影片
一直見佢未開，本來係話主打車仔麵同煲仔飯終於等到佢開，就去試喇。湯冇味，返到屋企要我自己落雞粉啲餸少都算數，都係個句，冇味...本身做車仔麵煲仔飯唔好食都算過咗一排見到佢轉咗做燒味，都諗可能唔識做車仔麵者，打算俾多次機會佢叫個燒味之中應該最難伏嘅叉燒。我都驚瀨野架喇，叫半肥瘦叉燒之後佢都大大聲同廚房講半肥瘦，廚房都應咗佢機話係半肥瘦拎到返屋企一打開個盒個下我真心呆咗頂，瘦到呢...我都係覺得俾個機會佢，食下先，唔知以為我自己去咗荒野求生咬緊樹皮咁...啲汁啲味又怪，好似變咗咁個例湯唔駛講，有味精得黎冇味，我都係第一次飲真心，不如早啲執笠止蝕
繼續閱讀
大家好 本身我都係住附近 跟住見到呢一間野新開 就諗住試下啦 一開始係賣車仔麵嘅咁本身鍾意食車仔麵就試下啦 一試個湯底冇味 d可粉又闊又硬 d料完全唔好食 😔😔好啦 諗住唔再幫襯 佢又轉左做燒味心諗比多次機會佢 可能燒味先係強項 附近都好多對手😏😏 基本叫左個叉燒飯半肥瘦 送湯$40 收銀都再同廚房確認多次係半肥瘦 我即刻番屋企開餐啦一打開 賣相一睇就知係瘦叉啦🫣 無事既諗住試左先啦一咬 面頭又乾又硬 入而柴柴地🙈 個汁好稀 味道有別於正常叉燒汁 唔能夠食到上舊叉燒到 果半肥唔知去左邊 基本上呢個位人流已經唔多 附近比佢好既對手大把 咁落去 好難做得住
繼續閱讀
次次買親外賣都漏嘢！買個車仔麵，可以試過冇左個餸，今次仲漏賣埋個米粉！食個車仔米粉冇米粉！要我粗身大勢一個大肚婆走落嚟攞返個米粉，你話嬲唔嬲？上次買個車仔米粉，諗住試下佢個上湯花膠嘅餸，佢就係同我漏左上湯花膠。人哋買得外賣就係趕住要食，你仲叫人哋落去你舖頭咁多次，你估住得好近呀？直頭要投訴！我打電話去同佢講話冇咗個上湯花膠，佢又係好似覺得冇問題咁，叫我落嚟拎返。我話我已經上車走咗啦！佢就話下次送返俾我。經過兩次漏嘢事件，我已經唔再想食佢啦。
繼續閱讀