煲煲好 (已結業)

生魚片湯飯好味，生魚片味道不錯，湯吸收了生魚片的鮮味，是夏季首選，價錢合理。出餐也很快，如不是很多人的時候，一般十多分鐘就有得食。煲仔飯也好味，黃鱔煲仔飯也很好吃，值得一試。

喺西九龍中心嘅8樓美食廣場入面有好多唔同嘅餐廳 但係每次行過去到一個角落頭 就會聞到好香嘅煲仔飯味😝😝🤣 雖然佢冇乜好靚嘅裝修 但係勝在夠香 已經吸引到你行過去！有唔同嘅煲仔飯可以揀 有臘味 有滑雞排骨等等...店主都好好人好友善 會同你介紹下呢如果你係第一次去 佢哋呢度好好嘅係即叫即整 你會望到裏面有好多個煲係整緊😆雖然人手唔係好多 但係分工得好好 有好多個煲同時整緊 佢哋都照顧到 唔會話窿晒 或者痴底痴得好嚴重🙈 值得讚嘅係 煲得啱啱好。飯焦好好食 同埋燒出嚟嘅飯好香 加埋啲餸真係一流😋😋 最重要係親民嘅價錢 同埋有線嘅店主！

西九龍中心food court有過10幾間既餐廳，有中，西，日，韓，印度，泰國菜等等好多種選擇，迎合唔同人既口味。雖然坐位坐得唔舒服，但勝在平，份量多，質素亦唔差。叫左田雞鱔煲仔飯($54)，附送菜一碟，例湯。汽水另買。煲仔飯有少少飯焦，自己加豉油。鱔既肉香而且煮完d油份逼出黎，落入d飯到好香，魚有d有骨，有d就冇，食既時候小心就ok。而田雞肉煮完唔會"鞋"，鍾意食田雞煲既就要試下。飯量非常多，超碼有2.5碗大飯，唔驚食唔飽。仲有一碟菜附送，例湯就係黃豆豬肉湯，有d湯料可以食下。不過，膠匙羹真係好難"筆"d飯焦出黎，浪費左d飯焦。

天氣有d轉涼，突然想食煲仔飯，之前都有食過哩間，價錢好平，味道亦唔差，真係成個瓦煲上，睇住佢即場加熱，飯粒夠晒熱，雞肉份量都唔會好少，不過豉油有d淡，可以加多d都唔怕。

出面食個煲仔飯起碼40蚊以上，依到只需3x蚊就有，但食物質素唔好有太大期望，志在過下口引都唔錯，d餸似係蒸出黎多過似煲，哩間都係做左好耐，好多公公婆婆都幾鐘意食佢。

哩間煲仔飯係我食過最好食，之前所為旺角油麻地轉做煲仔飯都唔及距好食，雖然距唔係用明水煲，到火候控制得很好，咪一粒粒（唔多油，送又新鮮，一個煲仔飯先30幾40幾，超低食，仲有埋菜同哩湯，有次見有人送米過來，距要金鳳米。難怪d飯甘好食。最鍾意排骨南瓜芋頭飯，滑雞都好好味，真係好滑嘎雞，每日有唔同特價餐，不過唯一唔好中午食飯時候無位坐，因為距企美食廣場入面無指定位置，中午時候其他人一擁而來，就變左超難穩位咯

去深水埗購物，怎料太早未開門營業，只好到西九龍中心逛逛，又逛到8樓美食廣場，順便食埋早飯好了！看見有間「煲煲好」煲仔飯專門店，就很想吃煲仔飯，楝好南瓜排骨煲仔飯，十多分鐘後熱騰騰南瓜排骨煲仔飯呈現了！$45的南瓜排骨煲仔飯都算抵食，由於不是太肚餓，兩人分享都足夠，沒有吉碗借用，我只好將餐湯先飲，可以留番發泡膠碗舀用，湯料有菜蓉、南北杏和一小塊豬肉，我挾起豬肉吃，發覺有點驚喜，豬肉腍滑有肉味，再嘗顏色清澈湯水，味道較清淡，相信味精不多。排骨是肉少骨多，但很美味，南瓜又粉又甜，膠匙羹挑不到飯焦吃又再沒有湯淘飯焦吃，可惜！

見有三個個好評，我以為應該不會太差吧，可上煲仔飯唔會伏得去邊，點知係大錯特錯！ 不嬲都中意食肉餅既我，見到有肉餅煲仔飯就叫左，但估唔到係極難食！！ ！ 個障魚肉餅，勁臭，食落係「縮縮」地既味，一定唔會係障魚味，加上佢冇乜障魚，一知就知全部都係極度唔新鮮既肉，都唔知放左幾耐既豬肉！！ 係我食過最差既肉餅！！ 咬左幾啖，就掉左，真係完全食唔落。 只可以豉油撈飯食哂啲飯，當然飯焦都冇喇！！ 個例湯連味精都冇，好似飲白開水甘！！

經過西九龍商場，聽說美食廣場平靚正。找到了冬天最岩吃的煲仔飯，更找到素食煲仔飯，簡直歡喜極了，向收銀查詢素煲仔飯有甚麼材料，收銀說有金針、菇、雲耳、南瓜、芋頭、花生。我不吃花生，所以告訴收銀走花生。即落單即時煲，等了近15分鐘，終於等到了期待已久的新鮮煲仔飯。首先，材料充足、飯的份量亦足夠。套餐只索價$33，除了煲仔飯外，包油菜，湯（是日我想食素，收銀體貼地告訴我中湯有肉，可轉飲中國茶）。材料新鮮，白飯吸收了餸菜的精華，味道是不錯的，豉油是自己落，適隨專便，唯一不足是煲仔飯沒有飯焦，應是因為用電爐煮的關係。雖是平民食店，但勝在彈性大，又足料，抵讚。另外，店家還會提供是日套餐，包一個煲仔飯、菜、湯，只是$28！在物價高漲的時候，找到又抵食，又有質素的食店實在不容易。唯一最不可取是此美食廣場的大部份食店是使用即棄餐具，應該是洗碗工難以招聘。大家如欲到此廣場幫襯，不妨先自備餐具及水樽。

一個清涼的星期日，早上拾時左右的氣溫約廿壹度。雖然如此，但仍準備外出覓食，見到今天天氣稍涼，就想吃個煲仔飯。在下考慮到荃灣抑或到西九龍中心，最後還是選擇西九龍中心。美食廣場給在下的印象是來去怱怱，吃罷便立即走人，所以很少機會在美食廣場用餐，可是若遇上了緊急情況，又見肚子餓的話，美食廣場亦是不錯的選擇。來到煲煲好，給它的煲仔飯和煲仔菜吸引，於是駐足看看這裡有甚麼煲仔飯。然而不是使用炭爐來製作煲仔飯，卻是用電爐製作，縱使如此，在下仍然上釣並即場叫了一個煲仔飯，而是日選擇窩蛋牛肉飯作為在下的早餐。從煲初看的牛肉，並不是完整貼滿煲邊，從中間分開了兩半，中間為窩蛋。窩蛋的蛋白也給飯弄熱，變成白色，而蛋黃同樣被飯弄餤了。而牛肉很有牛味，唯獨有點靱。是日例湯為霸王花煲豬，可惜沒有霸王花的味道。使用電爐製作煲仔飯，始終不及炭爐，因為電爐做的飯焦未及炭爐的焦。而在下很喜歡煲仔飯的飯焦，唯獨用炭爐做的飯焦，才是正統。

冷風冷雨來臨, 正是偷閒食煲仔飯的大好時機 通常煲仔飯都是夜市供應, 其餘時間想食就真係發夢都無咁早, 幸好早幾日行經西九龍中心8樓美食廣場, 有間鋪面大大, 足足佔4個鋪位範圍, 鋪面以白色為主調, 燈光通明更顯出煲仔飯機銀色的機械鐵甲感現在無需站在濕漉漉的街頭, 受着風吹雨打打着冷震排隊去食呢？電子煲仔飯機出爐奇快, 以電加熱系統, 採用隔熱密封結構, 爐膽保溫效果佳, 傳熱率高; 因此製作一個煲仔飯時只需加熱6～8分鐘時間, 之後4～6分鐘完全靠爐膽餘熱將飯焗熟, 總共只需12分鐘即可完成。煲仔飯機是數碼控制, 由始至終全過程完全自動化, 廚師無須睇火, 同時一次可製數個煲仔飯, 直情將煲仔飯快餐化價錢大眾化, 信不信由你~ 一個煲仔飯可以$27有交易, 比較貴的白鱔煲仔飯都只是$48當日午餐4款都只是$23包湯, 我叫了窩蛋牛肉飯, 清補涼湯即叫即有唔洗等, 煲仔飯機正保溫着一批煲仔飯 雞蛋當然是後打上飯面 前台有豉油任加任添, 後來卻受苦果......電子煲仔飯機煲出來的飯, 當然不及用炭煲的香口, 但它不會熱氣, 每個飯都是新鮮熱辣, 甘香、軟滑、飯焦金黃甘脆; 牛