為食仔海鮮火鍋專門店

營業中

休息中

入店時 店員細心地提供了膠套讓我裝着口罩 我們點菜時 店員介紹了可以選擇優惠一人小鍋 $68 可以追加蜆 或者選擇$1甜蝦任食 看到別人枱墊了滿滿的甜蝦 很豐富！不過我和朋友選擇了一人鍋 胡椒雞湯和招牌鍋各一鍋 蓋上蓋子要等待一會兒才令湯滾起來 等待蜆都打開了 就拿開蓋子開始吃 蜆肉鮮甜 熱吃很美味 大蜆和迷你蜆都有 估計是把不同的size混合了一起還點了其他菜 有牛肉、羊肉、紫菜響鈴、魚子墨魚滑、皇帝菜、芋絲、腐竹 牛肉肉質鮮嫩 脂肪比例分佈平均 牛味濃郁 但羊肉沒什麼羊味 沒有特別～ 覺得吃火鍋也要點一些菜 所以點了皇帝菜 好吃👍🏻👍🏻因為點了太多肉 所以只追加了兩次蜆 兩次都是店員主動問需不需要加及提醒我們有一個筒可以放蜆殼 服務態度很好！（友人建議廁所加強清潔 有很大味道）

由細到大都好鍾意食海鮮所以今次朋友就帶咗去呢間轉系食卜卜蜆嘅餐廳，今次就專登劉定肚食佢9:30後嘅任食卜卜蜆，真係超級抵食啊！諗起都開心！我發現佢嘅湯底都有好多選擇，不過我就認為食最完美嘅就已經係最正可以突出海鮮嘅鮮味，個鍋一上枱發現非常足料，並無將價就貨。呢一鍋卜卜蜆非常之多肉隻隻都好大隻，而且又無沙，個湯底仲好鮮甜。最重要係啲蜆仲可以任食真係值回票價，食完啲蜆都差唔多一半飽咁滯，不過我哋都依然嗌左其他嘅餸菜，主要想推介嘅係黑松露蝦丸真係非常之好食有濃郁嘅黑松露味而且十分之彈牙。

今日又同朋友去為食仔食蜆煲啦！😎今次我哋試咗胡椒豬肚湯底，湯底非常有胡椒味，而且豬肚份量都唔少，蜆肉好好味，食咁多粒都冇沙，可見事前功夫做得好足，另外我哋仲叫咗娃娃菜、鵝腸等等，質素唔錯。另外見佢哋甜蝦刺身做緊一蚊一隻，於是好想試吓。點知啲甜蝦嚟到都唔新鮮，我哋只係嗌左10隻，但因為唔新鮮 ，所以都冇食晒，點知個一晚就已經肚痛。😭😭😭另外侍應比較趕客，一坐到夠鐘，就會收野，提你埋單走，另外漏單問題亦非常嚴重，叫咗三次都仲係咁😭服務質素好一般。

雖然大熱天時，但都唔會阻礙我食辣野既衝勁，今日同同事傾開食雞煲，夜晚就約埋一齊去旺角食。先叫了個卜卜蜆雞煲，配上大量的洋葱、蒜頭及芫茜作配料，有幾隻乾辣及大量的辣椒碎，一上枱就香噴噴，初時都只係微微辣，但越食辣味越出，不過正好啱我們喜辣者。雞肉份量夠二人食，裏面有細細隻既蜆，雞肉比較好味，吸收了辣香，但蜆肉就比較一般。另外加了個封門柳，牛肉味濃而且有咬口，脂肪唔多，所以無咁油膩。最後再加多碟油麥菜吸下個湯頭味，不過加了湯真係唔算辣。打邊爐一系列的調料一開會任加，不過本身都好夠味，基本上唔需要加調味。

今日咁岩出旺角行街，行完先係六點幾，又肚餓窩，咁就找左間食卜卜蜆的餐廳食個火鍋，我們叫左個卜卜蜆的雞煲，一次滿足兩個願望。因為太多野都想食了，花多眼亂，問返職員有咩推介就一定無衰，結果叫左個近江牛池板，職員話肉味會重好多，果然無欺騙我哋，肉唔算好肥，但肉味的確重。另外一個令我喜出望外的就係粟米墨膠奶黃包，墨魚膠本來就係吸引，入面仲有咸蛋黃，又唔會好多，好多怕會膩，剛剛好。推介。。。因為有優惠，我哋仲叫左十隻生蝦，我本來以為係日本放題的生蝦，點知係隻隻都大大隻有殼仲有蝦籽的。。。個豉油仲要有點酒味。。正。同飲品種類都好多。。竟然有薏仁水無糖。🤣👍🏻👍🏻👍🏻所以話呢，其實行過見到唔錯可以大膽d試下，可能都好有驚喜。🤟🏻

其實卜卜蜆都hit咗一段時間不過一直都未試過今日同男朋友終於去食係有得揀辣度我哋就叫咗小辣之後店員好快就將一鍋蜆送上嚟之後等咗一陣啲蜆就開晒啲蜆好新鮮全部都冇沙而且個湯都好夠辣所以非常之鮮味之後我哋仲叫咗一啲配菜呢度仲有近江牛所以我哋就叫咗邊抓脂肪分布好靚而且都好有口感之後我哋仲叫咗四寶丸每一粒都彈牙同埋好大粒充滿着鮮味之後仲叫咗油麥菜我覺得同個湯底非常之夾最後我哋仲叫咗個鵝肝蝦丸都幾特別入面真係有鵝肝嘅同埋不得不提佢哋嘅沙冰非常之消暑解渴

為食仔為於黃店林立既白布街，蜆同雞煲都好出名。於是今日同屋企人嚟試吓。首先需要讚嘅係佢衛生措施做得好足，入門口前會量體溫，派發膠袋比客人裝口罩，門口仲有酒精搓手液提供。食物方面，叫咗蒜香蜆煲，啱晒唔食得辣嘅朋友。喺店員熱情推介下，叫咗池板牛肉，識落新鮮，肉質軟熟，的確唔錯！我地仲叫咗黑松露芝士丸，芝士流心超正！最後，想同大家大力推薦佢嘅飲品。我叫咗$38嘅有子沙冰同菠蘿沙冰，唔單只係用新鮮果肉整成，夠晒口感，仲好fresh~

今晚同朋友去了旺角食飯，去了白布街食雞煲，這間餐廳有多款卜卜蜆煲，有辣有唔辣。枱面有幾款醬及葱等，亦有XO醬。我們點了一個18禁卜卜蜆雞煲，試了中辣，蜆肉鮮甜，但有幾隻有沙，雞件嫩滑，辣度都幾厲害，不過辣得夠香又惹味。之後加了雞湯打邊爐，叫了個黃金炸響鈴，十分邪惡，響鈴表面淋上咸蛋王醬，浸一浸湯就食得，咸蛋王蛋香味十足，響鈴香脆。珊瑚蚌碌一碌就熟，入口爽脆。好彩有個咸檸7，因為雞煲都幾辣，檸7正好減輕辣味感。

好耐無食過卜卜蜆煲 好掛住所以今日去左出名食卜卜蜆煲既為食仔👅 人流都唔少 都算坐無虛席架👍🏻坐低店員會先安排醬料 有我鐘意既麻醬同XO醬 點卜卜蜆同牛肉都好正😚 到蜆方面 我地就試左個18禁卜卜蜆煲 揀左小辣 個人覺得都算幾辣 不過非常惹味🤤 蜆既份量超多 大大隻好新鮮甜美 99%都開哂口 食蜆都食飽😋食到咁上下 我地都揀左d火鍋配料打邊爐 唔好浪費左咁鮮甜既湯底🥳 係店員介紹之下我地試左滋賀縣近江牛既邊抓部位 仲有黑松露鮮蝦餃同蛙蛙菜😊 之前我地都無試過邊抓 一試果然難忘丫🤩 邊抓係肋骨 包圍住牛腩既肋肉 脂肪相對上比較多 所以食落特別香 又好重牛味 一食就知係靚牛👍🏻👍🏻 黑松露鮮蝦餃大6粒 好大粒 黑松露味好濃 仲有爽口蝦肉 高質素好味道😋飲品方面 我地飲左菠蘿沙冰同柚子沙冰 配卜卜蜆煲真係一流 用鮮果肉打成 真材實料又解辣😍 呢到9:30後卜卜蜆只需$98 仲要係無限時任食😱 服務態度非常好 唔怪得咁多人泥食啦🌟

由於鍾意食辣嘅緣故，所以揀咗為食仔嘅卜卜蜆試一試，蜆煲比想像中更加大煲，而且湯底越食越辣，越辣越過癮，淨係聞都已經有刺鼻嘅味道，不過粒粒蜆都脹卜卜，味道鮮甜，食落仲唔會有沙。yummy！食完蜆之後，我哋都叫啲火鍋配料嚟食，有牛肉、芝士蝦丸、黃金炸響鈴等等😀芝士蝦丸咬落好彈牙，而且裏面嘅芝士味道好香😋而黃金炸響鈴上邊就佈滿左鹹蛋黃，響鈴好吹口，加上鹹蛋黃嘅味道，識落更加有層次，好想再encore啊！😍

分享下一則不愉快經歷，我都唔介意講係22/5晚去食。上菜食完發現有曱甴，諗住唔好搞到人做生意我就唔張揚，淨係細細聲叫個疑似老板娘既人收返。佢過一陣行過黎我以為佢會講句唔好意思，點知無都算仲要原來係趕我走(仲有5分鐘先夠1.5小時)。唔係話貪你一句道歉，但個感覺唔係幾好。加上中間點左一罐普通汽水，有個侍應同我講10蚊咁ok啦都正常價，但最後個疑似老板娘行埋黎同我講話要18蚊。總之食完成個體驗係覺得，嘢食ok但處理對客既問題就感覺好差下。下次仲去唔去? 會由一定變成抱有保留。純粹分享。p.s. 門口帶位男人就識做好多

打邊爐，來來去去都係選湯底，今次我地食呢間為食仔，佢地主打卜卜蜆煲，重有啲時段係可以無限加蜆，勁抵食，打家去之前，可以打電話去book位同問埋個優惠😀一入到餐廳，店員會為我們雙手消毒，又會向地氈噴上消毒藥水，讓我們鞋底也消毒。，非常細心👍🏻每一位客人都會獲贈一杯柚子蜜，開餐前先暖一暖個胃。我地選擇左一個卜卜蜆雞煲，味道吾會太濃，辣度選擇了小辣，非常好味。而且佢地啲蜆，好大隻，一啖一隻都可以👍🏻食完咁好味既雞煲同蜆，就加入上湯，開始打邊爐。我地叫左一碟封門柳，鵝肝蝦丸同埋西洋菜，重叫左兩杯特飲，柚子沙冰同埋波蘿沙冰。封門柳好重牛肉味，鍾意食牛既我，啱晒👍🏻 下次重想試埋特級牛頸脊😍鵝肝蝦丸 新鮮彈牙嘅手打蝦丸包住鵝肝粒，令蝦丸多左一重鵝油香西洋菜吸收上湯精華，分外好味，重有少少辣，非常野味👍🏻一路食，覺得辣都吾緊要，佢地啲沙冰，係加入左鮮果，好味得黎又有少少解辣。柚子沙冰可以食到柚子肉，果種感覺好清新，菠蘿冰係用新鮮菠蘿打成沙冰，爽呀👍🏻如果大家都想食卜卜蜆火鍋，都快啲去為食仔試下啦，記得先book 位同埋問下有咩優惠

同朋友兩人光顧 朋友訂左位7:307:20左右到門口 19:2x落單 19:45分個蜆煲黎到 20:00已經比員工（提示）要食快啲 因為舖頭好旺 會爆場 所以要食快啲 20:26分 再被提醒就夠鐘🤗兩人幫襯大約$800 未夠1個鐘就被（提醒）感覺唔好受 光顧左5 6次（以往同朋友5-6人坐房 ）第一次感覺咁差 如果同朋友聚會 要慎重考慮🙂因有時間限制 會被提醒夠鐘要離開

呢間為食仔海鮮火鍋專門店，每次路過都見到排長龍， 原來有荀野，晚上九點半前有$1一隻甜蝦，九點半後又有$98一位的任食卜卜蜆，今晚我都為左任食特價卜卜蜆而來。先奉上醬料，全部用小瓶子裝著，蓋好蓋，保證衛生。每人裝了適當份量後，職員便會收走。醬料費每位$20,值得一讚的辣味的xo醬，配蜆食超好吃，有小蝦乾，很香很惹味！要先吃完卜卜蜆才煮其他火鍋配料，因為蜆肉煮完後令湯底十分鮮甜，也不要太快加湯，吃完第一輪卜卜蜆殼後，再品嘗一下湯的鮮甜味道。蜆肉很新鮮大隻，不是迷你蜆，幾乎全部都煮得開口，而且無限添加，任食就是超值！愛吃蜆的話，最少也能加添三、四份。 喜歡這裏招呼週到，不時過來看看gas 爐有沒有火，幫你換gas, 又主動問你需不需要加蜆，真誠服務不造作，食都食得開心。加了一份池板牛肉$298,是這裏最高級的牛肉，見到牛肉脂肪紋理分佈很均勻，在鮮甜的蜆湯裏面煮一會，牛肉味香之餘，也吃到湯底鮮甜味。再點醬料，增加香味和鹹味，口感又爽口煙韌，真的不錯。為了減低罪疚感，點了一份生菜$29,吃得營養均衡。很驚喜的是，生菜在蜆湯煮完甜上加甜，超好吃，又爽口！而且生菜份量不少，是吃卜卜蜆必點的配料。還

食物味道可以 蜆好味 牛$200碟 好薄 切到好細片 好似係食過咁 價錢可以 其實叫餐禮貌都可以 就是 臨尾不停有被cher住 不太舒服 都就走架啦 都要戴口罩執袋走架 cher到我急步走咁 咩事