無肉食 (洗衣街)

營業中

休息中

我係由北角初店食到現在，發覺佢哋越做越冇心機，以前D食材好新鮮，而家D食材差咗好多，今晚食咗個粟米羹味道oK，但個D粟米老到好似食柴咁!D皮蛋皮呆部分唔知點解會硬到好似起骨咁!唔識形容，菜芯又係老，連D南瓜都整到冇味同硬，夏枯草淡到冇味!最好食係沙律，芝士撻，古早蛋糕，經過呢次之後，我諗我唔會再去!好失望!keep唔到水準!😓😓😓仲有近厨房位置，個地下好滑，铺咗地毯都冇用!老人家去真係要小心!食物方面希望佢哋只係個別分店厨司問題，如果唔係連北岛間老店個招牌都可能冇理了，期待佢哋有改變啦!

以前對素食好抗拒 覺得烹調方式好單一 款式選擇少 同埋會懷疑食唔飽😂但近年素食潮流興起 多左好多素食餐廳 款式超級多元化😍😍呢間主打素食自助餐😋最正係中意食咩就夾咩食👍🏼👍🏼 每款都整得好精緻😙 都唔記得自己食緊蔬果或者其他素食產品😂😂 同朋友試咗好多款試😛😛 最深刻而且中意嘅食有蘿蔔糕 雖然煎得唔夠香口 但食到蘿蔔清甜😍芝士撻一啲都唔膩 食多兩三個都得另外素嘅韓式炸雞（椰菜花）都做得好出色😌😌 如果疫情期間怕幫襯自助餐 都可以買外賣 任你夾滿飯盒走😬仲可以拎湯/糖水都唔錯😝 十分推薦！

疫情下把握堂食的機會💪🏻，保留自助餐的餐廳更少之又少，好幸運呢度還有自助餐供應。值得一讚係，職員會重覆清潔枱面，用清潔劑抹兩次，而食客都要戴口罩夾食物。🔸沙拉🥗：有羽衣甘藍🥬、車厘茄、薯仔沙拉等，食客可自行揀沙律醬。🔸涼菜：有素肉鬆豆腐、木耳、拍青瓜等🔸炸物：炸雲呑、蛋散（👍🏻👍🏻推介）、炸番薯🍠、炸豆腐🔸熱食：都係一般炒菜/野菌/豆類製品，有炒飯同炒麵。🔸另有白粥、中湯和糖水，是日糖水係雪耳糖水，煲至起膠好潤喉👍🏻。

一日一黃店 初試素食自助餐後感 呢間應該都幾多人知 平時行過旺角都見到 最近要（扮）減肥 一於去試試素食自助餐 望落價錢好平 最平下午茶任食都係$50 冇加一 （價錢睇圖）呢間仲係良心店 見到佢哋有小量文宣1130開始 岩岩開店 唔算多人 1200坐滿.入店前會提醒你 要做足防疫 呢日在場9成9都好守規矩 唯一有個婆婆忘記戴口罩 離開座位 即刻比店員大聲提醒 感覺店內防疫做得幾足嘅.食物方面 種類好多 全部野食大概30款 up熱盤款式幾多 大概14款up 有麻辣白菜 炒菜心 豆豉茄子 蕃茄炒蛋 咖喱薯仔等等 食完會再轉其他野食炒菇 炒菜 炒瓜 炒腐皮 炒炒炒炒 轉唔同汁 其實唔會食悶（好似有舊白色野 淮山？ 我唔鐘意🤦🏻‍♀️）.炸物有8款 全部熱辣辣👍🏻春卷同腐皮卷 都係勁脆 咬開爆碎嗰隻👍🏻腐皮卷好好食 👎🏻春卷係芋頭餡（挑食寶寶出現）👌🏻炸南瓜 似天婦羅南瓜.主食有 3款👍🏻茄汁蛋炒飯 做到粒粒分明👍🏻炒銀針粉 幾彈牙幾滑 類似乾炒牛河果類 好油身👎🏻白粥 真係白粥冇味（別想太多）（挑食寶寶又出現）.仲有生果 沙律 綠豆沙 粟米蘿蔔湯 煎蘿蔔糕 芋頭糕...飲品得2款 熱檸檬水

作為一個食肉獸，我都好少會成餐食素食，只係有時會學校飯堂食羅漢齋（好食）。但係最近見到有素食嘅自助餐，我就覺得要試吓啦！睇完人哋啲圖之後，估唔到素食都有咁多種類！無肉食係中環、北角、旺角、佐敦同荃灣都有分店，夢想要成為一個出色MK妹嘅我就去咗旺角分店。星期一夜晚嚟，晚餐時段都只係$120（免加一），可以一次過試晒由頭盤到甜品嘅素食簡直係抵啦！平時我都鍾意食菜，只係唔會特登成餐都冇肉，因為平時款式唔多，嚟呢到就可以試到好多新嘢。炸物區都好多款，我最鍾意佢同埋同埋炸金針菇。炸嘢食得多會膩，但係一咬落去啲菇嘅汁爆曬出嚟，中和返成個味道。仲有佢個粉紅色醬好特別，食落係沙律醬味。主食區啲食物就好似家常便飯，好有家嘅感覺，有十幾種餸、有粥、有湯、有飯。我好中意西蘭花同冬菇，好有媽媽feel。個是日例湯都好好飲，估唔到冇肉都咁入味。生果同沙律款式都好多，啲哈蜜瓜同埋火龍果好新鮮好甜！甜品我就最中意佢個燕麥糕、迷你芝士撻、芝士蛋糕。好香、好滑。枱同枱之間分得好開，好闊落，坐得好舒服。唔使搭枱、冇咩壓迫咁！出去攞嘢食要帶返口罩㗎！仲有啲畫 (ARTour)，好有藝術氣氛。本身好期待嘅嗰座拔絲同Pizza

< 無肉食💚> 📍旺角想試呢間素食buffet 好耐 前幾晚終於約咗去食🤣 先講下環境 位置都幾多 環境闊落 光線充足👍🏻👍🏻 我同fd坐四人枱 好近拎野食嘅地方🤣 會有店員提醒食客出去拎野食要戴返口罩👍🏻 🍘我地第一輪先夾咗炸嘢 種類都幾多😛 有腐皮卷、吉列豆腐扒、吉列素蠔、煎堆、酥炸金菇、炸豆腐等等 我覺得最好食係吉列豆腐扒同腐皮卷😋 豆腐扒炸得香脆 上面有沙律醬 好惹味👍🏻 腐皮卷都煎得好香 略嫌少少油膩🤏🏻 另外個素蠔好特別 係紫菜加芋頭再炸 味道唔錯😋另外我地仲食咗韓式炸雞 其實係炸椰菜花黎🤣 出面層脆漿唔錯 而且韓式甜辣醬同椰菜花都好夾😝 🥗蔬菜同主食方面 我地食咗菠菜麵、酸菜雞脾菇、瑤柱通菜、泰式生菜包、素壽司同素pizza😋 泰式生菜包有少少辣 素肉碎同豆角炒得好香👍🏻 素pizza 🍕同出面食嘅冇乜分別 上面有蘑菇、青椒同芝士 好香❣️🧁甜品方面 我地食咗芝士撻同日式芝士蛋糕🍰 芝士撻可以一啖一舊 好濃芝士味 日式芝士蛋糕感覺輕盈 食多幾舊都唔怕肥🤣☕️飲品方面選擇都幾多 我地飲咗山楂洛神花茶 唔太酸 飲落有啲似利賓納😆 仲有羅漢果茶 湯水有冬瓜盅、是日例

最近吃任食火锅多了，真的要吃点健康食品清清肠胃。以前吃过其他分店，水准可以。旺角店在波鞋街很近，午市自助餐也是11点半开始。周末午餐是每位80元，不用加一，价格不贵。地方也干净整洁，环境舒适。自助餐区的食物细分得很清梵，而且种类繁多。单是炸物已经有超过10种选择，沙律吧也是干净卫生，而且经常有人抹枱，不会看到汁液和食物碎遗留在桌上。限时75分钟，吃饱自己清理碗筷。平时上班都是吃肉和垃圾食物，偶尔吃点健康又高纤维食物也不错。

突然好想食素食，所以試試依間係旺角既素食buffet. 入到去係先比錢，再拎位，之後就可以拎野食，留意番食完要自己執碟！野食款式都唔少～🦁 沙律區：蔬菜都好新鮮 薯仔沙律好食🦁 蔬菜區：紅菜頭 木耳 海帶都醃過 好入味！🦁 炸物區：比較中意炸饅頭，春卷味道都唔錯！🦁 熟物區：腸粉出色 咖喱椰菜花 豆卜 炒飯都唔錯 酸辣湯好惹味🦁 甜品：木瓜雪耳糖水好足料！紅豆糕好食整體來講lunch $80 好豐富而且一定食得飽，員工都好勤力refill啲食物！Let’s have a green Monday🥗

中秋節食咗咁多月餅，決定今晚帶屋企人食下素～無肉食呢間喺旺角嘅素食自助餐大家應該都唔陌生，食物種類雖然唔算多，不過應有嘅都有。由頭盤到甜品都照顧到大家～味道普普通通啦，不過喺旺角夠就腳所以想食素嘅時候都可以一試每次去都好鐘意佢座拔絲，根本就係一座好靚嘅鳥巢塔♡´･ᴗ･`♡另外我最鐘意佢個芝士撻，熱辣辣出爐嘅時候撻皮好脆，芝士味亦好濃！如果唔係太飽我一定食兩個🤣其他炸物我覺得都偏油，所以都無話特別覺得邊個好食，不過今日見到佢有個炸廣島素蠔又幾得意，入面做到好棉滑再有一粒芋頭質感嘅嘢，配個顏色好鮮艷嘅紅葉醬，食落有D似沙律醬，都幾好食！

呢間無肉食之前都有唔少朋友推薦過～平日都唔會忽然想食素，但公司附近就有呢間野，女同事們都會專登約唔帶lunch去呢間店食。今日得我一個無帶飯，唯有自己出去食啦！平日附肉少菜，都好想換下口味，通下脾胃咁。Lunch時段，只係要$58就可以埋單，仲有得自己揀食咩，食幾多，係幾咁自由！同埋一開始講食素都會以為會有一堆扮肉嘅素食品，再加無限蔬菜。但佢呢度菜式都有好多變化，前菜、正餐、甜品、沙律、湯樣樣齊～根據我嘅記憶，好似我都無食到重覆嘅菜類。比一般餐廳係夾餐單嘅時侯更加有心機，唔怕日日食一樣嘅野，又可以有唔同嘅營養。食一餐仲豐富過係食幾種營養補充品啦！何況呢間店嘅location咁方便，又點捨得品過黎支持下？

我會將呢間野放入我嘅黑名單！選擇少，又難食。食完第一輪已棄權！尤其是佢嘅所謂金牌蘿蔔糕！自己屋企食沙律仲好！一d咁冇誠意嘅垃圾餐廳算罷啦！奉勸要食素嘅，出面有更好選擇！要真正追求健康嘅，喺屋企煮吧！

繼成日係大角咀食個間素食，突然朋友ad hoc話見個面，旺角大多數都食過，加上我胃口麻麻，今次揀左呢間係洗衣機一棟幾靚嘅大廈食自助餐啦。先俾錢後入座，原來係初一，特別多人，差啲以為無位座。中間就係夾嘢食，選擇都幾多，一樣有是日中湯同糖水，亦有飯同意粉。甜品生果都有齊，熟食都多，有啲都幾有特色。炸物勁多種類，亦係最多人圍住嘅area，算係keep到，但就凍左小小，已經無咁脆。唔同種類都攞下，仲有蘿蔔糕。味道大致一般，不過要讚下甜品係好好味，真係要試，芝士味都濃，無hea嘅。自己碗碟自己執，推動大家一齊幫手。

朋友話呢間黃店食素，款式多，新鮮，有蔬菜類，好多種蔬菜，西蘭花，菜心，通菜，一大堆菇菌，而沙律bar有川辣皮蛋, 台灣醬油豆腐，雜果沙律，值得一提是雜果沙律整得好好食，唔似茶餐廳果d罐頭椰果沙律，總之好岩鍾意食沙律的人。炸物部就有數款炸蔬菜如南瓜，金針菇等，湯品兩種，一種糖水，飲品三款（非可樂果d），三款飲品都有特色，可惜的是甜品和水果款式就比較少。水果係西瓜同橙，但唔甜。總之，味道賣相同餐廳外觀都上佳之作。

無肉食之午餐，估下幾錢？本來今日想食石磨腸粉，點知無開🥺好想食清啲，openrice 搵竟然見到間齋鋪，仲外賣有折。$55點知原來用Alipay俾錢，再額外有折，最後扣哂所有$30你冇睇錯，係$30。我好欣賞自己嘅慳錢能力😂😂😂講返嘢食，叫咗個套餐🍲欖菜麵筋炒茄子我唔知點解佢可以做到咁似肉！我真係覺得自己食緊豬腩肉片😂，要好細味咀嚼先會食得出有輕微嘅大豆干味。同埋佢個芡汁都好出色，有啲似蠔油整出嚟嘅醬汁？🍆茄子方面完全冇得輸，完全係紫色嘅皮。茄子好難整得靚，好多時如果你唔識整會變咗黑色皮。🍚自動幫我配紅糙米飯，覺得好健康😋仲有個小食，好耐冇食過蓮藕，特登揀個涼拌蓮藕，超級清爽同埋脆口，同埋唔辣🤘🏻跟餐有湯飲，呢個湯簡直係出神入化！唔係味精湯，本來對呢啲湯完全冇乜期望！但係我飲落去係飲到靈芝味道！？有少少藥材嘅味，但唔會苦。總之飲完好舒服，有一種回甘嘅感覺。就算之後正價$55，我都會繼續食，健康有益，份量又多！不得了

下午茶自助餐 $60/1人炸物唔錯，腐皮卷春卷既味道都幾好，皮脆餡料夠味。豆製品豆味濃，蕃薯甜。蘿蔔糕，蘿蔔大大粒，清甜。冷盤，芽菜同雲耳，麻辣味重。菜味道正常，新鮮，豆角炒得香口。薯仔好味。有湯有粥有紅米飯，飲品有水同羅漢果。另外有沙律吧！銀針粉偏硬左，炒飯味道有d淡。📍2點半至4點下午茶，但3點後食物唔會再補充，所以有d野食會無晒。📍3點9左右落場清場。📍菜式唔係要扮肉，真非肉類菜式。📍每次既菜式都會有少少唔同。