照舊 (已結業)

天水圍「新北江商場」出名多平民美食，最近經過新北江見到新開咗間餃子鋪，俾佢「世上只有2種餃子，照舊的和照舊以外的」句slogan吸引住，所以就買咗嚟試~ 餃子鋪店面較細，應該淨係做外賣。餃子選擇唔算多，得6款口味可揀！有分熟餃同生餃，我哋就選擇咗買生餃返屋企煮~ 🧡泡菜粉絲餃&芫茜芹菜餃（$38）加咗濃湯寶同公仔麵落去一齊煮，好簡單就完成咗~呢間嘅餃子唔算好大隻，煮完出係緊實飽滿嗰種，口感有少少似魚皮餃，個皮好滑好煙韌，調味唔算重，食落好清新，食完都唔會覺得滯！ 前兩日買過一次芝士粟米餃，今次就試泡菜粉絲餃同芫茜芹菜餃雙拼，三款都好好食！尤其個芫茜芹菜餃，食落係淡淡嘅芫茜同芹菜味，好香甜，食完個嘴又唔會成陣芫茜芹菜味，超正！

特濃芝士甜粟餃 (店長推介) + 椰菜爽口木耳餃 ($58)濃濃既芝士配上甜甜既粟米 簡直就係絕配 👍👍但吃多了 有少許太漏🥲🥲椰菜木耳果然很爽口 但味道偏淡 而配上秘製麻辣醬  是另一番風味😋韓式泡菜粉絲餃 (店長推介) + 台式紫菜甜粟餃 (期間限定) ($58)泡菜加上粉絲 係4種餃子入面 最飽肚 味道亦最出🥰紫菜粟米餃 味道較為普通 🤪冬瓜茶 (+$15)大大一樽 味道稍甜 價錢黎講 都幾抵飲✌️✌️💭💭店長推介既餃子 味道真係唔錯 下次要再encore👏👏👏

叫十二隻餃子外賣，就比個撈面套餐我，無心做不如唔好做啦，離普，而且搵唔到任何途徑打到電話反映，完全成件事搞笑，一兩個客都可以處理唔到,跟住張單去對都可以錯，真係一個字服，就算味道唔錯都無用，50蚊買個撈麵餐

無諗過第一次寫食評竟然係寫餃子鋪🥟🤭話說搭電梯經過呢間鋪，被佢句廣告slogan吸引咗：祖傳三代餃子🥟，目前第一代😂試咗生餃雙拼，揀咗椰菜木耳豬肉餃同韭菜餃拎返屋企加啲菜加啲粉絲煲埋食韭菜餃啲韭菜味幾香，兩款煲咗好耐都冇散包得幾好👍🏻食落啲皮都唔算好厚，食完無好口渴嘅感覺椰菜木耳豬肉餃比較有驚喜，本身以為係普普通通嘅配搭，點知擺入口嗰下覺得浸味好新奇😂唔係難食又唔係好食咁，食多啖慢慢就食到椰菜嘅甜味，食完之後就覺得佢好食過韭菜餃總括嚟講算唔錯，會再encore，希望佢哋真係可以做到祖傳三代啦💪🏻

買過幾次，有一次買左幾盒生餃返到屋企煮嚟食，真係好咸好咸懷疑落錯多鹽上星期諗住俾多次機會試下買左4盒韭菜1盒芝士（生餃）點知返到屋企發現其中一盒得十隻明明其他盒都係12隻都算啦，一盒芝士都冇俾我5盒都係韭菜嚟，買芝士餃仲要貴d俾錯野，少2隻，返到屋企先知，冇仇報仲要12隻嗰盒d餃細三份一size，10隻嗰盒就正常size有圖為證真係好差好離譜平時見好多人排隊買幾盒生餃佢做唔切都係即場包但唔係咁樣貨不對辦囉等幾盒餃子(仲要生既)等左成個鐘以後永不幫襯

秘製麻醬唔會太搶餃子味撈麵撈得正過7仔啲姐姐手工餃子皮薄有料, 味道和階獨特, 淡淡芝士味平時街坊街里,都會行開經過只係冇乜主食對男仔唔算太吸引但佢有18蚊餐, 2隻餃子1包撈麵好抵食!!! 下午茶絕對可以一諗

日日諗食咩諗到頭都爆，就search下附近有咩好食，睇睇下見到新北江有間餃子，睇啲相就好似皮薄餡靚，咁就決定去試試佢行去個時原本睇舊餐牌都驚緊9隻唔夠飽，諗緊買多樣咩野食好，但原來轉左新餐牌$39有12隻，都幾抵食，雖然啲餃子唔算好大隻，但皮薄餡靚係真既，就係睇到相咁既樣，我叫左芝士豬肉餃同韭菜餃雙併，芝士味係有既，但無之前其他舖食到個啲咁誇，無拉絲效果，韭菜餃就正正常常韭菜餃既味😂總結黎講，幾好食有下次題外話，真係唔夠飽，去隔離粥舖嗌個炒麵加埋餃子做晚餐就啱啱好👍🏼推介

附近冇乜幾檔好味既餃子，呢檔照舊係比較清d ，食法新穎d。主要由兩個後生仔主理，同一向食開既姨姨餃子店好唔同。餃子有4款，貴精不貴多亦有生餃同熟餃俾大家揀，如果想攞番去煮都得，生餃仲多好多隻包裝都幾精美，餃子同醬料分隔開，非常細心隻隻都皮薄餡靚，雖然唔係大大隻，但都係落足料，配埋個沙茶醬味道變得好唔同，多左一份濃郁微辣既口感。隻隻餃子都係自家手工製所有野食就係哂度，簡單易明招牌加埋廣東話拼音，夠哂香港風味。