為食龍 (已搬遷) 新店位置

每次午膳都要煩惱吃什麼，突然想起耀華街新開了一間小店，便與同事去嚐嚐。店舖面積不大，只有兩個堂食座位及一個立食位置，以外賣為主。主打飯糰、日式輕食和便當。(後) 吞拿拖羅蓉飯團 ($17)(前) 川味麻辣雞飯團 ($14)吞拿拖羅蓉味道甘香軟滑；川味麻辣雞香中帶辣勁，新鮮感十足。爆汁肥牛薑蔥雞扒雙拼 ($52)燒汁雞扒配上薑蔥，這個配搭十分新鮮，而且味道亦很夾。肥牛肥瘦得宜，不韌亦不柴口，湯汁濃厚且帶甜，十分下飯。腐皮壽司賣相澎湃，豐富的餡料鋪滿整個壽司，十分吸引。蔥吞拿拖羅蓉腐皮壽司 ($19)魚香鮮美，入口嚼感不錯，不用蘸點醬油，已很美味。明太子三文魚腐皮壽司 ($18)明太子三文魚帶有微辣，十分惹味，再加上甜甜的腐皮，味道豐富，很開胃。甜蝦蟹子雙拼腐皮壽司 ($21)甜蝦軟滑鮮味，蟹子口感清脆，層次分明，口感豐富。三文魚牛油果腐皮壽司 ($18)三文魚與牛油果的味道非常夾，很清新，口感豐盈濃厚，吃得滋味。食物即叫即製，美味又足料，而且在銅鑼灣區内比較，價錢真的十分划算，絕對值得推薦！

$40-50有日式便當 $16-21有正飯團同為食腐皮，係銅鑼灣翻工既恩物！不過店面較少坐位不多，外賣會較好。-🐮爆汁肥牛薑葱雞扒雙拼🐤$52價錢和吉野家相若，但味道卻優秀很多，肉的份量很足料，雞扒嫩滑但有少少筋，醬汁亦甜甜的很好送飯。-三文魚牛油果為食腐皮 $18呢個三文魚牛油果份量超多！多到跌出黎，size比一般壽司大好多，三文魚好新鮮肥美，超值！-隨餐仲送味噌湯/煎茶，我揀左味噌湯，味道正常。

近排無咩心機出去食飯，但係買外賣都唔可以求其 😁 呢間新開嘅為食龍就主打腐皮壽司自選便當 📍 $68三文魚刺身加爆汁肥牛，不過漏咗俾三文魚，第日退返$20 俾我地。肥牛肥美多汁，餸飯一流吞拿魚拖拿蓉飯糰📍$17飯糰包得好靚，啲吞拿魚都好足料，夠鮮味三文魚牛油果腐皮 📍 $18感覺好似幾健康，相比吓較為清淡鰻魚玉子燒絲腐皮 📍 $18鰻魚切到好細粒，好方便。再加埋啲蛋絲點拙一下甜蝦蟹子雙拼腐皮 📍 $21啲蝦幾鮮幾甜，仲擺得好靚明太子三文魚腐皮 📍$18呢個有少少微辣，不過又幾過癮喎飯糰同腐皮係買5送一架! 我去個陣仲有開張promotion, 有張 $10 coupon 可以即時用架!

打工仔忙到冇停手，lunch 真係想食得簡單啲，今日同事帶我嚟位於銅鑼灣耀華街Hungry Dino ， 這裡主打外賣， 店內兩個堂坐， 正所謂手快有手慢無。 店內裝潢十分獨特， 枱面上的擺設亦充滿玩味， 盡顯店主的童心。  只有一頁紙的餐單， 十分簡單又易明 。大至分為四個項目 : 懶人便當、 自選便當、為食腐皮系列和正飯團等，每一項的選擇也不小，心多的我決定和同事開心SHARE 。 先送上枱是 夠熱、 足料， 咸度適中， 而且夠大杯。 我們ORDER 的食物隨之而上， 上菜速度都幾快。 飯團和腐皮一併放在木做的托盤上，排得整整齊齊 ，相當精美的配搭， 飯團和腐皮系列也隻隻漲卜卜。 我吃了 $18經過炙燒的左口魚， 令魚油被釋放出來，但魚味不算太突出，飯團不會包到死實實，一夾都幾易散開，大大個令人好有飽足感。  明太子飯團$15 每人吃了一個飯團後，到品嚐腐皮系列 我先夾了我至愛的 $18滿到瀉的樣子相當誘人， 鰻魚切成粒粒放在腐皮包上，鰻魚沾上甜香的鰻魚汁，鮮黃色的玉子絲亦是亮點。加上質感濕潤的腐皮包裹著軟稔日本米，米飯也沾上鰻魚汁， 一口氣將所有日本元素鯨吞， 超滿足。   

今日同朋友路過耀華街見到這間新開的日式便當店，見價錢唔貴就走入去試試。餐廳地方不大，只有兩個座位，相信都係主打外賣為主，賣的主要係飯糰同定食。我同朋友點左一客糖心蛋薑蔥雞扒丼share，以$48的價錢來講，質素相當高，雞扒肉汁豐富，肉質嫩滑，皮也煎得十分香，加上傳統港式燒味的薑蔥更是出奇地夾。溏心蛋的蛋黃半熟，食落有汁溢出，非常好味。而招牌的腐皮軍艦材料相當豐富，我地叫左鰻魚玉子燒絲腐皮壽司、明太子三文魚腐皮壽司、甜蝦蟹子雙拼腐皮壽司、泡菜三文魚腐皮壽司。腐皮基本上餐廳落左好重的汁，所以好入味，魚生都新鮮的。值得一提係個三文魚配合牛油果，味道相當鮮甜。而泡菜三文魚辣辣地都幾得意，所以我地之後唔夠飽叫左兩個正飯圑都叫左個。

銅鑼灣美食多 同時價錢比起其他地區都貴唔少。難得行過time Square 見琴呢間細鋪仔 個名又得意就去左食🤤間鋪裝飾好別致，但空間真係細，閒日冇咩人靜靜地都可以上下網坐下，呢間餐廳應該係主抵賣！招呼好周到，裡面既人好熱情！食第方面 叫左個雞扒飯配吞拿魚🐟👉🏻吞拿魚：就規規矩矩 唔好拎幾百蚊一塊個種比👉🏻雞扒飯：因為個人極愛薑蔥關係 所以我覺得飯好好食 仲要係珍珠米 可惜雞扒煮太熟。價錢抵，環境好既小店！

朋友揀左hungry Dino食晚餐，去到先知原來係takeaway store,得2個位，但入到去比個裝潢吸引左，瘋狂影相。以湖綠色同植物作主題，配埋木制既收納盒同餐盒，突然覺得好muji又好fresh咁。牆邊既畫玩味感濃厚，加埋d古靈精怪擺設，配搭得出奇不意地好睇，黃加綠色既feed me令人聯想到vlt lemon tea哈哈😄最特別既係仲有勁大塊全身拱門式鏡，影到用馬賽克拼貼既恐龍牆，完美展示舖頭既名同特色Order食物時絕對會被擺設吸引，玻璃櫃內既為食腐皮好精緻，令人好想每款都試餐牌簡單易睇，選擇類別唔多，但每類都有好多款我地叫左2個溏心蛋薑蔥雞扒丼，驚唔夠飽，個飯加左芝麻同甜鼓油，珍珠米，係好食既，但2個人真係食唔晒，最尾要打包帶一個返屋企川味麻辣雞飯團🍙好有創意，我朋友話辣，但我覺得麻麻地幾好食！原來可以咁樣crossover 炙燒左口魚飯團🍙必食推介1，呢個超好味，個左口魚既油脂勁香！三文魚牛油果腐皮必食推介2，牛油果切得薄薄，加埋厚厚三文魚粒，好夾，連埋腐皮同飯一齊食，簡直係冇得頂！牛油果同飯之間有d醬，令整體更有層次！蔥吞拿拖羅蓉腐皮必食推介3，拖羅本身係貴，仲要大

有時喺銅鑼灣行下街，想食少少野醫肚，但又唔想坐低食太多，今日比我同閨蜜發現左呢間外賣小店，環境優美之餘，飯團和便當的賣相也很吸引和新穎，於是就入去試試首先吸引着我的眼球嘅係一個個腐皮壽司，我地點左三文魚牛油果、葱吞拿魚拖羅蓉、及番茄玉米碎蛋，腐皮壽司很大件，但只係15至$20 ，性價比非常高，而且仲有魚生！本人最欣賞三文魚牛油果，份量很多，而且牛油果和三文魚的味道很匹配，腐皮甜甜的，其實如果細食嘅女仔，食三四件腐皮壽司已經好飽然後我仲叫咗一個川味麻辣雞飯團，的確好似四川麻辣火鍋咁，唔食得辣的朋友就要注意啦最後，我叫咗一個糖心蛋薑蔥雞扒當，糖心蛋的確做得不錯，日式的便當配上中式燒味的薑蔥，味道出奇的香濃，而且便當加入日本豉油，不會感覺太乾仲有麵豉湯添！值得一讚嘅係呢度的環境裝修幾特別，打卡一流

經過耀華街見到一個裝修清新的小店 “Eat like a dinosaur”。主打Benito box 及腐皮飯卷。便當$68除了有飯，還有刺身、湯及小食。很豐富。而腐皮飯、飯團買五送一，每款$14-$20幾。色彩繽紛，見到都想食。店內得2個位，只要是做外賣吧。

去銅鑼灣趕住睇戲於是揀左呢間Hungry Dino快快手醫肚😛呢度門面細細 但裝修都幾靚 入到去就比牆身用磁磚砌成既恐龍圖案吸引住，隔離仲寫住eat like a dinosaur 🦖 好似恐龍感盡情食喇⋯⋯講番野食先，我同朋友揀左幾樣野食，先有腐皮壽司系列：-1. 三文魚牛油果腐皮壽司又健康陣清新既配搭，減肥既朋友可以揀依款。三文魚粒油脂配上牛油果果粒，中和返。配搭好夾～～-2. 鰻魚玉子燒絲腐皮壽司鰻魚份量好多 但食落去唔會跌曬出黎鰻魚汁香濃 令腐皮壽司不單調接住落黎揀左一款飯團系列：1. 川味麻辣雞飯團食落去既感覺好新鮮好有驚喜，伴埋白飯辣度岩岩好，鐘意食辣既朋友會推薦依款飯團比佢。其實每一舊壽司同飯團嘅份量都好多，食完我哋兩個都已經飽飽地，當初order嗰時仲叫多左爆汁肥牛丼🙈呢個肥牛丼一樣好足料，有非常之多肥牛但係就比較乾身我會比較推薦佢嘅壽司同飯團，另外每個便當仲包一個湯，食完真係好滿足😋🍱.

岩岩6月頭先裝修好，設計都幾靚，好卡通造型！佢啲飯團/腐皮系列都唔貴，$15-$20有一舊大大舊仲有買5送1的優惠！可以一試！🔶味增湯，入面有豆腐，幾大碗！🔶蒲燒鰻魚飯團、炙燒左口魚飯團明太子三文魚、甜蝦蟹子雙拼、泡菜三文魚、蔥吞拿拖羅蓉我覺得最好食既係蒲燒鰻魚，因為甜甜地，唔會太咸明太子個個有啲咸、甜蝦又淡得濟、泡菜又咸第二好既係蔥吞拿拖羅蓉、拖羅蓉係甜甜地，有鮮味🔶爆汁肥牛丼真係幾多牛肉，佢話係慢煮出來，所以會係咁既色，正常的！底部係飯，都好多飯，不過有點濕，要撈勻啲飯食🔶日本汽水 $15好大支，抵飲！因為平時好少呢款汽水總括：買個便當食係OK既！不過入面只有2個位，主要做外賣，佢仲有啲環保優惠，自備飯盒減$2定$3。可以試下！

#cassiegocwb-今日返工無約到朋友出去食，諗住自己一個享受下寧靜嘅Lunch Hour，於是就去左一間日式便當外賣店。店鋪好細，得兩個坐位，不過裝修好靚打卡一流！🌞-我揀左個Standard Lunch Box($68)，超級豐富！前菜有日式沙律、螺肉同三件好好好厚嘅三文魚刺身，個刺身勁好食呀！食完第一刻已經覺得個Set超值。-主食係薑蔥雞排飯，啲雞好嫩好好食，啲醬汁都好match，送飯一流呀！另外仲有得揀熱茶或者麵豉湯，好飲！成個set好豐富，我一定會再回購，超鐘意！-味道評分▶️🌕🌕🌕🌕🌗 (4.5)抵食評分▶️️🌕🌕🌕🌗🌑 (3.5)回購評分▶️️🌕🌕🌕🌕🌑 (4)-➡️為食龍 (銅鑼灣)📍銅鑼灣耀華街3號百樂中心地下G01號舖-IG: cassiecwy/ cassiegetfat

LUNCH食左個牛肉拼雞飯($52),包一杯綠茶或湯。餐廳還有其他飯團可以選擇,價錢由14-17元,不同口味可以選擇。餐廳面積不大,有一張BAR台,兩張椅,椅子很舒適,坐耐一點都不怕。有一大全身鏡在內,空間感大很多。

襯還沒夠鐘上堂,跟學生走走看看附近有什麼可以快速醫肚。走過時代廣場後,發現了這間為食龍。小店以外帶型式,見時間許可便環保一點,在餐廳享用。介紹前來一個食物大合照先。點了4件腐皮壽司系列分別有泡菜三文魚,鰻魚玉子絲,蔥吞拿魚拖羅蓉,及蕃茄玉米鵪鶉蛋我就食咗泡菜三文魚,呢個配搭一睇就知無得輸!開胃醒神蕃茄玉米鵪鶉蛋,感覺好似一個迷你蛋包飯,配合帶甜的腐皮~ 好味!飯糰絕對是驚喜之作明太子三文魚,及芝士粟米雞肉跟地鐵站名飯糰店相比,絕對絕對是返本之作。店主非常大方跟個飯糰均有三份一是配料,調味出色,每一口都異常滿足。最後黎多個溏心蛋薑蔥雞扒便當第一口食落感覺就像港式油雞+日式燒雞的混合版配搭新鮮,唯個人覺得醬汁較多。整體較重口味。不過總括而言,我們學生都超級欣賞。在銅鑼灣有如此勝價比高的小店,一定會多多支持。

今日行過覺得有少少肚餓，諗緊食唔食飯嘅時候，發現之前因而嘅曲奇餅店竟然轉左手變成一間外賣小食店！而且以一個以恐龍做主題嘅日本餐廳！佢入面嘅位置唔多但係其實都有一個坐低嘅位置去做糖食原來佢係啱啱新開，所以伸張期內有好多嘅優惠～～我要咗個套餐，佢跟咗一個麵豉湯，飲得出個麵豉湯係重一啲日本入口的面試包沖的，誠意十足！另外佢嘅飯團做得好鬆軟，睇得出佢揀嘅飯和水都有嚴格挑選過，而且佢嘅左口魚飯團真係非常之有創意，至今我都係第一次聽，而且食落去Jack 少嘅左口魚味道同飯團10分配合！！！雖然原本唔諗住食咁多野，但見佢個價錢真係10分平，所以決定個套餐都係再加多少少食物！😆我自己覺得照燒雞扒飯就一般般，但係佢嘅和風牛肉飯真係好好食，佢嘅牛肉油脂比10分高，送飯一流！