為食仔海鮮火鍋專門店

營業中

休息中

帶大家食卜卜蜆👍🏻👍🏻，真係唔錯😋，湯低係清湯加辣椒🌶同蒜，唔好以為清湯就無味，啲蜆吸左啲辣味同蒜味😍但仲有保留小小海鮮味🐠，食落小小辣得泥仲有海鮮味咖而且食左咁多粒都無食到有沙👍🏻，等睇佢開蓋個下真係好過引😂一開左就瘋狂搶除左蜆仲有其他邊爐野食，例如肥牛，丸，菜，我就嗌左個肥牛🐂一睇個肥牛咁多雪花就知正啦😋😋👍🏻同埋仲有飲品咖，有沙冰，酸梅湯等等我就嗌左波蘿沙冰🍹同柚子個人認為柚子好飲啲😝

好淡😅從來未食過咁淡既烤魚...叫左個咩清魚酸既湯底冇味之餘連條酸菜都係冇味..... 響鈴係唯一我欣賞既食物，見人地個個都食蜆同龍蝦食得好滋味，早知唔試啲咁特別既野啦⋯⋯而且店內門長開，冷氣唔夠食到滴晒汗....

蜆煲無任何味道完全不知道特色可在。牛肉都係。。。其他食物份量少得可憐,由其蓝菜。。只有幾條。。。牛栢葉直頭不可入口。。。漂到好恐怖。。。松露i墨魚丸就不錯。可能我喜歡食松露。。整體食物都好一般。

見到好多朋友是上網食卜卜蜆呃like，所以就去試下啦。嗰度環境就比較窄，但係服務人員態度良好，會自動介紹你有咩新鮮，有咩好食，等你唔駛咁迷惘。卜卜蜆好快就上，個樣好新鮮，食落就甩甩地，都幾鮮味架。不過有一兩隻蜆有沙囉，都正常嘅。我哋再叫咗碟肥牛，紫菜響鈴，都幾新鮮。啲職員都會好頻密咁幫你掉走啲蜆殼去嘅，👍🏻！唔駛等你食到死枱都係。不過大部分嘢飲都係鴻福堂嘅樽裝嘢飲，所以選擇就不太多，如果有啲特飲就好啦！

諗住係網上見到$98卜卜蜆，有興趣諗住去試下啦，我地原本book9位，最後當晚只有8位朋友到場，最後埋單醬料收16個人價錢，水只要咗一支但收2支價錢，桶蠔有好多沙！問店員是否真係桶蠔？店員有D驚口窒窒話係！但我哋從末食過有沙桶蠔囉！每碟食物份量都好少，但每碟價錢就唔少，D嘢食就..嘛嘛！D卜卜蜆好鹹，三文魚5塊加少少象拔蚌$198超唔值，大家小心要check單！！！！！食物貨不對版。永遠唔會再去。

星期三的晚上，當晚7點先book8點都有位，五人叫了兩的煲，一個卜卜蜆，另一個龍蝦海鮮鍋。卜卜蜆大讚👍👍👍無沙又鮮甜，大家都爭住飲湯。龍蝦海鮮鍋除左龍蝦，還有幾隻蝦，蜆，菇，娃娃菜等等，普通。肥牛滑溜好味，擺盤都吸引。最印象深刻係蟹子蝦丸，熟左之後樣子嚇人，而且有點腥以$78/6粒黎講可免則免。菜單上既名都幾得意例如齊齊餃餃震，就係餃拼盤。仲有其他既就唔一一多講最後買單5位共$1389

幾日前經OpenRice訂枱，今日打去想加多一個位，店員話黎到要等，等幾耐唔定，我問唔使等一個鐘呀，佢話有可能。我就叫佢改左人數先算。過左五分鐘同一個店員打黎，話佢地好想做我生意，但希望我明白黎到要等位，等亦唔知要等幾耐。如果係等唔到就唔好黎。我問訂枱既定義係乜，佢話OpenRice唔知點解仲幫佢地接訂枱，佢已經cut左，亦叫我地唔好教佢地做野。

話說Facebook最近見到好吸引卜卜蜆煲，咁就同班朋友一齊食下啦首先叫左個卜卜蜆同招牌龍蝦湯底，個賣相好吸引，卜卜蜆好清甜個湯好鮮，我地8個人每個人都分到10隻8隻左右所以都唔錯，跟住呢就係個龍蝦湯底喇，龍蝦就一隻我地人多每人一舊啦，咁仲有蝦呀蜆呀，都唔錯，不過我舊龍蝦好似騷騷地咁，個湯底就好鮮甜，打完邊爐都飲左幾啖。朋友叫左個3層牛拼盤，再有手切肥牛，因為我唔食牛既所以唔知好唔好食，但佢地話都好薄身。叫左d 蝦蟹籽丸，好爽，有個芝士蝦丸都好爽好食，紫菜響鈴第一次食都幾好，鵝腸好爽，個蝦刺身都新鮮，椒鹽豆腐好食，皇帝菜都新鮮不過份量太少一份得果幾條，其實每份份量都唔多，丸都係得6粒，蝦滑豆卜無乜特別，仲有叫左餃子雲吞都幾好食。其實我地都食左好多野下仲有d無影食到後期，墨魚滑，墨魚滑面鯪魚魚麵，烏冬，無叫海鮮，個牛肉3層果個500蚊左右，一大碟果個就300左右一份，所以埋單係3600幾，有位朋友生日所以除開每人500幾。係牛肉貴同埋加一，醬料錢18蚊一位。。一般啦，以前黎過幾次，做雞煲優惠果時，印象中唔貴，可能今次豪食左？飲品叫左酸梅湯都幾好飲又大杯，個汽水罐污糟左叫哥哥換佢直情比多罐

一開始book咗枱仲要等成半個鐘！問極佢都話好快就得，仲要我哋搭枱！入坐就開始計要一個半鐘即刻走！個煲好多沙，所謂嘅自家炸響鈴都冇乜特別。本來滿心歡喜，食完非常失望！湯底非常之咸！侍應唔夠！招呼唔好，長期冇人理你， 同佢講完叫一樣嘢10次都未黎！一定唔會再黎！食物亦唔好雞腸成串無剪過！再一次證明網上面推介嘅嘢係唔可靠，好懷疑網上嘅好評係買返嚟非常差價錢亦唔係平，份量都好細碟！如果你想去試下，包你去完一定會後悔！

朋友提意去食卜卜蜆，聽個名好特別。原來係由澳門傳過黎一行五人黎到為食仔，坐底待應就比個調味料架：都係大路蒜蓉，豉油，蔥，辣椒... 而我地就兩個煲點晒最先黎既係卜卜蜆煲，就咁睇最少應該起碼有兩斤蜆以上。剩係我都已經食左最少廿隻，蜆味甜甜地，湯底有少少辣之後到龍蝦煲，真係原隻龍蝦上。入面除左龍蝦，仲有蝦，蜆，豆腐，菜同菇。湯底好清甜，而且龍蝦肉都好大舊食晒就點左紫菜響鈴，丸類，豆腐同烏冬。一定要食烏冬，吸左湯既精華再食好正。值得一讚既係，呢到加湯係真係加龍蝦湯，而唔係好似出面咁加水或者雞湯，抵讚最後，嗌龍蝦煲會送個飯。待應不走大部份既湯，加飯加蝦同菇同芝士去炒，冇得彈。咁就完成美味既晚餐，下次再黎食過

由於太忙，10日前嘅食評依家先寫！當天我們訂了房間，因為有可以有個小天地，成班柴娃娃嘈都唔駛擔心影響隔離枱，7點半已經到達，每個人身邊總有啲住係麗池（例遲）嘅朋友，飲住啤酒等，哩到最正有生啤，重要係女士最柚子味，玫瑰味嗰隻牌子，望下張火鍋紙，好多選擇，仲有我至愛嘅牛骨髓，田雞，魚標，哩啲唔係周圍有㗎！我哋點咗個卜卜蜆鍋，蕃茄湯底，12個人點咗好多野食，又飲咗好多啤酒因為有最低消費關係，去到中段我哋查單，睇下大約幾錢，發現有2款ORDER冇嚟到，即時叫侍應跟進番，當日人太多，全場爆滿，漏單一定有的，這點會體諒的，然後又加了幾款配料！卜卜蜆鍋真不錯，雖然間中有3幾隻有沙，整體嚟講唔錯，鮮甜新鮮，其他配料都好新鮮，只是碟頭比較細少！人多有好處係叫多啲唔同嘅，除番條數每人$360到，算抵食！

我們一行六人去食佢個卜卜蜆9:00去到勁多人喺度等，加上佢又話冇位，所以就唔等九點半特價時段，因為都知道特價時段一定要等到10點幾先有得食佢話有間VIP房咁我哋（消費需要$1800）就要左，叫咗個卜卜蜆勁多沙佢只不過係加左辣椒蔥蒜，同我地打邊爐配料一樣，叫咗個BB辣嘅雞煲，啲雞唔入味D丸唔起膠，安格斯牛肉勁薄，成日漏單我哋追佢單等左好耐返轉頭先話原來賣晒，我哋食食吓個卜卜蜆，因為太多沙滾起嘅時候已經不能夠食， 所以要放棄，咁就再叫多個湯底打邊爐，跟住等左半個鐘先來，店員解釋人手不足，太忙所以咁遲，店員都有禮貌，但係睇個款佢哋成日都唔記得野，叫佢幫我地追啲嘢食，隔一陣返轉頭又問返我地追啲乜嘢之後追個炸雞軟骨，見佢返咗嚟兩次都追唔到就話我哋都飽啦唔要啦，佢都話冇問題幫我地取消，點知佢一出去返轉頭就攞咗碟雞軟骨嘢俾我哋所有食物都粗製濫造，唔識煮嘢食嘅都做得出來，咁我駛乜去你度食啫我自己返屋企整都得啦！最後大家都食到成肚氣，由九點半食到12點真係伏每人$430，張單兩千幾只收現金

叫左個卜卜蜆煲，其實個湯...唔差 但啲蜆實在太多沙，隻隻都有一肚沙，食到成口都係叫左2樣菜、一兜菇、白蘿蔔、聖子都係有沙 都唔知係煲湯已經太多沙定本身都係有只有肥牛、炸魚皮同響玲係冇沙 😅希望可以啲野可以洗乾淨啲，過多幾次水

朋友生日聚會，嘗試新野我地一行8人，預早訂位，好彩訂左位，星期六8點，店外排左好多人，有訂位就可以直接上去，我地訂左房（*設最低消費2500,可以接受)首先叫左鍋底，我地揀左2個鍋 卜卜硯同海鮮鍋卜卜硯，一路滾一路開口，吃落吾算太多沙，但有少少酸辣，吾吃辣既我都可以接受到，但要系甘飲野😂用黎打火鍋可以接受，但落烏冬味道有少少奇怪海鮮鍋，我吃左龍蝦，都幾多肉，湯底用黎打火鍋好正，用黎落面類一流我地仲叫左5式刺身拼盤，不過不失，過口癮可以接受仲點左其他火鍋料，(無影到相)牛肉、豬肉、丸類、炸魚皮、炸紫菜響玲、面類...都算不過不失

本來去食之前見到有人比負評都有啲擔心 不過book左位就緊係去試下 卜卜蜆168蚊 好大煲好抵食 員工仲會幫你倒左啲蜆殼雖然數唔切實際有幾多隻 但保守估計都有90隻🤤無乜沙 食落好鮮💕仲嗌左雜菜，四寶丸同粟米 四寶丸極力推介☺️☺️湯底都重蒜味同辣味 好吸引😙我個人都食過澳門個間卜卜蜆 其實兩間都好好味 而澳門個間蒜味會重啲 少蜆少少 重點係呢間唔洗過海都已經滿足到我呢個蜆迷我地3個女仔每人再嗌多杯野飲 菠蘿冰沙38蚊好大杯埋單都只係465 除反開大概155一個人 建議蜆迷去試下