炑八韓烤 (歐亞銀行大廈) (已結業)

Book左7:307:15，已經到左7:20，先入到坐7:25，叫好嘢食7:45，前菜 一碟都無 嘢食 當然都一碟都無 爐都未開 7:55，終於上菜，上左菜5分鐘先開爐，真有趣🤔又無鉗子，唔通要用手😅8:00，終於開左爐，終於有鉗子，食咗10分鐘覺得有啲奇怪。原來一直未比醬料😅大佬呀，我想食餐飯姐🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠

🌕 中秋節快樂！😇😇😇🔹早前炑八做推廣$218 月餅套票，其中包一盒月餅同各式各樣嘅餐飲優惠劵有八折優惠、免費韓式烤腹肉（$128）、免費豬皮（$78）、免費醬油蟹（$258），其實係非常之抵，一個價錢多重享受🔹不過優惠期就非常之短，要一個月內月晒。🔹呢盒月餅就係佢地Fly Me to The Moon 系列，入面有6個月餅仔，有4種唔同口味😊其中包括：綠茶紅豆，奶黃，黑芝麻，無花果🔹#包裝好精美，成個旅行喼咁，仲要有埋個機艙行李帶貼紙添🤭 淨係個賣相已經值回票價

上個月炑八做推廣，推出左一本叫「月球旅行護照」🪪嘅優惠卷，真係成本護照咁好得意！本護照價值$218，包一盒月餅同各式各樣嘅優惠卷✉️，有八折優惠、免費韓式烤腹肉（$128）、免費豬皮（$78）、免費醬油蟹（$258）等等（仲有其他唔詳述了）注意‼️每張卷每次只可用一張，而且唔可以同其他優惠同時使用，使用期限到9月尾。用左張醬油蟹🦀就已經抵番晒，盒月餅就當係送嘅～如果你一心諗住試佢個醬油蟹，其實都唔洗諗。講番盒月餅，今日中秋節，就去兌換埋個月餅🥮，點知有驚喜！佢唔係傳統嘅月餅盒，而係一個旅行公事包，非常之有特色。入面有6小件月餅，有4種唔同口味。好唔好食就唔知了😅 祝大家中秋節快樂🥰🌕🌕🌕

早前去旺角炑八分店俾店員sell左買月餅套票，其中包左一本餐飲passport（禮劵需要喺九月尾之前用晒），所以今日我地又去幫襯要試佢嘅醬油蟹！而今次就揀左太子分店試下新環境太子分店位於地牢，樓底矮，裝修比較舊同埋通風系統都幾弱，所以食完成身都會有燒肉味😅始終都係旺角分店環境最好最衛生🪑坐位以卡位為主，枱與枱之間隔離都好近，而且冇隔板，私隱度好低…醬油蟹 $258 醬油蟹跟一個紫菜白飯，白飯用珍珠米，可惜冇飯香而且啲米彷彿過分浸泡，好林…..所謂紫菜飯只係面頭放幾片紫菜🤭🤭第一次食醬油蟹，都冇乜期望因為未食過😅隻蟹好細，極少肉，同埋冇乜蟹膏..而且非常之咸，食完要飲番好多水去解渴。下次有機會去醬油蟹專門店試先有得比較

Book 8:30食飯坐底冇耐 叫第一輪食物 (4,5碟食物）燒燒下肉就講截單(大概9點)😅入座前冇講9點就截單即刻加單洛野食…(一早知9點截單 唔會選擇食 原本仲打算book9點 好彩冇炸)😂餐廳客人3,4枱 追加配材追左3,4次 先有人幫手😃其中芽菜追加3,4次先話冇囇選擇種類唔多 其後加既食物都係呢幾款😖 肉質亦不過不失 海鮮類選擇甚少…比較好食既係頂級霜降牛小排 188$@6件其他都還好…太子呢間認真麻麻 少失望…去其他分店食從來冇試過咁樣 食物質素都冇其他分店好…

食物質素良好，但係服務態度惡劣，啲員工好似唔願做咁，個個員工都黑口黑面，貼錢買難受，價錢不便宜食咗2000蚊，以後不會再幫襯，希望可以改善服務質素。人流不算多但員工不願做，我們是第一次幫襯的，就遇到咁既服務態度希望公司能改善服務質素

已知會在附近工作，又突然好想韓式野，見到OpenRice 有book位優惠就試下啦，點知有魔鬼小細節（自己都有錯 冇睇清楚），要消費指定套餐或餐點先有，但服務員冇提示，重點係店內冇咩人。最奇怪㗎係點餐時要問返客人價錢？（呆咗！）明明佢哋有部機係手，而且叫㗎野又唔多，都要重覆3次，勁無奈😪仲有差啲想唔俾伴菜（多數伴食烤肉 我哋唔係），staff 拎住啲伴菜經過2轉都冇俾，最後自己問先有野食正常的，只係奇怪點解呢間鋪頭咁奇怪，明明其他分店都好好服務的，唉～～

食物質素，大醬湯是我在香港喝過最美味的，大量蔬菜及豆醬熬，還有牛肉的鮮味，濃郁可口，牛肋骨煲的材料滿滿，牛肉質素好，蚊燉出原味，沒有其他亂七八糟的醬料味，正！ 一食再食

今時今日想不到竟有咁差概餐廳。事源是點了半隻雞及其他配菜，足足等了50分鐘有多，絕冇跨張，期間問幾時會有，開始時話好5分鐘、之後話好快、再之後直頭唔理，想話退錢唔要便算又唔比（其實是冇視），試問現在咁差的經濟下，點解仍然有這樣的服務呢？我當然唔會再去幫襯，但應該告知市場，讓市場懲罰佢。

餐廳今次推出左以人氣動畫”EVA”嘅聯乘限定套餐「三色五花肉韓牛味蕾補完套餐」。套餐包含三色五花肉，牛舌，牛小排，鰻魚，韓牛前胸肉，冷面。首先店員會送上沙律，三款迷你前菜同埋生菜。而燒烤爐左右兩側分別用於製作粟米芝士同埋爐邊蛋，其中粟米芝士更加係炑八特有嘅配搭，好少係韓式燒烤店會見到。牛肉方面採用韓牛，油脂分布比較平均，肉味亦都比較濃。值得一提嘅係佢哋嘅韓式鰻魚，有別於傳統日本鰻魚，韓式鰻魚係整條放上燒烤爐去燒，魚肉一啲都唔會鬆散，燒完嘅時候沾上韓式醬汁，十分有韓式風味。飲品方面就點咗EVA主題嘅蝶豆花乳酸飲品，凡惠顧EVA主題飲品都可以附送一款EVA杯墊，EVA迷一定唔可以錯過。 💰人均 350

我係一個eva迷，今次炑八同Eva合作真係令我好驚喜，叫咗個LCL生命之水其實係柑橘味梳打，有落足料味道都好夠，EVA 套餐除咗有無限芝士粟米添之外仲配置咗關於eva特色紙牌裝飾，成個氣氛好好，好鐘意出面門外紙牌公仔，關於嘢食方面個冷麵無乜味，最讚嘅係牛肉嫩口同鱔都好食，燒完之後香口咗。so far 覺得每一樣都恰到好處。但你話值唔值個價位，我覺得係可以平啲嘅，呢到有個小建議除咗賣eva系列嘅餐具，整啲Eva使徒嘅形狀嘢食或者整多啲主角杯墊去抽，例如葛成同渚薰其實都好熱門，希望會有第二彈合作，期望有更好嘅合作活動出現。

有兩名男生服務員態度很差，上錯飲料搞得是顧客的錯一樣，我們客客氣氣跟他說，他態度很串，請問顧客是去吃飯的還是去受氣的？不過有一個女生服務員態度很好，說話也有禮貌

今日同朋友想燒肉大家異口同聲都話去炑八睇黎炑八既高質已經係common sense 餐牌好多選擇，有套餐有單點實有你喜歡的三味牛小排呢款有三個口味，分別係原味，韓式秘製醬油同梨汁辣醬3個味道都好好食因為本身牛肉既質素好好油花分佈好靚食落好香好嫩厚切豬五花試埋豬肉係咪都咁高質答案係一樣高質好大份好抵食豬肉好新鮮，粉紅色就睇得出燒完好邪惡油香味好濃食唔停！豬皮呢樣燒烤都係第一次！但有驚喜燒完口感好特別外皮焦脆但入面既膠質好軟淋有2種口感推薦一試醬油蒜頭有骨炸雞半份炸雞火喉剛好炸到外脆內軟保留住肉汁，好juicy估唔到炸雞都做得好好！八爪魚原隻上，好有誠意八爪魚好新鮮，食落爽口彈牙加上辣醬好惹味

一上枱店員會附上多款前菜同沙律，當然唔少得爐邊蛋同芝士🧀食完仲可以無限添加✿三味牛小排 牛小排嘅大理石紋非常豐富，肉質非常鮮美，軟嫩多汁✿厚切豬五花每邊都要燒耐啲，燒到脆卜卜，燒完就剪開，包埋生菜🥬蒜片、泡菜同韓式辣醬食一流！油香滿滿😋✿蔥蒜牛舌牛舌薄薄一片，肉質細緻，輕輕一燒，肉質柔軟，口感又嫩又多汁✿八爪魚大大隻，用上辣油醃製，燒後更惹味彈牙✿豬皮本身已經熟咗，再拎去燒一燒就食得入口骨膠原滿滿✿醬油蒜頭有骨炸雞半份 份量超多，炸雞皮脆肉嫩有肉汁，伴碟仲有炸得好香脆嘅薯條🍟-皇牌士多啤梨乳酸梳打-荔枝梳打

#燒肉 #太子美食 5月尾最後一餐,係附近訂左位食飯一入座就遇到個好友善有禮既服務員,好的開始坐低就可以用電話落單,好方便,慢慢睇有咩好食我們的燒肉時光套餐 $698 包括了澳洲和牛肩肉,蔥花牛五花,牛舌片,大蝦,牛小排,彥陽牛肉無骨炸雞一份,6件飲品另加20蚊一杯起,多款特飲,平均一位$400其實唔貴,有蝦又有牛,抵食,仲有前菜泡菜任食,一個字爽原片牛肩肉脂牛肉嫩,肉味濃郁,燒5成熟夾埋生菜食一流牛五花夠肥嫩夠香氣,口感柔軟牛舌爽口,味濃牛小排超重油花,口感柔軟,牛肉極香濃大蝦鮮甜爽彈,夠大隻炸雞配薯條,炸雞無骨雞 一口SIZE 夠脆口,唔大份,但好食特飲啖啖橙肉,好飲解油膩!#canonphotography #BLOG #blogger #HKBLOG #hkblogger #HKFOOD #HKFOODBLOG