炑八韓烤 (已結業)

昨日去了TKO望我初生的契孫女，契女請飲下午茶，第一次嘗炑八韓烤。人均消費60元，有清湯、前菜、主菜和飲品，非常豐富！值得一提的是韓式大醬湯配紫菜飯及迷你韓式炒粉絲。大醬湯裡的牛肉大大塊，口感、網紋有別一般平日在街市買的鮮牛肉，相信是韓牛，很嫩滑。大醬不太咸，整煲湯的蔬菜放得滿滿的，老人家都不怕食多！加$8配了一個迷你韓式炒粉絲，香濃的麻油遍佈整碗粉絲，雖然配料與中式炒米粉無異，但非常惹味！今晚試試做這道菜給老伴食！

韓式大醬湯茶餐韓式大醬湯係好受韓仔喜歡嘅家常菜，因為代表媽媽嘅味道。有幸識過一位oppa，同我提起過大醬湯，叫我一定要試下。呢日誤打誤撞來到炑八，喺門口餐牌見到有喎，$48有埋梳打特飲，正啦！餐前小食有泡菜和芽菜湯。主角終於上場～～好大碗喎，熱辣辣，離遠已經聞到好香。配菜好豐富，顏色鮮艷！咬開舊豆腐，湯汁喺入面咇哂出來。有瓜有肉好健康，煲得好入味——湯有肉味，牛肉有瓜味又夠淋，翠玉瓜和蘿蔔又滲滿辣湯。其實大醬湯只係微辣，所以一般人都可以去食嘅。最大特點係用咗好多家常食材——唔貴、健康。炑八的大醬湯性價比高，試得過！

我係炑八迷，半個月冇食尼間，新間個陣服務差都爆完全冇人理我，啲侍應好新下咩都唔知。但今日同朋友再次光顧有另一番體驗，可能客少瓜，又唔洗排好耐。侍應既服務很好，我地係咁叫人添加啲爐邊芝士蛋佢地都冇厭煩，幾好笑容，做野又幾爽快，明顯睇得出比以前係有進步，而且鰻魚同厚切五花腩都燒到岩岩好，厚切五花腩肉質結實肥美，而且好有嚼頭，包生菜加魚醬 正。最後要分享既係 食大八爪魚係要點芝士食架，味道真係一流，大家可以試下今次值得讚一讚

放假去試試新開的韓燒，等咗45分鐘終於有位。睇咗餐牌價錢並不平宜，我地二個人食，叫咗韓式伴飯，牛五花肉和牛肋骨。韓式伴飯：上到來沒人幫你伴飯（一般韓國餐廳都會幫你伴啦），呢到要自己來, FINE, 好味都算不過味道非常一般。牛五花肉，有筋，沒醃過，好UN.牛肋骨，上咗後沒人剪，同Waiter講，佢話要自己來，要再三要求先搵人過來剪。牛肋骨完全沒有醃過，沒味同好UN.最後餐廳服務： 基本上沒有服務。因為呢餐飯太難食啦，所以我打咗人生第一個食評。

今晚一家人見呢間新野外面睇幾吸引 於是就去試一試就食物質素 可以嘅 味道亦唔錯但果啲服務質素就真係嚇死人1）落完單 過左大約10分鐘 個女待應走返來問我地落單未 心知不妙 再過五分鐘 見迉過我地嘅鄰枱開始有食物上枱 肯定漏單 於是搵負責我枱落單嘅妹妹仔問 佢答要問問先（阿姐 張單同你落個喎）跟手個妹妹仔就唔見影無左下文 唯有搵第個阿姐重新落單2）跟手問啲待應要幾個碗仔 佢有本事半個鐘問左四五個人都哦完就算 最後要我自己出去搵 先有條友見我四圍開櫃桶 問我搵乜 先攞到幾隻碗3）大約9點半咁上下 我仲有半枱食物食緊 有條女無拿拿走埋來講唔該借借 咁讓開少少 諗著佢收走啲食完嘅碗碟 頂 原來佢要要走啲醬料預備收場 嘩大佬 一我仲食緊 二仲有半場人未走 居然玩清場？4）大約9點9 呢次到忽然有個阿姐 粗聲粗氣問我食物齊未 齊就找數 後生女就話新手十下十下啫 連上年紀嘅都成個街市婆咁款 知唔知乜叫顧客服務架總體而言 呢間野 十分係滿分 食物可以比七分 至於服務 一分都比多佢 絕對唔推薦 亦絕對唔會再幫襯

原先book話可享2個鐘，本人book6:00,5:45分鐘到食到6:50到，當時有牛肋排及豬頸肉及牛肋肉未燒，有個職員走埋嚟幫我地燒諗幾好服務，一口氣想燒哂D野，原來催我地走。咪叫佢D牛肋排唔好燒住食唔切。佢停了一分鐘唔夠又走埋嚟燒埋再熄火。攪到D野食唔切凍哂。原來喺叫我地7:10交抬，於是咪問訂抬話可吃2個鐘，(walk in 時間短d）佢check完話係，因為燒哂野轉頭收曬野再係我地對面擺位。真係超差的態度。

上菜幾快手呀 員工動作都幾快 有禮貌 埋單時都好好 唔洗等咁耐 整體上係有效率嘅！表現都不錯 有生日歌播 幾窩心下 環境都算乾淨 食物味道都可以 賣相都正常小菜味道都好好食 所以新開將黎講 都合格！

外面等左20分鐘終於有位，無奈入到去冇人招呼， 裏面又唔係多人，新嚟嗰啲客個個想晒前菜同湯 ，我哋落咗單都冇人有嘢送到，叫人去追，又冇回覆，終於決定唔食就走了！去櫃面講番比佢聽，職員都是若無其事算了。

前一日先book都book到位，不過就要5:30入場食lol......都好，唔洗等！叫左個父親節套餐，其實都幾多野食，我地一行三人都食到好飽！☺️☺️☺️☺️埋單$9xx(就咁個餐好似係$7xx)開頭以為個餐冇飯，而父親又係一個"飯桶"，所以另外叫左個飯團，so far都唔錯！原來個牛骨雪濃湯係有配飯lol.......淡湯幾好飲，啖啖充滿牛骨味，撈飯一流！正題黎啦，佢有塊超大既牛，牛味十足，燒到岩岩好，咬落去肉汁必出黎！其他燒物都幾好，份量十足！唯一敗筆既地方係個泡菜煎餅同燒蝦，煎餅唔夠香口，味道偏淡，而蝦就唔多新鮮，仲有少少雪味😪😪😪😪😪服務幾好，幾貼心，加番唔少分，總體係ok既，會再去！

這間分店食物貴格唔飽，味道一般，最差是侍應毫無經驗，落單錯哂！仲要多人時食物未齊就已經叫人埋單趕人走！ 明明自己落錯單, 但就好意思叫人不如打包, 認真趕客! 真係以後都唔會幫襯！

又一間新餐廳開張，今次係連鎖店炑八韓式燒烤。新開張果幾日都人頭湧湧，今次又係趁閒日中午黎食，又係唔洗排隊yeah之前夜晚食過炑八都覺得唔錯，今次係第一次食午餐，韓燒以外既野Lunch Menu都幾多選擇 每款都想食飲品都係 樣樣都幾吸引最後揀左豬肉泡菜鐵板粉絲$42鐵板上熱辣辣 出晒煙粉絲好味 泡菜豬肉夠辣咁簡單既菜其實唔會難食得去邊好可惜 d豬肉有一半都係呢d 成舊既肥肉即時再望一望menu, 乜我叫左豬腩肉/五花肉咩而泡菜又多過豬肉 所以好似食緊泡菜粉絲咁柚子檸檬梳打 跟餐加$6除左梳打味 我飲唔到其他任何味道午餐加$48 汁燒豬肉紫菜包飯超失望，一d 麻油香味都無，唔好食得出既結論係去炑八淨係食燒烤既野食好喇

新都城新店， 開左幾日， 勁多人， 等位等左1個鐘。開口有綿花糖俾細路食。 應該都係新開呢幾日先有。 食物吾錯， 上葉 refill 都好快。 有職員幫手燒。五花腩燒到岩岩好， 豬皮一般。

劣評！！！味道係ok嘅，但其他方面全部都劣評。首先，上食物次序全錯。先上前菜同肉，過半小時再上清湯。侍應係一次過捧十幾碗清湯出黎，見你枱頭無就擺低幾碗，完全係隨心隨意，你有無一碗清湯完全睇你運氣。好，就快食完之際，侍應再上催足4次既白飯加生菜籃。之後再上之前無既芽菜前菜。對於侍應，落單又落漏，都算。追單，追足4次，即使向經理追單，仍無回音，直到開始鼓躁，另一經理先開始跟單。講返上菜，我地叫咗一個餐，但同一碟肉就黎足三次加生菜籃都黎足三次。其他枱既食物亦擺錯喺我地枱3-4次。絕對唔係淨係發生喺我地一張枱，其他附近幾張枱都不停上錯同上多。想知道到底啲侍應係點睇單同埋佢地到底有無跟單做人。啲侍應需要well trained需要進步，佢地連餐牌有咩都未知，毫無經驗，完全唔ok。除非有進步，否則呢間分店無下次。

Lunch同媽媽去食韓式烤肉叫左一個128一人餐，包前菜、湯、爐邊蛋任食，仲有碗salad😜同一大碗溫泉蛋牛肉飯！肉選左豬五花腩、牛五花肉以為好多肥膏啦，但其實都唔係，燒起上黎都不知幾正！都算嫩口！後尾見一碟肉又唔算好多，所以叫多個78蚊既五花腩肉同牛臉肉😋但估唔到佢仲送多一大碗飯俾我🤦‍♀️🤣搞到食唔晒，要打包左個飯！總括而言，價錢同食物質素成正比！唯獨可能新開張，唔夠人手服務！