炳記茶餐廳 (已結業)

睇咗食評，見都幾多人讚炳記啲嘢好食，所以今日中午就決定嚟呢度試吓。可能時間尚早嘅關係，嚟到見倒都唔算人多。睇倒人地話佢啲牛腩魚皮餃好味，咁就點了一個牛腩魚皮餃公仔麵 ($14)。牛腩果然係碎腩，味道唔差，牛腩夠稔夠入味，只可惜自己啲牙唔爭氣，一食親呢啲咁嘅肉類，啲肉就會藏晒喺牙縫裏，有點掃興。至於魚皮餃一向都係我喜愛嘅食物之一，當然覺得好味啦。店內有辣椒油供應，不過如果你想要沙嗲醬，咁就要額外俾多 $1 喇。埋單時見到啲OL叫多士、紅豆冰，下次嚟試吓先。

阿餅哥哥話帶我去一間 好“up dub" 地方食好野。 拍車又方便。 我一d都唔覺得炳記up dub woh!手切牛肉好原味，  冇乜yip meat tenderizer！GOOD！ 湯底又清甜。阿餅哥哥再order“招牌”腿蛋餐包“ share食。我平時最唔中意食包，更加討厭火腿。 點知道，個包好鬆軟！腿蛋拼埋又好有home feel。 一人一杯凍奶茶走甜。 埋單＄56 （兩人）。

七月下旬•晴 在修打蘭街有兩間小小的食店，一邊是賣豬雜粉麵的永記，另一邊就是像茶檔多一點的炳記。是日想喝一杯咖啡，來了這邊，坐低才知原來也是粉麵店，不過就以賣車仔麵為主。 先四周的環境，似乎也是一間幾有歷史的地方，而在午市時間，人客一點也不少的。要了碗牛腩魚皮餃米，另外一杯凍咖啡。 牛腩是碎腩，其實一些舊店子會做這樣子的碎腩，因為以前的車仔麵店，也多會進牛腩的頭頭尾尾，扣上柱侯醬，煮成一個碎腩汁來給客人撈麵吃，取其味而非牛腩的質感的一種麵碼。這裡是做得美味的，至少牛腩夠稔夠味。魚皮餃也是預期中的味道，吃完整碟魚餃牛腩米，至少夠飽肚。 連熱咖啡一杯，埋單廿八蚊，都算是經濟抵食的。

若不是看了食評, 都不知道昔日的修打蘭街是一條大排檔林立的食街, 而炳記是當日其中一間鐵皮檔. 甚有歷史. 怪不得點野食時, 有少許大排檔feel. 今日中午, 因為公事到西環, 辦好事後正好拜訪呢間茶記. 入到去已經是下午茶時段, 這裡沒有什麼餐牌, 牆上大字報亦只有一些車仔麵及一般大排檔茶檔既野. 人丁六只是兩、二個....突然, 士多房中有多名男人走出來....有秘密暗房.........原本他們是食客, 宜多房另一端, 內有大堂, 雅座. 一人, 點了一個牛腩魚皮餃公仔麵. 黎得呢D大排檔式既食肆食野, 反正佢有公仔麵, 當然要試一試, 以大排檔茶檔一向都以公仔麵同奶茶聞名. 亦當然地, 飲品是奶茶, 不過, 天頭熱, 凍奶茶好似比較適合.公仔麵, 是一貫茶餐廳的水準. 配上一般車仔麵的料, 用上一般公仔麵既湯底, 清清地, 係屋企煮, 絕對沒有呢個味道. 牛腩方面, 不是一般車仔麵檔既碎腩, 而是井井有條, 大大塊牛腩, 雖然都只是腩邊之類, 但夠大塊已經叫好. 魚皮餃, 食得出有鮮味. 奶茶, 濃度夠, 香滑度夠. 老牌茶餐廳, 由上年紀的老手沖調, 一定有返咁上下散手.可

炳記茶餐廳 was a 大排檔 15, 20 years ago. 修打蘭街 was filled with 大排檔 in those times... 炳記 is the only one left, which proves the quality of its food. We love getting breakfast from there. Their milk tea is fantastic, smooth, without weird after taste. A hidden gem for locals

之前己經去炳記食過一次, 仲係男朋友介紹 自從上次去炳記食過之後, 就對呢間茶餐廳念念不忘 尋日, 十二月二十日, 星期六同男朋友再黎呢度食午餐 今次晴小妹妹食火腿牛肉公仔麵, 熱柯華田, 仲叫咗奶油多同男朋友 Share ^^牛肉公仔麵: 個公仔麵煮到啱啱好, 唔太淋 (晴小妹妹好怕啲公仔麵煮到好淋... 好難食... ) 好食 熱柯華田: 唔似出面茶餐廳咁稀... 奶油多: 強力推介!!!!!~ 呢個最最最好食 係厚多士, 呵呵... 出面茶餐廳奶油多, 都係普通 Size 嘅麵包, 冇啲口感 ^^ 多士係厚嘅先好食 ^^ Yummy !~ 口感足之餘, 仲熱辣辣 ^^ 勁好食 啲姐姐好好服務 ^^, 佢哋好好人喔 下次一定要再黎食過, 炳記已經打入晴妹妹嘅"米芝蓮"喔 ^v^

成日黎呢度lunch,事關好平。最愛叫雞蛋魚餃米/ 魚餃魚片米。(兩’送’好似$13/$15)雞蛋呈半生孰狀態，非常好味。魚餃都好味，絕對唔會有腥味(出面有有d茶餐廳真係好腥)。加埋辣椒油，正!不過一碗未必夠飽，唔緊要，好多OL都會再叫奶油多/ 西多士 share 。西多士緊係正啦，多奶喎。奶油多係厚厚地，熱熱地，好味!呢度d侍應及茶水做野快手快腳，好勁!!!