焸 - 帝王蟹海鮮火鍋專門店 (已結業)

星期日同幾位朋友難得一聚，大家都想食打邊爐，離屋企無幾遠開左間新野，好似幾高級，就去試下。 未入門口就見到快爆滿，可能星期日，好彩walk in都有張枱：D我地試左個招牌海鮮鍋，有蝦，蟹做湯底，好正D食物好新鮮，唔錯，我地叫左肉類拼盤，都幾大碟，食唔哂，不過好新鮮。仲叫左雜菜拼盤，午餐肉，墨魚滑（估唔到幾好食），脆魚腩等等，總體水準係中上。不過汽水略嫌有點貴。至於服務方面，一入門口，有個經理十分親切，好好笑容，招呼我地坐低，其他待應都幾好服務。 埋單果時，經理都走黎問食物好唔好，傾左兩句，感覺好好人，好親切，哈哈下次都會再黎，消費高左少少，不過總體幾愉快。

星期日梗係一家人出去揾食嘅好時機，今次嚟咗新開張嘅焸‧帝王蟹海鮮火鍋專門店， 其實我哋都係抱住試下嘅心態入去食下，哈哈 一入去見到地方雖然唔算好大，不過店員好熱心咁為我哋送上調味盤，仲同我哋介紹左好多好野食，唔單止有打邊爐仲有小菜仲有刺身，方便到呢!! 三文魚刺身: 非常新鮮! 肉質鮮甜，入口甘香法國生蠔: 淡淡海水味，味道鮮甜，真係一流!!歌樂山辣子雞: 每件細細粒，炸得好香，配以大量花椒同指天椒，十分惹味！ 加埋杯冰凍生啤真係一流！ 本哋手切肥牛: 脂肪分佈平均，牛味十分濃郁，肉質鮮嫩有彈性，同機切牛完全冇得比，都算好有驚喜！推介大家要試一試。海鮮拼盤: 花甲鮮甜又冇沙，唔點醬料都好夠味 扇貝:一望就知又大又肥美啦，成隻都漲卜卜，食落口感厚身，鮮甜 海蝦:非常爽口隻隻鮮甜，食完一隻再想食第2隻環境同服務都好好， 坐得好舒服。

未食已經一肚氣星期日下午決定同朋友夜晚去試一試呢間新野, 所以下午5點幾專登走去落個BOOKING (係去到佢間舖當面訂枱), 當時全店都無食客, 問左個侍應有無得訂枱, 佢話有, 仲即時做埋BOOKING, 當時見佢張紙有3-4枱book左訂左7點, 我地未到7點已經到左, 見到當時已經係全店滿座, 我地一行四人仲話好彩一早黎訂左枱, 去到門口同侍應講BOOK左7點4位, 佢叫我地等等, 無問題...... 因為未到7點, 好喇到7點10分再問佢, 佢都係叫我地係門口等等, 我地問佢要等咩?  已經book左7點, 佢都只係不停叫我地等等..............大佬, 其實等咩先?   等你執好枱定係要等有人走先有枱呀? (因為見入面已經係坐滿晒, 仲要張張都都係坐底無耐, 岩岩開始食), 岩岩見到下午幫我地BOOK枱位女士, 問佢我地BOOK左7點, 幾點先有枱比我地, 佢仍然係叫我地等等先..............真係等到火都黎, 見佢再行過, 問佢我地其實等緊咩?? 佢先同我地講要等人地食完先有枱, 叫我地等多一個鐘左右喇痴線~咁咩叫訂枱呀?  如果一早係FULL....