無問題 (已結業)

We sat down on one of the sofas on a chill saturday afternoon and there’s a low wooden table right at our feet and my feet were touching the edge of table and there’s a waitress came over and asked me not to touch the table with my feet. Seriously? I didn’t put my feet ON the table, the wooden table is close to the sofa so our feet must touch the edge of the table. Maybe it is because my legs are too long or the table is too close to the sofa. Anyway, this is one of the ridiculous things I have

夜晚心血來潮想食下景。就去左尼間位於西貢碼頭「無問題」餐廳。面對住個西貢全海景。再加埋美食同酒精飲品，吹住海風，聽下海聲，同心愛的人食餐晚餐。真係咪話唔enjoy. 直程係享受得不得了。好舒服，好浪漫。淨係過黎食下景飲下野，已經好滿足。極力推薦想食景吹水既人！！👍👍講下佢既食物，絕對唔平，都唔係太貴。中位價啦。一個人一個main course.一杯飲品大約$250-300左右啦。今次點左個fish and chips 同蕃茄海鮮意粉。味道唔錯。好味。晚上過黎食下野飲下野，真係人生一大享受。題外話，佢既飲管係用紙飲管，支持環保👍👍推薦推薦話黎食景！！

假日難得嚟到西貢，除咗欣賞大自然嘅景色之外，最緊要就係搵返一間舒服嘅餐廳，今次我哋食嘅呢間餐廳正正就充滿咗異國風情，另人感覺置身外國小鎮。餐廳嘅位置非常方便，一落巴士站望向沿海嘅方向就見到。由於當日有微微雨嘅關係，所以冇得拉開窗簾，如果唔係景觀一定更上一層樓。餐廳嘅地方非常闊落，唔會令人感覺到好侷促，私隱度亦好高。我哋張二人枱嘅隔離擺放左桌球枱，如果係一大班人過嚟聚餐都唔會缺少娛樂，可以一路食一路玩一坐低點少得就係叫番杯cocktail飲，女仔多數都怕啲酒味好重既cocktail, 所以我特登叫店員推介一款比較容易入口嘅比我。呢杯acai sai 絕對比到驚喜我，味道非常清新，但係千祈唔好睇小佢，店員同我講佢嘅酒精濃度都唔低架。由於餐廳食物選擇太多，呢度嘅店員又非常熱情，所以我哋就將揀食咩呢個重任交咗比佢哋啦。前菜方面店員推介griddled halloumi俾我哋, 就咁聽個名完全冇頭緒呢道菜係食咩嘅，原來佢嘅配搭包括烘麵包，蘑菇，加上halloumi cheese，食落鹹鹹地，口感特別。之後發現原來係一道好出名嘅地中海菜式，係香港應該唔係好多地方有得食，值得一試。主菜方面，店員就推

餐廳並不位於大廈入面，或者街邊，而是碼頭附近。餐廳外圍好少窗，景觀非常開揚，望住沿岸既海景同感受一陣陣既涼風恍如置身旅遊渡假當中，令人感覺舒適寫意。餐廳嘅職員大多數非香港人，令渡假感覺更真實。餐廳亦設有桌球枱，可以俾我大顯身手！眼見Menu無論wine、burger、main dishes選擇非常多，決定用我畢生所學嘅英文同職員溝通，職員亦會逐一向我介紹菜式並推介個別菜式，笑容可掬，非常熱情同有耐性。前菜叫左gnddled halloumi，純粹因為職員介紹嘅時候我聽到cheese，仲話可以extra cheese，我就爽快下單。上菜時發覺配搭非常新奇，包括麵包，醃菜，雞肉，仲有黃色既細西蘭花？但一次過放入口，味道卻出奇地配合，每樣食材非常和諧，連平時非常抗拒醃菜既女友都大啖大啖咁食。呢個以餐廳命名既momentai burger可謂餐廳嘅signature dish，牛肉味非常重，一咬感受到牛肉無比juicy，成熟度亦係我要求嘅五成，煙肉大大片亦炸得脆香，每個細節都做得非常到位，難怪要以餐廳名字命名。momentai burger亦附送厚切薯條，香脆之餘分量十足。Creamy既醬汁配

是日星期五，為了迎接週末的來臨我們選擇了一間在西貢零負評的西餐廳 - Momentai. 一聽名字還以爲是吃泰菜的餐廳，看menu才知道它是以西餐為主。餐廳開揚，就在西貢碼頭旁。可惜天公不造美，外面下着毛毛細雨，如果是大晴天，一邊吃着西餐一邊看看海，應該會更寫意。餐廳的桌子椅子各有特色，我們特意選了用馬賽克瓷磚拼成的圓桌，看着色彩鮮豔的桌子，多希望自己身在歐美。Set lunch menu價錢不算貴，包前菜(可選是日餐湯跟多士麵包或自家凱撒沙律)主菜選擇不多，隨餐奉送汽水、咖啡或茶，可自行加錢order酒或其他飲品如果set lunch不合心意，亦有漢堡、主菜或意大利麵及飯類選擇，對於選擇困難症的我們，的確花了不少時間選菜。⬇️前菜是日餐湯是忌廉蘑菇湯，味道不太咸，滿滿的蘑菇粒令忌廉湯口感豐富。法包烤得剛好，依然保持軟身。⬇️set lunch主菜: 味噌烤貝羅菇配以色列古斯米 薄荷西葫蘆 松子 搭自家純素沙律醬及火箭菜底貝羅菇下的餅是由以色列古斯米，洋蔥番茄純素沙律醬等材料混合而成。味道酸酸的，非常醒胃，剛好平衡菇的麵鼓味。用麵鼓餣制菇類，都是第一次的嘗試。但頂部的沙律菜有點黃，不夠新鮮

西貢下午茶，今日都算去到盡，全因老友叫到未好推辭，不過相聚地點在碼頭旁邊的「無問題餐廳」，我就第一句回應 ： 無問題，幾點？即到🤣漢堡包、薯條配白酒、啤酒再加上陽光海風，十足十置身外國一樣，爽😆漢堡包大大件，除了牛肉外還夾有芝士及煙肉份量十足，但我個人就喜歡薯條多點，炸得香口！客人都是老外多！太陽伯伯當值，雖然天氣炎熱但在如此寫意環境，心靜就自然涼！Momentai 無問題 果然有趣

星期六放假約了幾個朋友一起入西貢，中午的時候碼頭附近有好多艇家喺度賣魚，有人賣魚有人買魚。入左西貢碼頭先可抱住輕鬆心態，悠然自得，行下行下又到晚飯的時候，去左一間叫「無問題」的西餐廳，開放式的設計，也設有很寬闊的梳化，配以悅耳的音樂，優質的食物，就是這樣過一個開心的晚上。夏天就比較熱啲，不過近住個碼頭不時都有風吹過來。Salmon Poke 煙三文魚飯$125，近似於外國style的日本菜，不算正宗，取勝的卻是煙三文鱼的煙燻味夠突出。無問題的招牌Momentai Burger$140，好有肉汁夠哂juicy惹味，麵包夠軟熟，夾埋啲配菜酸酸甜甜非常開胃。望住個西貢碼的頭醉人景色，再飲番杯紅酒更加心曠神怡。Momemtai無問題！

夏日炎炎入去西貢行下，過個休閒week end😌。行到7點左右開始肚餓，雖然西貢都好多好野食，但見到呢間「無問題」好有feel，所以簡左呢間做晚餐😋。環境係半露天掛住大風扇， 好多外國人好有氣氛 ，好似去左外國咁😆。而且侍應係外國人，要用英文order野食！我地叫左菠菜芝士炸球，入面係菠菜容加芝士，入口香脆可口，芝士味濃，滿口芝士好滿足😍。煙肉包雞，用煙肉包著雞胸肉，雞胸肉好大好嫩搭配薯蓉配上洋蔥忌廉好美味，口感豐富👍🏻。SKFC 雞粒炸得外脆內嫩，配埋香辣醬，滿足曬所有味覺享受😋。Apple crumble同出面既不一樣，佢唔會焗到好乾，而且甜度適中，而且雪糕是另外放响雪糕杯度，所以上到枱唔會溶哂，好細心👍呢杯Acai Sai 係cocktail味道清新，有檸檬味，亦有d似咸檸七味道，啱晒夏天。加上服務一流，同餐廳係無收加一服務費，呢度係不錯既選擇，環境氣氛同食物質素都係一流😌😌

每天工作都在鬧市穿梭，星期六一於和家人到西貢放鬆一下。把工作放下固然心情愉快，享受大自然，西貢碼頭一帶的景色特別心礦神怡。遊覽一番後約傍晚七時，看到「無問題」，我們當然即席而坐，望住個西貢碼頭黃昏醉景，悠閒地享受晚膳，以美入饌。沿海景色一覽無唯，細味寫意生活。冰凍檸檬水，一解初夏悶熱感覺。Momentai burger$140，厚切連皮炸薯條充滿薯香，脆香無比。漢堡扒也能選擇成熟度，突顯餐廳的high level定位，我們點選了medium，外脆滿焦香，內軟腍爆發濃牛味。層次分明，輪次櫛比。座向碼頭景色無得輸。 享受吞拿魚飯Tuna Poke，米飯選用日本珍珠米，米醋濃度恰好，醋味十足。以Cream Brulee$55，是晚的甜品點綴，閉上眼睛也是甜。

西貢俾我嘅感覺不嬲都係渡假feel，今年五月個太陽超猛，緊係唔想留係屋企，決定走返轉西貢享受下陽光。係去海灘之前，係西貢碼頭已經有留意呢間momentai，個名好有gimmick，好似個鬼佬學講廣東話「無問題」咁。雖然天氣好熱，但晏晝都有好多人黎食，當時已經諗好夜晚要黎試試。去完海灘成身汗，好想即刻飲返杯超冰啤酒，發覺呢度原來夜晚仲靚𥚃面大部分都係外國人，更加覺得自己好似去左旅行咁，入面好大，仲有桌球玩，超好feel。最勁嘅係佢為左保留返原有景色，餐廳嘅裝修係就住有兩棵椰樹圍繞而建，咁有heart真係要支持我地主要想飲嘢，為免食唔哂，所以嗌咗兩個小食同一個主菜share，有蟹餅、煙肉包雞同炸菠菜芝士球。蟹餅好快就到，外面炸到卜卜脆，入面嘅蟹肉撈左薯蓉，質地好軟滑，加埋啲舖面嘅酸菜更加清爽。菠菜芝士球就好特色，本身以為會好膩，但𥚃面菠菜味充足，仲見到啲芝士絲，一口一粒啱啱好最後主菜登場，賣相好靚！！煙肉包雞真係未食過！其實嗌個時都有驚雞胸會唔會好嚡，但一切開就知係好嘢，啲肉質呈淡粉紅，熟得剛剛好，好鮮嫩，煙肉嘅濃郁肉汁滲透入件雞胸到，估唔到咁好食！仲要當然要講下嘢飲，啤酒同薑啤夠凍就無得

今天是星期六特登同爸爸媽媽入西貢行下順便食下海鮮，經過西貢碼頭附近有一間叫「冇問題」的西餐廳，地方很大，環境悠閒舒適，有一字排開的梳化，也在播放音樂，固然享受非常。這餐廳可享受美食之外還有很多娛樂設施，如桌球檯American Pool。設有圖書角，「悦」讀多樂趣。Grilled pork chop $158，來自加拿大的豬胺扒肉質緊實頗難咀嚼，不過煎得蠻香口肉味香濃，味道都不錯。Taproom Platter $240，比較難說出風乾火腿的産地及名字，但吃起來也充滿橡果香味，也不會太鹹，此款platter更有在港比較少見的風乾牛肉，有牛肉醬香。

話說今日熱得很，認唔住同女友出西貢吹下海風涼下。聽，完海風的聲音之後，梗係搵返個好地方同女友食啦！咁就好鬼浪漫咁係西貢海旁度搵左間餐廳食。呢間餐廳呢就叫momentai，開頭我都諗左好耐點解佢會叫做momentum，同physics個topic咁似，點知原來佢係叫無問題！okay我都無問題！入到去momentai就覺得同歐洲餐廳好似，好chill好natural，一來佢好多布沙發，坐得好chill，二來佢餐廳個枱都有歐洲特色的花紋，三來好多外國人！好喇揀野食！前菜方面我地食左個吞拿魚他他，吞拿魚刺身味到非常新鮮，加上用一啲生菜包住黎食，就算食好多生肉都一啲都唔漏！我地都叫左另一個頭盤叫炸洋蔥圈，熱氣野永遠都係唔錯的選擇！主菜方面我地叫左個招牌的無問題漢堡同香菇意大利飯，個漢堡用左好靚好新鮮的牛肉做料，咬落非常juicy!!香菇意大利飯用左少量黑松露同粒粒有趙口的飯粒，咬落好香好歐洲味道！不得不提佢個牛排！好鮮好軟好juicy!!5成熟好好食！

西貢雖然出名食海鮮，但其他餐廳水準都唔錯。難得今日同朋友入左西貢，決定就去食西餐——momentai，貪佢海邊大景觀，海風吹入黎，環境舒服。睇見餐牌大部分都係酒，就知呢間係酒吧形式啦，氣氛幾好，光暗適中，先醫肚後飲野，可以慢慢傾計。先黎個吞拿魚他他開下胃，青瓜爽口，切得薄，包住吞拿魚唔會膩，細細份，以此開場唔錯。主菜係香菇意大利飯，每顆飯粒吸滿汁，粒粒飽滿，入口融化在舌尖，入面亦有淡淡香草味。另一款主菜為無問題漢堡配薯條，薯條新鮮炸起，上面有辣粉同椒鹽，份外惹味，送酒一流。漢堡好厚，咬落去肉汁滲透，配上芝士同醬汁，邪惡又好味！兩樣主菜仍未夠喉，再上安格斯牛扒7成熟，上面鋪滿炸薯角，但冇令牛扒失色，煮得恰到好處，滋味大滿足！最後以我地一齊乾杯🍺做結尾。momentai於西貢海邊，晚上寧靜，聽住蟬聲，先品食物再慢慢品酒，寫意得似渡假，推介！

禮拜六想過一個不一樣既weekend，約朋友出街食野，車左去西貢打行下吹下海風散下心。行下周邊既小店，幾有特色，有點似身處長洲/南丫島既感覺，其實就只係離市區揸車都只係30分鐘車程既西貢，他條又方便。行下行下有點累，搵間店食野坐下打算悠悠閒閒咁過番個夢幻禮拜六。係碼頭沿路走下走下，外面見到呢間餐廳好有巴里風情既渡假feel，d客人坐得好寫意，就決定係呢殊用餐。餐廳室內裝修好似去左東南亞國家渡假旅行既風情，坐係任何一個位置都住西貢碼頭，好開揚既視野，非常寫意。真係要推介呢個($140)冇問題漢堡件頭都好大下，兩個人share黎食剛剛好。牛肉漢堡肉好扎實，中間分開時由兩塊外脆內軟漢堡包夾住蕃茄、厚身牛肉漢堡、沙律，食得好滿足。 雖然罪惡感十足，之後要跑返兩個鐘頭先可以消耗番， 但我哋都唔理得咁多，人一世物一世，食左先講。~~跟漢堡包仲配左個炸薯條的，新鮮炸熱辣辣好脆口~正芝士薯條($50)：見到好多人叫，所以就想試下。小食中既粗薯條香脆可口, 沾上芝士後仍能保持薯仔的香味，佢比其他店的薯條更出色，又唔會炸得過火，好肥厚薯肉。d芝士真係超多，多到滿瀉！面頭布滿晒溶左既車打芝士，邪惡到令人食上

忙碌咗成個星期終於放假 ，假日同朋友三個人去咗西貢 ,打算過一個悠閒嘅下午。行咗一陣西貢附近嘅特色小店，差唔多下午茶與晚飯之間嘅日落黃昏時間，我哋決定去食餐正嘢。喺度諗緊食中餐定西餐，但眼見中餐海鮮餐館嘅枱都坐得非常之迫又嘈，所以我哋決定搵其他嘢食。行經過碼頭見到碼頭沿岸有一間好特色嘅西餐，外面望入去好悠閒同寫意，決定喺度用餐。我哋揀咗張近望到碼頭嘅餐枱，坐可以望到好廣闊嘅碼頭沿岸景緻，視野很賞心悅目。餐廳好多外國人嚟食，令到置身其中嘅我哋，都好似去咗度假嘅感覺一樣， 店員都是外國人，好友善同主動招呼客人。 MENU好多選擇，基本上好多都想試， 而且menu上都有中文字所以一目了然知道食物咩材料，唔驚唔識英文。 餐廳好悠閒既裝潢，簡約中帶雅緻，很喜歡呢間餐廳既氛圍， 令人覺得好輕鬆仿似置身渡假勝地，而唔係喺香港嘅範圍之中。揀咗個冇問題漢堡＄140，裏面嘅餡配咗牛肉漢堡扒,蘋果木熏煙肉同芝士。呢個牛肉burger，好夠肉汁，個包好軟熟入面有pickles🤤同茄汁，酸酸甜甜好開胃。入面塊漢堡扒又厚又多汁，好香牛肉味之餘仲好大份。芝士薯條($50)：薯條即炸脆卜卜，夠脆夠熱，薯條好脆，外面脆