熊本牛鍋 (永勝商業中心)

營業中

休息中

放工朋友帶左我去食雞煲加任食火鍋🙈估唔到質素如此地好🤭好味又抵食！朋友推薦一定一定要食皇牌套餐，佢講到咁唔叫都唔得啦😂我哋叫左小辣，醬汁好惹味，辣度又剛好！啲雞肉又多又滑☺️重點係入面有鮑魚，鮮蝦，蜆肉，果然夠哂豪華👍🏻每樣都好鮮味同雞煲原來可以咁夾😋同埋估唔到入面有兩塊紫薯，出奇地好味！再黎就到戲肉，就係手切牛肉，呢度係會有師傅現場切牛肉，塊塊牛肉都好新鮮又嫩口，餐廳有牛小排同牛肩胛提供，兩款牛都無得頂！仲有豚肉片提供，一啲豬腥味都無，又係好正！出面仲有唔同嘅蔬菜🥬同丸類同一啲魚肉夾，真係食到飽一飽🙈野食除咗平時啲汽水外，仲有自家製嘅雪耳糖水，夠哂清潤又有誠意！呢餐好掂呀‼️

好耐未試過一大班人出去食飯，之前食任食火鍋成日都要限時間，趕頭趕命又傾唔到計。今次嚟到雖然款式唔多, 但係質素非常唔錯。牛肉並唔係一般任食材料，最重要帶小朋友黎，唔使雞手鴨腳食90分鐘.有好多不同優惠，但係職員都好努力分析邊個適合我哋，一定會encore。

最近好鍾意打邊爐🍲今次又去左一間有得食雞煲又有得打邊爐🍲呢度比人感覺好神秘🙈要按門鐘入去😆入到去地方唔會好大但坐得舒服既👍🏻👍🏻首先，佢就會先黎一個海鮮雞煲😋除左有雞之外，入面仲有飽魚，蝦🦐，蜆，雞煲個醬汁都唔錯呀👍🏻食得好食味之後就打邊爐🍲啦頂級牛小排同埋牛肩胛👍🏻出邊仲有好多唔同種類嘅材料可以拎有雞肉，魚，蔬菜，麵類等等。。。。最後我就出去拎個雪糕同日本番薯糖水👍🏻個番薯糖水超好食，夠晒姜👍🏻👍🏻熊本牛鍋 (永勝商業中心) (尖沙咀)📍尖沙咀山林道21號永勝商業中心2樓A號舖我既評分（5⭐️為滿分）環境：⭐️⭐️⭐️⭐️食物：⭐️⭐️⭐️⭐️服務態度：⭐️⭐️⭐️⭐️推薦：⭐️⭐️⭐️⭐️

想食雞煲又想打邊爐，朋友介紹咗間尖沙咀熊本牛鍋都唔錯，價錢全包$280海鮮雞煲火鍋放題 $258，一來到個雞煲沒想到咁多，雞肉幾嫩，底下有不少豆卜入晒醬汁味，海鮮有鮑魚，蜆，蝦都好新鮮。醬汁方面辣度微辣但十分惹味。我哋另加湯底$20，我哋要了蕃茄薯仔豬骨湯，就開始食我哋最愛牛肉任食牛小排油脂重點所食落去好軟熟，牛肩胛煮完有口感，喜歡吃牛的朋友都覺得有驚喜，之後我哋主打叫牛肉。其實仲有豚肉，雞肉，2款質素都不錯同新鮮其他火鍋配料，菜都不少選擇仲有粟米和冬菇，有幾款麵但因太飽沒有吃。響鈴正常不會好淋身，餃勁大粒入面好足料有粟米和豬肉飲品有罐裝飲品，都有自家制的涼茶，夏枯草和冰糖紅棗燉雪耳，甜度不高又足料不錯甜品有泡芙和3款雪糕選擇，芒果和士多啤梨好味仲有點果肉，忌簾曲奇正常

朋友介紹呢間熊本牛鍋,專程黎試一試估唔到真係有驚喜食物質素,仲有生壕送😍😍👍環境👍重點仲要係無限時👍呢間野CP值非常高👍Very Nice🎉🎉🎉

呢間火鍋餐廳環境唔係太大，最興奮嘅就係佢有180分鐘任食，好耐已經冇食過放題任食😝😝最正就係火鍋可以任食頂級安格斯牛小排、頂級牛肩胛，如果以任食火鍋來講，佢嘅配料真係好正，雞煲又好正，雞嫩滑可口

地址－熊本牛鍋 (永勝商業中心)尖沙咀山林道21號永勝商業中心2樓A號舖💋雞煲皇牌套餐，呢個套餐包左雞煲，加拿大極嫩保濕豚肉片，美國頂級安格斯牛小排，美國頂級牛肩胛，仲有出面有唔同配料可以任食，勁抵，上枱時職員告知雞肉已熟，只需滾返就食得，而最貼心係等待期間，可以出去攞小食食住先，唔使餓住等野食，今日係薯條同魚餅(唔知係咪日日唔同)，雖然呢個小食係任拎，但質素都唔錯，薯條炸得幾香脆，魚餅好彈牙，幾好，食完小食後就剛好食得雞煲，D雞都保持到嫩滑的口感，唔會好嚡，味道偏甜又唔會話好辣，適合唔食得辣的朋友，而佢配料方面都唔少，有蜆，蝦同埋鮑魚，睇落都幾豪華下，而最重要係佢裡面勁多豆卜，索盡湯汁，勁正。💋加拿大極嫩保濕豚肉片，美國頂級安格斯牛小排，美國頂級牛肩胛，當食完雞煲後，可以通知職員加入清湯打邊爐之用，話咁快就水滾，就食下D肉類，豚肉方面，佢厚度都夠，唔會話太薄，食落口感唔錯，牛小排牛味充沛，肥瘦勻稱，而牛肩胛就口感嫩滑，肉類質素高，唔錯。💋配料，我地除左肉類外，都係出面拎左唔少配料，不得不提佢其中一款配料，無骨黑魚片，呢個真心推薦，呢款魚食落嫩滑之餘，最重要係完全無骨，連骨刺都冇，連我

餐廳位於尖沙咀商業中心2樓，唔係睇post介紹真係唔知依個位有野食😳。店內環境雖然唔算大，但坐得都舒服，店員服務態度都好nice☺️。-💵 皇牌套餐 $258/位 仼食3小時✨ 另設加一-💕海鮮雞煲一黎到就會食左個雞煲先，煲內有勁多料😂，海鮮既話有2隻鮑魚,蝦,蜆，仲有大量豆卜,金菇,紫薯同雞等，煲既汁底都夠香夠惹味，配料都入哂味👍🏻唔夠食仲可以加雞(半份$98)。.💕火鍋放題(可轉湯底+$20)食完雞煲就可以加湯打邊爐了，先會上左頭盤牛小排,牛肩胛,豚肉各一份先，當中牛小排最好食😚肉質鮮嫩多汁，牛肩胛肉質結實有彈性，依3款都係仼食的🤣。.💕自助區火鍋配料：丸類,蔬菜類,餃類,麵類都有，麵類有比較小見既素麵🤣，另外，仲有魚類🐟，脆鯛魚片肉質幾爽脆，同埋無骨黑魚片，肉質嫩滑，同平時食酸菜魚個種質感一樣。.炸物：有炸魚餅同炸薯條🍟，估唔到係厚切薯條，同埋保持到香脆口感👍🏻.飲品：除茶類,汽水,啤酒🍻外，仲有自家製冰糖紅棗燉雪耳同夏枯草，清熱解毒。.甜品：雪糕有3款味:曲奇🍪、土多啤梨🍓、芒果🥭，另外仲有泡芙同自家製番薯糖水，🍠番薯糖水薑味比較濃，甜度適中。

༺ 熊本牛鍋 ༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 熊本牛鍋𖠚ᐝ 雞煲皇牌套餐($258) ʀᴇᴠɪsɪᴛ: ♥︎♥︎♥︎♥︎♡☽‎⋆.•*¨¨¨¨¨¨¨¨¨食後感¨¨¨¨¨¨¨¨¨*•.⋆☽雞煲皇牌套餐($258) 套餐包和風海鮮雞煲、食完仲可以免費加清湯打邊爐🍲想轉其他湯底都係加$20! 火鍋可以任吃頂級安格斯牛小排、頂級牛肩胛、豚肉片、任吃火鍋配料🥳雞煲好正，調味唔會好鹹～雞都好嫩滑，仲有鮑魚、蝦、蜆🦐食雞煲火鍋最驚未打邊爐就飽哂，但呢到二人份啱啱好，唔會太飽又滿足！配料仲有洋蔥、芋頭、豆卜～牛小排同牛肩胛質素都好好架，重牛味又唔會好韌！豚肉片就有少少騷味🥺火鍋配料選擇唔多，就係好基本港式火鍋既丸類🤣🤣不過有好多都有芝士🧀芝心獅子狗、芝士魚豆腐、芝士丸都有！推薦墨魚片同鯇魚片～ ☽‎⋆.•*¨¨¨¨¨¨¨¨¨餐廳環境¨¨¨¨¨¨¨¨¨*•.⋆☽餐廳環境唔係好大，但係都坐得舒服～而且有180分鐘任食，好適合同佢有傾偈吹水！

朋友介紹去山林道樓上呢間熊本牛鍋😉話一次過可以食到雞煲+火鍋🍲，一上到去全場滿座😮咁爆場，應該真係不得了😂(要比5⭐️）我地揀左皇牌套餐，有海鮮雞煲+任食火鍋。🤤一上雞煲，香噴噴🤩仲有好多海鮮同鮑魚！！🤩D蝦又大大隻。而且雞煲個湯汁好惹味，少少麻辣，仲有紫薯同豆卜係底，吸收晒濃郁嘅湯汁！冇食過咁滋味同特別底料嘅雞煲！👍🏻👍🏻之後店員見我地食得7788 ，主動過嚟過湯做火鍋同上埋豚肉+牛肉。跟餐3款肉： 包括豚肉，牛肩胛及牛小排，三款都可以無限追加👍🏻 。而且自助區仲有大量火鍋料同飲品，雪糕🍦， 嘩！值回票價🤣加上D肉片全部都紅卜卜，好新鮮。朋友果然冇介紹錯🥳呢間火鍋真係好高質👍🏻

🔗未通關無得去🇯🇵，為食豬唯有食下日式🐮鍋。今次去左位於尖沙咀的「熊本牛鍋」主打🇯🇵式火鍋放題🔸我地揀左雞煲澳洲和牛🐄套餐(💲298加一)送和風海鮮雞煲。"和風海鮮🐓煲"值得一讚👍🏻用到既沙白、 🦐同鮑魚好鮮嫩肉質彈牙爽口。如果汁醬多一點麻辣就更加正❗一貫操作食完雞煲加湯底打邊爐， 除左一般豬骨湯底呢度仲可以加💰轉鴛鴦湯底(8️⃣款可選)🔸任點既火鍋肉類有澳洲和牛🐮, 稀有部位牛白肉、牛小排、牛肩胛及加拿大保濕🐖呢度澳洲火鍋和牛🐮係Grade M8-M9架, 有別一般火鍋放題得M5-6‼️和牛同牛小排油脂紋理均勻、入口牛肉味濃嫩滑唔”鞋”，有質素💓 呢度特別在有出面少有牛白肉，係牛胸前肋骨上的一塊細小的筋膜類肌肉，含豐富的骨膠原，食落十分爽口，女士們必試💯🔸仲有超過60款火鍋配料就自己出去拎，配料同🥬就都係基本款式， 都補充得好快🔸酒水方面都係任飲既。有各類汽水，啤酒🍺(黑啤, 日本麥啤, 泰國象啤) 鐘意飲🍺朋友就岩晒🍻仲有幾款自家制健康飲品(雞骨草, 冰糖紅棗燉雪耳)✅🔸完🈵既放題少不了甜品作結，呢到四款Dreyer’s王牌雪糕(芒果🥭、曲奇、石板街，士多啤梨)、日式豆蓉大福、日式泡芙，

之前未出雞煲前都食過幾次佢地既火鍋，個時二人同行一人半價。近排見到社交平台有出雞煲加火鍋去試試，牛肉豬肉都唔錯，丸子都係大路野，飲品有自家製既。重點係可以食180分鐘，店員態度仍好好

熊本牛鍋朋友食唔到辣，係而家周圍都主打麻辣火鍋三的時候，我就搵到呢間細細地，每碟高質，湯底又真材實料既熊本牛刷鍋。地點就腳喺山林道既。首先，我地簡左最出名大推的蕃茄薯仔湯底。有相為證真喺好鬼濃。我地叫左 加拿大豚肉/美國牛肩胛/牛小排新鮮味美，浸落個蕃茄薯仔〇湯底真喺好暖笠笠又健康！而自助 Buffet 吧多款特色丸類，蝦滑，有機新鮮蔬菜及菇菌類任食，有咖哩飯/炸物小食。我必須強調佢餐啲丸喺market place賣既果啲特色丸，而唔喺好平好平果啲。

$258/人，吃足3️⃣小時包括海鮮雞煲🦐🐚🐔和火鍋任食🥩🐟🥬、飲品任飲🥤🧃雞煲可選辣度🌶，也可選完全不辣內有一人一隻鮑魚、蝦和蜆都不少還有豆卜、炸蕃薯、金菇等單吃這個可能已夠半飽😋火鍋肉類是即叫即起🆒圖中左起順序是豚肉、牛小排、牛肩胛三種我最愛是牛肩胛肉質嫩滑但不肥，比牛小排更有肉味🧡牛小排相對肥一點，較有牛脂香味💛火鍋其它配料全部自助任取其中最特別是「脆鯛魚片」和「鯛魚下巴」🐟最初以為是一般鯇魚肉片和普通魚鮫沒想過真的吃到爽脆口感和鮮味💯飲品有啤酒🍺汽水🥤和店家特製夏枯草等選擇頗多還有自助雪糕Bar🍨店裡不算太大座位距離屬旺區正常水平適合三數友好開懷大嚼🫂$258三小時，性價比頗高了👍🏻

我哋嗌嘅套餐就係雞煲皇牌套餐（$258）咁首先講咗套餐包括嘅雞煲先啦入面有好多唔同類型嘅海鮮例如係海蝦、鮑魚、蜆肉等等全部食落去都好新鮮😋😋而且我好鍾意佢嗰個汁所有嘢食食落去都好濃郁☺️☺️（尤其是係雞肉，食落去肉質好嫩滑）值得一提嘅係雞煲入面有紫薯咁之後就講吓呢個套餐嘅牛肉啦我覺得佢哋嘅牛小排食落去比較入口即溶🥳🥳食落去亦都唔會覺得好肥膩跟住嘅牛肩胛食落去就比較有口感🤩🤩而且牛肉味比較濃郁豚肉食落去亦都唔會太乾咁跟住就講吓出面可以拎嘅打邊爐配料啦我自己最鍾意食佢哋嘅粟米餃因為真係好大粒之餘亦都真係好多粟米🌽🌽同埋佢哋嗰個無骨魚片都真係幾滑嫩