炯記手撕雞 (汝州街) (已結業)

深水埗好多街坊餐廳，行經見到依間好多人我又入去試下，主打手撕雞，睇餐牌都好多種手撕雞口味選擇鹽焗手撕雞小食 $30叫餸加$30就有碟，份量都唔少，雞肉非常嫩滑，鹽焗味濃鹹鹹地幾開胃，下次會試下佢地招牌麻辣秘制醬皇腩叉 $78依到嘅醬皇叉燒係炯記其中一款招牌菜，叉燒肥瘦均勻，滿滿香甜蜜汁提升叉燒質感，脆皮燒腩仔真係極力推介！塊脆皮係食到最後果件都keep住脆，燒肉唔會過鹹，脂肪比例剛好，依碟雙拼真係要試！冬菇扒生菜 $28見有咁多肉就叫碟菜食下，$28碟菜都算抵食，仲要有埋冬菇真係好抵食，冬菇係有炆過嘅，無揸流攤酸辣蒜香雲耳 $20驚喜小食！夠酸夠辣好香口，食咗幾件肉又食下冷盤中和下兼醒胃太子鵝油撈麵 $28佢地舖嘅馳名太子撈麵，豬油渣麵聽得多，鵝油撈麵真係第一次食，食落又唔係想像中果陣油膩，反而係有種淡淡香口味，加上鹹鹹地醬汁，食完一啖係會不斷想繼續食！炯記手撕雞 地址：深水埗汝州街257號地舖

朋友話試過深水埗有間鋪頭食鵝油撈麵。嘩。。。咁邪惡🤪不過我都想試下😅 睇下餐牌，原來呢度燒味都出名喎，咁就食豪啲，嚟碟燒鵝脾飯啦😋 本來想可斬，成隻拎住食😅因為想試多幾款嚟share,最後都係斬件上😃 煙燻嘅燒鵝充滿煙熏香氣，放入口之前，已經聞到陣陣嘅煙燻味，真係令人食慾大增😋😋😋被荔枝柴火燒過的燒鵝表層香脆，真的皮脆肉嫩，的確讓人難忘😍 再試埋醬皇义燒撈麵，义燒吾會好肥，仲驚瘦會“鞋”，點知又吾係喎，瘦得嚟好腍香，有肉味👍 精髓緊係呢個鵝油撈粗啦～估佢吾到又吾怕好肥膩喎😋😋😋好香👍麵質爽滑，我再加埋啲义燒汁添，真係滋味無窮😍 要特別一提呢碗例湯，隨餐奉送，好足料，冇味精，吾錯😅 跟餐加$8就有咸檸七，仲係原罐上，抵呀👍見到差不多檯檯都有叫手撕雞，我都叫碟細細地試下😅 雞肉咸香，咸道適中，肉質嫩滑，加上芝麻，入口特別香，有咬口😋😋😋 食咁多嘢都係二百蚊左右，難怪我朋友推介叫我試啦🥰

今日放工好肚餓，發現下午茶原來做到6:30 ，認真抵食！姐姐服務態度好好☺️ 太子鵝油撈麵見到係招牌菜，一定要試下！撈面好香，好好食！可以喺唔同套餐下，配搭唔同燒味😋 最緊要係份量好足，男仔都好夠食呀！麻辣手撕雞自問食開米線10小辣，呢個麻辣手撕雞超超超惹味！啱晒啲鍾意挑戰自己嘅人，朋友食開米線小辣，都覺得呢個好正！🌶🌶🌶 (10小辣嘅朋友，可以叫姐姐小辣)醬皇叉燒飯跟湯上，姐姐好好，個雞腳湯好足料，每碗都有雞腳～ 對呢個叉燒飯好滿意，每一舊叉燒都係半肥瘦，兩邊瘦住一層肥膏🙈💕 超級好食燒味雙拼 燒腩仔 + 叉燒食完叉燒飯，仲係好回味，叫咗個燒味雙拼。點知叫完發現燒腩仔都超級正，咬落去有戲劇性嘅「crisp」一聲，個皮脆到😚👏🏼👏🏼👏🏼 真係無需多講，食燒味，最緊要係肥瘦適中，大家今次睇吓啲相就知！

今日出開深水埗行街，經過見到呢間食店話有好多年歷史，食物嘅味道係由1976年一直傳承下來既然講到噤即刻入去試吓係唔係噤勁噤好味先見到食店都坐滿人，都要等一陣先可以入座，坐定定就睇吓有乜特別有乜好食值得叫先睇餐牌都幾吸引有好多想試，後來經侍應推介左幾樣必試既試吓手撕雞拼豬手撈粗：手撕雞啖啖肉，好香鹽焗味和芝麻香味食完雞食埋d青瓜絲，可以中和返個鹹味醬皇豬手，豬手好有肉入晒味，醬汁好好味而且豬手好腍粗麵，用鵝油和秘製醬油撈麵好香好滑，粗麵爽囗彈牙而且入囗冇鹼水味燒鵝雙拼（例）：燒鵝皮薄香脆，肉質新鮮嫩滑，入囗唔粉唔知係唔係用茘枝柴煙燻燒鵝關係，燒鵝特別美味叉燒，切得大細剛剛好，一啖一舊，半肥瘦有咬囗，香甜美味好juicy呢間食物質數係中上，而且侍應嘅服務態度幾好

用foodpanda叫左2人餐，2百幾蚊，入面既雞撈粗就係咁……薄薄舖一層係面……睇黎我買左150蚊粗麵……foodpanda有分一份都太誇張…..冇下次。味道黎講都ok 既

雖然我飲飲食食十幾廿年，食過無數咁多好嘢，但係我平時好少喺呢度寫食評，多數只會喺自己社交平台貼下相，同寫下用餐感受，因為覺得OpenRice介面不太熟悉，但係因為今日嘅經歷令到我，有一股無名嘅衝動，想來寫低自己嘅經歷和感受，於是的起心肝一鼓作氣，寫咗以下嘅內容。太熱天時 經過呢間舖頭，諗住入去現場食個下午茶，打開個Menu，見到個下午茶手撕雞撈麵分量都唔少（見圖），於是叫咗，但係亞姐上餐嘅時候，突然覺得有伏，因為個手撕雞分量少得可憐（見圖）；跟住同阿姐講話點解差咁遠，阿姐話下午茶旁邊嗰幅相係正價餐嘅份量，圖片只供參考（係真的，之後再睇個餐牌，就發現餐牌加右下角，有螞蟻咁細嘅幾隻字寫住，圖片只供參考），仲建議我換個正價餐，可以食得多啲，我即刻話，我唔使換啦，反而你快啲換番下午茶果幅個圖，因為根本就係事不符實。講返正題食物嘅質素，撈粗麵尚算雞油香味濃，但係一啲都唔爽口，甚至有比較難咀嚼的感覺，手撕雞肉質感覺普通，不什特別好味，不要期望過過高。以個人曾經食過嘅無數次手撕雞嘅質素做比較，呢間餐廳手撕雞質素只係普通，不值一試。

上個星期去左朋友屋企聚舊開袋鼠app見到呢間炯記撈粗好似好吸引而且折左都唔算好貴 所以就試左第一次麻辣手撕雞 雞好滑 麻辣停唔到口 要飲凍野解辣撈粗係用左鵝油 好香 而且食唔停口好快就食哂成兜撈粗😆之後自己再去食 叉燒飯 係肥叉!!!!另外再外賣左肥叉返屋企炒蛋 好正老公試左燒腩仔同燒鵝腩仔有少少肥 皮好咸香 食哂成舊都唔覺得膩燒鵝皮燒得比較深色 不過好好味D鵝肉唔會死實實/老又鞋 如果叫全隻鵝脾冇得切而且價錢貴好多 不過鍾意俱燒鵝脾就唔好錯過lu

又嚟做試食兵團,屋企附近新開張手撕雞專門店,就試下佢個午餐,飯可以轉為瀨粉或米粉, 或者加錢轉鵝油撈麵,你見我個人咁瀨皮一定會揀瀨粉喇😂叫咗個麻辣拼鹽焗手撕雞及海蜇燻蹄瀨粉,瀨粉是QQ彈口的, 上湯亦都好落足料,係用本身個中湯例湯 ,今日嗰個中湯就係青紅蘿蔔雪耳湯, 煲得好夠火候,因為好多餐廳十一點前嘅例湯基本上就係滾水😌 而手撕雞肉質柔嫩,我個人喜愛鹽 焗雞多個麻辣(百貨養百客)😋海蜇燻蹄亦都不俗, 油菜係冬菇生菜,不過我嫌隻冬菇未剪去冬菇頭食落有渣,如果將冬菇頭除去落嚟淆中湯仲好🙏