既味道有返咁上下期待。不過最期待的鴨血完全無味仲唔嫩滑，口感都好奇怪。其他配料味道都麻麻地，冬粉算喺好少少，可以吸收到湯底味道，不過湯底都是偏咸。除左野食外，我地仲叫左兩杯飲品，味道正常但冰既份量偏多，飲到後尾已經溝淡哂野飲本身既味。而且呢到飲品叫走冰是要額外加錢的，唔太化算🤔🤔。總的來說價錢唔平，食物味道同質素都麻麻地，同價位台灣菜有更好的選擇。

總店黎自台北師大夜市既燈籠滷味，主打台式熱食滷味，又係人氣既排長龍店🙈第一次去食，menu感覺好親切，十足我地平時食車仔麵既形式😆唔知邊樣出發既情況下，點左鴨胗、大腸、蘿白等，想地道d配埋台灣既王子麵✨意外既係，碗麵原來唔會好多湯汁浸住，係俾適量既滷水汁做撈麵咁食法😳 滷味都算入味，唔會死鹹，不過有別於潮式個種滷水，香料味就爭左d~飲品方面選擇比較普通，揀左杯荔枝紅茶，要少冰既～不過黎到d冰估左半杯，為左唔想杯野淡晒唯有自己手動少冰🙈

前日星期六晚去食同朋友叫咗個二人餐share嚟食咁就一大碗主食+兩個小食+兩杯嘢飲-主食就叫咗個油麵，啲料就係又甜不辣又花枝丸又菇又菜咁肉就得3舊，完全就係一堆嘢烚埋一碗加個麵同湯-小食就叫咗個滷肉飯同麻辣鴨血冬粉首先個滷肉飯就普普通通，正常發揮啦但個麻辣鴨血就又唔辣又唔鹹仲好甜同埋淨係麻完全唔掂-嘢飲就叫咗個茉香奶綠同冬瓜茶茉香奶綠就都係普普通通，加冰就+$3，仲加咗珍珠但就真係好普通咁個冬瓜茶就嗌咗正常嘅，但一啲味都冇，唔甜-重點係咁嘅二人餐要$198服務態度又唔好埋單嗰時前面仲有位客人嘅，咁職員就問：現金定八達通？客人就話：想比visa。唔知係職員本身就咁串定佢真係聽唔到啦，就又講咗句：現金定八達通？但明明我地見到有部卡機喺度嘅，真係睇唔明？？？-咁耐以嚟第一次啲嘢食唔抵食到上嚟打食評大家食之前要三思

今次係第二次試旺角朗豪坊這間分店，亦係最後一次，因為令人太不滿。以下我簡單列出這次的用餐體驗：入座時間：27/08/2022 晚上7時42分食物質素：味道可以。柯打2杯飲品全已加了$3轉半冰，但到來時仍是全杯冰到底。用餐過程體驗：1. 入場時没有人提示只有一小時用餐時間(兩次體驗也没有)。2. 落柯打時主菜是選擇了冬粉(粉絲)，但來的時候變了烏冬(這個可體諒，職員亦幫忙更換，故没有特别不滿)。3. 等候了約15分鐘重新將對的柯打送上4. 到了8時多的時候職員竟告訴我們已用餐1個小時，並要求我地準備離開。但當時的時間只是8時31分，所以我們並無太大理會。結果在5分鐘後(8時36分)，職員再次要求我們離場，但時間確實未夠一小時，他們說是繁忙時間所以要限制用餐時間。最後我們唯有不滿離開感想：非常不滿！一開始無任何人跟我們提及用餐時間限制，一小時的用餐時間，過了45分鐘便請人離開😅隔離枱早過我地坐低又冇人干涉請離開。加上佢送錯食物重新等待的時間不用補回？真的非常差的體驗！不會再有下次了。在這裡提示各位決定要試的朋友一定要在入座前問清楚。

格格這種年青人，總是要吃“懶台灣”的台式餐廳，人氣是不錯的，食物水平又怎麼了？點了個“稻庭烏龍麵二人餐”，澱粉太多，麵我就只吃了兩條，連拍照都忘了，味道嘛，還可。“人氣爆漿蔥抓蛋餅”，又是澱粉，不知道自己在吃什麼，味道不懂欣賞，反正滿口是粉。“金梅香脆地瓜條”，又是澱粉，其實就是炸薯條，但有獨特的番薯香味，加上酸梅醬，是一個很好吃的炸薯條。我們有三個人，所以多點了一份“惹味塔香鹽酥雞”，味道不錯，也終於有個正常點兒的台灣小食，又有兩杯臺台式飲料，奶茶和柚子綠茶，這晚到那刻才有點台灣感覺。兩人餐的蔬菜終於來了，“花生醬火腿”，味道ok。總的來說，套餐的組合太單調，味道還可，但沒驚喜。