影片
港鐵灣仔站 B2 出口
繼續閱讀
電話號碼
21520369
69777721
開飯介紹
由前米芝蓮餐廳日籍師傅主理，更特設傳統圍爐裏即燒喜之次等料理，另外亦供應多款傳統及創意日式料理，配搭清酒可提升味覺享受。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
*Last Order: Lunch 14:30 ; Dinner 22:30
以上資料只供參考, 請與餐廳確認詳情
有關獎賞計劃
相關文章
「炭兔SUMITO 」是一間灣仔主打主打圍爐燒、爐端燒、生蠔的日式餐廳，食材大部份係日本直送，餐廳內設有一個Area 放滿日本生蠔、蔬菜等食材，觀感非常新鮮，另外日本傳統圍爐燒，香港比較少有，圍爐中間放置備長炭，把串好的魚類、海鮮插在備長炭的四周，燒出嚟嘅食材充滿炭火香好有風味！這裏氣氛超好，尤其是壽星，餐廳會大唱生日歌、請大家飲清酒、有生日帽影相、又有巨大特飲送俾生日嘅朋友，而且每晚仲有遊戲玩，好似今晚玩擲骰仔遊戲，就送出兩支清酒，我係今晚其中一個幸運兒，非常開心🫰▪️鐵盒燒廣島生蠔 $ 24 加配拉克萊特芝士 $ 48特大廣島蠔放入鐵盒中燒，能最保留廣島蠔的海水味，入口鮮味滑嫩，而且更可以追加熱熔芝士，原件芝士燒熔表面一層後直接倒在生蠔上，味道非常匹配，芝士控一定好鍾意▪️鹽葱醋鯖魚卷 $ 98用昆布包住醋鯖魚、薑和蔥，味道酸香清新，非常開胃▪️ 栃尾油炸豆腐伴魩仔魚 $ 78外皮酥脆，內部則保持著豆腐的軟嫩，配上魩仔魚 和香蔥，沾上薑蓉和醬油，滿滿日式家庭風味▪️炙燒和牛卡爾帕喬 $ 188Carpaccio 將生牛肉切成薄片，輕輕灸燒逼出油脂，和牛呈嫩紅色，肉質鬆軟富油香，配上洋蔥絲，非常美味▪️炭燒名古屋交趾雞 $ 168名古屋交趾雞是日本三大地雞之一，雞肉口感彈牙，充滿炭火香，可以食到傳統的土雞肉味。▪️炭燒鮎魚 $ 108用圍爐燒方法處理，鮎魚外層充滿炭火香，魚肉鮮美帶鹹香▪️鹽燒雞翼 $ 84｜鹽燒牛舌 $ 96串燒使用炭火處理，師傅火候掌握得非常，牛舌厚身入口但牙Juicy，雞翼皮脆肉嫩，調味適中，鹹香惹味▪️大刀洗產熱沾醬沙律 $ 118賣相極佳，使用日本不同縣的蔬菜，款款清甜可口，不需沾上任何醬汁已經非常好食，亦可配搭自家製沙律▪️自家製法式粟子蛋糕 $ 128必食推介，即叫即整，睇住栗子蓉一絲絲咁唧出嚟，入面包住一球雪糕，底就係楓糖Pancake，栗子味道超濃，層次豐富綿密香甜，而且仲有一粒巨型蜜餞栗子，真係超好食▪️自家製梅酒 $ 156呢度自家釀製嘅梅酒，絕對唔可以錯過，梅酒入口莓味醇香酒味清甜，口感非常好
繼續閱讀
來到灣仔一間真正由日本人主理的居酒屋，從裝潢到食材都充滿地道日本風情。這裡主打是日本直送的高品質牡蠣，絕對是新鮮度爆表。剛好碰上有食客慶生，店員為全場每人送上一杯清酒，齊齊舉杯祝賀，氛圍熱鬧得猶如置身日本祭典。🎉🇯🇵🍶👭🍽️✨ 免治鷄肉捧（$38），先由串燒打頭陣，雞肉棒即叫即燒，夠晒火候，肉質鬆軟多汁，蛋黃醬香濃滑順。🍢🐥✨ 牡蠣豚肉卷（$38），肥美牡蠣包入豬五花中炭燒，油脂香氣滿滿，同時蠔肉的味道也是很重味濃厚，簡直是創意十足。✨ 魩仔魚法包（$88），香脆法包放上了滿滿白飯飯，鹹香酥脆，越嚼越香幾開胃的前菜。🥖🐟✨ 栃尾油炸豆腐（$78），豆腐經過油炸後，非常有彈性，炸後外皮微脆、內裡極具彈性，放滿了香蔥和白飯魚，又是另一款不同的滋味。🧈🐟🌿✨ 鐵盒燒廣島生蠔（$240），以蒸的方式來呈現生蠔的濃郁鮮味，蠔肉肥美具備彈性夠晒飽滿，食前加入檸檬汁、辣韭菜和芫荽作為點綴，同時也保留了蠔肉的原汁原味。生蠔本身是六隻，因其中一隻較為瘦削，於是餐廳補多一隻俾我哋。🦪💨✨ 明太子芝士蛋卷（$108），放在鐵板上熱辣辣，芝士如熔岩般，蛋卷高身蓬鬆、口感綿軟，內餡滿滿明太子鹹香帶微辣，視覺與味覺雙重享受。🍳🧀✨ 鮎魚（$108），經過細火慢烤，只是簡單用鹽醃在魚身的表面，魚肉細嫩軟滑，微微的細骨也是非常軟身，加入少少檸檬汁令味道更提鮮。鮎魚的賣相似是一份藝術品，份外吸睛。🐟🍋✨ 吉列半生熟三文魚（$118），外層炸得金黃酥脆，內裡三文魚保持半生熟狀態，油脂香氣四溢，加上大粒鮭魚籽作為裝飾，提升了整體的口感層次。🍣💥✨ 炭燒地雞（$168），選用日本地雞，炭火直燒鎖住肉汁，肉質緊實帶有雞香，上枱後放在鐵板上保溫，邊吃邊烤更香口。🐥🥘✨ 自家製法式粟子蛋糕（$128），一絲絲的栗子泥打得很細滑，入口即化，內裡就是淡淡的雲尼拿雪糕，入口冰凍，透心涼幾滿足。🌰🍰
繼續閱讀
《炭兎 - 灣仔》估唔到喺香港地都可以食到用炭火製作嘅爐端燒之前喺福岡體驗過當地嘅爐端燒文化，用簡單嘅調味，配上原始嘅做法烹調食物，好簡單就已經可以帶到食材嘅味道出嚟，嗰次嘅經驗令我印象好深刻😌早兩日同個朋友發掘到呢一間位於灣仔嘅居酒屋，當日去到嘅時候聽到周圍都係講日文嘅人，有大量日本人坐鎮，咁仲唔係獲得當地人認證嘅居酒屋😏一入到餐廳就已經好似去咗日本咁，食物嘅價錢同埋酒精都唔離地，幾十蚊就已經有一道酒肴，燒酎、威士忌梳打都係$6x 一杯，喺呢一區嚟講都真係算幾抵飲，平過去酒吧💁🏻♀️鐵盒燒廣島蠔六隻 $240 招牌嘅鐵盒燒廣島蠔，店舖會提供六大隻廣島燒蠔，如果蠔嘅size唔夠大隻，佢哋會補返幾隻細小小俾你，不過我個人覺得已經好大隻好肥美，食落係Creamy嘅感覺，喜歡食芝士的話可以加$48配埋即溶芝士，蠔嘅海水味同埋鹹香味十足嘅芝士一齊食勁滿足，但係啲蠔太大隻，配埋芝士的話會比較膩少少，一隻起兩隻止好啦🤫💁🏻♀️燒鮎魚 $108呢間餐廳必點嘅菜式之一，就係炭爐燒魚，你會見到好多日本人都有點燒魚，於魚肉身上抹上粗鹽，再用特製嘅叉魚技術，再放到炭爐旁邊烘乾同煮熟，啲魚肉唔會燒得過熟而柴皮，我呢條燒鮎魚配上青檸醬汁好新鮮，入面仲保留咗肉汁👍🏻燒得幾靚仔💁🏻♀️芝士卷青瓜天婦羅 $58我同朋友都鍾意食芝士，呢一個芝士青瓜天婦羅用咗薄切青瓜片包住Mozzarella Cheese🧀外脆內軟，可以點少少岩鹽食吊番個咸香味出黎💁🏻♀️吉列半生熟三文魚 $118平時都係食開吉列豬扒，用三文魚做吉列都係第一次，三文魚扒好厚身，外面熟咗嘅口感係比較結實少少，而裏面嘅三文魚呈半生熟狀態，有兩種不同嘅口感，上面仲放咗三文魚子提鮮，可以點餐廳提供嘅他他醬就更惹味啦💁🏻♀️名古屋炭燒雞 $168呢一度嘅名物之一，每一枱必點，唔好睇啲雞燒到黑卒卒，其實係用咗唔同嘅醃料再用炭火燒至黑黑地一層，雞肉醃得好入味，每一件雞肉都仲係保留咗肉汁，超下酒嘅一道菜式👍🏻推薦💁🏻♀️自家製免治雞肉棒 $38每次食居酒屋我都會點雞肉棒，好鍾意日式免治雞肉棒嗰種有雞軟骨喺入面但係啖啖肉嘅口感，點蛋黃配上醬油嘅醬汁勁濃味，去到居酒屋必點，而且價錢貼地，賣相又靚，打卡一流💁🏻♀️魩仔魚法包 $88呢一度都係下酒嘅菜式，魩仔魚即係我哋講嘅白飯魚，配上橄欖油同埋羅勒醬混合成沙律，配上車厘茄再放上法包上面，一啖一件，食落有海水嘅味道，相對較濃味💁🏻♀️山芋明太子鐵板燒 $78呢一個菜式好適合配白飯，日本人好鍾意食山芋，將佢整成煎餅咁再放上鐵鑊上邊烘至脆脆，配上明太子醬同埋蛋黃，攪拌勻後配麵同白飯都一流💁🏻♀️極上檸檬燒酒蘇打 $78朋友嗰杯檸檬燒酒梳打有一串雪凍咗嘅檸檬片，睇落好打卡同埋好夠檸檬味，燒酒冰沙可以避免個酒變淡，飲到最尾都仲飲到燒酒嘅味道，朋友話如果可以落多一shot酒就好啦💁🏻♀️生果西柚燒酎汽酒 $78呢一杯酒要親力親為，個底係普通嘅日式燒酎，店員會比半個西柚我自己榨汁，再倒番落杯酒入面，西柚嘅味道同濃酒味道合拍，冇額外嘅糖漿，啱晒我呢啲唔鍾意飲甜酒嘅人，呢一杯酒精濃度OK，但係又飲到水果嘅香氣
繼續閱讀
幾可肯定呢篇係咁多篇食評寫得最暢快又最回味的一篇；沒有之一。之前睇左Ricky San介紹的片，跟住佢去搵食，都唔容易訂位。終於訂到14/6，天文台話會狂風暴雨，我同朋友毫無考慮都話「風雨不改」。雖知道一個住沙田，一個住包門，餐廳係灣仔；就知我地係幾義無反顧。訂左1830，上到去，佢話用餐時段2小時，照去啦﹗對於兩個酒鬼黎講，2個鐘係唔上唔落。先叫左sake，再叫簡單串燒。雞翼、牛舌、露筍，雖然係簡單嘢，但個師傅就係你面前燒，未食都已經覺得正。之後叫左個吞拿魚蔥卷物，嘩﹗師傅係我面前整嘅時候，我心諗.....使唔使咁誇張呀？好澎湃喎，個D吞拿魚蓉落左幾浸....連D蔥都甜過人（仲回味緊）後來又見到人食蠔，唔好蝕底，照跟﹗6隻係蒸蠔，鮮味都唔講住，最好味係個sauce；老實講，就係圖中最左面個個，當時係問左師傅係咩？但而家又唔記得左，只記得好好味；其實都食到差唔多飽......點知，見到師傅之間講起魚鮫.....我又膽粗粗問有無吞拿魚鮫.....點知主廚話有，都幾大舊.....但由於佢話2小時用餐，我就話等得你燒完都要打包；主廚轉個頭就話「攪掂左」；咁好啦，又等30分鐘，等嘅同時，又開多支sake，其間又叫多左份山藥牛舌，真係攞命，飽都覺待好好食﹗魚鮫燒好了，肉厚味鮮，真係飽都食得落﹗不過就慢慢食了﹗到8點幾......原來有個環節係生日快樂﹗可能之前同主廚都傾左幾句，扮熟左.....佢話你好似生日，我話生左....佢「夾硬」幫我戴頂生日帽，又整左杯超級大的生果酒比我，老實講，生果酒就麻麻，但氣氛贏晒﹗全間餐廳都唱生日歌，主廚同日式大廚都每枱敬酒，之後仲有遊戲玩，每單位派一個人出去猜包剪X；我梗係唔客氣博晒命咁叫同猜....又比我贏左個爆三文魚籽壽司.....真係好過引﹗終於明白點解日本人咁鐘意去居酒屋，今次係香港同聲同氣，氣氛一流；係日本就係見到人地笑，但唔知人地講乜﹗我估餐廳除左贏在食材食物招呼外，更加重要係氣氛，一個字：正。食完到而家，我久唔久都loop返 Ricky San條片，見到主廚同日本總廚.....好似細個係街到見到明星一樣，哈哈﹗係貴嘅，但係值﹗會再去﹗
繼續閱讀
週末同朋友慶祝生日，選擇咗QRE 6樓的日式居酒屋 ~ 炭兎! 之前去過氣氛超好! 採用日本直送新鮮食材, 餐牌主打炭燒料理，和式設計環境舒適. 🦪 鐵盒燒廣島生蠔 $240/半打 +拉克萊特芝士即叫即煮嘅廣島蠔肉質肥美厚實, 一口咬下Q彈多汁，原味海水味重可配搭檸檬汁或辣汁來提鮮！配搭熱溶的拉克萊特芝士；芝士拉絲口怠滑溜, 咸香四溢！🦑 醃製螢烏賊 $48醃製味道恰到好處, 口感爽彈, 十分適合作開胃小食。🍗 名古屋炭燒雞 $168雞肉以小爐上桌, 炭香滿滿,, 肉嫩甜美，十分好吃。🍣 炭火燒鯖魚壽司 $108新鮮的鯖魚肉質鮮嫩，炭火燒烤後更添香氣，份量十足。🍢栃尾油炸豆腐伴魩魚仔 $78油炸豆腐燒得乾身口感鬆化，配搭咸香的魩魚仔吃更滋味！🍄山芋明太子鐵板燒 $78 滑捋捋的山芋泥入面有軟嫩的八爪魚，配搭明太子及生雞蛋，口感順滑又健康！🍨自家製法式栗子蛋糕 $128終於吃到法式栗子蛋糕！口感綿密的栗子蓉入面是雲尼拿雪糕及海綿蛋糕，大滿足！炭兎📍灣仔皇后大道東202號QRE Plaza 6樓
繼續閱讀