熊小館

營業中

休息中

熊小館是位於九龍灣Megabox的親子餐廳，以可愛小熊做主題，周圍都放滿可愛熊仔裝飾，打卡一流。餐廳除了設有給小朋友玩樂的角落外，部分用餐位置還可以看到樓下的溜冰場，用餐時間可以同時感受到打 ice-hockey的熱鬧氣氛，確實很寫意。跟餐加錢有牛油法包同蕃茄雜菜湯作為開胃菜。牛油法包香脆外皮，內裡軟綿綿，牛油香味濃郁。蕃茄雜菜湯酸中帶甜，湯底濃郁，令人胃口大開蘑菇紅酒汁牛柳加法式田螺薯蓉批牛柳腍身，肉質嫩滑，配上蘑菇紅酒汁，帶出濃郁嘅牛肉香氣。田螺薯蓉批軟綿綿，令整個菜式更加出色。鐵板肉眼扒 好大塊厚身肉眼扒 , 五成熟煎得恰到好處，口感非常軟腍又有咬口，嫩滑多汁，牛味濃郁。搭配上薯條、粟米及黑椒汁，整道菜好飽肚滿足焗肉醬意粉啖啖肉醬, 仲有拉絲芝士, 味道岩岩好! 飲品叫了一杯草子莓莓, 飲落有點酸

垃圾服務，星期日3點同2位小朋友，都有幾枱客，由於太餓，一坐低揚手叫野食，個陳姓勁理企收銀態度勁差咁大叫「我買緊單，好忙你叫咩人叫乜野叫」無啦啦被鬧⋯由始至終我都只有揚手，無出一句聲。我都解釋我唔知你一個，如果知我一定等你，無理由咁鬧我，之後佢仲勁衰眼啤啤，食野變左做左人地出氣袋。食物質數又一般，個下午茶餐焗飯好似冷飯咁勁乾，個午餐扒就ok , 問一個女職員個經理姓乜，佢都串串地話我唔知，第一日返工我兼職黎。職員都勁差服務，勁受氣一餐，已去信投訴，不推介！

再次嚟到呢間熊小館，一入到呢間店，店員就將隻大啤啤推向我哋張枱度，等佢可以同小朋友坐。食物送來嘅時候，又會提醒我哋小心熱，仲會好關心小朋友。每次嚟小朋友都好開心。鐵板肉眼扒：這份鐵板肉眼扒非常好吃！肉質鮮嫩多汁，帶有淡淡的鐵板香氣。外表微焦香而內裏仍保持粉嫩的肉色，肉汁令人難忘。黑松露蟹籽帶子黃金意大利飯：米粒散發著誘人的香氣，蘊含著黑松露的高雅氣息。軟嫩的帶子與柔滑鮮甜的蟹籽交織在一起，為整個飯菜帶來陣陣海鮮香氣。飯菜的質感、層次和口感是令人垂涎三尺的頂級意大利料理。心太軟：外層酥脆，一切開，流心朱古力即流出來。食落去，入口即化，又不會過於甜膩，令人口味無窮。熱熱情玫瑰:這款熱情果玫瑰茶香氣撲鼻，清爽甜美，喝後讓人心情放鬆。熱薔薇之戀:這款柚子玫瑰茶香氣迷人，層次豐富。柚子的酸甜味與玫瑰的芳香完美結合，入口柔順細膩。清爽甜蜜,還帶有淡淡的花香。

小朋友好鍾意嚟呢間餐廳，呢度有個玩樂區俾小朋友玩，嘢食又好味，店員服務仲好親切，成日會問候小朋友，會過嚟同小朋友玩。呢度地方寬敞，坐得好舒服。軟殼蟹牛肝菌意粉:這道意粉融合了軟殼蟹和牛肝菌的香氣，營軟殼蟹的清脆外皮與牛肝菌的柔軟多汁完美融合，形成了令人難忘的口感。意粉本身也煮得恰到好處。德國啤酒脆醬炸魚炸薯條:炸魚鮮嫩多汁，炸到恰到好處。薯條外酥內軟，妙不可言。配上沙律醬食，更提升食物層次。鐵板雜扒:肉質嫩滑多汁，蔬菜爽脆可口。調味恰到好處，鐵板現烹的滋滋聲和熱氣令人垂涎欲滴，份量十足，非常美味。檸檬草氣泡茶:檸檬草氣泡茶清新怡人，檸檬草的芳香與清爽的氣泡感完美融合，讓人回味無窮。

今日fri携一家大細去熊仔餐廳一起慶祝生日，算係第一次去親子餐廳，好多熊仔好得意，小朋友亦都有地方可以玩，安格斯西冷牛扒，加28可以配湯、蒜蓉包同飲品，已經幫手切成四塊，配埋薯條同粟米，仲有一條大大蘆筍，燒汁另上，滿足到我呢個少鹽食客，七成熟牛扒，牛扒好嫩，好香濃牛味，唯一缺點就係記得要趁熱食，朋友個西冷+豬扒配黑椒汁都唔錯，肉質好嫩滑，bb可以食兒童套餐，解放爸爸媽媽雙手。

我哋今日去咗一間叫熊小館嘅餐廳，裡面有好多熊仔裝飾同公仔，亦都有個區域可以俾細路仔玩。環境好溫馨同搞笑，非常適合親子用餐。我揀咗安格斯漢堡包生日大餐，除咗有漢堡包，仲有雞翼同薯條。漢堡包上面會插埋唔同款式嘅生日快樂裝飾，整個盤子都用一個生日快樂紙皇冠圍住，好有節日氣氛。安格斯漢堡包肉質鮮嫩多汁，加上新鮮嘅配料同芝士，味道非常出色。另外，我試咗蒜片辣椒煙肉芫茜扁意粉，可以選擇加$20去增加鮮蝦。意粉炒過，麵條乾爽，配上蒜片、辣椒、煙肉同芫茜，味道香濃辣味適中，非常開胃。至於飲品，我揀咗橙汁熊熊，佢系用新鮮橙汁製成，而且有個熊熊造型嘅冰塊，好可愛。橙汁酸甜可口，加上冰塊令飲品更加涼爽，好適合解渴。

烤棉花糖吐司+橙汁: HK$51(下午茶套餐)烤棉花糖吐司:HK$48棉花糖被烤着後，咬下去外脆內軟，且配搭甜蜜的巧克力醬和吐司來吃。就個人喜好來看，十分好吃。橙汁是額外加HK$3的飲品。總共消費HK$56。個人評價 : 因為店舖內有許多泰迪熊，如果是泰迪熊愛好者，可以前往餐廳嘗試。該店舖收取10%的服務費。

這家cafe佈滿小熊公仔，設有兒童專區，不知是否因主打親子的關係，店員態度特別友善👍🏻我們點了二人套餐A牛油多士香脆，羅宋湯配料充足。法式香草牛油焗田螺下方墊了很多薯蓉，田螺充滿香草味。鐵板肉眼扒份量充足，店員貼心地拿到桌子附近的位置先為我們灑上照燒汁，避免我們被醬汁彈到。肉眼扒軟嫩，熟度烹煮得恰好。卡邦尼煙肉扁意粉配料除了煙肉外還有大量蘑菇片，口感豐富，醬汁亦充足。自家制心太軟 心太軟非常流心，配搭芒果粒和鮮忌廉一起食用。

今日去咗Megabox 睇戲，去咗呢間以熊仔為主題餐廳「熊小館」🧸，每張枱上都有熊仔🐻，部份仲有大熊仔🧸，陪住我地食飯！餐廳入邊有好多熊仔嘅裝飾同埋畫，有唔同種類嘅熊仔，世界盃特別版嘅熊仔⚽️，仲有小朋友corner，仲有間大房，慶祝生日一流🎊🎁！啱晒打卡🥰🔹️鐵板肉眼扒 $155 (套餐)肉眼扒好有驚喜！厚切大塊！叫左5成熟，肉質嫰滑，好淋易切同埋無筋🥰，揀左黑椒汁好惹味，仲有勁多薯條。套餐包咗餐湯、牛油法包、餐飲！真係CP王！🔹️軟殼蟹牛肝菌意粉🦀 $95單點咗呢碟意粉，軟殼蟹好酥脆，牛肝菌嘅味道幾香幾出，意粉份量都幾多下！加$28可以配咗餐湯、餐包、餐飲。🔹️幸福寶寶🐻 $42呢嗰訓緊覺嘅熊仔甜品好可愛😆，其實係雪糕來，下邊仲有涼粉，真係唔捨得對熊仔郁手🤣🔹️心太軟🍫 $42即叫即焗，切開有好多香濃嘅流心的朱古力醬，好窩心！

🤑價錢約$100-200🪑坐得幾闊落、舒服 2個人都坐到卡位 有d熊仔掛畫幾可愛仲有個corner俾小朋友放電 有d煮飯仔玩具同啤啤熊 係reception仲有d熊仔產品賣 😋 除左lunch set , 仲有抵食ge tea set (大概$50 已經食到)🐤燒汁雞扒 $89燒得幾香 肉質幾嫩滑 而且都幾大塊 可以自己選配飯/意粉/薯菜 🍔烤美國安格斯漢堡伴炸薯 $89漢堡有生菜、蕃茄、酸瓜、漢堡扒 食材都幾新鮮 薯條落左d孜然粉 幾香口😋 🔹跟餐送餐湯/甜品是日餐湯有羅宋湯 最後揀左甜品🍮焦糖燉蛋 上面畫左個哈哈笑 幾有心🔸跟餐飲品跟餐送基本熱飲 🤑 今次配左熱檸水同凍奶茶

原本諗住睇戲啦，見到呢間餐廳，有勁多熊仔就入去試吓。點知原來真係好好食。老闆勁好人，好nice 餐廳好多QQ嘅熊仔！食物方面，價錢又平 水準唔錯 值得再試。😋😋😋

星期六喺mega box玩完playHouse就落樓下呢間餐廳食晚飯，價錢十分之抵，最近裝修過坐得比以前舒服。忌廉湯入口幼滑，多士烘得香脆可口。黑松露牛柳套餐大草原牛柳扒肉質軟林，牛肉味道濃郁，配上黑松露牛油熊仔，黑松露牛油熊仔10分可愛，炸薯條新鮮炸起，熱辣辣香脆可口。黑松露蟹籽帶子黃金意大利飯黑松露味道香濃，蟹籽粒粒飽滿，帶子鮮嫩軟林。熱情玫瑰係熱情果加上玫瑰，味道酸甜開胃。心太軟食完飯梗係要食甜品，心太軟即叫即焗一切開即刻流出朱古力醬，味道香濃，完美嘅總結。

今次嚟咗megabox嘅熊小館， 一入到去，映入眼簾嘅係滿佈嘅熊啤啤佈置！超可愛，帶小朋友嚟啱晒～座位上亦有熊啤啤，可以攬住嚟打卡！店員亦都好好態度好有禮貌，對小朋友亦幾nice～-🍽️鐵板薄西冷+雞扒（$115）雞扒+西冷雙拼，可以食到兩種唔同嘅風味，肉質幾鮮嫩。頭盤嘅忌廉湯有蘑菇碎，蒜蓉包亦都好脆！🍽️ 鐵板肉眼扒（$155）鐵板熱辣辣，黑椒汁淋上上咋咋聲，流曬口水🤤大大塊嘅肉眼扒肉質細嫩、油脂適中、略帶韌勁同時比西冷淋⭐️推薦五成熟 韌度啱啱好+冇血水配菜有薯條🍟、小番茄、洋蔥、粟米、西蘭花薯條夠酥脆+鐵板㷫烚烚粟米帶有牛油香味小番茄多汁解膩🍽️心太軟（$42）上檯之後係撲面而來嘅朱古力同烘焙香味，心太軟上面有糖霜，另外配有黃桃+忌廉配朱古力醬，輕輕切開心太軟，略帶溫度嘅流心湧出，配上香濃嘅朱古力蛋糕本身，甜而不膩😋心太軟外脆內軟，朱古力流心，超濃嘅朱古力味！黃桃+cream+流心醬亦都係唔錯嘅配搭打卡一流！

熊小館🐻 帶姨娚女去MEGA BOX睇戲之前先醫肚係戲院同一層既熊小館都幾多座位食物又多選擇熊既公仔同擺設有好多我地坐個張枱都有兩隻好可愛嘅熊仔仲可以一邊食野一邊睇住人溜冰🐷 蜂蜜味BBQ 燒豬仔骨配白飯 $87 豬仔骨有四條骨都幾多肉 肉質軟腍好易切開 蜜糖醬都唔少 甜甜地好開胃配菜有栗米翠肉瓜+$3 要凍奶茶 升級優惠有湯有甜品有小食我+$9 要個雪糕球做甜品👧🏻 兒童餐肉醬意粉 芝士雞尾腸 牛油粟米 小熊啫喱 雪糕波波 $88一次過滿足哂主菜小食甜品既要求 主菜既肉醬意粉份量都幾多小熊啫喱最吸引 姨甥女第一時間食左另外叫左杯橙汁熊熊熊仔形狀既冰塊好舒服咁訓左係杯橙汁上面 好得意

去Megabox 買玩具之後黎左呢間熊小館食野係溜冰場上一層 地方都幾闊落乾淨最吸睛一定係D熊仔啦 多到數唔到 童心返哂黎 餐廳入面間左個生日房又有個兒童角 啱哂小朋友烤美國安格斯漢堡伴炸薯 $89塊安格斯幾厚同好JUICY 有兩塊酸瓜放係面包上 唔鐘意食既好易拎走 好貼心 假日套餐配飲品 我加左升級優惠要是日甜品$9 天婦羅炸蝦 蜜糖雞中翼 牛油粟米 炸薯條 小熊啫喱 $83小熊套餐有三個揀 小朋友一見張餐牌都唔考慮食其他了天婦羅炸蝦有兩條 蜜糖雞中翼有兩隻另外加左個意大利雪糕波波$15 小朋友最鐘意食炸蝦同小熊啫喱