煌府海景宴會廳 (已結業)

FAREWELL MADAM CHAN, D老細話不如今次去煌府食啦,我心想...又好喎,呢間酒樓未食過,一於同大家黎試下啦.最初諗,呢間酒樓係邊度架,去到....原來係國際都會裡頭,之前都同佢擦身而過,幫襯其它既食店,今次終於來試啦.當我一進入酒樓,已經被佢既豪華裝修吸引,真係好靚,結婚擺酒一流.真係可以話置身於童話故事中.睇番佢既音響器材,每隔一兩張枱,已經有一部,相當落重本.講番D食物,我地叫了 ...燒腩仔 - 我地張枱13人,D腩仔夠分,而且仲有剩,D腩仔夠脆瑞士雞翼 - 大大隻,JANICE話如果佢再入味D就更加好,我都係咁話,不過都幾好味.雪人點心包 - 個樣趣怪,上層係豆沙,下層是蓮蓉,唔係太甜,岩口味.炒飯,烏冬,炆米都幾大碟,炒得幾好味,唔錯....另叫每枱一隻雞,點知侍應話...酒樓剩番2隻雞,問我地仲要唔要,HUNG哥叫侍應張佢地分配成3枱2雞,分咗出黎都好大碟,只係冇晒D雞頭同雞尾.隻雞味道唔錯,好有雞味.有3.5元既特價糖水,送來時...哦,原來係細細碗.不是用飯碗來裝,不過都夠喉了.整體來說都不錯,可以值得再試.

好似呢間茶樓新新地。我第一次去。而家新裝修的酒樓都是想做擺酒生意，所以裝修西化。說回食物，很不錯。點了午市套餐。有濃湯海鮮烏冬，春卷，炸豆付，蝦子菜餃，海蜇等。味道很不錯。炸豆付的皮是煙靱，有蒜香椒鹽。濃湯不知是什麼，白色，蝦很大隻，烏冬質地一般啦。春卷皮很脆及薄。海蜇條不是碎，是一整條粗長的。用的食具也好像有點高格調的。價錢一般啦，不是便宜。但有窗境，看到隔鄰的椰樹與酒店，有點身在外國的感覺。中午去吃然後再工作，很不錯。

It has the best 炸子鶏 in HK. The deep fried skin are in orange colour is as thin as a piece of paper. I highly recommend that you try it!

十二月初二‧陰天 不是很熟的朋友小登科，沒有請飲，只請觀禮，在隔離行完禮，大伙兒拉隊過了這邊飲茶。一向知道這裡有兩間茶樓，而這裡是第三間。這裡的裝修堂皇，似乎是要做婚宴生意的，而這裡有地利，加上環境，也應該可以撈到不少這樣的生意。 這裡的檯夠大，坐滿十二人的一圍也不覺擠迫，但就是嘈了一點。主人家已安排一切，是日以吃點心為主，而這裡的點心，普遍也有點水準的。潮州粉粿外皮軟糯，餡料吃起來也美味，有水準；黃金糕煎得香，又不算油膩，算不錯；芋蓉卷的外皮炸得很脆口，內裡的芋蓉幼滑，可惜芋蓉的味道是甜甜的，有點怪；味道更怪的是燕窩蛋撻，應該是上面的那層薄薄的半透明燕窩作怪，似乎要回普通蛋撻還好；春卷脆口，咸水角也皮脆內軟糯，有點水準的；最教人狼狽的是奶王流沙包，流沙餡真的是噴射出來的，見到人家中招，吃得較為慢的我才懂得躲避，好險；最後主人家問大家還有沒有想吃的，要了碗擔擔麵。餐牌上寫是師傅推介來的，但擔擔麵湯很多，已經不太及格。吃起來麵質爽而有勁，但餡料卻不辣也不鹹，可以更好；侍應們的服務十分之好，阿姐們真的是一揚手就來的，沒有什麼可以挑剔的地方了。 不知是不是我聽錯，十二人的一圍檯，吃了三十多籠

於星期日下午到來食中午飯, 酒家的面積不太大, 不過 decor 都幾好, table 同 table 間都夠闊落.食左小炒, 蒸飯, 點心有燒賣, 流沙包, 椰皇tun燕窩, 各樣都幾好食, 而且侍應服務都唔錯.雖然佢地個位唔靚, 要行商場行到好入先到, 不過各方面都比彩福貼心, 下次會再黎.

1月8日星期四中午一點, 我與同事一行5人到這開張酒樓食lunch, 入到去發覺場地好堂皇, 但茶客並不多, 仍有很多"吉"檯。伙計很快就問我們要什麼茶, 好像好有效率...... 唉! 是錯覺而已! 伙計只是得個"問"字呢, 我們等左10分鐘都未送茶來。於是, 我們舉手示意伙計來, 但舉左成分鐘手, 一個伙計都冇望過來,。終於找到個伙計叫佢再開茶, 但轉個頭佢又忘記了....最後要再找另一個伙計開茶才有茶送來, 要等咁耐, 簡直豈有此理!!! 更糟糕的是, 我們坐下來即order了一些點心、一碟炒野。唔知係漏單還是其他原因, 半個鐘都未送來。我們找了一個伙計問問, 佢走去check單之後, 就print左張單來, 我們看到時間係.....竟然係宜家?! 個伙計辯稱係印單時間, 不是落單時間, 真係信不信由你了...點心逐個逐個送來, 再追問伙計可否快d, 在旁的傳菜員竟爆了一句:「d點心要熟先可送嚟, 唔熟點可送來。」, 離晒大譜!!! 這究竟是什麼service呀!!!呢間酒樓可能只重視婚宴, 但做午市, 都應該要有一定水準的服務俾顧客吧!

朋友結婚，午膳响lee間酒樓食，仲借埋個新娘房俾朋友換妝。食晏個廳房好靚，食物不論賣相或味道都好得!蝦餃尤其出色! 員工服務好殷勤，抵讚!!!個新娘房真係好靚!!!有機會會再嚟食飯!!!