煮打菜打冷小菜館 (已結業)

閒日星期四，晚上7點半黎到筲箕灣天悅廣場付近的一間食小菜既餐廳~煮打菜打冷小菜館。餐廳沒有訂位服務，要walk-in。餐廳內大概有10張4人枱，3張8至10人既大枱，大概能容納50人。當時7點半黎到餐廳，不用等位，當時餐廳入座率大概7成左右。先講環境，餐廳地方寬敞， 環境乾淨清潔 ，員工亦十分有禮貌。食物方面， 餐牌上除了有一般嘅小菜， 還有 潮式打冷食物 ，合時煲仔 ，海鮮等供顧客選擇。我哋叫咗鵝片拼墨魚(細)，蜜椒薯仔牛柳粒 ，牛油焗蜆 ，糯米釀雞翼 ，魚湯蝦乾浸白菜。先講鵝片拼墨魚~墨魚爽口彈牙鵝片味道不錯， 分量不少 。糯米釀雞翼 ~不是周圍都可以食到 雖然雞翼有少少辣 ， 整體味道不錯，每碟有6隻， 鐘意食雞翼嘅朋友必叫。蜜椒薯仔牛柳粒 ~ 牛肉粒不會太韌， 牛肉同薯仔嘅份量 適中 加埋青椒蜜糖令到整味菜色香味俱全。 魚湯蝦乾浸白菜~ 白菜浸入魚湯再加入蝦乾令到整味菜非常香。 最後我哋連魚湯也飲埋 ，非常鮮甜。四個人叫咗五味菜，食到非常飽 ，每人 大概 100蚊左右。值得推介!

同行既友人住呢頭，成日黎呢度食嫁尋日佢帶左我黎呢度食晚飯。出發前淨係望住個餐單已經流曬口水先講下餐廳嘅位置先佢係喺筲箕灣距離地鐵站大概 十分鐘後大家如果去食㗎喇唔記得search定地圖點去 如果唔係就會蕩失路㗎講下餐廳嘅格局 餐廳衛生程度幾好 另外座位都闊落 位同位之間唔會好迫夾 每個位都有提供牙籤次紙同埋調味粉 另外佢既staff能夠一眼關七，照顧到每枱客人既需要。 我食左大概一個鐘到，佢都有幫我換左隻放滿骨既碟。另外我食食下加單同加水，嗰姐姐都好好態度! 服務幾好講返啲食物啦，我哋當晚叫咗：牛油焗蜆、魚湯浸時蔬、糯米釀雞翼、炒牛柳粒、同埋雙拼鹵水拼盤 (我鳥加墨魚)。牛油焗蜆： 佢用咗牛油茄洋蔥去做個汁，然之後焗熟咗啲蜆。佢啲蜆係比較大隻嘅，冇沙，每粒都開口😋😋😋浸時小白菜：有奶白魚湯，有蝦米，有墨魚碎，再加大量白菜，性價比高糯米釀雞翼： 工夫菜，佢有少辣既飯係雞入面，煎得剛剛好，total 有6隻，都好味加抵食炒牛：係甜既一道菜，d肉好林，一d都唔un!

今晚同家人食飯，想試試新餐廳，就提議黎筲箕灣呢間打冷菜館。位置比較偏，需要行斜路，就係耀東邨入口、天悦附近。餐牌選擇都幾多，最後一家五口就嗌左四個小菜。蟹肉扒西蘭花🥦蟹肉份量算多，西蘭花爽口，家常便飯，不過不失。海鮮粉絲什菜煲🍲幾足料，蝦乾、冬菇、魷魚等等配料。煮打菜最大嘅賣點係，味道好接近平時媽咪煮嘅口味，感覺上沒有味精。籠仔荷葉銀魚蒸爆牙肉餅🥢呢個肉餅係曾經獲獎嘅餸菜，當然要試一試，果然係有料到。肉餅香口，絕對唔油，肥豬肉嘅份量岩岩好到令肉餅有啲彈牙，加埋面頭嘅銀魚，送飯一流！胡椒豬肚雞煲🐤雞件肉質好滑，就算gas爐一路滾住都唔會變鞋，而且個湯好好飲，唔會飲到口乾（話說曾經係一間連鎖免收加一嘅餐廳食胡椒豬肚雞煲之後喉嚨痛+發燒，從此怕左） 所以呢度嘅雞煲值得一試，我見隔離枱仲會嗌黎打邊爐

雖然呢間打冷位置有d隱蔽，但我又好相信隱世廚房煮嘅野先有特色。而餐廳裝修都係走街坊風，比較樸素。今次同一位朋友嚟，唔係食得好多嘢，但每樣都好好食。首先食嘅係蠔仔粥。我本身唔系太喜愛蠔仔，但配埋豬肉碎同d調味，又幾有風味。而份量都幾多，本來諗著叫碗飯送餸，最後都唔洗😂跟住食嘅係豉油蝦。蝦肉好爽脆，啖啖肉，又有鑊氣，同埋最重要係無雪藏蝦個種霉嘅質感。成碟有8隻蝦，我地兩個人去食真係覺得好滿足!呢碟蟹肉扒西蘭花不得了。西蘭花份量多之餘，蟹肉都好多! 佢d西蘭花硬度啱啱好，唔會過林又唔會太硬 (which 我覺得係好難得的)。同埋我最欣賞佢唔油膩，可以食多幾舊

今日相約朋友於筲箕灣閒逛，晚餐決定試食呢間潮式打冷餐廳。餐廳面積都幾大，座位鋪排上較寬敞，設有不少卡位。 另外，店內陳設都有點像舊式酒樓。 由於時間尚早，沒有出現人山人海排隊輪候的情況，最後還可以選擇有窗景既卡位。餐廳食物多樣化：有蒸煮、海鮮類、小炒、潮洲打冷。 一行二人，共點選了五個餸菜，可以講剛剛好。 圖片區：餐廳外邊 滷水拼盤（小）：有墨魚、紅腸、腎、腩肉、大腸、生腸、豬耳、鵝腸提供。鵝腸食落真係好爽口，但只有幾舊，實在太可惜。 平時好驚食豬耳既我，今次對豬耳無抗拒，因為佢賣相幾好，無多餘毛俾我見到，最重要係無臭味。 腐乳炒通菜：味道不錯，爽口。 紅燒茄子排骨煲： 值得一讚既地方，個煲雖然望落好似好重口味，好咸咁。 但食落一點都唔咸，味道剛剛好。 潮式爆花蠔餅：整到好似一個pizza咁。 另外，蠔粒真係多到誇張，散怖得十分之均勻。 椒鹽豬串骨：十分值得一試，肉質煙韌好咬口。 啤一啤。

跟朋友提起到筲箕灣食潮州菜，她一猜就猜中， 原來這店在筲箕灣區都幾有人氣，可惜位於後街入店還要上樓梯。🥢 蠔仔肉碎粥 （碗）$52我去打冷鋪必食的蠔仔肉碎粥，鋪頭建議二人叫一碗便可， 碗粥都有好多蠔仔，粒粒飽滿脹卜卜，粥好清甜， 不錯。🥢 滷水鮮鵝片拼滷水墨魚$122薄切滷水鵝片份量足，滷得非常入味，滷水墨魚夠爽口，薄切方便易咬口。🥢 蜜椒薯仔牛仔柳 $102 *推介牛仔柳軟腍惹味，但這道菜的主角竟然不是牛仔柳而是薯仔， 被蜜糖包圍住的薯仔，外香脆內鬆化， 令人食到停唔到口。

看見有2百幾個正評，帶有期望去試試。1. 首先環境非常一般般，茶餐廳格局。甚至乎很多茶餐廳環境、潔淨度都比他好。但仲要加一服務費。2. 滷水唔入味。完全唔好食。3. 價錢偏貴。基本上求其炒個菜都90-100。4. 服務態度仲差過茶餐廳。價錢分分鐘仲貴過酒樓食。總之仲衰過去茶餐廳食，地點已經偏僻，食物唔好食、價錢高、環境一般、態度差。中過一次伏不會再中。

平時冇乜幾可會入筲箕灣，今次入去搵朋友，地膽話食呢間就信佢啦！常見小菜同打冷菜式都有得揀，仲有幾款較有特色ge「煮打菜」。打冷唔想左諗右諗，所以叫左滷水拼盤（小），三個人份量岩岩好，每款都不錯，唔會滷得大鹹，醋、辣椒油同埋魚露任你點，另有芽菜執底，幾爽口。潮式爆花蠔餅擺設好似Pizza，d脆脆真係好爆！食落「索索」聲，非常鬆化，仲一d都唔油，唔會炸到好似食緊薄罉咁咁多麵粉，蠔仔份量合理，都幾大粒，新鮮無沙。蜜椒薯仔牛柳粒就食得多，但蜜椒吊燒骨都係第一次食，排骨肥瘦適中，夠晒淋，炸完再落鑊加埋蜜糖黑椒兜兩兜，排骨掛滿晒蜜椒汁，面頭再灑上腰果碎，極之香口，送酒一流。蝦醬落得岩岩好，香而不鹹，通菜亦夠新鮮爽脆。紅燒茄子排骨煲好足料，茄子拉過油保持到紫色，排骨亦同蜜椒吊燒骨一樣係好貨色，熱辣辣！香噴噴！我地好鍾意食蠔，一碟蠔餅點夠喉，整窩蠔仔肉碎粥先，蠔仔同樣新鮮飽滿，加埋芫荽真係一碗接一碗，最後全窩清晒！

煮打菜打冷小菜館 (筲箕灣).⚜️潮式爆花蠔餅⚜️$96.我見到食評有五星好評，但係我地得兩個人我都諗左好耐到底叫唔叫好ಠ_ಠ但係最後都抵受唔住蠔餅嘅誘惑(⁎⁍̴̛ᴗ⁍̴̛⁎)味道果然冇令我失望！鬆化而且有好多蠔！.⚜️韭菜豬紅⚜️$52.平時我都係一救護舊起兩舊止，但今次呢個韭菜朱紅特別好味唔知係咪個汁底！ 10分推薦(⁎⁍̴̛ᴗ⁍̴̛⁎)！.⚜️蜜椒薯仔牛柳粒⚜️$102.呢個我都要比五粒星推介(⁎⁍̴̛ᴗ⁍̴̛⁎)！ ！ ！ ！ 真係好好食，薯仔粒外脆内軟，表面有微微蜜糖，牛柳好嫩，十萬個推介必食！.⚜️滷水拼盤⚜️$88.滷水拼盤有豬耳，大腸，腩肉，墨魚片，種類同份量都多！ 豬耳爽口，依家睇嘢有好多滷水嘅大豆牙.—————————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌煮打菜打冷小菜館 (筲箕灣)筲箕灣南康街18號康華大廈地下1號舖—————————————————————- #hkig#hkigfood#hkfoodie#foodie#food#food#foodstagram#hkfoodlover#hkdaily#吃貨#美食#打卡好去處#相機食先#銅鑼灣美食#foo

今晚同姐妹傾心事，唔一定要去西餐先夠chill既，去打冷麻甩下都係一個好選擇。蜜椒薯仔牛柳粒 ($102)自從大排檔食過就念念不忘，薯仔同印象中一樣炸到好香口，外脆內軟又香甜，大家都爭住食忽略左牛柳粒。滷水墨魚拼掌翼 ($92)兩樣我既最愛都係齊度，墨魚夠爽口彈牙，掌翼都好腍滑，重點係真係幾入味，食唔停口。豉蒜蒸原條蟠龍鱔 ($168) 例牌全晚最大驚喜真係呢碟，平時少食鱔，因為怕多骨/腥/口感怪，前所未有地呢碟鱔好腍滑鮮甜，唔會好多骨，成塊放入口就咁咬都唔怕，性價比奇高。豉椒炒蜆 ($92)幾有鑊氣，好多蜆肉唔會炒完得堆殼，好惹味。雖然位置唔算好就腳，但好坐又有電視睇，值得專程黎試。

同2位朋友行街，其中一位朋友話好攰唔想再行，咁啱路經一間餐廳，於是就入去坐，順便當早D食晚飯。可能係太早嘅關係，餐廳裡面唔算多人，其中一位朋友仲細細聲講間野冇人會唔會中伏架佢主MENU係紫色嗰份，而另外黃色MENU就精選D菜式做廚師推介。最後我同朋友決定叫 紅燒茄子排骨煲($88)、蜜椒吊燒骨($98)、滷水拼盤(小) ($88)、蠔仔肉碎粥(每窩$102)、蝦醬通菜($70)、潮式爆花蠔餅($96)蜜椒吊燒骨呢個食落有驚喜，佢喺排骨表面搽上蜜糖再燒，表層食落有D焦糖香，黏黏地甜甜地，而裡面肉質食落軟滑，肥瘦適中滷水拼盤(小)，裡面有 墨魚、紅腸、腎、腩肉、大腸、生腸、豬耳、鵝腸、喺底下仲有D芽菜。雖然叫做小，但其實份量都唔算細下。味道都OK，但如果可以滷得再入味少少會更加好，佢上菜時跟左3隻醬俾你點黎食蝦醬通菜，炒得好惹味，唔會太重手鹹得濟，水準之上潮式爆花蠔餅上菜時成個PIZZA咁佢唔會好似部分餐廳D蠔餅咁，蛋漿加蠔仔喺平底鍋到煎到扁一扁咁，係會見到佢係有個層次喺到，所以食落口感夠鬆脆，唔會成口油，有少少蔥花調下味，同埋蠔仔數量都算多紅燒茄子排骨煲，茄子同排骨都煮得夠淋夠入味，但始

午餐時間經常嚟「煮打菜」用膳，因為碟頭飯勁大碟，自己KO一碟勁滿足，又或者一班同事叫幾個小菜食，是另外一種大滿足，每次必叫肉餅，因為肉質彈牙又爽口，令人回味無窮。碰巧今晚無飯食，拉埋同事陪我食埋個晚飯先走，準時六點放工去食，保証唔洗等位，仲可以坐到卡位。兩個人叫咗三個小菜，分別是「蜜椒吊燒骨」、 「糯米釀雞翼」及「蟹肉扒西蘭花」。「蜜椒吊燒骨」勁惹味，排骨的肉肥瘦相間，有少少黑椒味，面層炸到有少少脆，再淋上蜜糖汁，做到有少少焦化的口感，很有驚喜。而「糯米釀雞翼」的糯米飯有少少辣，似係泰式的風味。因為本身已經好夠味，完全唔洗「點」 附送嘅泰式辣醬。食完兩個相對濃味嘅小菜，最後食埋個清清地嘅「蟹肉扒西蘭花」，蟹肉份量十分多，生粉芡唔會太重口，如果可以加番少少顏色配搭，視覺上會更好看。

一班人食咩好？打冷絕對係唔錯既選擇，今晚就相約閏蜜們到筲箕灣既出名打冷聚下舊👯‍♀️大概從地鐵站口要行十分鐘，不過有伴一齊行，其實好快就到☺️鹵水雙拼-掌翼、墨魚對我來說，打冷等如鹵水，係必點既菜！掌翼十分入味，唔會太肥膩。點醋食係一流。墨魚有咬口但絕對唔靭👍🏻 值得一讚既係伴碟既豆腐，滑到不得了豉椒炒蜆炒蜆係好試到廚師既手勢，一不留神就好易太咸。今次呢個不會咸，仲食到青椒既香味，肉質亦都新鮮❤️銀絲海王節瓜煲同我幻想既有出入，竟然係有咁多湯既😂但味道不俗，節瓜稔得來入味，而海鮮唔馬虎，有蝦、鮮魷、帶子同魚柳等等。粉絲亦無因為咁浸到稔晒豉蒜蒸原條蟠龍鱔 例牌鱔唔係個個食，難得今晚大家都食既就當然要嗌啦。鱔肉好嫩滑，完全無腥味，好好食

筲箕灣就出面多野食嘅，但係要揾一間食潮州打冷嘅就真係唔係咁易，仲要揾間好食又多選擇嘅，就一定要嚟e間煮打菜打冷小館！雷霆一向鐘意食潮州野，但係e頭好少選擇，難得今晚行行下發現咗e間係天悦隔離嘅潮州打冷，緊係二話不說咁衝入去啦！打開餐牌，選擇非常多，上圖只係六頁之中嘅其中一頁，可以見到有必食打冷同蠔仔粥e 類潮州菜代表，另外，如果想食d家常小菜都有好多選擇，總之就無唔嚟食嘅理由啦，大伙人嚟最好，因為每碟份量都算多，多人就可以試多d💙打頭陣嘅有蠔仔粥，蠔仔唔怕腥，配料好好味，e個係叫一碗，我覺得三個人食都仲得！再嚟不得不介紹e個招牌肉餅，你可能會問，肉餅係潮州特色咩？雖然唔係，但叫咗絕對唔會後悔,味道好夠，土魷好足，肉質一d都唔會鞋，送飯一流！跟住就係打冷，我地叫咗腩肉，本身仲猶疑緊要豆腐定腩肉，點知上菜果下見到有埋豆腐，太開心，滿足曬兩樣想食嘅野，e個滷水腩肉味道剛好，唔會太鹹，食多幾件都唔怕！最後，有椒鹽九肚魚，入口即溶，粉唔多，味道會有小小辣，但好好味！總結，我同朋友對於e間煮打菜係十分滿意嫁，而且都算抵食，一大班人諗唔到食咩不妨考慮下e度啦！最後，強調番，老闆娘好好人，員工服務態度

訂座時講明要消費$600先可以訂座，否則就walk-in。說真，服務就真係唔好，甚至覺得佢有啲串和囂張。食用器皿一般乾淨，有啲甚至有漬的。銀魚爆牙肉餅呢款係必食精選， 籠仔荷香蒸爆牙肉餅可以揀鹹蛋/土魷/鮮魷/銀魚/鹹魚或者梅菜。 我揀咗銀魚，銀魚好鹹香， 肉餅有啲白色的豬耳仔。蜜椒吊燒骨蜜糖的味道好香，真是可以輕輕咁樣拉絲， 燒骨的肉汁都幾嫩。潮式爆花蠔餅蠔仔的份量比較少，不過面頭個爆花真係好脆口，下邊的蛋餅冇咩味道。真奇怪，我覺得廚師今晚煮的食物唔錯喎。