炑八韓烤親子餐廳 (愉景新城)

營業中

休息中

整完甜品行過隔離就可以係炑八韓烤親子餐廳食埋野今次我地試左窩心摩天輪配士多啤梨果茶🎡🍓店員知我吾飲得凍野仲特登整左杯熱柚子蜜比我添不過我都係忍唔到飲左兩啖士多啤梨果茶口感十足🍹呢個摩天輪要係本小朋友menu度先揾到🍓入面有包括5款食物🎡-炸雞🍖-蛋餅🥚-紫薯條🍟-紫薯餅🧆-飯團🍙每款食物都吾錯🤤好適合大人小朋友行過呢邊一定要黎試下我見到仲有其他野都好吸引下次一定要約多兩個朋友黎試

荃灣炑八韓烤親子餐廳 充滿童趣 🈴 適合全家大小的親子餐廳環境就像幼稚園般可愛讓小朋友一進來就不想離開簡直是小朋友放電的天堂起大人進食同時，小朋友就邊食邊盡情遊玩入面有 波波池 、🛝滑梯 無敵Fun ～🎃萬聖狂歡雪糕窩夫$132四塊煙韌的窩夫餅，搭配幾粒新鮮的士多啤梨🍓一球香濃的雲呢拿雪糕👻巫婆魔藥士多啤梨沙冰$52沙冰呈現出士多啤梨的鮮美口感如同士多啤梨麥旋風🌀裡面還加入了許多Oreo增添了口感與風味

👧🏻同媽咪去炑八工作坊整完甜品，等蛋糕雪凍嘅時候，我地去咗隔離嘅炑八韓烤親子餐廳食下午茶，嗌咗萬聖節期間限定嘅甜品，提早感受吓節日嘅氣氛😆🫶🏻🎠黑暗旋轉魔法甜品宴甜品宴有五樣甜品，有柑桔慕絲蛋糕、士多啤梨慕絲蛋糕、南瓜慕絲蛋糕、雲呢拿慕絲蛋糕同焦糖布丁，每款都做得好精緻吸引！我哋最鍾意食軟滑香甜嘅焦糖布丁，甜度剛好。🍹芒果Oreo幽靈派對沙冰芒果沙冰大大杯，芒果味香甜清爽，上面唧咗唔少忌廉同加咗眼仔朱古力，營造萬聖節嘅氣氛！底下有好多整碎咗嘅Oreo，攪勻之後飲，令成個口感豐富咗。

承晉哥好鐘意整野食，一有機會就當然同承晉哥整不同食物😊今次同承晉哥去左位於荃灣愉景新城嘅“炑八烘培工作坊”，整瑪德蓮蛋糕🤩😍🥰整完蛋糕後，我地就係“炑八韓烤親子餐廳”，食埋下午茶先😊承晉哥今次揀左蘋果柑窩夫配雪糕+有生果有雪糕，當然係小朋友至愛喇!而媽媽我就點左一杯士多啤梨果茶，內有士多啤梨肉粒，味道清新😊而小朋友仲可以到playhouse玩波波池，滑梯，軟積木等...有得食，有得玩，小朋友嘅天堂🥰

🍭🧁#旋律甜品響宴 配 #手打鮮橙茶 🍊🍹一上菜嗰下瑤瑤係開心到彈下彈下🤣🤣因為個旋轉木馬除咗識轉🎠仲要有聲㗎🎠瑤媽聽咗一個鐘頭嘅happy birthday😅😅（佢唔比我熄。。）每件蛋糕都食暈曬真係滿足到不得了🤤🤤最後攞埋馬卡龍返屋企搭車嘅時候仲立即瞓著咗🫢🫢真係又開心又可以放電🤩‼️強烈推介一早去整烘焙🧁然後中午嘅時候去食佢個午餐😎因為大人嘅午餐真係勁抵👍🏻👍🏻百幾蚊已經有四款自選肉既 #韓燒套餐 媽咪食到好滿足🤭🤭小朋友又可以嗌個兒童餐，然後又入去波波池再玩過🤣🤣下次要帶曬三個嚟😝😝大人放心食韓燒，小朋友喪玩

今次帶仔仔黎整麵包就係度叫個窩夫做下午茶🥭叢林芒果窩夫配雪糕窩夫份量十足，香脆夠厚，甜度適中，兩份人食剛好！ 我地叫嘅係芒果窩夫，真係有半個芒果係上面，芒果都幾甜。仲有士多啤梨和藍莓作點綴！配埋雪糕一齊食，多重口感😋😋😋另外，我仲叫咗杯🍓士多啤梨茶士多啤梨很香，飲落味道清新，唔會太甜，仲有粒粒士多啤梨，有得飲有得食！😝仔仔食完窩夫就去咗餐廳內playhouse 玩，我就可以慢慢歎杯野飲😌😌

暑假尾聲, 趙bb 仍然沉醉玩樂中🤣 佢好鐘意整野食, 因為有得食, 所以同佢去左 “炑八烘焙工作坊 + 炑八韓烤親子餐廳” 整壽司 + High Tea🤭 最吸引既係有得整, 有得食, 仲要有得玩👍🏻 因為餐廳有 playhouse, 食食下野可以去玩, 等待整野食成品又可以去玩🤭整完之後, 仲可以喺 “炑八韓烤親子餐廳” 食個燒烤或者 High 個 Tea🤭, 餐廳選擇好多, 仲有要兒童餐, 一定啱哂小朋友🤭 我地食左 🍎蘋果柑窩夫配雪糕+ 🍓士多啤梨乳酸特飲, 甜品小朋友最鐘意, 又唔太甜, 好味道!😋

絕對無下次….見網上comment 好好 又有playhouse玩相約朋友一行9人（6大3小）前往用餐食物：貴！份量好少！肉好一般，絕對吾值呢個價錢衛生：Playhouse細而且做人流限制，完全冇人理冇人睇，入面玩具/波波池都幾污糟服務：睇得出人人都好忙，坐係到叫人係冇用，叫極都冇人睇到？？只可以行出去搵人幫手🥲總結：6大3小（2歲）埋單$2300 性價比超低整體黎講係冇樣野滿意，絕對絕對唔會再有下次。Ps: 食完之後有5個病左（3個中左手足口病、2個發燒感冒）

係愉景新城嘅炑八食tea，叫咗水果窩夫和芒果乳酸特飲，味道都唔錯，小朋友仲入左去好正嘅遊戲室遊玩，入面有波波池和好多玩具。水果窩夫是一道色彩繽紛，窩夫的香甜與水果的清新交融，特別是搭配了橙、藍莓、菠蘿等多種水果。擺盤也相當吸引人，用心地將水果切片並精美地排列在窩夫上，提升了視覺享受。芒果乳酸特飲是一款清爽可口的飲品，以新鮮芒果，搭配乳酸飲料製作而成。這款飲品不僅顏色鮮豔誘人，更是夏季消暑的絕佳選擇。芒果的天然甜味與乳酸的微酸平衡，使得整體口感既清新。

明明2大1細訂座食飯 餐廳硬要將訂位改成2人 但係少於2歲以下既小朋友都有低消燒烤的話亦有必點2個燒肉等規定點其他同價錢餐點不計在內 被餐廳唔計人頭既小朋友要點一份兒童餐 連加一約200 賣相唔錯但味道太濃唔適合幼兒 安排坐卡位 問有冇放梳化的bb櫈 職員指冇 唯有坐ikea座地喺走廊中間 大隻d既小朋友會頂腳因為枱底有爐位但後嚟發現係有放梳化既櫈🫨🫨遊樂場既地方大但偏向簡陋 而且肯定冇細心清潔 波波池有d癡立立地下同波波池邊位滑梯攝住垃圾頭髮塵職員大部分都好新手咁!? 上菜會將熱湯放bb手邊 總括呢間親子餐廳唔係好親子friendly 就單單唔計小朋友人頭 玩既地方衛生欠佳就唔推薦大家去！

放假來到愉景新城，整下野食真係拍拖的好活動，我地在隔離炑八烘培工作室整完麵包，等緊焗的期間，就去餐廳食個下午茶，款式都幾多樣化，可以揀窩夫/蛋糕做甜品，想食肉可以揀韓燒，我地就揀左個下午茶摩天輪入面有好多款小食，包括有蛋卷、飯卷、炸雞、紫薯條同紫薯餅，啱哂我們唔太肚餓，只係食下小食休息下，食物都係新鮮熱辣，炸得香脆好食。我們另外加左杯手打士多啤梨茶，酸酸地唔會太甜，好解渴。食得七七八八，導師就過來話我地聽個麵包出爐了，過去整埋d裝飾，就可以聽日做早餐啦！

服務非常差，帶咗四個小朋友去，除咗小朋友開心，食物一般，十問九唔應，唔會再有第二次，你要我燒烤，咁個盤燒到燶晒你都唔同我換，除咗埋單係快，其餘都非常慢，但係啲侍應扮睇你唔到，係最過分，仲要我係食五點，嗰陣時係冇人，一啲都唔親子嘅親子餐廳，叫一個兒童餐百幾蚊，但係唔熱嘅，雖然唔係要好好食，但至少你都俾啲服務，小朋友要把刀切雞，塊面黑到呢，一係你就自助形式俾我哋去拎配料，10分唔愉快嘅用餐，二千幾蚊我唔會再黎嚟呢度食，真係唔會再有下次，一年前嚟嘅時候係好愉快嘅，我都唔明究竟係忙啊，定係公司叫佢哋睇扮唔到客人呢？

今次帶小朋友黎整開曲奇🍪就係度叫埋個蘋果柑橘窩夫雪榚比佢食😌窩夫有唔同嘅動物公仔點綴喺窩夫上面🐰仲要有大大舊蘋果🍎同柑橘🍊,仲要有小朋友最鐘意既雪榚係度,同小朋友一人一半真係都好夠食💕個口感仲要好脆卜卜❤️另外再叫咗一杯藍莓乳酸特飲🫐味道酸酸甜甜好易入口✨呢度好處係,就算小朋友食飽左,媽媽都未食完,佢哋可以安靜繼續坐喺座位填顏色❤️或者玩餐廳內既playhouse💕媽媽真係食得安樂晒😂

我之前睇過單張，炑八有烘焙坊暑假我地參加左炑八烘焙工作坊去整冬甩🍩一開始哥哥已經好興奮😆而且好主動同我講「媽咪我想自己試吓」媽媽我都好信任佢，放手被佢試一開波 ，打蛋🥚噢！好興奮既哥哥，爆到彈晒上衫好彩有圍裙🤪導師好有耐性引導小朋友🧒🏻輕輕力試多次，而哥哥又真係做到👍整個流程，由導師帶領都好留心跟到導師既進度仲同導師有傾有笑🗣️今次只要哥哥想我幫手做咩，我先落手幫佢成個主導權我都交俾小朋友整好上半part 要入焗爐啦係焗緊既時候呢小朋友係可以去入面個🧸playhouse 玩一陣到焗好左就可以返去做埋下半部分搽咩朱古力🍫落咩配搭都由小朋友發揮小朋友 好開心😊其間香氣四溢忍唔住口，一啖，兩啖⋯三啖⋯不停試味⋯滿滿歡樂😆同成功感整完就急急話要拎返屋企比妹妹同爸爸食整完我地就去食個窩夫🧇叫左個🫐水果窩夫上面有小朋友最鐘意食既水果都幾大個嫁👍我地一人一半就岩岩好賣相又精緻⋯飲杯野休息下小朋友就填下顏色得閒來坐底食個甜品都係一個開心既親子時光環境都好舒服👍啲凳仔仲係冬甩🍩形，好可愛小朋友都坐定定，家長食嘢又安心真係一個好玩又有得食親子餐廳呀☺️

同小朋友嘆個tea，順便俾佢去波波區放下電，又唔使燒烤咁麻煩，作為媽媽又可以chill下😆⭐️棉花糖窩夫 $102唔知漏單定要需時，等咗40分鐘以上，如果想食就要預時間早啲叫！份量都ok，有4塊窩夫，生果有士多啤梨🍓，都ok新鮮！小朋友最鍾意食棉花糖😋😋😋⭐️士多啤梨乳酸特飲 $52另外叫咗杯飲品，都係要等40分鐘以上，相信應該係漏咗單，如果可以注意下就更加好。特飲方面ok ，不過不失，最緊要小朋友開心